番茄師兄

營業中

休息中

今晚差唔多8:40pm先離開公司，肚餓再加上落住毛毛雨，所以想食d熱野先歸家。最後揀咗呢間好出名嘅番茄師兄！本來我唔知佢係灣仔開左分店，係我無意中係Openrice發現到。雖然開係灣仔區，但佢既位置係內街，都幾隱蔽。真係要望住地址搵先搵到。秘製豬扒番茄湯烏冬+粟米 （$48+$5）番茄湯底超濃稠，唔似其他餐廳咁水💧，所以無論係配咩粉麵，掛汁都係一流👍🏻 味道酸酸甜甜，好開胃🐷。另外因為我好鍾意食粟米🌽，所以加左$5配料。雖則係配料，但份量都夠，起碼我食到最尾果啖都仲有粟米食。（粟米同番茄好夾😉）至於豬扒方面，上枱見到塊又大又厚既豬扒有少少嚇親，因為唔知要點食😅... 不過師傅已經預先剪左兩下，方便進食。不過我最後都食到成面都係😅 而味道屬係正常發揮，豬扒都煎得幾香，但我預期「秘製」會有多啲驚喜😛凍豆漿(跟餐+$6)個樽真係不得了😍 作為一個好鐘意香港既香港人，一定支持💛 豆漿甜度適中，如果豆香再多d就更好。軼事一則：餐廳9:00pm last order，9:20pm開始清場，所以我櫈都未坐暖就要落單，然後15分鐘內急急腳咁食完😂

鮮滑牛蛋包飯配招牌番茄汁，個汁酸酸甜甜，撈埋落D蛋漿度，令人食慾大增。「自由配」湯粉麵飯，鮮滑牛配粟米芝士忌廉湯底，麵底試下配生菜底，菜既份量唔少，彌補番無澱粉質既空虛。

Talking about 平民美食, Tomato C Hing is definitely an affordable gourmet for many. From $48 you get a Tomato noodles soup with fresh beef and scrambled egg! I enjoyed the signature “騸牯鮮牛面頰通粉 Castrated Beef Cheek Macaroni” in Tomato Soup. The soup was closer to the sweet side with herbs like those used in borsch, still rich enough for my liking. The beef, unique & flavourful as expected. The seasonal special was “滑蛋牛腩飯 Beef Brisket Rice with Scrambled Egg”. It’s actually like an Omurice with the egg

之前食過番茄師兄嘅深水埗分店，事隔兩年再黎試下佢哋灣仔分店睇下水準係咪一樣咁好先😄我哋分別揀左番茄湯公仔麵同埋蕃茄湯通粉，兩碗都係配牛脷 ($58) 加雙太陽蛋 (+$5)。首先講下個湯底，湯底係採用騸牯牛經長時間熬製而成，雖然就唔係話好飲得出牛味，不過番茄味好濃郁🤤配料牛脷有驚喜，總共有五塊，每塊都算大同厚切，煎得唔會過火，質感又嫩又彈口👍🏻 另外加$5就有雙太陽蛋唔係唔加呀🤭 麵底方面我哋一致認為通粉係同番茄湯夾啲嘅本來叫多左兩款小食，好彩員工落漏左單，因為食完成碗麵之後都真係幾飽😂 下次有機會先再試下啲小食

今日路過，肚仔唔c伏，想搵啲濕濕地易入口嘅嘢食，諗起好耐冇食番茄ching，就碌左入去番茄湯底依舊很濃很濃，不過對我嚟講鹹左少少🤏🏻。（以前食都覺得，唔係佢再鹹左。）胃痛痛地唔想食牛肉難消化，所以揀左炸龍脷柳。龍脷柳輕輕炸過，粉唔係好厚，炸得啱啱好，唔會over左。通粉係有彈性的，唔會煮到一pat野。之前有炸雞翼，今次去改咗menu，冇左。就試吓個辣雞翼甜甜地辣辣哋好入味加埋個冷泡茶，甘香，唔澀，食住辣野飲食完冇再胃痛，開心

每次lunch 行過都想幫襯可惜每次都排長龍都令我卻步難得而家flexible lunch hour12:30到鋪頭等一張枱就入得餐枱左右兩邊排中間好闊嘅走廊坐落唔迫好舒服麻麻地番茄湯底嘅我嚟到呢度無奶由唔試佢哋主打叫咗滑牛番茄拉麵+桑寄生茶同事叫咗滑牛番茄湯飯+檸檬意米第一次食番茄湯麵清埋碗湯，真係好好食同事碗湯飯超級大碗，飽到上心口桑寄生唔太甜，好飲檸檬意米就麻麻 according to my colleague 😑

