皇后飯店 (已結業)

我估我對上一次幫襯差唔多八年前咯.....是日放假...兩個人下午兩點黎食個 brunch....食左:煎魚莧菜汁意粉 - 個魚煎得好香....個汁好味...成碟清哂....西冷扒 - 不過不失閒日...又過哂食飯時間....冇乜人....出邊又有D陽光....又食飽左....真想小睡片刻....埋單 $154

今日係特別日子，夜晚二人行黎左皇后飯店開餐，環境和氣氛不錯、燈光柔和舒服...好快就安排到入座。我地點左4樣野，(1)周打魚湯---味道好濃，飲每一啖都有好多料好有口感，而且仲有小時候成日食既魚仔餅...(2)粟米忌廉湯---好普通沒什麼特別。(3)薯仔沙律---好好味道，雞肉好食。薯仔唔太唸又唔太硬剛好，雞蛋碎撈埋一齊好食(4)粟米石班飯---味兒不像平日茶記食的，粟米汁好濃又香，魚係冇雪味的。總括食物同環境方面OK的，不過真係太大碟了，唔想浪費食物，下次叫一份同朋友食便OK了。

對上一次食呢間餐廳,都成年幾前啦~今日年廿九,周圍都多人食團年~今晚揀西餐食,希望唔好咁多人~之前打過去訂位,但佢地話訂位full晒~叫我地walk in,佢地話會有小小位留比walk in的!一行三人,六點就去食....點之已經有坐滿左一半人,但我地都有位~到6:30已經full晒lu~點了3個set:西冷扒,串燒羊,串燒豬柳.........每個set都好新鮮好大份~無食咁耐都無令我失望~豬柳好嫩,羊肉都唔太蘇.....每個set都包餐湯同餐包及餐飲!

昨日下午五時多, 在吃AMARONI'S之前和兩位朋友去了皇后飯店嘆茶!~人不太多, 環境清靜, 最適合girls' talk!雖然被櫥窗的蛋糕吸引, 但是我們要留肚吃amaroni's, 所以每人叫了一杯飲品~朋友叫了伯爵茶--很精緻的一個茶壺, 盛著茶, 另外有一隻杯, 和另上的奶, 連坐在對面的我們都聞得到的茶香!另一位朋友order了halzenut coffee, 是熱熱的, 上面有一堆奶泡, 和我叫的那杯vanilla coffee樣子一樣..halzenut我味道不及starbucks的好, 但是vanilla coffee 真的很雲尼拿~所以都算是很好的經歷!最緊要是環境真的很舒服~坐在sofa上真的舒服得想睡呢~!

1月1 日, 2009 年第一個晚餐... 去咗皇后, 7 點幾去到, 唔算太多人等位, 出奇地又無話要叫一早set 死晒嘅新年餐.... 好似平時咁餐牌任叫...叫咗個西冷, 肉質適中, 唔點汁都好味, 略嫌面嘅燒焦味太強..雞絲火腿意粉, 要了茄汁.... 嘩!! 出呼意料好味, 初時以為普通野, 點知食落, 個汁整得好好.. 下次黎會再食.之後再叫個 german cheese cake, 又係好好味... 一餐好滿足嘅新年晚餐...

7 點來到, 不用等位, 好呀, 因為仲有9 倘字便要進場看戲, 馬上進內坐下了.一看menu, 劈頭第一張紙寫: 本店的肉呀雞呀,蛋呀等, 全都非大陸入口的, 請放心食用....咁呢個牌應擺門口啦...身為香港人, 看到好放心, 但身為中國人, 有份說不出的悲哀...但不理咁多了, 豬豬女友又話餓, 叫了田螺+ 蘑菇白酒汁扒, 我則叫俄羅斯凍魚+ 洋蔥汁牛扒餐.包包一如以往好味, 略熱, 牛油一搽即溶, 湯未上已食晒, 咁你都知有幾好食啦!湯夠料, 雖不太大碗但夠菜, 又不水.凍魚少許酸, 係連些更酸的沙律的, 所以先吃沙律再吃魚 便行.味道和般咸道的那間店子係一樣; 已去骨, 啖啖肉, 但肉都少許硬架, 有點似潮式烏頭點酸汁, 諗落雖怪但又幾好食.田螺我不太愛, 女友說係正常的, 我只食了田螺下的蘑菇.豬豬的牛扒落錯了汁, 但好快換返了.扒生熟剛好, 肉質都靚的.女友的扒汁係蘑菇白酒的, 好香, 點一些醬才,放入口, 正呀~~我的洋蔥汁係分開一碟仔上的, 內有洋蔥的, 也好香, 但 好像女友的白酒汁正d.另薯蓉係有鍚紙包住的, 食到有一點點肉味的, 但店內太黑看不清楚, 好像係豬肉

那天約了朋友在又一城, 4點鐘, Tea Set在沒有太多選擇之下, 來了這裡:Tea Set (包一杯飲品):蝦多士 – 熱烘烘, 不錯!Blueberry Cheese Cake – 很細件, 味道一般!Tiramisui -很細件, 味道ok…總況:服務一般, 本來叫了另一款Cheese Cake, 但發現有霉菌..侍應又死口不承認有霉菌..最後換了別的Cheese Cake…環境比想像中嘈吵…哎..早知去Cova啦! 食物很一般…又細件..唔抵食…

