生龍清湯腩 (褔榮街)

營業中

休息中

今日本身同個frd 想去維記既~但見維記勁多人排隊~打消左個念頭~見到對面呢間野~蕃茄牛腩?令我有少少諗起勝香園~同個frd 來試下~價錢其實比一般茶餐廳貴~我食左個咖喱牛腩反~我個frd 食左個清湯牛腩反~有得比你揀半肥瘦定全瘦~我同個frd 都揀左半肥瘦~咖喱反我叫左少辣~幾好味wo~係feel 到落左好多咖喱葉~但d 味算適中~要賺一賺d 牛腩~真係幾唔錯~好腍下~我朋友個清湯牛腩飯呢~值得推介下~份量都幾多~個清湯幾好~d 牛腩用清湯先試到水準~正!算係物有所值~~有機會再來!!!

返學之前去食野~一去到深水埗就諗起依間野~又入左去食~今次遲左少少去到~點幾到~好多人~又冇左個優惠~兩個人叫左個咖哩牛俐飯(小辣)，同埋清湯腩飯(半肥瘦)真係好好食~因為D牛俐好淋~完全唔同出面其他餐廳既牛俐~咖哩都幾香~亦伴有多件著仔~very good~不過D飯就凍左少少~而個清湯腩都好好食~不過都係唔夠淋~可以再淋少少~但係個湯就非常得~好好飲~好清~真係一D味精都冇~由於無優惠~所以都無叫野飲~而且都真係有少少迫既感覺

朋友又大大介紹一間正野比我我對朋友o既推介不嬲都好有信心先order個黑白胡椒牛尾牛尾以小食黎計份量就真係少左d胡椒味重..但不會辣夠晒淋, 不過本人對胡椒味重的食物不太欣賞主角來了, 各自點了一碗蕃茄清湯腩湯飯朋友已經說有屋企煲蕃茄薯仔湯的味道!!果真沒錯...只不過薯仔變成了白蘿蔔味道仍很搭~~~蘿蔔沒有渣仲好入味=3=清湯腩更不用說, 入口香而不膩....肉味夠最後不得不提杯奶茶...名為斯里蘭卡奶茶真係一試愛上了, 佢有茶餐廳的感覺但茶味更為特別, 入口有陣茶香味...與一般紅茶味不同難以形容的好味!!那一晚飲了兩杯.....那天晚上訓唔著~~~陰公 Orz但比我再飲都會繼續ar~~~正!!!

今天又是一個人吃午餐，自己吃東西，多數挑些未吃過的食肆試試，福榮街食肆繁多，吃過的食肆倒是很少，今天想吃粉麵類的食品，不過「維記」及「劉森記」先後光顧過（詳情請參閱食評-《身體健康》及《初嚐竹昇麵》）見到「生龍清湯腩」威武的名字，醒目的招牌，看到一句「無味素秘製清湯腩」，心裡頓時來了吃清湯腩的勁（吸引不是別的，就是因為無味素）於是決定入去試試。與一般的粉麵店一樣都是搭枱而坐，第一次來吃，當然先研究一下餐牌。牛腩也分上三種，包括招牌清湯腩、爽腩及崩沙腩，看樣子，也做得蠻專業的。第一次來，叫個招牌清湯腩河粉準沒錯，如果這樣也出岔子，那也就沒話可說了。清湯腩也分（肥、瘦、半肥、淋）（餐牌用上「淋」，應該是指「腍」吧！）也不知怎地，眼見餐牌上寫肥，也真的很好奇所謂肥的清湯腩能肥到什麼程度？於是把心一橫，決定挑戰一下。招牌清湯腩河粉不一會，我的招牌清湯腩送上來了，先看一看清湯腩，約有四块左右，的確是有夠肥的，不過跟我預期的也只肥上一丁點。肥的清湯腩在油脂與肉的比例上應是3：1吧！先試上一块，清湯腩很腍，很有肉香，加上有一大塊油脂，油香非常突出之餘，入口亦很香滑。而且牛腩應該只用清湯去炆，沒加其他