依間位於深水埗既蕃茄師兄本店已經收藏左好耐， 早排知道左佢進駐左港島區，岩岩開已經收藏左好耐， 聽聞依間一直好多人， 今次終於抽到時間去試。 依日岩岩係開店時間到達 ， 未到放飯時間好彩未有人 ， 岩岩做第一個🫣🫣 。 位置上係側巷，其實真係唔易搵到😂😂 。店內以鮮紅同霓虹燈做decoration, 其實都幾吸晴💛💛食物方面，價錢其實都幾抵， 今次就簡單地簡左lunch set: 香煎餐肉配拉麵， 話明蕃茄師兄，緊係試佢既主打蕃茄湯底。 題外話 後來朋友同我講番 原來佢既蕃茄湯底係用左牛黎制造 ， Menu上有寫但啲字較細加上我無留意， 對於唔食牛既我黎講真係大鑊🥲🥲🥲野食好快到 ， 唔講題外話既野黎評價 ， 個湯底蕃茄味真係好濃好香， 個拉麵軟度適中， 餐肉比想像中大舊同厚身 個蛋好滑食完真係勁飽。 飲品方面， 跟餐價$14加配左檸檬冬瓜茶。 個人幾好中意個樽 好有特色， 飲品檸檬味唔算太重唔會好酸， 冬瓜茶味道都唔錯。下次再光顧時決定試下另一款湯底 店員好有禮貌好有heart❤️

叫得做番茄師兄，濃郁既番茄湯底當然係招牌菜。前後總共食了兩次，嘗遍兩款湯底以作對比。材料有豬扒菇拼番茄湯底，豬排味道不錯，煎得恰到好處，菇份量太少，真係得兩啖，感覺不值得。閹牛肉加煎雙太陽蛋配番茄湯底，睇介紹話閹牛味道更濃，事實上感覺不到特別，牛肉質數始終看產地。煎雙蛋自己體會。雞肉芝士焗飯不過不失，味道略淡，有少許飯焦，抵讚。雞肉煎蛋配粟米忌廉芝士湯底，湯底不濃，芝士味太少，有點失色。雞肉略嫌鞋口。總括黎講，番茄湯底尚算不錯，其他水準一般，作為上班族的普通午餐十分適合。

👤人數：2💰埋單：143🍽口味：偏濃偏鹹（個人口味偏淡）🍽菜份量：標準我係一個番茄怪好中意番茄🍅🤪聽到番茄師兄嘅名已經覺得好吸引，一定要試佢嘅超濃番茄湯底，冇得輸，但我覺得覺得有少少過鹹同偏甜，應該茄醬都落唔少，當然都有新鮮番茄，但我中意個湯好稠可以掛到上面。🍜香煎牛俐烏冬加炒蛋番茄湯底（加底+12）牛俐幾好，吾會煎好過火，牛肉味濃，肉質食落幾嫩，炒蛋值得一嗌，唔係熟透嗰種，但都幾滑，烏冬就正常。🍜騸牯鮮牛面頰第一次食呢個部位牛肉，有驚喜，肉質偏嫩，有少少肥肉會有油香，值得一試。❗佢個辣麻油要試！我覺得好好味呀！麻感好足！好香！

第一次試，平日夜晚，都要等下位～佢位置係球場隔離，算係一條巷仔度，店舖唔算大，但佈置都闊落，見到有蕃茄湯底，但我地覺得蛋包飯揀蕃茄底會正d，所以鮮牛肉蛋包飯揀蕃茄汁，個蛋既份量都好吸引，都好好食！另一個我地有興趣d 既係粟米芝士忌廉汁，3樣野都超中意食，呢個汁真係無得頂，我地揀左烏冬底，超好食，佢係好似忌廉湯咁，你真係會想飲哂佢！

星期六下午去到銅鑼灣，諗緊食乜好之際，突然記起未食過番茄師兄灣仔店，決定去試下。店舖位置係少少隱蔽，7-8成滿。不過好彩有follow師兄FB，所以都好輕易搵到去到諗咗一陣決定叫牛脷湯飯底，好快上枱。 嘩……招牌蕃茄湯好濃呀牛脷有5塊，盛惠$58店員小姐好nice，見我無叫飲品都主動問我要唔要水

