發記甜品 (已結業)

雖然自己覺得發記嘅甜品相比起一啲好平嘅糖水鋪嚟講系比較貴，不過我都系幾鐘意佢地嘅榴蓮出品嘅~~有榴蓮飄香~榴蓮酥皮卷~榴蓮班戟~等等，今次真係一次過試曬！！好滿足.. ~榴蓮飄香：其實就系將楊枝甘露入面嘅芒果換成榴蓮。個底系椰子唔系芒果，所以清香又唔會覺得膩。榴蓮俾好多，一大舊！！ 西米煮得好軟糯，西柚唔會好苦~~~ ~榴蓮酥：滿滿嘅榴蓮肉包系千層酥皮入邊，一啖咬落去食到嘅成口榴蓮，超級滿足！！不過要趁熱食，凍咗就無咁好食啦~~ ~榴蓮班戟：味道一般，同其他地方嘅差唔多...中規中矩啦。 楊枝甘露料幾足，而且入面嘅芒果好甜！！！

食晚晚餐唔夠飽，行過見唔駛等位就入左去食個份榴槤pancake。雖然得兩舊仔，但有可能因為落左好多cream, 所以好"漏"，榴槤肉都好多，起碼一舊切開6份，份份都有榴槤肉食。

同朋友係旺角食飯本來就可以唔洗咁快轉地方但由於隔離枱有位人兄當芝士粉係主菜咁食味道濃烈到太過份既關係就轉場食糖水雖然旺角有好多新糖水鋪但一講就自自然然諗起發記打開menu 太飽其實都無咩特別想食見到有蛋白燉奶清清地就叫左黎食養顏蛋白燉奶(凍)至從係超級市場無得賣燉蛋燉奶之後都好耐無食過甜度適中 滑度一般 食得多有d 'lift'口朋友食既朱古力窩夫配香蕉香濃朱古力雪糕一上枱朱古力好濃 不過太飽無試lu比起以前 發記好似無咁多人排

旺角鬧市嘆甜品，炎熱夏天叫咗個芒果綿绵冰，因為我想食新鮮芒果，果然芒果肉超大，再配上綿綿既沙冰，兩者好配合，甜甜既芒果肉配上冰凍沙冰，真係香，甜，濃，解喝之選。

有一陣子沒有來發記食糖水，價錢不知不覺加左好多，我點了一碗楊枝金露，柚子肉偏苦，不知是否因為擺了一整日，但芒果算多，有半個大芒果/一個小芒果既份量，天氣開始好熱，碗野的確唔夠涷，建議涷啲客人會食得舒服啲😆雖然價錢加左但衞生就差左，我碗糖水有幾點黑色異物，而碗邊也有黑色的污穢野😣

食完飯梗係食甜品好耐無食發記今次叫左個朱古力香蕉綿花冰59蚊超大碟，兩個人都食唔哂因為唔鍾意香蕉，所以走左，費事浪費先講綿花糖，好普通，有d硬左d可能d冰蓋左d味，無咩味咁而d冰都幾密幾綿，唔快溶但略嫌唔夠朱古力味全靠加左朱古力醬先多返d朱古力味但醬唔太夠總括好一般

3個女人一個墟，食左正餐後都仲有講不完嘅話題，一唸起楊枝甘露即刻醒起發記,好好彩仲係晚飯時間所以發記有枱.榴槤飄香 好香嘅榴槤香！有粒粒碌柚肉作點綴同中和左個濃味，最驚喜係成個碗底都係一大大大舊榴槤呀！仲係入口即溶個種，好滑好香，朋友唔食榴槤都唔覺得佢臭因為個奶底做得好濃稠，碌柚肉份量剛好啖啖都有但唔搶味(榴槤咁重味又幾難搶嘅哈哈)楊枝甘露 為左佢而來果然保持水準無令我地失望，首先好大舊芒果肉墊底，唔知係咪當造，但好甜無青味。西米露粒粒分明粒粒都好林，而碌柚份量係啖啖都有當然係多過榴槤飄香好多啦！佢酸酸地丁丁多碌柚除加埋椰奶&西米唔會一味得個甜字，一d都唔覺heavy, d碌柚仲好健胃Tim!所以每次唸起楊枝甘露就係li間呢

難得同朋友聚餐完諗住食個糖水作為一日的終結錯就錯在揀咗發記其實本身都覺得發記無乜特別架啦但因為發記唔駛排隊咁咪入去囉 叫咗腐竹蛋糖水(熱)...無特別紅棗雪耳燉圓肉...頹紫米露配湯丸...ok芒果紫米露...問題就係個芒果紫米露啦好漿,好"傑", 漿到好似d糊仔咁 真係食唔落口......唯有叫店員換過好彩d店員都好nice 換咗之後都算正常食到落口 (唔理味道,起碼唔係糊仔先)但...下次都係排隊等下其它店好過啦

