百事吉餅店

營業中

休息中

不嬲見到啲傳統麵包舖我都會忍唔住入去望吓🤣因為比起啲好精緻嘅舖頭，我更加鍾意一啲有傳統氣息嘅小店，成日都會搵到啲驚喜!今次係百事吉都唔意外🤪本身係花生控嘅我，一見到個8蚊嘅花生千層酥，就忍唔住買咗個。估唔到呢個價錢食到個咁高質嘅甜品！一咬入口，超級鬆脆，一啲都唔油同heavy!入面有滿滿嘅花生醬加花生粒，雖然唔係話去到爆醬，但就啱啱好，唔會食到好滯😋食哂成個真係超級滿足開心🥳

激平❗️新品💚 $13巨型抹茶奶酥吐司🍞 超鬆軟 雲朵感手撕麵包 ☁️🐭 米奇老豬Vol. 421🐷［百事吉餅店］你無睇錯 又係呢間 😂聽姐姐講上次出post介紹完花生千層酥大賣佢地而家直頭捧左成盤喺收銀隔離 😚今次老豬趁lunch time一點半新鮮出爐又試左佢地嘅新品 💚.🐖🐖 《綠茶奶酥吐司》🐖🐖 💰$13💰拿 新鮮出爐嘅吐司 真係無得輸嘅個錫紙盒都仲係熱到辣手 ♨️而且拎上手好垂手 超大個！吐司表皮同邊邊角角係烘到脆！面頭嘅原味/綠茶奶酥嘅牛油香好正 👃🏻吐司體係原味 富空氣感而柔軟有手撕麵包嘅影子 ☁️綠茶奶酥口感有d似雞尾包嘅椰蓉份量唔多 只係輕輕一抹在扭紋之間 🍵抹茶迷可能會覺得唔滿足但吐司控已經好滿意 🥰.❣️🐭總評分🐷❣️味道：8.2/10 服務：N/A環境：N/ACP值：✴️ 高 ✴️ENCORE：新鮮出爐一定衝✅.自費️⭕/試食.📍百事吉餅店 📍灣仔灣仔道67號地舖其他分店（不過⬇️呢間無）灣仔石水渠街15號地舖.

🤑激平價$8🇭🇰花生醬千層酥 🥜 超厚粗粒花生醬夾心 酥皮超酥脆 回購無數次 ✅ 🐭 米奇老豬Vol. 413🐷［百事吉餅店］身為百事吉嘅忠實擁躉幾乎每日都會幫襯 🤭繼芝麻包、豆漿蛋白（遲d出post再詳細介紹、超推薦）之後呢個千層花生醬酥榮登老豬嘅Top3🥉⚠️記住要去灣仔道果間先有㗎！.🐖🐖 《千層花生醬酥》🐖🐖 💰$8💰中間嘅厚層花生醬夾心超❣️香❣️🥜口感紮實 呈乾身膏狀 但完全唔會油膩❣️而且撈左好多炒/烤香左嘅原粒花生又脆又香口❣️花生迷approve ✅酥皮係港式杏仁酥條嘅口感 🇭🇰面頭灑左糖霜 提升左甜度首層比底層更富空氣感 更鬆化雖然無法式拿破崙嘅焦糖牛油香🥹但為左個花生醬 我可以😎.❣️🐭總評分🐷❣️味道：8.4/10 服務：N/A環境：N/ACP值：✴️ 高 ✴️ENCORE：✅ .自費️⭕/試食.📍百事吉餅店 📍灣仔灣仔道67號地舖其他分店（不過⬇️呢間無）灣仔石水渠街15號地舖.#米奇老豬_灣仔區#米奇老豬_糕點#米奇老豬_花生#百事吉 #灣仔美食 #銅鑼灣美食 #千層酥 #酥皮 #杏仁酥 #杏仁條 #花生 #花生酥 #花生醬 #花生控 #粗粒花生醬 #拿破崙 #拿破崙蛋糕 #千層

買了一底椰什班蘭糕，$80一底/$150 兩底，可以夾其他蘿蔔糕或年糕買。班蘭糕真空包裝，切開吃後感到完全中伏，雖然有甜味，但沒有椰汁香味，咬落冇柔韌feel,好像吃擦子膠般。

