生記粥麵 (已結業)

(21/2/08)坐得逼逼,有時想食好野,真係無計。炒米粉$10,好住家feel,但就咁擺o係廚房,放凍晒,米粉硬了。清湯蘿蔔牛筋麵,好清o下,唔緊要,因為麵好滑,好香蛋味;蘿蔔清甜;牛筋輕"孽"味,吃得好安心。及底粥,粥底好香雞味,豬潤熟度剛剛好,老公對粥有要求,都讚賞。

舊舖是去了不下數十次,新舖卻是十隻手指數得出,踫上是日出'城',便打算來碗早粥,但此舖竟然是開11:00,反正有事先處理,打個白鴿轉返黎,正好是開門時間.新舖比舊舖是闊落得多,檯椅多一倍以上,服務亦跟得好足.因為下一場打算去'萬豚屋'食烏冬,只好叫了碗細雞加豬心粥當小食.味道和粥底一如舊舖,夠綿夠滑,分別不大,雞肉跟豬心一樣用燒酒醃過,帶點酒香,雞是選上淨雞肉,無骨之下啖啖肉,正.豬心切薄片之餘有咬勁,又是值得一讚.油麻地至旺角最少有三間食粥店舖,又各有特色,真係總有一間係左近.

要食碗似樣嘅粥，始終都係呢度...粥底綿，味道比花園街街市妹記冇咁濃，較合小弟口味。見到坐响對面嘅夫婦不斷用匙羹去"攪"勻D粥，不禁搖頭。就算D粥有幾綿都食唔出la...應該要慢慢响粥邊"片"嚟食，先食得出真味...魚腩鮮甜，豬潤切得薄薄，口感彈牙，但有點苦味，美中不足...炒米粉落咗少許老抽，加埋榨菜絲及瘦肉絲炒，比其他粥舖來得高級...永遠不會叫人失望...

上環生記一早吃過,其位於油麻地東方街的分店,就未去過.新店新作風,環境也比老店的好得多,老店狹窄得連舉起手,也恐怕撞爆其他人的鼻.來到新店不要吃粥,要個清湯牛筋米.牛筋當然同清湯腩一樣,用清湯煮,牛筋本身沒有什麼味道,用清湯做法,果然沒有甚麼味道.勝在質感挺豐富,每一件也充滿骨膠原,吃罷或會真的皮光肉滑.始終,牛筋還是用柱侯煮才好.

因要去佐敦上堂,又有時間多,諗住去尖沙咀食完行落去,但最後係去油麻地食完行翻上去.下午二時半,要等位,等咗十五分鐘度,一坐底,即叫野.魚腩粥$25-六舊腩,啲粥好快變水,但好清牛丸米$18-牛丸好散,有啲穌味,但自製煎魚餅$9-好細塊,冇魚味,好假,但彈牙灼油菜$11-好淋油炸鬼$4-半條,好(益),係有陣(益)味凍檸茶$11-一般埋單$78,總括嚟講一般,都幾貴!!!

和友人行經油麻地東方街，對方要求到生記吃粥，我看一看門口，心想：「又係一些新派的粥品店，只著重門面的華麗，那有品質可言呢！」我就十分不情願光顧，於是反問友人：「好吃嗎？何不到別家去呢！」，友人笑言：「生記你都唔識，似乎你好打有限！」，唉！見佢咁講咪即管跟佢入去試一餐咁多，入到去人頭擁擁十分擠迫，使我滿不是味兒，打開餐牌發覺粥品有大、細之分，細的$18及大的$36，如果花三十幾元食碗粥，那倒不如乾脆食碟飯啦！所以我求其叫碗$21的牛腩麵作罷，友人點選了細碗的猪潤粥。當食物一上枱，才發現那細碗的豬潤粥確實一點也不細，友人一個人吃不完，所以我分了一杯羹，粥底確實企理，又香又棉，豬潤新鮮脆卜卜的且厚度適中，店舖還主動跟給一碗薑葱豉油，以便蘸食。至於碗清渴牛腩麵的牛腩肥瘦均等，肉質香口，只是麵底屬一般貨色，雖然不算差但無特別可取之處。經此一役，方知此店非平庸之輩，之前小弟確實承認有點跌眼鏡。

經過見到生記，好似幾出名，就試一下感覺生記應該係以粥品出名，叫左豬潤肉丸粥同蟹粥。潤ok，肉丸就麻麻.....蟹粥就真係用晒一隻，有膏，但唔夠鮮，唔夠甜....叫多個菜拼蘿蔔，收$24....都幾貴...

