百樂潮州酒家

營業中

休息中

百樂潮州酒家花膠龍脷葉例湯入口清甜膠質重，龍脷葉味道清香，非常滋潤嘅時令湯水蝦多士蝦多士炸得好脆口，麵包脆索索，大蝦夾花膠蝦肉好爽口，蝦肉同蝦膠彈牙，但係蝦味淡薄兼有啲油膩，唔夠乾身。紅燒金山大鮑翅有得睇冇得食，見到都流口水！滷水拼盤豬大腸夠腍又夠入味，滷水淡淡清香滲透肥膩油脂香氣，嘴𥚃充滿強烈大腸特有滋味，口感軟腍腍，係傳統滷水大腸風味。滷水鵝腸煮得夠腍，但係好爽脆帶幽幽滷水味，雖然鵝腸味道較為淡薄，口感不同凡響，難得食到靚嘅滷水鵝腸，如果冰鮮鵝腸帶埋肥膏，咁就天下無敵啦！墊碟嘅滷水豆腐質地較為粗糙，黃豆味淡薄兼且唔夠滑嫰。滷水鵝掌翼鵝翼炆得夠腍夠香，鵝肉同埋鵝皮脂肪香味濃郁滿溢，滷水冇蓋過鵝肉味道，層次分明恰到好處。鵝掌皮脆嫩滑，獅頭鵝皮夠厚有咬口，但係唔會實掘掘，好味有水準嘅鵝掌翼。紅炆花錦鱔皇經理提議嘅時令菜式，有十八斤重嘅花錦鱔，皮厚肥嫩肉鮮甜，入口細膩味道濃厚微微帶黏口，火腩融合鱔肉味道強勁十足冇甩拖。墊底菜苗生菜連鱔汁進食，口感豐富味道互相配合，又係另外一種食法。瑤柱扒豆苗清爽有豆苗蔬菜香味，連乾瑤柱一齊清淡帶點點海鮮味道。糖醋麵蛋麵煎得好脆身，唔撈糖醋淨食有淡淡嘅蛋麵同

係圓方食完晚餐，去西九睇燈飾。個鴨片炸香芋好食，做法複雜，其他地方小見。芋泥唔會太甜，幾好👍豆苗好嫩，好食😋鵝肝鵝片不過不失。蠔仔粥比較清淡，都算多蠔既，加啲芫荽蔥就更好了

杏汁燉白肺湯，湯汁色奶白濃厚，杏仁味道濃郁，口感一流，入口潤滑香濃兼好creamy，覺得似飲牛奶嘅feel，估計有用高湯同雞腳去燉豬肺湯，連豬肺都好好食，非常之軟檽而且綿滑。廚房師傅應該用咗好多工夫同時間炮制而成，酒樓誠意可嘉，好耐冇飲過咁有水準嘅豬肺湯。一個外賣例湯能夠分到六隻細碗。為成五十幾個大洋一碗，雖然有啲貴，儲夠錢再去買外賣飲過，荷包可以化算啲！酒家堂食人多瞞座，落單時外賣只得一個，等候時間較快，而且提供疏化椅比客人等候，唔洗企餐飽。而侍應專注服務堂客，外賣客就孤拎拎嘰嘰咕嘰嘰！

今次與朋友聚會，方便泊車所以揀咗Elements，又想試吓老字號潮洲店，百樂潮州酒家自然係首選。在OpenRice訂位7pm，坐近門口（唔知入D有冇位，定坐近門口幫店舖營造多客人的氛圍。眼見其他客都坐門口的）。必試的滷水拼盤、蠔餅、杏汁豬肺湯都有叫。另外，雞、魚、菜都叫了及還有店員介紹的蝦蟹雙棗。湯唔錯，豬肺都算腍，滷水拼盤覺得一般，墨魚比較好，蠔餅唔夠脆。反而魚有D驚起，皮脆肉嫩，雞不太鹹，肉質唔韌。最失色係雙棗食唔出有蝦及蟹味，煲菜都一般。整體而言，食物比以前退步了。值得一讚係那天晚上的服務質素好，待應主動協助拍照及更換碗碟，走人時行錯方向找泊車服務台，店員追出門口及呼叫提示另一方向。每人平均消費$500，可以有其他選擇。