自從快樂餅店執左就搵唔到灣仔又平又好食既蛋撻☹️，呢次去開附近食lunch，同事話呢間餅店都係好舊式既傳統餅店，所以黎試一試😌。舖頭除左有傳統麵包外，仲有好多曲奇、杏仁條、糕點等等，價錢亦相當大眾化👍🏻。🔅布甸包 ($15)布甸包無咩蛋香味，偏奶少少。包體係普通既包🙈，唔係嘉多娜煙韌嗰隻。食落包同布甸都一般，比較可惜。🔅酥皮蛋撻 ($5)蛋撻就普通，酥皮可以再香啲🥺，但喺灣仔呢個價錢都抵食，同埋焗返熱應該好食好多😌。💬同事買左個蘋果包(?)佢超好評🤣，表面似丹麥條。不過整體黎講都係傳統餅店味道，好似曲奇同蝴蝶酥呢啲更出名，下次經過再試😍。

星期日晚的百事吉餅店都仲係好多人，仲意試得意野又眼利的我，發現了菠蘿撻, 仲有我仲意食芋頭製品既芋頭酥。菠蘿撻原來係撻皮包住蛋糕, 上面再有一小瑰薄菠蘿片，味道還可以，但我還是喜歡中間有蛋漿至於芋頭酥, 我仲意佢唔甜，入面仲有少少咸蛋，不過真係少少。其實這樣還好, 不油膩！GOOD~

呢間餅店唔止同事介紹，連為食嘅朋友都要慕名而來！（我都係人哋買俾百事吉嘅蝴蝶酥俾我食，先知道原來咁好食架🙈失禮了）🦋蝴蝶酥 - 皇牌之聚！餅乾騷脆香甜，無油膱味，餅面鋪上糖，食到停唔到口🤤什錦曲奇、杏仁條主要我想買全曲奇俾甸甸🐶 不過就唔見呢款包裝，唯有買住餅店assorted 先。試過佢哋嘅曲奇香濃脆口，記得有朱古力味、抹茶味、咖啡味同原味，四款都好食😋然後佢嘅杏仁條都不遑多讓，保持脆口，咬落有兩層，滿足咗口感。餅店除咗Bakehouse、快樂餅店同 ABC餅店外，其實百事吉都係灣仔數一數二嘅餅店之一。

百事吉認識呢間舖係因為屋企好鍾意買佢地D 賀年食品（話說又到新年，大家都可以去睇下）蝴蝶酥、杏仁酥、笑口棗全部都好好味，尤其杏仁酥一層層脹卜卜好flaky🤩曲奇好有牛油香又鬆化🤩🤩不過麵包都係第一次試🙈香芋酥$13偏台式嘅，酥皮都唔會糊埋一舊，但係偏甜同埋芋頭餡沙沙地🙈食食下仲有鹹蛋味😅都係鐘意嘉多利拿破崙$15係港式拿破崙，酥皮一樣好食（我諗因為其實都係蝴蝶酥嗰啲底🤣）中間唔係cream而係好似鳥結糖/棉花糖嘅texture🧐加少少核桃，食落唔會太膩咖啡核桃包$9有淡淡咖啡味，但偏甜🙈好鬆軟但唔係空氣包，除咗有核桃仲有提子乾，但唔算好多麵包黎講就係街坊麵包舖質素，但酥點💯

好朋友送來的曲奇🍪餅每天都大魚大肉，飲飽食醉…..來一個小吃多滋味的曲奇🍪⋯⋯假期睡醒後的早午晚三餐😂😂😂😂盡是又香又脆又好味道的曲奇🍪食得好滋味⋯⋯食完又會翻尋味🍪———————————-呢間老字號嘅餅店，每日新鮮出爐的餅乾🍪、蛋糕🍰、麵包及其他⋯⋯傳統做法包餅及糕點👍平日吃曲奇只會去某一間餅店買來吃，原來有咁多好食嘅都唔知，始終老字號店舖真係有個人之處⋯⋯————————————有各款味道，核桃、果仁、提子🍇、果jam及多款不同口味，又香又脆，提子🍇更帶有煙煙靭靭的口感，實在好吃😋嘆住茶食個餅🍪⋯⋯享受——————————期望新的一年疫情快點離開😏祝願所有人身體健康⋯世界和平🥰其實開心🥳簡…單就在你身邊..。食….拍…寫.. 已經成為我生活中的一部份鍾意食..鍾意拍…鍾意寫..留下美食回憶————————-

