生記粥麵 (已結業)

被專業人士訓話近廿四小時，之後的兩天也只能吃白粥，是日終於可以吃返有配料的粥，就二話不說來到生記。位置雖然隔涉，但不算難找，在YMCA則，三時許人龍依然，靚姐客氣地要求調檯，轉了兩次檯，終於可以安定定坐下，在老粥舖也預了要調檯兼搭檯，也沒什麼。撞手身問問有無魚膘粥，一番擾攘後，送來扣底魚膘鯪魚球豬心粥。不算綿滑廣東粥底，略帶甜味，不如上環店般綿厚，魚膘老式做法下料酒爆過，三時許的魚膘質素自然不如朝早吃般鮮味，但軟糯的口感，收貨了，鯪魚丸是手打的，軟身又帶微微彈性，只下了少量蔥粒及胡椒粉，既又鯪魚獨特味道亦不會腥，是水準之作，豬心爽嫩，下了不少調味，一貫老式演譯。粥底質素比起廟街幾間老式粥舖天然，魚丸及豬雜配料也不錯，吃完碗粥，回復精神，繼續作戰。老友連日來送上的魚湯及白粥，在此謝過。

覺得此店跟上環的那間味道和服務有些分別,這油麻地分店真是一次差過一次,店員個個黑口黑面都算了,而粥品除了餸多之外,最差是粥底極重味精和鹹,令到我食到一半鹹到要放棄和食完之後數個鐘頭都極之口渴,真是前所未有呢!!

呢日九點幾收工路經呢頭，走左來呢間食下﹗見佢門口又有蔡瀾又有飲食男女訪問，應該不錯吧﹗唔想食粥，所以我點了招牌清湯蘿蔔墨魚丸麵，而工友則點了牛筋牛腩麵﹗麵來了，先試湯，鹹得作吐.........咁都叫清湯？唔係呀嘛？一飲就知是味精鹽水啦﹗真的鹹得十分誇張﹗蘿蔔是招牌貨，入口不算腍亦有渣，點解係招牌菜呢？墨魚丸彈牙不過不失﹗不過重點係0的麵，一箸夾上來，一陣濃烈的梘水味撲鼻，入口雖然無咩野，不過聞到有點怕怕﹗工友的牛筋不錯，既有彈性又大舊又有咬口﹔不過0的牛腩就一0的都唔腍，可以講話係韌添，同埋唔算太入味﹗唔..................下次不會來了﹗

奇怪沒有人介紹牛丸? 蔡瀾阿蘇都讚好味喎?的確很好味，唔黐牙，還有點脆卜卜的感覺，很有趣! 值得一試!受歡迎、唔休做的店，難得阿姐的服務一流!

香煎魚餅：一點也不油膩，但黏口了一點，男朋友覺得都係唔夠香口，即係煎得唔太夠，如再燶一點更好。雞粥（細＄１９）：粥綿雞滑，酒味濃，而且雞為淨雞肉－啖啖肉，奈何我不太喜歡有酒味的雞，唯男朋友的喜愛。鯪魚球粥（大＄３３）：粥底也是綿綿的，鯪魚球多到食極都有，而且一定要加豉油及蔥，更惹味；鯪魚球很大粒且彈牙，但是不夠味道，可能係我食慣了胡椒粉而覺得下得不夠多吧～生菜拼菜心（＄１１）：因為臨近收工，菜都收起了，故此起了雙拼給我們，皆因男朋友知道我不吃生菜，所以不要淨生菜，而通菜同菜心又無乜剩喇，咁就整了個生菜拼菜心給我們了。菜烚得剛好，不太林，而且蠔油是另外有一隔的，不會直接林上去而令到ｄ菜好咸，好！由於１０點收工，所以想食魚都無喇，魚腩魚片都賣完了，而炒面都是沒有了．．．下次要帶男朋友早一點點來先得~二人行只是吃了七十蚊有找，幾抵呢~

去親油麻地，間唔中都同男友仔到尼間生記，因為ｄ粥真係好入味，每次入尼食碗粥都無令我失望。油炸鬼送粥都次次叫兩鍱先夠食，真係老字號．勁！有時係要排下隊等下，但都好快有位．

上環果間食過，唔錯，今次同小朋友去左油麻地呢間，叫左個﹕切腩面﹕切腩 ok ，算林，有牛味，有根有口感…，面都煮得唔錯！油菜﹕好平好大碟，比出面同價油菜份量多一倍，難得！雞粥﹕粥幾綿，雞好滑，好香酒味，唯雞味去唔到粥到，畢竟係生滾粥！Overall 都唔！