百樂潮州酒家是一所高级潮菜食馆, 食物不錯, 但是服務卻是讓人失望. 今天是2024年4月20號, 中午11點45分我單獨一人沒有訂枱直接進入九龍站圓方的百樂酒家午飯, 門口一位穿綠色制服,梳起髮髻的女士說有枱,然後帶我入內, 同時大大聲聲, 用粗魯的語氣對我說了幾次一點鐘要交枱, 我說用膳時間不是90分鐘嗎?為何75分鐘就要我離開? 她用粗魯的聲線對我說,因為我是沒有訂枱的walk-in 客, 所以要一點交枱, 這裏是高級食府,我個人消費350元, 為何會得到這樣粗魯的對待呢? 我立時和經理傾談, 為何我來消費卻得到如此對待?限時90分鐘我明白, 這是普遍繁忙餐館的規則,但是否歧視我一人用膳,就要我75分鐘離開呢? 經理立時多次為她粗魯的員工道歉. 怪不得香港人要上內地消費, 好明顯酒家這位帶客入內的員工是香港飲食業的害群之馬, 這樣的服務質素我們還有信心在香港消費嗎?若果在內地個人消費350元已經得到非常好的服務質素, 在香港卻買了一肚子氣.

在西九龍文化區圓方商場找午膳地點, 見到品牌潮食店, 決定探店, 侍應態度般切, 客人看來多似熟客, 亦有九龍站上屋苑客源, 座位分隔可取, 寬敞舒適菜單内有好多選擇, 潮式小食少不了, 今次點了：潮式豬腳凍手打魚蛋粉例牌鵝片骨豆腐其中最欣賞豬腳凍, 豬腳去骨煮成肴肉再釀入猪腳, 口感猶勝上海肴肉, 入口爽軟無渣手打魚蛋粉, 一般水準, 不過不失鵝片豆腐, 鵝肉肉質可更理想, 我偏好軟滑一些, 帶骨肉件反更有口感, 墊底豆腐畧重鹵水味😀平平凡凡一頓潮洲菜

食物質素不過不失。但係招呼態度就真係麻麻，見到我應該係招呼國外華人朋友，一上嚟就hard sell 凍蟹，魚翅，蒸魚。我話唔食就對住朋友sell, 問有乜特色嘢就翻炒凍蟹，魚翅，蒸魚。結果算啦我自己揀。因為朋友班高鐵8點至出到嚟，我哋開飯時間比較夜，到咗九點零一放低筷子想傾一陣就收碗碟同杯，擺明茶餐廳式服務。大佬，我哋兩個都叫咗兩千幾蚊（其實都係得𧐢仔煎，鵝片，排骨之類），真係傾多陣都唔得。其實除非有特別原因，呢啲食肆真係唔值得幫襯。

阿媽個陣時話食得開心就係最正，我今日黎到這家百樂潮州食得一個字：正！香煎蠔烙外皮金黃鬆脆，入口後即刻感到啲蠔肉鮮嘅唔得了，啲汁液一啜一啜咁流出嚟，簡直係潮州小食嘅極品😋。再點個潮式炒蘿蔔糕，啱啱好咁炒香，媽媽話彈牙又足料，每一啖都食到啲蘿蔔嘅自然甜。至於鹹水角，外皮驚喜般啖啖韌勁，脆到喺口裏嗲嗲作響，餡料仲鮮美得滴～蝦仔，豬肉碎，腰果唔使講，入口即化！最後嗌咗碗方魚肉碎泡粥，記得細細個食過嘅味就係咁回甘，底味夠哂，每啖粥入咀都好似帶住微微海風，帶起個鼻。正所謂「平民至寶」，絕對係會令你回味無窮嘅一餐🍚。店內氣氛嘅話，就係溫馨，地點方便，好岩同家人一齊悠閒地坐低傾吓偈，食吓靚靚嘅嘢，開心過一個悠閒午后。下次食飯，應該多啲嚟呢啲地方，食得開心又唔會使太多，真心推介！👍🥢👵🏻