國慶日，和男友在ssp食lunch，由於他已吃了lunch，於是我選了這間未試過的店子一吃。時近下午兩點，不過人卻沒有減少，都要等了十分鐘才可入座。當然點一客招牌清湯腩河，叮囑要肥一點的腩。河粉一來，先喝一口湯，清是清，不過總覺得有點人工的味道。而牛腩已要肥一點的，不過還是嫌有點瘦，更顯得有點鞋口。後來男友才說他在荃灣吃過覺得沒甚特別，吃完才告訴我，真氣人。

　　本來考慮去食唯一豬潤牛肉麵，但係又見佢鬼咁多人等位，所以今次諗住試新野，雖然行過好多次但係無試過，今次終於都試左啦！　　１　蕃茄牛肉豬潤米　　　^^ 超好味，好香蕃茄味，仲濃味過自己係屋企煲d蕃茄湯~~正　　２　招牌牛腩河(半肥瘦)　無特別...唯一特別係特別......硬同鞋......（都唔知點解牛腩會係招牌野，諗唔明！）　　唯一提一提大家，唔好去佢個廁所，尤其長者同大肚婆，佢個廁所係後巷，又濕又滑，再加上地下鋪磚又有油，真係”扇”到不得了！仲滑過溜冰～～小心！小心！

昨午10月10日同老公行深水埗, 諗住試新野, 經過這間生龍清湯腩, 好似ok喎, 裡面人又多, 門口仲等位, 諗住好食啦, 不過no good 囉, 我們原本諗住叫招牌清湯腩, 但又見牆璧上介紹坑腩, 問侍應有乜分別, 佢話清湯腩瘦些, 坑腩肥些, (食牛腩梗係肥小小好食啦), 所以, 我們叫了兩碗坑腩河, 首先, 望到碗湯, 好油吓喎, 再飲啖湯, 真的偏油,坑腩肥瘦適中, 有鮮味, 但吾夠諗,碗內有一舊白蘿蔔, 又硬又吾香, 吾好食既, 唯一河粉算幼,ok嘅但咁嘅質素成$25一碗, 吾值囉

諗唔到Lunch有咩好食~之後見到依間~我個地頭蟲朋友話好好食咁就入去一試~叫左個崩沙腩河~我個FD叫左咖哩牛俐飯~黎左之後~一飲D湯~very good~夠晒清~不過就差少少鮮甜味~個蘿蔔好好食~冇渣~河粉都係一般野啦~再食一舊崩沙腩~煮得真係好好~煙韌得黎彃牙~GOOD~之後試左我個FD既牛俐~咖哩未有認真既品質~反而要讚佢既牛俐~係出面食親~唔係太咸就太燶~又或會太韌不過今次係度食就好好啦~佢整到好腍~咖哩又唔算太辣~掛左係牛俐上面~入口個陣都呆左下~值得一讚~仲有~佢設計咖哩上既心思~因為唔少餐廳都冇諗到依樣野~佢有分大、中、小辣~適合唔同既人去選擇~剩係依份細心~已經值得一讚而佢仍可改善既地方就係佢野飲方面~叩左杯凍檸水~不過唔知係咪見我肥~冇落糖咁~冇咩味~雖然係咁~牛腩牛俐已令人一試難忘~決心下次一定要再去食過~

地方好窄, 坐得唔舒服, 呢種係快食餐廳, 你唔會想逗留多一陣, 店內冇toliet, 要兜去後巷清湯牛坑腩幾好食丫, 認真鬆軟播~幾香架...多謝60大元米線確實唔掂, 碎yumyum 兼太腍.,... 基本上係要"buk" 黎食.. 蕃茄湯都okay好味.. 就係衰左個米線炸雲吞既油臆味太重................... 麻麻地...