在YMCA上瑜珈班後 餓著肚子踏入 生記.媽媽說蔡生曾嚐過這店的魚腩粥, 於是要了一碗魚腩魚球粥, 另外點了一碟香煎魚餅, 通心菜, (爸爸的)牛丸貢丸麵.才3分鐘左右, 爸爸的牛丸貢丸麵就上場了. 其他食品也相繼送上. 效率很高. 牛丸貢丸麵 :只嚐了貢丸和麵, 貢丸彈牙有口感, 味道好. 麵亦爽口有質感, 不但沒有一般麵的鹼水味, 反而有湯水的甜味. 好滿意.無油通心菜:附送腐乳醬. 熟的程度剛好, 很翠綠. 但因為菜是白灼的, 有點無味, 跟腐乳一起吃總算不過不失.魚腩魚球粥($33)/魚腩粥($28)魚腩又新鮮又滑, 雖然要挑魚骨但幸好魚骨大根容易挑. 因為魚腩始終本身清淡, 所以配上薑,蔥花豉汁調味就美味得多了. 而粥很清甜,想清清淡淡的話, 魚腩粥是個不錯的選擇.魚球其實就是鯪魚球, 比 海皇粥店 的鯪魚球遜色了 海皇粥店的魚球陳皮味重些, 又加入蝦子所以較惹味, 又比較彈牙. 比生記的鯪魚球好很多!!香煎魚餅 一點也不油膩 比鯪魚球惹味些, 皮層較特別, 膠質似的. 個人認為厚些的話會更表現口感.環境方面, 一切簡潔白色為主, 光線充足. 冷氣好厲害, 吃完熱粥後

好綿, 又唔似屋企煲果d咁杰, 又唔似其他粥鋪咁稀, 綿得咁咁好食完又飽肚, 又唔口乾(無味精似的)仲可以叫 大碗 或 細碗, 岩晒女仕是次叫左一碗雞粥; 一碗皮蛋瘦, 綾魚餅 + 油菜環境 比一般茶餐廳好..都算係甘喇.

02.08.20086:xx p.m.但不要抱太大期望嗌左碗清湯蘿蔔($18)同魚片粥($19)蘿蔔,,普通正常既味道,,魚片粥,,魚片切得很薄,,而且食到很鮮味,,但!粥底..起初幾香,,不過稀,,唔掂

去到唔係太多人ja wo...可能係星期五啦~叫左豬潤魚腩粥....好好味好正~!!!個粥好香...好好味...d魚腩好新鮮....豬潤好滑...o岩o岩熟...唔太老....朋友仔叫左綾魚皮蛋瘦肉粥....有分大同細的試左一啖...個粥底都係好有瑤柱味....d綾魚球都可以啦...如果荃灣都有一間就好啦

第一口先渴湯，覺得好咸好多味精，與九記/華姐的都不能相比；再吃腩，都幾腍身，但切得比較細件。麵是有點腍身了一點，不夠爽口，非常普通。通菜夠大碟，自動無落油。另外叫左皮蛋就完全唔掂．凍既好似食緊舊冰咁！Overall is OK!

今天晚上開始感到身體有點不妥了，為免加重病程，只好找些清淡的食物了。下班前在OR中找來找去，發現上環生記粥品專家在油麻地也有分店，出奇地是在我要去的地方附近。近水樓台，這店當然變成是晚用膳地方。上次試過了魚球，今天試的是滑牛魚腩粥。女友要的是米王(細)，再另加油菜、煎鯪魚餅和一杯熱檸蜜。生菜爽甜翠綠，不用蠔油已經甜味十足了。再來的滑牛魚腩粥，滑牛受到極少量梳打的干擾，牛汁經烹調後都流入了粥底之中。而魚腩一如上環的出品，鮮味魚味十足之餘，清草味完全吃不出來。就是如此，一碗充滿著牛肉汁和魚鮮味的粥品便在數分鐘之後被我吃光光了。下次再來試該是滑牛豬肚粥。女友的米王深藏不露，深者為其味也。原來這裡的米王加入了大量的乾瑶柱來敖成，所以在米白之下，滲透著一點點瑶柱的鮮味。那些需要師傅出馬的粥品店，其實不一定要用上味精，粥底也可以美味非常。煎鯪魚餅外層有點脆口，內部柔軟滑滑的，魚味十足也下了不少古月粉來驅走清草味。味道在一般以上。吃完後跟阿姐傾談，得知這邊也有魚鰾粥，看來要找天早上專程過來品嚐一下這個在上環"爭崩頭"的"名粥了。

差不多晚上十點來食左個及第牛肉粥, 牛肉得好少, 豬心就勁多, 其他配料分量都OK, 粥底就傑左少少, 但係食完返屋企好口渴.............

行過，先醒起太座從未來過，似乎點講都講唔過去...叫碗魚腩粥俾太座，自己則獨食及第...魚腩依然新鮮，瑤柱粥底依然無出其右，足料又夠綿滑，最厲害嘅係食到碗底都仲咁綿。只有灣仔景叔嘅粥底先可以同佢相提並論...各款豬內臟用嘅亦係鮮貨，最出色莫過於豬粉腸，一點苦味及異味都冇，冇得彈...食完粥後再encore多碗蘿蔔牛腩麵。麵淥得太淰，鹼味倒是不重；腩係清湯style，帶點肥膏，啱晒我，算做得頗淰，但味道就冇華姐嘅好；湯底偏鹹，不對小弟個人口味；本來對蘿蔔有D期望，但食落只覺大而無當，不夠甜只餘亦有少許渣...以後再嚟，決定只專攻粥一味，已足夠...