好多人來發記甜品，都係食楊枝甘露喇，或者焗榴蓮，朋友都知道NEE度做榴蓮嘅產品都係比較好味。天氣問題，就唔想食楊枝甘露。上日去，自己食D新野。榴蓮酥，我覺得可以講得係招牌，基層蘇裡面包住榴蓮肉，又有D似咩呢，拿破崙蛋糕。一啖咬落，好滿足淡淡肉，榴蓮香味滿嘴都系。榴蓮班戟Dcream巖巖好，榴蓮好大份，自己食都覺得有小小膩。都系給LIKE.好多地方都系有榴蓮班戟食，好多人覺得邊度都差唔多，其實，真正好味道，就系D皮，夠薄夠滑。

間店係豉油街近通菜街附近，平時都几多人下，不過就算係排隊等位都唔使等几耐，因為食甜品始終都唔使好似食飯咁耐。招牌楊枝甘露，的而且確係值得一試嘅，滿滿的一碗柚子粒，一D都唔澀，清甜清甜嘅，一咬落去就係嘴入邊爆開；汁裡邊仲有大塊嘅芒果，芒果汁也很濃郁，芒果很香甜，值得再食多幾次吖！焗榴蓮酥皮卷，皮很酥有DD韌，裡面榴蓮非常非常香甜，夠曬新鮮，真係應該多試幾種企地嘅榴蓮甜品，絕對流口水吖！心太軟也大薦，同配嘅香草冰淇淋不說，單說心太軟，有D脆有DD硬嘅外皮，用叉子剛戳穿，熱熱香香嘅朱古力漿就流曬出來，看著很美好，當然味道一D都唔輸比外邊，濃濃嘅朱古力贊啊！

呢個鋪頭既哈密瓜西米露完全冇任何水果味，咁既價錢，令人十分失望。另外熱豆腐花完全唔夠熱，難怪冇人排隊。我地一行幾人都決定一定唔會有下次。明白點解差評會咁多。

講好之前是同姊妹一起去行街的，點知兩條友一去到就話想搵野食喇，我仲可以點吖，去咗附近嘅發記甜品咯。行街行唔成，點一個芒果班戟嚟安撫下我自己喇，芒果味道照舊都系咁濃郁，呢個季節嘅芒果系米都咁好味！表面一層唔厚唔薄，我覺得表面這一層皮好好食，又不會甜，同時又充滿著芒果味。芒果班戟之後都唔過癮吖，所以仲要整翻個榴槤飄香，果然榴槤同芒果系我不變嘅選擇，一大塊都系榴槤肉吖，價錢覺得好抵食吖，咁大一塊都要好多錢喇，味道太香濃，食完一半直呼仲要嚟多個，可惜實在食唔落，仲要留肚食完飯。

今晚同朋友去睇電影，睇完電影就去食糖水，講起糖水就開始流口水喇，因為淋起發記嘅榴蓮糖水，不過呢間平時都比較多人，宵夜時間一樣甘多人排隊，我地等左20分鐘左右啦，因為店面唔大，但服務態度都算可以。黑芝麻糊，一上臺就聞到濃濃嘅芝麻味，呢度嘅芝麻糊都OK嘅，比較香醇濃滑，唔系即食果種，好多粉咁，呢度好正宗。榴蓮飄香，榴蓮控一定唔好錯過，好大舊榴蓮肉，湯汁對我來講濃度剛剛好，可能有D人會覺得唔夠濃，甜度適中，榴蓮肉好香滑，夠曬熟，糖水都帶有濃濃嘅榴蓮味，正啊。榴蓮卷，表皮整得好薄，入邊包住香滑嘅榴蓮肉，一啖咬落，又脆又滑，口感好好啊。香脆芒果卷，比榴蓮卷的皮要厚，但口感都幾好，帶有芝麻香味，入邊芒果肉都幾有分量，好好食。

同同事來旺角見完客之后終于可以松一松，咁巖經過發記附近，剛好上班時間人唔係好多，決定嚟嗰HIGH TEA犒勞一下五臟腑；我同同事都係榴梿控，每次食甜品必點榴梿，今次都唔例外，叫咗三樣嚟食：1/ 楊枝甘露 2/榴槤酥皮卷 3/榴槤飄香lee三樣係發記賣得好暢銷，幾乎個個人來到都會必點。楊枝甘露同榴槤飄香嘅份量足，味道好，大家嘅評價都比較高，食慣甜品嘅我哋就覺得同以前嘅比起來仲係差咗d，不過比起其他店發記性價比仲算OK嘅；重點推薦榴槤酥皮卷，一上枱仲係熱辣辣，蘇脆嘅外皮包住新鮮果肉，食入口暖暖的，濃濃的滿滿的榴蓮味，真係人生一大享受！

之前食得太多茶樓同飯店啲野，覺得個口有啲卦，又醒起自己已經好耐未食過甜品啦，於是就覺得約埋幾個friend一齊去發記試下 楊枝甘露其實呢同其他糖水鋪噶楊枝甘露差唔多，無咩好特別，不過都幾大碗，而且唔會好似有啲糖水鋪噶芒果係酸噶 榴槤酥皮卷就真係值得一試啦，外層酥脆，而且有好濃郁噶榴槤香味，再加上外脆內嫩，口感好特別，食一份真係唔夠吖！ 芒果班機呢就好似兩個饅頭仔咁，好鬼死特別，而且入面啲cream夾著芒果一齊食，正吖 榴槤綿綿冰都好好食，料好多，而且好香榴槤味