聽聞深水埗開了一間好似好好食的牛腩,昨晚終於走去一試但..........鋪頭主打是***清湯腩***當然要試,坐底落單好上菜....首先是**腩汁蘿蔔**碗入面油多過湯,蘿蔔硬過我條命,入口淡而無味(我估是蘿蔔熟後才落腩汁並不是一起煮)難食再來是**咖喱腩河**咖喱好食入味,但是牛腩不太入味(我估兩樣都是分開煮)ok啦跟着是**清湯腩飯**我點的是半肥瘦,牛腩一般沒有驚喜,湯淡淡的ok啦,入面又是硬過我條命的蘿蔔,對比我的至愛(天后&灣仔)鋪頭簡直差十萬八千里最後是**咖喱牛肉角**反面這個有驚喜,個皮炸得很脆,入面牛肉很入味,好食整體來說如果未食過可以一試(可能Ｄ口味我不喜歡)但再去不去就看各位了但小弟只會笨一次!!!!!!!!!!!!!!!!1

牛腩粉 is real good, the 牛腩 is real tender and juicy, but the portion of the meat is too small law.If they can improve the texture of the 粉, then this would be perfect.We ordered the beef tomatoes soup, unfortunately it is only very average. The soup base is not strong enough and the beef is not very smooth.

朋友曾讚過佢地既桂花糕,今次坐低試其他,叫左金錢肚米線($22)+凍檸茶(加$8)見佢地餐牌好強調湯底不用味精,自家用牛骨,豬骨老雞菜疏餚十幾個鐘,咁都真係幾清香-合格滿意但金錢肚...點講呢,佢地叫做爽,我就覺得有點硬但又唔算難咬個種,再望到餐牌...註明左落單時可以要求"淋d"或"爽d"下次醒目la.叫"淋d"先得,飲料講真就麻麻...但整體算是好食,會再比機會! : )好攪笑張單尾寫住歡迎食後於openrice下食評給意見改進咁話...p.s.發現座上客個個都幾斯文,同我不嬲响呢條街既其他食肆好似有些不同(個人感覺)我叫個個算平d既米線,一般牛腩頪食品廿零三十零蚊一碗到啦~

牛尾併雲吞米粉$29牛腩粉絲$25係聽聞過呢間嘢，話啲牛腩唔錯牛尾幾香，口感彈牙，胡椒味算濃，不過好油，雲吞係細隻，皮薄餡幾惹味牛腩話要肥嘅，入口有油香，有肉味，不過唔夠九記好兩碗都係大碗，食得幾飽之後食過花雕雞翼同煎魚餅，雞翼凍食有啲‘鞋’，試過翻熱食，反而幾滑，煎魚餅好油口，又煎得唔香口，好似冇煎過咁，唔得近排食過，啲嘢差咗，牛腩冇油香，冇肉味，件數又少咗，改咗用細碗，粉麵量少咗，食完唔飽

呢間舖頭主打係清湯牛腩河, 咖喱牛腩河咖喱湯係好易出事的東西, 因為好多時食親咖喱湯粉麵一係成浸油, 一係得個辣字, 總之多數都唔好食啦 (除左車仔麵加咖喱汁之外), 牛腩都係易出事的東西, 因為好多都整得太韌, 黐哂牙咁就扣哂分啦但係既然講到係金牌咖喱牛腩, 咁我搏一鋪去試啦, 點知又真係幾好食講返碗河粉, 原來係淨湯河同咖喱腩係分開的, 湯係清湯底, 咁我第一件事試下個清湯先. 一試就覺得好唔錯, 果然係招牌! 咖喱我食中辣, 食落唔係好辣, 不過都幾香, 有咖喱應有的多重香味, 話自己係巴基斯坦咖喱, 都整得幾似. 牛腩我叫半肥瘦, 好腍而且有咬口, 一d都唔黐牙, 正!Overall我覺得少有會令我覺得好食的牛腩, 又冇味精整得又夠味, 分分鐘好得過九記, 價錢又差唔多, 等我下次食清湯腩先

深水埗賣豬潤麵對面,有這間賣清湯坑腩的麵店,25蚊一碗無味精湯坑腩河,餐牌寫如要淋的,肥的或廋的請于柯打時揚声,我第一次光顧,隨便吧!來的全是小肥的主打坑腩位,切的方法較大件,大多正正方方,比較有咬口,肉質較實但不韌,牛肉味重且甜,頗肥美帶回韻,最好是”肉不癡牙,不用撩牙”!!附送的蘿白清甜無渣;湯底是豬,牛,雞和菜經＋多小時餚成,甘甜味濃不濁,住家湯的感覺,比彷間多了菜的甜味,食完後真的不覺口渴;這種味道不下味精,眞不知揮發多小水才有,值得各位一試,看它是龍是蟲!!!