癡膠雞 (荔枝角道)

營業中

休息中

今日約左個friend去食lunch，佢係太子附近番工，話呢頭有間米線幾好味帶我黎食，我就覺得間舖個名幾搞笑，一於黎食啦😆招牌癡花膠雞濃湯米線（$68）一睇個舖名就知要揀呢一碗，因為通常用餐廳名既菜式一定好食，佢地既湯同米線係分開上，湯用上一個小型火鍋保持住湯既熱度，個湯真係無得彈，放入左蟲草花，濃郁既花膠雞湯飲唔停，個湯其實都好大碗，倒落米線度可以有兩碗😋藥膳黃酒花膠雞湯米線（$68）朋友就食過幾次招牌花膠雞，今次試下個藥膳湯，雞同招牌一樣，d雞肉質都係滑，今次就有d紅棗既藥膳湯料，個湯一樣好飲👏🏻蜜糖雞翼（$42）蜜糖雞翼有d驚喜，雞翼佢地係用炸既，唔係用煎既，炸雞野脆卜卜裡面有肉汁，表面既蜜糖醬份量ok，好食🫶🏻呢間米線店既湯底真係好得，米線份量就唔算多，男仔食既話岩岩夠飽，下次黎食問下有冇得加底先😆

最近去咗太子荔枝角道78-84號勝興樓地下D號舖嘅癡膠雞食午餐，真係好多人排隊。佢地用一人一明爐，先飲湯後加米線，真係夠貼心。我試咗招牌癡花膠濃湯米線，湯底濃郁，有大大塊花膠，口感滑溜，非常滋補。藥膳黃酒花膠雞湯米線，黃酒香氣撲鼻，雞湯清甜，花膠配埋米線，份外滋味。金磚豆腐外脆內嫩，啖啖豆香，口感豐富。飲品方面，我叫咗杯凍檸檬茶，清新解渴，配埋濃郁嘅湯品，真係一絕。癡膠雞嘅湯底同花膠質素高，米線口感好，真係值得一試。下次再嚟試其他湯底！

位於太子的「癡膠雞」提供多款雞主食、米線、重慶酸辣粉、麵類、小食及飲品，主打為花膠雞米線，餐廳特選雞肉嫩滑、脂肪豐滿而味道鮮美的三黃雞；今天帶同家人到訪齊齊滋補一下----------🔹胡椒豬肚雞 $50提供小火爐令鍋物一直保持熱度湯底濃郁鮮甜，充滿胡椒香，油而不膩又夠醒胃及暖胃；豬肚爽滑軟嫩又入味；三黃雞肉質緊緻，雞皮爽滑富雞油香美味指數：9/10🔹招牌癡花膠雞濃湯米線 $68將米線跟湯分開呈上，讓食客根據個人喜好將米線煮至適合自己的軟硬度，夠貼心湯底以大量雞肉、豬骨及鯊魚軟骨長時間熬煮而成，呈淺黃奶白，有牛奶般的細滑口感；花膠厚實軟滑，更加入雲耳、蟲草花等，滋陰養顏之選美味指數：9/10----------🔹癡膠肥牛 (足半磅) $52肥牛脂肪比例不高，口感緊緻有嚼頭，且帶不錯的牛香；加上蔥花、芫茜及豉油等調味已足夠美味美味指數：8/10----------🔹濃雞湯時蔬 $28白菜鮮嫩，雞湯清甜不膩

