生記粥麵 (已結業)

响呢間品粥名品食咗咁多次，忽然記起係從來冇試過食佢哋嘅清湯腩...總覺得食過大埔郡記及天后華姐後，冇乜衝動再去試其他...忽然今日D衝動番返嚟...簡單只係叫個清湯腩撈。湯比郡記及華姐嘅出品冇咁"清"，但都算甜，已不俗；腩以切腩為主，炆得相當腍，確實有水準；麵有少許鹼，亦唔夠爽，係最差嘅一環...但相比其他庸庸碌碌嘅所謂大店已係高出一皮..

女生在遇到進退兩難的dilemma時, 通常會把命運交俾個天-- 亦即係陌生人把口。廟街各大神算就好比心理醫生, 大家都係想個心好過d而矣。兩女生道聽途說, 結果都係let him go。過後, 想食碗十分溫暖的魚卜粥... 結果行去生記, 希望有得食。坐低都夜晚九點幾, 距離眾呀姐收工時間不到20分鐘, 眾呀姐見到我地坐低, 都有少少不悅之色, 我又唔怪佢地, 始終人之常情。先問有冇魚卜, 咁夜梗係唔會有啦。魚腩呢? 都梗係冇啦。最後叫左鯪魚球豬膶粥同牛腩撈。我不太喜歡鯪魚球的關係, 食落去都係食之無味, 完全感受唔到有幾好, 始終我同鯪魚球冇magic呢。豬膶就quite good, 黃沙膶好脆好香, 粉粉的口感就合我同朋友的口胃。牛腩撈味道意想不到地唔錯。牛腩幾腍, 有牛味。我鍾意佢蠔油分開裝, arm曬我呢d唔鍾意蠔油撈的人。另上的上湯也甜, 整體來講係好吃的。仲有果碗薑蔥豉油, 真係好食, 我同朋友都搶住食。最後想添食, 呀姐嫌我地阻訂, 話冇曬。最後, d呀姐坐曬o係度等我地2個走, 我地都唔好意思磨爛蓆。想起James Iha, " You have to be stro

見到咁多好評所以去試下,但我覺得食物只是ok, 叫了魚片粥, 粥底好普通, 魚片一般, 不是話好差,但吃完回家好口渴,好像下了不少味精...^^o 而皮蛋更加不掂, ai最令我卻步係d亞姐, 問佢大的小的是什麼size,她很不耐煩地答我地...咁你個menu冇寫清楚,都係問你一聲啫 ^^o, 我地都唔係一路落單先一路諗食咩個d人,但亞姐未落完單就想走,好唔耐煩咁,仲話,你咁夜梗係冇魚腩啦(不是友善的態度..),今時今日咁gei服務態度. 仲要食食下有個亞姐好大聲咁打咗個大乞嚏冇按住個鼻..OMGi won't go there again~

煎魚餅（$8）﹕幾香鯪魚球粥（$24）﹕粥底ok，鯪魚球都幾彈牙，但我個人還是認為妹仔記d粥好味d油炸鬼（$6）﹕唔夠脆，麻麻地炒米粉（$8）﹕都算可口蘿蔔牛腩河（$24）﹕男友話Good通菜（$10）﹕ok啦

近排食咗好多餐粥--- 銊記、陳漢記...今日就輪到生記..油蔴地分店開咗咁耐就旺咁耐，唔係食飯時間都差唔多full house，可見識貨之人大有人在...叫咗碗魚球及第，再加油條及炒米。油條當然唔係自己炸la，只係腍pat pat嘅交貨。純粹叫嚟浸响D粥度食，所以冇乜所謂，而且嚟依度主要係嘆番碗靚粥ma，對其他嘢嘅要求就唔會咁高；粥底依然甚綿，同陳漢記可謂不相伯仲，其他配料仍然新鮮，特別係豬心，爽口彈牙且鮮甜，屬意料之外。炒米炒得甚乾身，配合少少榨菜絲及肉絲，甚有吃頭...埋單三十六蚊，食到捧住肚出嚟，太抵..

D粥係主角,真係好正,其他都唔錯,仲空氣清新添,最唔好係....人太多.非煩忙時間來就好好多,不過,我試過晚9點來,好多料都無了...

hi,I have tried the Fish Bone & Belly congee. One of the best congee i have ever had in HK! Really tasty! The fish are fresh and congee are soft and smooth! I really missed it after a week. sure will be back. More suitable for lunch or tea. The price is not cheap though! It cost $30. for just 1 congee.

