百份百餐廳 (藍灣廣場) (已結業)

其實一間連鎖餐廳，品控真係最基本，食茶餐廳要等入門口其實都冇乜所謂，叫左要等其實都冇乜問題，貴都係小事，零服務我都接受到。一切都係講值唔值得，如果好食既話，以上一切都足以抵消。其實係藍灣冇乜野食，食物，服務，速度，價錢從來都不可兼得，我做過餐飲業，我明白既。但係要我係門口滿心期待等二十分鐘，等上菜二十分鐘，比四十三蚊出黎，仲要忍d樓面有事就走左去，我值得食一個叫正常既餐掛？四十三蚊一個辣辣地剁椒牛肉炒麵，係，你有炸底，你個汁係有青椒紅椒，但完全冇辣味，剁椒係青紅椒？不如換左個r&d部門或者marketing 啦，或者請定幾個律師打商品說明條例都得既。貨不對辦都係小事，話廚房個個都係文盲唔識呢d野當過到骨，個茨汁先係過分：點解會有舊啫哩呢？凍水開生粉是常識吧？一個on lunch list既午餐，慢、貴、冇服務得黎仲要咁既質素，叫人點接受？呢個性價比我完全唔會接受，零分冇下次強烈負評。如果餐廳負責人或營運部門見到，我強烈建議你請個qc,忙都唔係咁做生意。一間餐廳，多客先見真章，唔係人愈多愈做臭個名

『百份百餐廳』 藍湾半島分店 開業至今在這半年、没有最差，只有越来越差。光顧多次経験所得、最初，侍應有很多，不過，經常寫錯枱號，漏單，食物去錯枱、食物質素還可以。餐廳主管解釋說:因新開張，需要時間熟習。到了今天5月19日〈星期一〉你們在藍湾半島開業都有一段頗長的時間、不單只食物質素下跌、聘請回來的侍應生素質也十分低劣，今日下午4點50分進入餐廳、【 非繁忙時段 】没侍應生｛給水｝、没侍應生｛寫菜單｝我便主動舉手示意、有一個50歲左右女侍應生、面向我接近3呎位置，馬上轉身背向我，扮看不到。終於找了一個20歲左右女侍應生 ｛寫菜單｝順便問點解 那個50歲左右的女侍應生這樣反應、 20歲女侍應生解釋說那個人是不懂 ｛寫菜單｝的、但為什麼不给客人水、 為什麼明明見到客人舉手、也扮作視而不見呢？我只是叫了《2份雞扒大碗飯 蒜蓉汁另上》開始等待食物的時候、傍邊坐位還未有客人的、直至有客人坐下、落菜單、食物到了，食物差不多食完了、我的食物還未到、我問 20歲女侍應生是否漏單？她說無漏單、我足足等了35分鐘。食物來到的時候、雞扒是深啡超硬、黑椒汁。我向 20歲女侍應生投訴、她完全不理睬我，我終於行去《

新舖開始無人排隊, 晚餐都係等10分鐘左右, 不過如果D侍應唔係掛住傾計既話可以再快D.  未坐底已經睇定食咩, 所以坐底後就想立即落order, 不過好唔容易先叫到個侍應埋嚟, 我地叫咗一個wasabi 牛柳同鯇魚腩煲餐, 餐茶叫咗奶茶, 不過...嚟咗奶水, 我地即刻叫佢換過, 佢送過兩杯過嚟就比說話我地聽, 佢話"公司規定係一"殼"奶". 但係你D茶既濃度啱先係配一"殼"奶架.  Wasabi 牛柳     味道唔錯, wasabi 味出又唔攻鼻, 只係牛柳較un啫.鯇魚腩煲    漏單, 要追先即刻補做又無簡單道歉, 又唔係人多, 又用晒系統都漏單 too bad.  送到埋嚟個樣就麻麻地扁扁咁, 好似一片片咁, 朋友話外皮仲有小小脆, 不過唔够汁, 乾咗D.  跟住隔離枱又叫咗呢個煲, 人地個個又無漏單, 又一件件靚仔好多架, 起碼D魚都高過個煲先啦. 服務方面, 年青人多, 笑容無乜, 禮貌就唔多覺, 成間嘢好似無皇管咁, 鍾意傾計就傾計, 叫又唔一定應你.  水吧就麻麻, 杯奶茶一睇就知奶水啦, 連個侍應聽到我話要換一杯合理既奶茶, 佢自己都唔好意思收返走.  廚房又麻麻

時間來到這裡還可以有早餐~但等多一會就可以改選午餐~因為之前吃過早餐了嘛，所以就選擇等一下。午餐的選擇也是有不少^^其中的有咖喱飯~這裡的咖喱辣的味道比較多，但飯很硬Orz我自己則點了番茄雞扒通粉~番茄湯還好~雞扒也ok~ 感覺就是很正正常常吧 =)倒是這個名字很厲害的肉絲=___= 那根本不是肉絲吧~~肉都黏在一起變成肉餅了!!!!茨汁也沒弄好..有些水汪汪~有些變成一舊舊~咖啡一般吧~不用加糖也可以*U*！

藍灣那邊的食店轉換得有時也頗快~見到有間新店當然就試下吧~而且這餐廳也有不少人排隊。這裡的早餐種類還算多~而且每一個Set 大多會配上多士~不過那些蒜蓉可不可以再多點點.. ? =_____= 通粉就當然不過不失吧~但沙嗲牛肉麵真的完全不行 .__.  沒有茶餐廳吃到的水準~而且牛肉那個口感也不好。倒是這些西式早餐比較好~ 除了多士外~也可以改選擇牛角包 ^^。

大年三十, 打算食個好早餐, 見到這家新開無幾耐的茶餐廳, 就去試下買外賣食.款式幾多, 有番茄系列等, 最終叫左無糖鮮奶麥皮, 蛋治和熱好立克. 麥皮中有蛋白絲, 一雲一雲的, 很滑的, 我食慣有糖, 所以都落左一包糖調味, 份量不太夠, 約200ml左右, 還有麥片份量不多, 好像只是喝奶一樣. 最吸引就是蛋治, 兩大塊厚方包, 夾住約1.5cm厚的雞蛋, 好有蛋味, 麵包都幾軟熟, 最好熱少少. 至於好立克, 水不夠熱, 所以不是咁好飲.值得一提的是, 如果你要買外賣的話, 就一定要預足20分鐘時間. 果日上午8:45左右, 食客不太多, 不知點解, 都搞左我17分鐘. 據收據(號碼: 0100-008892)上顯示落單的時間是8:46, 心想人不多, 應該好快, 頂多10分鐘會有. 不過過左10分鐘, 仍然沒有蹤影, 我見水吧果邊都好像未有打算整我的餐, 遲過我來的堂食食客都已經有野食, 所以吩咐收銀員幫我跟進. 她馬上幫我跟. 我再等3分鐘, 仲未有打算同我整, 於是我再催多次, 今次收銀員叫埋個好像傳菜經理的女人過來, 叫她馬上整. 我心想: 你們一直都無同我整, 現在先黎