發記飯店

營業中

休息中

昨夜行雷閃電, 亦無阻我們一行三人往發記打冷的心情!預左坐街... 等一震, 雖然都有少許雨水打過來, 但風趣幽默的老闆, 加上美食當前, 梗要啤啤佢!鵝片: 嫩, 厚度剛剛好, 底下的豆腐+花生-佐酒之選.大眼雞: 好肉, 唔醒.鹹魚炒白菜仔: 唔需要多講, 清哂.蠔餅: 正! 香口! 鬆化! 酥炸大腸: 幾好, 友人唔好腸都讚.蠔仔粥: 蠔仔份量多!佢辣油好得!當大家飲/食到尾聲時, 老闆說:係咪欲罷不能呢? 叫多支大啤喇!哈! 好滿足~

老上海一役後，嚴重食滯，想簡單地吃些粥品清清腸胃，清淡的潮州粥自然成為最佳之選。清明當日做野做到傻，好多野都未攪掂，但飯點都要食，搭程車來食個簡餐。未入門後，見「冷檔廚窗」空「撩撩」的，心知不妙，問阿叔有無潮州粥同九棍，佢話無呀，冷檔5點幾開時先有得賣，原來碗潮州粥係冷檔做而唔o係係廚房做，咁只好叫碗方魚肉碎粥同菜脯蛋。可能尋晚食到傻左，碗粥端上檯方知出事，菜脯蛋本身已屬鹹物，送白粥一流，但伴方魚粥就變得九流，皆因方魚粥亦屬濃而鹹之物，一撞之下，食滯的腸胃真的受不起。話是這麼說，其實這裡的菜脯蛋真的不俗，用雞蛋煎的，味道雖然不及陳勤記的鴨蛋菜脯蛋來得濃郁，但卻較鴨蛋做的軟滑。而方魚粥料粥而鮮鹹，食後唔多對路，應該落左些許師傅，食呢類粥都預左，計落都算滿意，下次會在夜晚再試試打冷。

星期四行花巿, 搵野食, 見呢間好多人等位, 試下鋪子小小, 但門口擺了好多枱椅, 所以我們都係坐在門口.我們七個人, 可以試好多野.叫左, 蠔餅- 幾香, d蠔幾新鮮蠔仔粥- 唔錯黃金蝦- 好好食, d shell好軟, 可以食埋黑椒牛仔骨- oklo 水鴨- 幾好, 不過少貴白菜仔- 幾好鵝腸- ok炒蛽 - standard仲叫左兩支喜力啤啤佢...好飽

上個星期六,同今日下晝都係呢度食晏...因為唔知去邊度食好... 咁岩行到呢頭,記得呢度d食評又唔錯,同事又話呢度幾好,於是入左去試下... 連續食左兩日晏, 發覺d水準唔係咁穩定.. 星期六食就幾好.. 今日食就差左小小.. 星期六叫左四個客飯, 平均每個30廿八蚊,有d平d有d貴d.. 紅燒頭尾,回鍋肉,涼瓜肉片,生炒骨.. 呢日碟都好. 只係涼瓜有dd散左..今日都爭dd.. 叫左個鱔糊,炒三鮮,獅子頭,津白肉絲,回鍋肉,... 炒三鮮就變左炒什錦>.<... 個鱔糊就竟然有d腥..唉~~~ 津白竟然切絲.. 肉絲有好多生粉槳.... 獅子頭就真係唔錯,但只係食左一啖.. 今日唔知點解d 飯唔熱, 投訴完之後..都算係咁喇,問我地要唔要換過d飯, 為左保護地球,唔駛佢換, 但呢度都幾好service, 好自動咁送上一碗熱飯.. 好... 仲有.. d例湯唔錯..

曾經有段時期獨居天后....逢有朋自遠方來探我...我一定帶佢黎食發記...貪佢又平又好味....有時自己個放左工唔知食乜好時....又會黎發記...一個客飯送老火例湯都只係$26...又可以加$2轉菜飯....推介獅子頭...好好味架....仲有蠔仔粥...沙爹牛肉粉絲煲...椒鹽鮮魷等....都好正架....佢只係開到凌晨兩點..但係越夜越多人....好多時都見D人坐到出街邊....咁多人幫襯...足以證明佢有幾好味...

以前家住炮台山的時候,經常做"無飯家庭",父母放工既時候,就會打電話叫我和姐姐到發記開飯,發記供應既菜式有潮州,廣東+上海,適合家中各人既喜好~發記既食物不貴,野食又好味,所以發記吸引左唔少住北角半山既人駕車到發記開飯,因此門口都經常泊滿左好多房車,而且,我食左發記咁多次我都係試過坐發記內鋪一次,其餘,我都係坐街外架~我地最鍾意叫:1)砂鍋津白,因為既有雞湯飲,又有菜食~2)椒鹽骨,好香既五香粉3)糖醋骨,甜味和酸味非常平均4)"魯"水豆腐,入味+唔老5)蠔餅,好多肥美既蠔仔yummy雖然,宜家唔再住o係發記附近,但每隔幾個月都會去幫襯佢一次,而每次都無令我地失望而回~

在朋友家打牌，大家落街食飯，佢帶我地來這裡，見晚上十點幾都座無虛席，加上呢度又唔係旺區，有咁樣陣容足證其受歡迎，好在朋友事先同個老細單聲至在路邊開多張四人檯，如果唔係就要等位。叫了蠔餅、鵝腸、掌翼同大眼雞一條幾個「啤酒菜」。蠔餅同灣仔新星般，傾向炸多過煎，蠔仔幾大粒同鮮甜，炸的蠔餅又香口，送啤酒最正；鵝腸肥美甘香，又唔係太韌，太受歡迎結果要叫多一碟；掌翼大隻幾有肉，鹵水入味，不比鹵水專門店的差；大眼雞亦大條鮮甜，送粥又適合。加埋幾支大啤，粥飯等埋單二百幾，坐街邊食的話唔算好平，但食物是有水準的。要留意店內位置不大，客人十居其九要坐出街邊或後巷，環境可能唔係個個人都適合，要幫襯就要預左。