招牌痴花膠雞濃湯米線這碗湯頭色澤濃郁，散發著撲鼻的香氣。它以新鮮的雞骨熬煮而成，湯底濃稠而不膩，口感豐富。每一口都能品味到濃郁的雞鮮味😋 而佢嘅花膠嘅軟嫩口感和獨特的彈性令人驚艷。花膠與湯頭完美融合，為這碗米線增添了豐富的口感😍。而且份量亦都絕對唔少每一碗都有好幾舊花膠。而且呢度嘅米線口感亦都一流，每一條都好彈牙👍🏻👍🏻 蕃茄花膠雞濃湯米線比上一碗唔同嘅係呢碗加咗蕃茄湯落去，令到成碗嘢多咗蕃茄茄嘅酸甜味，味道更上一層樓🍅。而且唔同普通嘅米線舖，佢呢度嘅湯底係好似打邊爐咁樣燒住🔥，然後自己再潷啲湯落啲米線度食，係一個相對有趣嘅食法。 蜜糖雞翼絕對會推介呢度嘅蜜糖雞翼，雞翼煎得啱啱好外脆內軟，加上蜜糖，作為送米線嘅小食絕對合適不過🙂‍↕️。

呢間野真係幾多客🙀食當日都要排一排隊等位先食得估唔到天氣開始熱都咁多人食熱辣辣既米線😂眼見每枱客都食緊一人一鍋 出哂煙既米線♨️我緊係要點番招牌米線啦招牌痴花膠雞濃湯米線🍜🐔米線配雞濃湯仲要有花膠 真係好補身🤗濃湯係用小鍋分開盛住 用小火興住 保持熱辣辣既感覺好似打邊爐咁😂湯底真係超級濃 肉眼睇都覺得好足料😲湯入面有雞件同花膠😋份量都多 有5-6片雞肉好滑 肉質岩岩好 唔會過老米線另上 唔會浸淋😚一路畢d湯落米線到食 又保持到溫度另外叫左一個冷麵🐔🍲雞件都係滑身的 仲有溏心蛋 正唔想食熱食既朋友 試呢個都不錯金磚豆腐🥢炸得岩岩好🌞外脆內軟 豆腐好滑🤤外面脆皮咸咸地 好快就唔小心清哂

灣仔及太子分店，兩邊都有食開基本上都係叫椰子雞，藥膳雞，炸豆腐鍾意呢兩個湯底，雞嘅size及份量亦合理，都推介過比身邊嘅人去食早幾日又心思思去食，但今次啲雞斬到好細(一開二/三?)，係換咗人定將貨就價

諗起熱辣辣嘅雞湯 實在係令人垂涎欲滴 欲罷不能🤓🤓😉已經食咗幾次，但係依然覺得啲雞湯好濃郁滾住滾住咁樣好好味🤤今次我稍為有少少分別 叫咗個🥥椰子雞米線同樣地呢類嘅招牌癡雞濃湯米線 係將啲粉面同埋雞湯分開上 唔使驚啲粉變腍咗 👍我轉左雞髀 啲肉真係大大嚿 又冇乜骨😗新鮮嘅雞髀配合清甜嘅椰子雞 絕對係午餐嘅最好選擇👍另外叫咗胡椒豬肚雞米線🤎啲配料都好多 豬肚夠爽 亦都夠晒味道今次呢個雞冇轉雞髀，但係都好多肉🤪最後叫埋金磚豆腐💛啲豆腐粒粒好嫩滑 出邊就有少少鹹鹹地嘅炸粉 令到人食完一粒又想食另一粒🤪飲埋檸檬薏米水就是正

近期迷上大熱雞湯米線，好友帶路說有間用上爐火加熱，保證食到最後湯底還是熱辣辣的雞湯米線，一於相約放工後去試試。咸檸七喜有點鹹鹹的味道，喝起來酸香味俱全，清爽又順喉。麻辣豬耳柔韌又爽脆、膠質豐富又不膩的豬耳，拌入麻辣醬吃，超開胃。麻藥蛋半熟的糖心蛋加上充滿香氣的辣味醬，令人一吃成癮，欲罷不能的美味。招牌癡花膠雞濃湯米線餐廳主打雞濃湯米線，招牌癡花膠雞濃湯米線，用上爐火加熱雞湯，米線另外用大碗裝住，吃時將加熱了的雞湯淋上米線上，雞湯咸鮮味十足，雞味香濃，湯材除了雞件之外還有花膠，雞件嫩滑鮮甜，花膠爽口，雞湯一直加熱真的非常正，保證每一口都熱辣辣。豬扒濃雞湯米線豬扒即叫即炸，外層香脆肉質鮮嫩多汁，這款濃雞湯味道比較清甜，加上蘿蔔片、木耳絲等配料，感覺非常健康。

