百份百餐廳 (藍灣廣場) (已結業)

今晚8號風球除下後(7p-8p)，到藍湾廣場吃飯。我坐的枱號可以看見員工上餐及打包外賣的情況。看見一名熟齡,短髮,畫了眉,左手帶青色玉鈪,右手帶黑色圓型手錶的女員工，用食具從堂食的白飯碗，撥一些白飯到外賣的圓形盒後，見到飯高於外賣盒，竟然不用食具，直接用手掌(無帶手套)壓飯入飯盒，然後蓋上飯盒蓋！她事前沒洗手，也如其他員工一樣，赤手拿枱布抹枱，(枱布也沒洗)。好噁心。全店中，只有包外賣的年青結束馬尾女員工有帶藍手套，其他員工沒帶手套下清潔枱面，其後也沒馬上洗手。沒有衛生常識！

尋日帶咗個蕃茄湯麵，點知有隻小昆蟲！佢哋嘅態度非常之好，講句唔好意思就走咗去平時佢哋嘅服務態度都非常之差！個個啊姐好似，火爆番工甘講真大集團都唔應該越做越差 無奈

今天晚上在這餐廳買外賣二人晚餐，附藜麥飯。因母親不吃藜麥飯，故我想轉白飯。但收銀堅持只可以是藜麥飯，沒有白飯供應，我才記起之前也有相同經歷，我收到的訊息是這餐廳是沒有白飯供應的（抑或是我誤會了）？但白飯供應不是基本的嗎？為什麼一定要逼人吃藜麥飯呢？🤔

諗住返工前食個早餐，見到百分百就入咗嚟食。其實最主要嘅原因唔係嘢食，叫咗個蕃茄雞扒意粉轉米粉其實都ok，過得去。最想講係啲態度。11點幾上菜，12點搭2左右食曬，飲埋啖檸茶， 其實我都已經夾好曬錢、帶定口罩、諗住坐多兩三分鐘先走。其實我喺呢間舖頭成個過程都只係逗留咗七個字(或者八個字)(35-40分鐘)。有個金頭髮冇戴眼鏡紮辮嘅阿姐，一路執走曬我枱上面嘅所有嘢同埋一路講小姐我出面有好多人等位)，冇㗎啦…呢句嘢之後就冇下一句㗎啦… 你咁講都係想我走嘅啫。其實一個人嚟食嘢坐咗半個鐘多啲都唔係好過份啫？你爆場唔會要個客幫你諗方法呱？而且我上幾次嚟食都冇呢個遭遇，我次次都係坐半個鐘就走。唔通你見到我好蝦呀想搵我發洩啊？其實如果有限時我唔係介意， 你要同個客講， 大家都做呢行，都知道要做生意。但係我都冇話好過份坐成個鐘先走，所以有啲委屈所以下一次我再嚟咁遠水路返工我寧願訓入停屍間都唔要就畀呢度食，完！

之前幫襯過石硤尾邨嘅百份百餐廳，食物質素都唔錯，所以今日去幫襯另一間分店，藍灣廣場的百分百餐廳。我叫咗一份午餐，有惹味星洲炒米加一杯熱奶茶。星洲炒米炒得好香噴噴，顏色亦好鮮艷，有好多材料，真係幾好味，不過食完覺得好有罪惡感。熱奶茶就一般水準，唔係特別好飲。

藍灣半島太少野食揀嘅關係，所以好多時都會係揀呢間百分百餐廳，而呢間最好食嘅就係雙色鴛鴦扒焗飯！雙色係白汁芝士焗雞扒加茄汁焗豬扒飯～而飯底就係咖哩炒飯底，好特別！飯裡面就加有藜麥，感覺健康啲👍🏻

去完donki ，好鬼死攰，好想食辣野，經過門口見到百分百竟然有口水雞，仲要套餐裡面包括有一大煲燉湯。全個餐都係 $70 ,好啦，就試下D雞得唔得先。不過餐廳D服務真係一般，坐低左好耐都無人理，叫人落單，行過都好似睇唔到咁，等左好耐終於有人過黎，不過係執隔離張枱，過左好耐先叫到野食。都唔理咁多，最緊要D野好食，個餐一黎到，飲左啖湯先，估唔到個湯好清甜，裡面係有雪梨，猴頭菇，煲湯骨，所以好清潤，好啱呢個餐。因為口水雞都係偏濃味，有個湯滋潤下都唔錯。不過個雞就一般啦，其實個味係唔差既，但係D雞好嚡，每一啖都要趙好耐，牙都軟埋下次都係去D專門既餐廳食雞好D。

大字標榜攞獎咖哩牛腩飯，食完後真係大叫一聲「把 L」，這碟所謂攞獎咖哩牛腩飯，D牛腩又硬，D咖哩又咸，街邊車仔麵擋好食過佢，唔該佢收翻個招牌啦，真係笑死人，唯一係價錢都唔算太貴，唔係就真係背脊骨落。