這天特地到生記試它的招牌貨，一個人要了魚腩粥和牛筋河。$25的魚腩粥有五塊魚腩，魚是新鮮，可是現在的魚啊肉啊都沒啥味道，所以我覺得只是普通。牛筋河嘛，那河粉真的很滑很滑但少，牛筋份量足不過沒有味道，連嗜淡味者如我也要加調味。總的來說，價錢偏貴而食物一般而已。

在附近工作多年, 都未試過幫襯, 所以前日放工後便來吃碗著名的清湯腩河。上檯時才發覺清湯腩是沒有蘿蔔的! 叫錯了, 但算數, 照食! 牛腩切得細件而且有點肥, 但非常腍, 味道也不錯. 可是份量也比較少, 當下午茶吃是ok的, 但當午飯就太細碗了!

晚飯想加(食送), 其實不需要每次斬大舊叉燒...來買個"清湯牛腩牛筋+蘿蔔”外賣一樣惦!清湯牛腩牛筋: 牛腩半肥瘦，燜得很淋，很入味! 口感足夠，有咬勁卻不韌~ 牛筋我更喜歡, 入口有即化的感覺！！筋真的好“膠”，colagen好豐富呢~沒有加鹵抽的牛筋顏色還是淡淡的，感覺上也比較天然, 但味道依然出色...非常入味！清湯幾鮮甜，呈淡黃色，油份一般，不多不少。喝完都沒有口乾.....全部用來“送飯”了！清湯蘿蔔: 一向愛蘿蔔的我差不多幹掉全部！它沒有“甜得假”的幣病，燜得很淋身和入味，正！

Tried Chicken Congee a few weeks ago. They used chicken fillets without bone. I could only taste wine flavor with the chicken fillets, but no chicken taste. Even the congee tasted like "white" congee. Had beef balls at the same time. Still delicious. But for chicken congee, no more in the future.

清湯腩麵：湯底鮮，清湯牛腩腍，麵質一般。魚腩粥：粥底鮮，過稀；魚腩無味，以薑蔥鼓油伴之。煎魚餅：多粉且不香口。後語：口乾，「鮮」味不宜太重。

今天和女兒到油麻地二記及上海街購買廚具，由於家住屯門，好粥難求，於是先上OR搜尋粥店，就決定來生記一試，13:45到達，等了數分鐘，可以入座了，女兒要了牛肚河($17)，本人點了肥腩河多蔥($18)、凍啡($9)，(慶幸阿姐沒說----得、得、得)，食品上桌了，果然是肥腩，果然多蔥，心想我比kc兄好運多(有幸)，先嚐湯底，可以吧！再嚐河粉，還算可以，因為本人比較愛吃偏淋的麵，吓！為何是麵而不是河粉？難道是此店之特色？難道我中了KC魔咒？正在有所疑惑之際，女兒說：「你是叫麵的啊！」，「吓！係咩？」唉，無言以對，老人癡呆症又發作，回說肥腩，真的很碎，比KC兄的還要碎，還要少一半(不幸)，淋滑程度不見特出，我亦做到，鄉下佬少出城，再來個細鯪魚球粥($18)，粥底不錯，魚球很滑，(可能接受了下面食友之意見)，此物推介。

油尖旺佐敦經常係我地搵食既地方，呢日都係靠呢個網頁搵到間咁了能的粥麵。呢度既清湯腩話出名喎，咁試下囉。嗯，真係冇介紹錯，個湯好清，ｄ腩又腍，ｄ蘿蔔又甜，正！至於另一碗豬心魚球粥呢，個豬心幾爽，而個魚球就多粉左ｄ，要扣分。整體來講呢間野都幾好味，不過貴左ｄ，但係佢咁偏僻都咁多人幫趁，證明都唔差。

工作完畢，想起生記這間分店未試過，就來吃碗清湯腩米。四點幾，人客不少，過江龍也有捧場客。這裡單併18蚊，雙併有牛腩的就24蚊，淨腩三併也只是31蚊，好像比上環店便宜。叫錯了麵，在阿姐入單之際及時更正，阿姐答「得、得、得，可以」；要多青，阿姐又話「得、得、得，無問題」。上檯時卻仍是麵，當然沒有多下蔥，無謂再吩咐了，照吃，但真教人無可奈何。先渴湯，幾清但不算夠味，與九記/華姐/群記的都不能相比；再吃腩，帶一點肥，非常腍身，也有老店的水準。但切得細件，吃落不太過癮，總覺「碎濕濕」的；麵是有點鹼水味，亦太腍身了一點，不夠咬口。18蚊，幾便宜。