中午和朋友去喝茶，叫左半只雞，雞翼上很多毛都沒有拔，真係太嘔心，而且服務態度又差，食物質量太差，不會再去，價錢又貴…衛生很差👎👎其他的點心也不熱，而且𠧧水的味道也很一般，非常不值去的餐廳。

蟹肉瑤柱菜苗餃有酸味韭菜豬紅啲豬紅好多粉 完全冇豬紅味叫菜心俾咗芥蘭D侍應淨係招呼大枱食過幾次 一次比一次差都係山谷呀嘛，咁你山谷都好大㗎，有部份完全唔推薦唔會再嚟 ！

中午同朋友3大兩細食午餐，叫左兩樣點心，豬肚湯，一隻乳鴿，烏魚飯，同例牌鹵水鵝肝，食物出品一般，份量唔大，环境非常一般，服務麻麻，買單時差唔多$2000 吓到！茶水每位$24，兩個小朋友都只係飲水都收左$48，一份小食$100！真係未見過小食可以甘貴价，太夸張啦，再都唔會来！食左飯好快已经肚饿，又貴又食唔饱。大概通左关游客多左所以餐厅想赚多d,但做生意都要有良心，价格要合理呀！大家千祈唔好来呀！夸張！

欣賞完極盡華麗，璀璨輝煌的百樣玲瓏、卡地亞與女性珠寶展後，便到此醫肚。雖然是黃金周，但人流不算擠迫。點心及小食的價錢媲美中上食肆，質素尚可，最可取的是各樣食物上枱時均新鮮熱辣，否則不值索價。份量多，醮料也美味，可惜牛栢葉灼得有點過火$72 三件質素正常的煎韭菜果，實在有點小貴平平無奇，質素正常燒賣也是質素正常可惜蝦沒有鮮味是日最佳出品，鱔柳厚切，炸得香脆可口，梅膏醬酸甜度適中解膩最佳的濃茶，免費奉上。

The food was so-so. We were looking forward to the taro dessert to find they were not making it though it was still on the menu.The worst was when the group of people in the room were smoking. When we raised our concern, the staff gave us really bad attitude.

🤣睇返草稿嗰度，原來勁多post都未出🤑呢間係之前做節嘅時候食🙇🏻‍♀️食物正正常常但服務真係好一般😩重有d趕客😅💫杏汁豬肺湯：杏汁味太濃都係女人街餐廳嗰間最好飲💖💫咕嚕肉：正正常常值得讚嘅，係肥瘦均勻💫豆苗：有啲鹹💫炸雙棗：一般💫最好食嗰個魚我唔記得咗叫咩名🤣送飯一流👍🏻💫蒸豆腐：一般我諗如果唔係屋企人話食呢間，睇見open rice負評講到服務咁差都未必會去🫠老老實實嘢食OK嘅...但如果同一個價位仲有好多其他選擇🤘🏻

味道正常，但價錢幾貴，完全唔值叫了餐牌上沒有的鹵水掌翼，$218！加一😨鹵水鵝肉，$168 加一茶錢$22 加一，加花生酸菜 $40 加一另加四個點心，三個人 $862，完全唔值，應該無下次😨😨😨😨食物味道正常，但價錢真心貴，完全唔值，服務只是普通酒樓服務，用餐限 90 分鐘，十二時食至 1:45，酒樓說要埋單，說因已經超時，外面未見排隊，但可能預訂已經爆滿。應該不會再去，一句到尾，完全唔值。埋單時真的比𠆤價錢嚇咗一跳