百份百😋啱啱新開嘅時候食過一次，都真係7 8 9年🤣今日同男朋友行完藍灣Donki，四圍搵食就揀左呢間食！😌其實係想食焗飯 哈哈😝落單時照舊其中一杯叫凍檸水，但店員貼心地提醒佢地既凍檸水/茶係唔會有「一片片嘅檸檬🍋」，係採用新鮮檸檬冷壓而成，保留原有的纖維和果肉。即管試試啦😌飲落感覺味道其實同有「檸檬片」差唔多，只係有d唔習慣冇得「篤檸檬🍋」😜1️⃣咖喱雞扒拼吉列魚柳飯-份量超大，雞扒夠大塊，而且吉列魚柳好新鮮脆卜卜😋真係好新鮮！！！！咖喱出奇地有驚喜，唔係大眾餐廳偏甜既咖喱味，係偏辣嘅咖喱，果然餐牌有辣椒仔🌶係真嘅😋真心推薦鍾意食咖喱朋友要試👍🏻我自己就一定會再encore 😋2️⃣皇牌鮮茄焗豬扒拼腸仔及蛋炒飯-焗鮮茄飯一定要用炒飯底先好味！一上枱，賣相相當吸引！番茄🍅味道真係超級開胃，豬扒夠淋😋岩晒我口味！如果可以多啲汁就好啦😄

千萬不要去，點一個西多士加咖哩魚蛋加熱黑啡，結果一上台是一杯熱咖啡，未試過一杯所講即磨咖啡可以完全沒有咖啡味，西多士用的糖槳為人工合成品。最可悲係熱咖啡變成凍咖啡，咖哩魚蛋還是未上台，這個店面真係世界級的服務。

用openrice promo code外賣滿$80可以減$20。叫咗個銀芽肉絲脆麪同埋紅白鴛鴦焗飯，本來對連鎖茶餐廳冇乜特別期望，但今次竟然有意外驚喜。脆麪雖然用外賣盒焗住，但食用時仍然夠脆，而肉絲汁味道較淡，個人覺得可以接受。焗飯無論係扒同汁都充滿香草味，同快餐店嗰d完全唔同，鍾意食焗飯嘅朋友可以一試。不過唯一可惜嘅係用app落單時飲品唔可以揀齋啡，於是我喺備註寫明，結果都係比番杯普通咖啡，希望下次職員會留意番。

皇牌咖喱坑腩飯 坑腩超硬超難咬 就連飯都好難食唔明點解會係皇牌 第一次食 以後都唔敢再食求其一間茶餐廳都好過佢 $55 好多地方都可以平過佢好食過佢 第一次食 亦都會係最後一次食

今晚黎到藍灣半島，見到各食店都好多人喺店多等位，最後揀左嚟百份百餐廳。餐牌內種類多元化，而價錢又實優，適合不同人士需要1. 美味煎牛扒拼司華力腸配吉列脆脆魚柳 $66 連經典原味紅豆冰。個醬汁係另上，今次揀左蒜蓉汁，汁內有粒粒蒜頭，夠晒蒜味。意大利粉用牛油炒過，充滿香味，加上餐飲免費配紅豆冰，真係超值，粒粒紅豆夠大粒及淋，好味2. 揚州炒飯 $56，夠鑊氣，有一般大排檔火喉，炒飯料亦豐富，只略嫌落多左油去炒。3. 粉絲野菌蝦米雜菜煲$65，連犂麥白飯，夠晒健康

嚟咗呢間餐廳食晚餐啊，見到個餐牌都好多選擇，最後揀咗海南雞飯嚟到之後，先食啲雞，啲雞果然好滑。我最欣賞呢碟飯的豉油汁啊，嗰啲汁甜甜地，放系雞油飯到食好滋味啊。個餐會包埋杯凍檸檬茶。

新式茶餐廳，從前有侍應在門口守候，問你多少位，然後由他安排入坐，自從流行用電腦取票等位，餐廳亦跟上潮流，在餐廳入邊近入口位置放一部自助取票機，可惜太不顯眼，在門外走廊通道很難看到這取票機。點了咖哩雞扒併吉列魚柳配有營藜麥飯，可惜，當到餐時，咖哩雞扒併吉列魚柳太好，相反，顯得藜麥飯有點遜色，只係白飯中混三、五粒藜麥似的，太少藜麥了。從相片都看得出來; 再加一客紅燒枝竹豆腐魚柳煲配有營藜麥飯， 不要提這藜麥飯喇! 這魚柳煲還不錯呢! 新鮮熱辣，魚柳足料、先炸後煮很到火候。 每份餐可配茶或湯，羅宋湯味道也不差。咖哩雞扒併吉列魚柳+白飯+羅宋湯