本身聽過好多人談論呢一間番茄師兄，但一直未有機會試，今日中午終於可以一嚐！佢位於灣仔安樂里，喺灣仔站同銅鑼灣站之間，仲要係喺一條暗巷入面，如果唔熟路嘅朋友真係要開定個google map嚟睇睇！去到門口，已經有一大班人企喺度等緊位，目測有10個人左右，我地一行三人急急腳攞飛之後，都等左成15分鐘先入到餐廳，真係非常之旺場！為左爭取時間，我地甚至喺等位期間寫定菜單同埋scan定安心出行+針咭，入到去坐低就差唔多有得食了。野食方面，我點左一份蕃茄鮮滑牛烏冬($52)，另加配料炒蛋(+$5)同一杯凍豆漿(+$6)，total $63。味道方面，整體味道十分出色，蕃茄湯底夠濃稠同入味、烏冬煙韌有咬口，炒蛋更加有驚喜，因為佢個賣相真係超吸引！金黃色、有光澤，大大塊咁鋪平喺烏冬面，簡直就係化普通料理為驚喜餐單！淨係賣相已經值回票價，當然，味道都唔差，超乎一般炒蛋嘅水準。成份午餐惟一嘅缺點就係：鮮牛味精味太濃，失去左應有嘅新鮮滑牛味。總括而言，番茄師兄十分出色，係值得排一排嘅！

早2日落開灣仔買野，順便試下一直好想試但仲未有機會試到嘅番茄師兄！ 我地早lunch hour 小小入座，好多位，餐廳濶落算坐得舒服👍🏻呢碗牛面肉番茄湯好濃郁好好飲！ 轉左生菜底冇配麵咁飽，但份量一樣好大！額外加$5煎雙蛋，蛋汁配埋番茄湯一齊食好滿足😋😋 牛面肉好淋份量超多，成碗食完超飽！ 阿媽叫嘅芝士豬頸肉焗飯，嚟到熱辣辣出晒煙。炒飯底好食👍🏻芝士又夠多，啖啖都拉絲，連平時好細食嘅媽咪都清晒😋呢間食完會想再返嚟飲佢個湯，正正💛

建議：如果你本身唔好生番茄，都唔洗擔心，番茄粒食落甜甜酸酸唔差。記得飲啖湯，真係好茄🤣係灣仔諗唔到食咩，通常都會走去食番茄師兄🍅 不過如果午市去，記得睇下會唔會早啲拎到位。因為不論堂食定外賣都係好多人😂平時一係食騸牯鮮牛🐮 一係就龍脷柳🐟 係爭扎緊既時候，竟然見到有#期間限定 生菜黑魚片就決定一戰今次試左：▫️生菜黑魚片配拉麵 (HK$58)除左可以揀麵底，仲可以考慮要生菜底🥬不過今次實在有啲餓，所以最後揀配拉麵底🍜 雖然係叫生菜魚片，不過可能已經無哂菜，所以上枱時只有魚片，生番茄粒同拉麵🍜 本身有啲怕生番茄粒，但估唔到食落又唔會好酸，而且都幾多汁。魚片既肉質亦比較滑無咩骨。上網查左下，原來#黑魚片 平時係會用黎整酸菜魚，唔怪得個口感係滑啲。而且配#番茄湯 唔錯，食食下突然好想打邊爐😂 如果mix 埋脆肉鯇應該幾正🐠

終於食到，考完試係要食餐好嘅叫咗一個脆炸龍脷魚柳配招牌蕃茄湯仲加多個炒滑蛋完全估唔到佢都幾飽😂份量真係唔少其實魚柳就好普通唔多介紹但係佢個拉麵好好食！ 好有口感有夠煙靭唔知有冇得獨立買拉麵返屋企煮🤤🤤🤤同出邊食到嘅完全唔同炒滑蛋嘅份量亦都唔少呢度應該至少有兩隻蛋份量而湯底就好濃蕃茄味 而且仲要買埋蕃茄更加多一種口感！ Ps 我之後都有食過佢嘅火鍋外賣真係好好食！佢嘅招牌蕃茄濃湯 配埋佢嘅面已經冇得輸其他餸菜嘅份量仲要好多😍真係超級抵食