發記甜品 (已結業)

旺角中食好西，入左發記甜一甜先榴蓮控必選的榴蓮心太軟，焗到外面剛剛有硬感，一切開有大量金黃色又有榴蓮味道的忌廉狀流出來，連埋外層鬆軟的蛋糕配食，入口暖暖，成囗香濃榴蓮加牛油香味，喜歡榴蓮的fans必定大満足中和口中榴蓮味，食番個芒果益力多棉花冰好正！益力多的酸甜味道加上芒果的鮮味，夏日綿綿熱辣辣，棉花冰令暑意降溫！仲有紅豆湯圓，紅豆好甜好林，入口大讚，湯圓煙煙刃刃，平身淡味，但同紅豆一齊食就好配合呢個買相100分，隻鴨仔造型的榴蓮冰冰，放在浴缸布甸上，再有一舊榴蓮肉，睇住唔捨得食呀！布甸平身淡味，撈埋榴蓮肉互相配合，保持重重的榴蓮味道。可愛的鴨子是冰冰來，一路食一路溶，好特別的甜品

一到旺角 已經係下午茶時間唔食太heavy既下午茶餐就食糖水喇我唔係第一次食發記對上一次我係買外賣返屋企仲記得佢啲芒果係勁酸今次就再食多次入到去之後,得兩三枱客人,位都幾多下店員就帶左我地去梳化位,同比menu我地就咁睇啲甜品糖水都唔平,由$20-60起不等種類都幾多,班戟、窩夫、糖水、棉花冰等等但我同媽媽都唔係肚餓,只你想搵個地方坐下所以就嗌左金粟紫米露湯圓 HKD35勁好味,唔係好甜,啖啖黑糯米,唔會好稀湯圓係芝麻餡,正常味,好難唔好食加分位: 我呀媽話竟然有芋頭!!幾推薦呢個,下次我都會食呢個!生磨芝麻糊 HKD26係普通既芝麻糊,但唔似新鮮生磨比較似係超市一包包粉沖出黎既仲要好稀一啲都唔糊呢個價錢,咁既質素,有啲唔值唔建議食不過因為紫米太正,所以我會再食呢間店^^

今晚食完晚飯就嚟發記食甜品，皆因呢度出左梳乎厘pancake，我超愛呢類pancake，每次去日本都一定要食！Pancake要等20分鐘，咁就食住其他甜品先啦。芒果蛋白燉奶既燉奶好滑，但本身比較淡，加花奶增強左甜度，奶味都更重，兩者好夾，配埋香甜既芒果就更好食！綠茶心太軟擺盤好特別,但食既時候比較麻煩，心太軟茶味唔重，太濕淋，冇外脆內軟既感覺，一般。最後最期待既pancake 都令人有啲失望，香味不足而且質感太乾，冇梳乎厘鬆軟綿綿既質感。呢度環境唔錯，但新研發既甜品可以做得更好！

炎炎夏日，日日都三十度以上!在旺角行左一陣，已經抵抗不了甜品的誘惑，所以決定去發記甜品消暑一入到甜品舖，成間店迫滿晒人，相信大家都係同我一樣目的，發記甜品好耐無黎過，睇見佢既壁畫就可以感受到佢店既悠久歷史睇見牆上面嘅menu，呢幾款應該係佢地最熱推既甜品，由於我同老公都非常熱愛榴槤，所以我地諗都無諗既情況下就點左三款榴槤產品一般出面食到嘅榴槤班戟係忌廉多過榴槤，呢度係相反，榴槤多過忌廉，而且榴槤唔會太熟，唔識食會覺得臭，但我地就覺得好香榴槤飄香相對唔算好大舊榴槤，但係我地就好鐘意佢地調既呢個味，啖啖都充滿榴槤香味頂級榴槤糯米卷 相信大家睇相都知道入面嘅榴槤餡係有幾大件， 而且外層嘅糯米卷係有啲煙韌，而且薄薄地，唔會令你太飽! 咁多個呢個最出色!