今次0係同男朋友第2次食生記,全因我掛住d魚腩.男朋友叫魚腩肉丸粥試下,我覺得d 肉丸好好味,好滑好有肉的鮮味,魚腩一樣份量咁多同埋咁滑.但我男友話太多骨佢唔識食,haha..咁佢唯有下次叫番魚片粥啦.其實佢一早叫蟹粥ga,但賣哂.下次要早d 去食.仲有d味精可以落番少d,因為食完之後真係好口渴.

魚腩粥唔夠妹記好清湯腩好味牛筋好'淋'煎魚餅夠香口但果皮味較重個人認為妹記略勝一籌~~~

去油ma地突登黎食生記的魚腩粥,係男朋友講話呢間0係上環好出名..我本黎唔知道有幾好食,不過男朋友話好食就信佢啦～果然冇信錯啊～個魚腩粥d魚腩好滑,又多,D粥又香...愛死呀！！另外叫左皮蛋就唔掂．唔好味呀～！叫多碟油炸鬼,中中間間啦..唔淋同埋幾脆咁啦～

幾年前係中環返工, 間唔中都行去上環總店食魚粥, 驚嘆佢地既魚夠新鮮和其中一個女侍應的記憶力....尋晚我o地特突o試下油蔴地分店, 我們叫o左一碗滑牛粥($18),一碗魚腩粥($24),一碟菜心($10)加一碟油炸鬼($4),無幾耐, 個阿姐話魚腩無晒,改魚片好唔好,因為間粥鋪出名食魚粥, 所以我只有無可奈何話好, 等o左好耐都未來, 我們唯有追下個order啦,個阿姐又話有魚片和魚腩o岩o岩先送到,要等等..有無攪錯呀, 又要等....又等o左好耐都未來, 爽性叫個阿姐改番食魚腩粥!!!!!幾經轉折, 我o地終於可以嘆番碗馳名的魚腩粥, 都不錯既..又大件又新鮮...但如果俾我選擇, 我都係喜歡食番上環既魚骨或魚腩粥.......

星期五晚八點零鐘, 係油麻地搵食, 天寒地凍, 突然間諗起食粥, 又突然間諗起生記係九龍開左分店, 就打去上環生記問地址, 原來就係MTR附近, 都好易搵.上環就食得多, 呢度第一次, 入到去都有八成客, 一行兩人, 點了魚腩\"嘔\", 細雞, 炸麵, 炒米. 炒米就同上環一樣, 一般貨, 炸麵就已經凍冰冰, 不過唔係即炸0既可以原諒, 粥同樣綿, 材料同樣滑, 食完同樣勁口渴, 相信係味精作怪.環境係新舖較好, 不過我都係喜歡上環阿四眼姐姐嗌粥0既神乎奇技.

終於有機會試..因為唔太肚餓, 只係叫左碗魚腩粥可能碗粥無蔥既關係, 成碗都好有魚味,d 魚腩真係唔錯, 剛熟既魚肉好滑, 好有鮮味..碗粥既口感雖然幾棉, 但係就稀左d, 要扣分.p.s. 星期六晏晝都唔太多人, 仲可以揀位.

已經過了食晏時候，應該人不多，來到之後發覺我要排到第八個位，利害。但剛巧多人離開，固要等時間相應較短。其實選擇頗多，但因首次幫襯，就來一碗魚腩牛肉粥及皮蛋另上。魚腩牛肉粥算大碗，減了$3後都成$29，算貴；食落粥底夠棉，絕對沒味精，與和暢各自精彩，魚腩份量夠及新鮮，擁有坊間粥檔少有的鮮魚味在，又沒有泥味，不錯，反而牛肉普通，需然夠淋夠鮮，但牛肉味較薄弱，相比魚腩差遠矣！皮蛋無疑是糖心，但始終沒有酸姜中和的味道較難接受，最終要和與粥內才能清掉。

上兩個星期六，同朋友係油麻地行街搵野食，經過呢間鋪，記得有人推介過呢間粥店，雖然係7點未到，出面已排咗成十個人，好彩我地得兩個人，唔係等咗好耐就有位啦！叫咗一碗魚片粥(細)、一碗牛腩牛筋麵同一碟炒米粉。碗粥雖然係叫細嘅，我覺得都唔細，而且有好多魚片，個粥底又啊啱啱好，唔會好稀或"漿"，好耐冇食過咁正嘅粥喇！至於個炒米粉都唔錯，唔會油。至於個牛腩牛筋麵，啲牛腩牛筋都稔(OK啦)。都未食完，就聽見啲伙計話啲魚片賣晒:-)地方就比較迫，不過都可能接受。