如果喺附近住/做嘢嘅都會知道呢間麵包舖幾受歡迎。除咗麵包之外，佢仲有好多蛋糕🍰、曲奇🍪、糯米糍等嘅產品。平時都有食佢嘅麵包🍞，今次就買埋瑞士卷試吓。.📍咖啡瑞士卷（ $15 ）一條六件，呢個價錢對比坊間其他麵包店嚟講已經算平咗。口味方面有朱古力🍫、咖啡☕️、原味同蛋白🥚。不過好可惜一入口已經覺得唔夠鬆軟☹️，又完全冇回彈力。咖啡味唔突出，只係食到輕輕嘅甜味👉🏻👈🏻，更加重要係中間嘅cream實在係太少，幾乎喺食唔出，整體上唔夠濕潤。試過就算，絕對唔會回購。.Ps:見佢個餅櫃到曲奇口味好多，有冇人食過知道佢好唔好食？.

近排疫情非常之嚴峻，可以嘅話最好都係留係屋企食平時早餐最鍾意落去樓下茶記，食個通粉，飲杯奶茶，但係而家盡量都買麵包返屋企，快、靚、正，食完之後就出門返工今日經過灣仔街市，見到有間懷舊老餅店，好多人收咗工喺嗰度買麵包，就順便入去買咗第二朝食嘅麵包做早餐<四兄弟$6>四兄弟其實係火腿芝士卷，分開咗四格所以叫四兄弟麵包尚算鬆軟，芝士嘅份量都幾多，不過略嫌成個火腿卷有啲細，男仔應該要食兩個先夠飽<鬆餅$5>鬆餅$5真係幾抵食，好重牛油味，不過口感略嫌紮，鍾意食鬆化嘅朋友就唔啱啦

十多年來都是百事咭FANS, 今日老公特意買來半打蛋撻, 三個菠蘿包加半磅朱古力花曲奇.  但估不到質素下降很多,蛋撻皮完全比自家製更難食, 但最差的是朱古力花曲奇 - 是淋的曲奇.  念在它是一間老店, 我特意打電話通知他們, 曲奇是淋的, 不要賣給其他客人. 但接聽電話的女士說"咁你唔好要攞!"  作為長期顧客真是很失望!

前兩天，朋友買了包應節既 角仔，試完之後好鬆化。就打算去買幾包俾老人家食，有肉鬆，花生兩款味道選擇，最少半磅。上網睇到原來仲有其他懷舊野食，好似白糖糕呀，笑口棗咁，曲奇都好似唔錯，不過豆沙角太肥，就不宜凍食。由於第一次買，點知排完條長隊，話要角仔，門口既女士竟然係黑面擰頭，但又好樂意同身邊既同事吹水，其實只係答我一句，唔會浪費好多時間，反而係我排左差不多十分鐘先知賣晒，雖然好食，但態度咁差都唔會再去。

灣仔係好多平民美食既地方每次出灣仔我都會買麵包做早餐或留作明天吃便宜好吃,比起所有連鎖店都好食,麵包不會空心,餡料多,每天不停新鮮制作流量高,經常都買到出爐麵包餅食係我心目中香港最好食既平民麵包之一$5一個叉燒包,火腿蛋包,出爐蛋撻除了街坊客仲有大量旅遊客來買,有旅遊指南介紹過佢既曲奇餅同蝴蝶酥腸仔包$5,波羅包$3.5,精選曲奇一袋$80,仲有好多人大讚既杏仁脆條杏仁酥條$118 一磅,蝴蝶酥同價其他曲奇$80,有咖啡,朱古力,合桃,抹茶,橙皮,花生等等~很有地道小店情懷,出爐包就連鐵盤整盤放在收銀處叫賣波羅包大大個又脆香,好回味,另有小蛋糕提子鬆餅,紙皮蛋糕,皮蛋酥,咖哩角

呢間自從吃過一次後便念念不忘，今次難得來到灣仔，當然要再買來吃！今次分別買了半磅蝴蝶酥（$60）同一包禮物包（$80），同事吃過後都大叫好味道！十分鬆化而且擺幾日都仲係好脆！同時，仲買左杏仁條，不過都係蝴蝶酥好味!裡面仲有好多種類既野賣，大家一定要來試試！