朋友到來，食完午餐，想食甜品，經過這店，發現都很久沒來食，所以入去。環境很舒適，服務員態度好。但甜品質素差了點，沒有像以往好，可能太多甜品店舖，所以相比之下，變相差了。我們三個人叫了三個甜品，蛋白燉奶，芒果金寶，榴槤心太軟。蛋白燉奶（熱），食這甜品而且感覺店舖差了。最簡單的甜品，最能食出店舖。得個甜字芒果金寶（雲尼拿雪糕），下面全是餅乾，芒果夠甜唔酸，太普通又不太好食甜品，最搞笑還有奶配上，好似完全不配搭，因本身已經夠甜，還加練奶，有點甜得恐怖。賣相好似好靚，但食就不行。榴槤心太軟（雲尼拿雪糕），都好香榴槤味，個榴槤皮都好好食，但有點感覺榴槤色素太深色，應該加了點色素，好似唔夠原榴槤做的甜品。榴槤味道不太差，但都麻麻地好食，都係賣相夠特別。榴槤底下又有一片餅乾，底下又是雲尼拿雪糕，完全沒點新意。而且相片和真實雪糕有點距離對這店舖有點失望，差了很多，得個樣，但甜品絕對唔太附合現在甜品店舖要求。價錢又不太平，這價錢好食店舖多得很，我諗我下次一定不會再來食。

係旺角同朋友食完晚飯仲想繼續傾下計，依間位於鬧市中嘅發記甜品，真係好方便，食完飯路都唔使行咁多就搵到啦，仲要無論中式定西式糖水都有。我自己就鐘意食楊枝金露，鮮甜嘅芒果mix好多材料，特別嘅加左芒果沙冰，令依碗楊枝金露更加濃味勁大舊芒果嘅芒果糯米滋，好肥美呀，椰絲有好多好香口，皮都唔會太厚，比例剛剛好，用木叉木碟好特別試下佢嘅中式熱糖水先，暖暖地嘅雪梨雪耳百合糖水，好滋潤喉嚨，咁岩喉嚨有d唔舒服，飲完好舒服，甜甜地唔會有苦百合味我見人地食嘅無論糖水定甜品嘅賣相都好靚人來人往，等一陣就有位啦！

同幾個朋友系佐敦食完晚飯，之後我地又想食糖水，諗諗下好似好耐冇去發記食甜品啦！於是我地就去旺角果間發記。店只推介我地試新產品榴槤班戟好大陣榴槤的飄香，內里忌廉好creamy👍芒果糯米糍，芒果超級甜超正好香的芒果味，一點都不酸😋芒果益力多棉棉冰，配菜有紅豆和黑芝麻湯圓，黑芝麻湯圓好軟熟好香，芒果棉棉冰食落冇咩食冰的感覺，放落口入口即溶，超級美味😋玫瑰花燉海底椰，淡淡的玫瑰花味好清甜。香蕉梳乎里班戟配雲呢拿雪糕👍

今日同老媽子去旺角食飯，食完飯老媽子話想食糖水，於是我帶咗佢去發記甜品，因為貪佢呢度嘅榴槤甜品好味，決定介紹畀老媽子試下。黎遠已經見到一個好大嘅霓虹光管招牌，十分顯眼門面既招牌同之前那個招牌大大不同，比較時尚鋪頭入面人山人海，等咗十分鐘左右先有位見到呢張banner應該係佢哋而家嘅promotion，分享就有半價，不過我冇做到嚟呢度梗係要試下佢哋嘅招牌糖水，佢呢度出名芒果同榴槤產品! 由於老媽子鍾意食榴槤，所以點咗三樣都係榴槤呢款榴槤飄香類似楊枝金露，但係就喺中間變咗冰凍嘅榴槤冰，食話有冰凍口感，更重要既係重榴槤味，榴槤味非常香!榴槤班戟外表睇落冇咩特別，但係其實入面係塞滿曬榴槤肉， 咬落啖啖都有榴槤肉， 榴槤不會太硬!呢款頂級榴槤糯米卷又係爆榴槤， 真係唔明點解啲人唔鍾意食榴槤咁香冇可能抗拒我本身都好鍾意食芒果，但係見到榴槤產品通常都會揀番榴槤