✨姬松茸竹笙花膠雞米線($78)花膠雞濃湯熱辣辣，底下仲有火爐熱住，唔怕食食下凍左～湯底富含膠質好滋補🤤大約有3至4件花膠口感彈牙👍🏻 仲有姬松茸、蟲草花、竹笙、木耳🍄超濃郁菇菌味，重點係冇味精米線同湯分開上，以免煮得太爛雞肉嫩滑、脂肪唔多，聲稱用秘製貴妃雞滷水浸煮，不過唔太食得出✨藥膳黃酒花膠雞湯薯粉($68)好重黃酒味，湯底加左好多藥材～紅棗，當歸、川芎、木耳等，滋補而不燥雞件愈煮愈入味，黃酒味同雞好夾！✨金磚豆腐 ($42)呢個小食睇佢平平無奇，估唔到咁好食‼️豆腐炸得金黃酥脆，外脆內軟又不會散本身有小量椒鹽同埋七味粉調味，點埋泰式甜辣醬更惹味😍

❤️藥膳黃酒花膠雞湯上海麵配雙檸樂好香藥膳味。雞吸收左黃酒的精華，入口酒味香濃～😍 一片片花膠好補身～❤️ 上海麵和鍋分開上，確保麵不會被浸淰👍🏻。雙檸樂雙檸的意思是用了兩款檸檬：鹹檸和檸檬🍋。咁特別嘅飲品好少餐廳有得飲了。❤️貴妃雞擔擔麵(轉稻庭烏冬) 配可樂貴妃雞和麵分開上，確保雞味唔會被湯底遮蓋👍🏻。湯底有少少辣。稻庭烏冬是真稻庭烏冬，口感煙煙韌韌唔會一夾就散。❤️豬扒蕃茄湯米粉配可樂豬扒和米粉分開上，確保豬扒乾身保留到脆口。豬扒煎得香口😋👍🏻。米粉份量好多。蕃茄湯有蕃茄碎，真材實料酸醒甜甜好開胃～😋

#MC帶你去太子.近年米線鋪愈開愈多，米線之所以咁吸引，其中一個原因係嚟自個湯底！除咗一般嘅酸辣同麻辣，仲有相對養生嘅藥膳湯底，今次就試一試其中一間，以養生足料出名嘅雞湯米線鋪。➖➖➖➖➖➖➖➖➖➖➖➖➖➖➖✨ 癡膠雞.「癡膠雞」主打養生及足料花膠雞濃湯米線。餐廳特別選用雞肉嫩滑、脂肪豐滿、雞味濃郁嘅三黃雞，加上用秘製貴妃雞滷水浸煮，令雞肉更滑更入味，完全不粗糙。而湯底則用上超過20斤的雞肉、豬骨，以及鯊魚軟骨大火熬製足足3個半鐘，奶白色嘅湯頭鮮甜清香。➖➖➖➖➖➖➖➖➖➖➖➖➖➖➖🥢 招牌癡花膠雞濃湯米線｜$68.最鐘意食「熱鍋米線」！有小火爐烘住，吃到尾都可保持熱燙滋味。上菜時，濃湯同米線分開上，米線可以按個人喜好加熱至唔同軟硬度。以雞肉、豬骨、鯊魚軟骨熬煮而成淺奶白色湯底，雞香味濃而不油膩。雞件用上三黃雞，肉質幾嫩滑，而且有4-5塊花膠，口感爽滑彈牙。➖➖➖➖➖➖➖➖➖➖➖➖➖➖➖🥢 藥膳黃酒雞湯米線｜$68.鮮嫩滑雞件配以醇厚回甘嘅黃酒，湯底香氣濃郁，加上紅棗，當歸、川芎、木耳等滋補藥材，補而不燥。雞件愈煮愈入味，甜醇黃酒味同雞件好夾！花膠一樣都有4-5塊，好足料。➖➖➖➖➖➖