自從零三年在深井食過一次有名的發記後，竟然今次再跟媽媽去吃了。榴槤心太軟63她的最愛就是榴槤，見咁特別忍唔住佢話要試。創新之甜品，帶有驚喜去嚐試，榴槤味好濃，落足料，娘親表示好滿足。而雪糕口感也濃郁。朱古力心太軟56是我的心頭好，旦糕層軟，做得不太甜漏，點到即止。入面軟心普通的引爆，外脆內軟一熱一冷的滋味i like it 雪糕是牛奶口味，不夠奶香，但也滑溜。頂級榴槤糯米卷52一翻開餐牌就被吸引，但上枱食物有點不雅，要求店員更換了。賣相涵多，外面幾煙un，椰絲有嚼口。食後感：老店再訪，有種回憶，同樣地，往事是叫人回味的。

榴槤飄香：唔知系未擺得太耐 定 唔新鮮，榴槤肉唔香，淡而無味，臭都唔臭下。糖水底又淡又稀。味道水準真系大不如前。某間甜品店都好過佢芝麻糊稀到成碗水，食入口有陣燶味。

晚上於九龍維景酒店的唐宮中餐廳吃過一頓甚富夏日風味的鮮果盛宴，意猶未盡，轉場再到發記甜品享用甜品美點才回家。 細心留意牆上貼上的宣傳海報，不難發現一系列疏乎厘班戟甜品正進行推廣優惠，只要於 Facebook 或 Instagram 對餐廳及甜品 Like & Share，就可以以半價享用有關甜品。這客芒果梳乎厘班戟，班戟的質感特意做到和梳乎厘相近，入口綿軟。趁熱與雪糕相碰，冷熱口感在口中交集。不同口味的梳乎厘班戟，原來分別只在於放在班戟旁的水果，班戟水果兩者融合度不強。 腐竹薏米湯丸可算是傳統中式糖水，味道合預期未有驚喜。糖水中的芝麻湯丸軟糯煙韌，芝麻香口，味道不錯。薰衣草蜜糖燉雪梨是較富特色的糖水，花香突出，味道甜潤。望見糖水中的雪梨，不期然想起剛剛的鮮果盛宴，可算是一個完整美滿的終結。

發記甜品。楊枝甘露味道很地道傳統 芒果有果香味 新鮮甘甜 很值得一試 朱古力窩夫配芒果冰淇淋 窩夫表皮烤的很酥脆 內餡軟嫩 配上蜂蜜風味獨特 用了蜂蜜糖口感不會太甜哦！由於自己喜歡吃芒果 特地配了芒果冰淇淋 芒果味道很足很好吃！配的刀叉也相當有特色的純木刀叉，但是也不是很環保哦！Anyway！香港老牌甜品，很值得一試！

呢間糖水鋪係我食過最hea最難食既糖水鋪！ 入到去已經好嘈 但唔係客多 而係啲音樂勁大聲 好燥音叫左5款 無一款係食得落口 =="呢個芝麻糊糖圓（$35）（溝左水？） 勁稀 又唔夠熱啲湯圓好似壞壞地咁 係酸既 又唔煙"un"無諗過一間咁出名既糖水連呢款咁簡單既湯圓都整到咁樣 芒果紫米露（$38） 勁結🙄🙄 榴連飄香 er 都係好稀 榴連肉又好少 咁樣就收人$43 好唔好意思嫁？🙄呢個先算最極品中既極品 紅豆沙豆腐花（$33） 唔講咁多啦 睇相就知 紅豆花係咁嫁咩？睇見都唔開胃無味既芒果唔知咩粉 （$48？）都係難食 朋友食左幾啖已經停哂口 話似啊伯鼻涕發記前幾年都食過幾次 但今次真係好嚇人 點解會退步左咁多 完全無誠意 唔怪得宜家唔洗排隊等位

咁簡單嘅糖水，紅豆沙湯圓都可以整到水還水，豆還豆，湯圓入邊吾熱食落去粉嘅。難食到不得了。紫米露好似漿糊一樣一pat pat，＄36一碗，賺到錢都唔安樂啦。其實唔識整呢啲就唔好整俾人食。食啲咁嘅嘢。。。垃圾！

好耐冇食榴槤飄香，行開旺角就買番屋企食！打開袋見到碗糖水既顏色好似螢光黃！我記得以前係淺綠色！食落口就覺得味道差左好多！榴槤飄香啲糖水好稀，啲榴槤少左好多，得兩啖！以前食到半碗開始會覺得有啲"溜"，因為好足料！依家左半碗都好似冇食過咁！價錢又貴左！招牌糖水已經唔好食！唔會再下次！