《痴膠雞 - 米線巔峰美味》身處熱鬧的太子地鐵站附近,一家名為「痴膠雞」的小店,默默吸引了一眾食客的目光。這間飯店以廣東地道美味為主打,當中最叫人垂涎欲滴的,莫過於三大招牌菜式。首先是「姬松茸竹笙花膠雞米線」,湯頭濃郁鮮甜,配以肉質細嫩的雞肉、Q彈的竹笙,以及鮮美的花膠,口感層次豐富,煮得恰到好處,實在是一道不容錯過的絕品。再者,「胡椒豬肚雞湯米線」同樣出色,湯汁醇厚帶點微辣,加上爽口的豬肚和雞肉,滋味十足,令人胃口大開。最後,「豬耳」亦是這裡的得意之作,皮脆肉嫩,爽口爽口,實在是絕配米線的佳餚。總的來說,「痴膠雞」這間小店,提供了一系列正宗廣東味道,讓人恨不得一吃再吃。無論是湯米線抑或是小菜,都做得出色,絕對值得一試。快來太子一探究竟吧!

癡膠雞 (荔枝角道) (太子)太子荔枝角道78-84號勝興樓地下D號舖。我又去食花膠雞啦～ 我覺得一樣食品有得飲湯又有得食餸食麵，真係一次過滿足曬3個願望 🥳。姬松茸竹笙花膠雞米線（$78）麵底可以轉米粉、飯、上海麵，呢度有樣特別，就係用火爐熱住個湯，湯就梗係熱飲最好架啦～ 如果鐘意菇香嘅朋友，叫呢款就最岩，姬松茸菇味夠曬濃，竹笙吸曬個湯咁食好正。招牌癡花膠雞（$73）呢個個湯會比較濃，雞件滑滑，仲有唔少花膠，$73物超所值啦。蜜糖雞翼（$42）每隻雞翼都浸左係蜜糖入面，連入面嘅雞肉都滲到蜜糖味入去呀。@crazychickenhk 。#gpigprinceedward

最鍾意食米線，尤其係藥膳養生米線太子新開一間花膠雞湯米線，好多人排隊食，上次經過見到，今日早少少去唔使排隊✌️⭐️招牌痴膠雞濃湯米線有個煲滾住個湯同啲花膠、雞，米線個碗就另上，感覺好貼心，啲湯一路滾住唔會凍晒，米線又唔會因為浸住而淋晒，抵讚👍🏻👍🏻金黃色嘅湯，好重雞味😋😋飲完唔會口渴！真材實料！花膠都好大舊🤤🤤好正！⭐️藥膳黃酒花膠雞湯米線呢個好重黃酒味！入面多咗啲雲耳、紅棗等配料，非常養生！如果凍天食呢個簡直一流👍🏻👍🏻花膠都係一樣好大舊，好足料！⭐️香味牛𦟌幾入味，唔會過鹹，牛𦟌唔會太厚但都幾大塊，唔錯！⭐️柚子梳打梳打成支上，幾得意，柚子幾清新👍🏻

第一次幫襯，因滿座而被安排在門外等候，後來有一位女士因一人可以安排入內，我覺得係合理的。之後有人離座而得出兩個座位，根據排隊的先後，理應安排我們入座的。怎了那女士要求轉坐至那兩人座位，其實當時係有幾個一人位的。店員望望我們，竟無視我們在外排隊，將那兩人座安排給那女士。我們問那店員不是要排隊的嗎？是我們先排隊的。他竟無視我們，扮儍不回應我們，這是什麼服務態度啊😡至於味道，湯底是可以的，但雞就不夠嫩滑，味道亦不夠鮮味，感覺就像雞扎裏的雪雞一樣，既然味道一般，但服務態度欠佳，我是絕對不會再來幫襯👎👎👎