我來皇后只會吃三樣野1) 咖喱石班飯(2) 粟米石班飯(3) 焗豬扒飯因為我食過其他的都是平平無奇。羊排和豬柳還可以喇但也沒以上的3款做得出色﹐來得吸引。要了個周打魚湯﹐奶油味濃。 料有薯仔﹐洋蔥﹐青蔥粒 和魚仔餅。賣相可愛﹐味道不錯但比較飽肚。咖喱很香﹐香料調較得很好恰到好處不會過火。辣是屬麻﹐很快便不辣~ 最驚喜的是薯仔﹐平常在外頭吃咖喱﹐通常都是六神合體。薯仔生硬沒味﹐但這裡做的是事先醃好後再炸後才加進咖喱內。這裡的份量不小﹐所以這道菜最後要加多一份飯才吃得完。粟米石班飯: 這個粟米汁不是平常在茶記吃到的生粉什而是由白汁煮成。一粒粒的粟米粒配上沒有雪味﹐粉不會厚耷耷既魚塊真的令人很滿足。焗豬扒飯: 沒受蘇打粉洗禮的豬扒真別有風味﹐肉質亦絕不會韌。 汁很香﹐茄味濃旭酸味恰當﹐份量十足。炒飯還有少許飯焦﹐是先焗好後再盛在碟上。3個飯而夠4個人分了~~ 所以唔太大食既就洗叫咁多lu。

同同事食飯...都係志在吃飯吹水....不過, 唔代表唔會注意間餐廳o既服務態度....當晚serve我地o既waitress，點餐要問幾次先記得人叫咩，又落錯汁，又慢~~野仲有少少未食完，放低想休息一下，問都唔問就拎走人地隻碟....但到佢地見到我地餐台冇哂野食，個captain就似好有技巧咁請我地快d走...what kind of service????問題係....呢度一個餐平平地都16x起...都算係中上價錢，但比d咁o既服務....實在唔想黎第二次~~~~

冇食早餐, 來到又一城已成點, 好餓;自從銅鑼灣果間皇后執左, 都未再食過; 今天一早來到冇人, 馬上內幫襯先!叫了午餐, 分別係黑椒牛扒, 及芝士蝦天使麵.先上湯, 羅宋湯保持水準, 好味.牛扒不錯, 叫了五成, 真的五成, 好!!! 黑椒略辣.芝士蝦天使麵都幾大碟, 其實都幾漏, 預左. 女友吃唔晒.

考完試有女朋友接, 格外開心.之前都想試le 間餐廳, 但係成日都見到有人排隊, 所以無入到0黎, 今次見咁早到而人又唔多, 即管試一試啦.環境非常不錯, 有一盞小燈, 如果唔係對住廁所, 就更加好服務態度食好, 比普通西餐廳好點左個牛柳田螺, 女朋友點玫瑰燒雞.牛柳多汁, 叫5成又真係5成, 非常好田螺就不過不失啦, 可能唔夠新鮮玫瑰燒雞陣味好香, 食落都幾好食總括0黎講係好, 而且份量好多, 我地兩個都食唔哂-------------------------------------------------------------------------------------想起表白那一天------------------------------------------------------------------------------------今日係165日

上星期同家姐們lunch,佢地決定去皇后,因為她們先去攞位,所以午飯時間不用等.羅宋湯很酸.我要咗西冷扒跟飯--西冷扒很大塊,可惜啲肉比較靱及鞋口,而飯就只有很少,三幾啖已經食完.而家姐要咗西冷扒跟薯條--西冷扒也很大塊,同樣比較靱,薯條ok.另一位家姐就叫咗豬扒跟薯條--豬扒有兩塊,都算大塊,味道一般.

I liked the food in this restaurant a lot, i always order bake fish rice or pork chop rice here, and this time i choose ox tongue rice to eat. The sauce is really rich and it taste really good, lots of tomato taste in it and the tomato is very fresh. The ox tongue is very soft and it has absorbed the taste of the sauce, very nice. I ordered cream of chicken soup for the starter and its very nice, has lots of chicken stripes in it and it taste very good. For desert i had chocolate cheesecake, and

男朋友想試好耐, 就陪佢黎食羅宋湯幾足料, 味道佳, 忌廉湯就麻麻地我叫左串燒羊肉餐, 7成熟, 羊肉很林身, 也不膻, 非常好味!男友叫的肉眼扒餐, 都係7成熟, 廚師控制火喉很好, 不會太老不過面頭乾左少少, 而個黑椒汁也很一般飲品方面我叫了熱咖啡, 味頗香濃, 不過我多手落多左奶, 最後甜左少少價錢就貴左少少... 不過食物質素不錯, 而且環境安靜, 地方寬敞, waiter服務一流, 抵讚!

母親節,和友人在又一城逛街,開始肚餓之際,正在找尋晚餐地點,前一日見過"exp"的comment不錯,本想一試,但見到6點幾已大排長龍,友人說不等.之後去了"皇后餐廳",也要等位,大約15mins就可以入座了.其實俾我的感覺有點似"太平館",叫了"田螺牛柳餐"和"特級肉眼扒餐",田螺共有6粒,不錯.餐湯要了白湯,忌廉磨菇粟米湯,侍應還會把包夾在你的麵包碟上,頗特別."食送"菜均送得頗快,等的時間頗短.友人的牛柳不錯,但友人要求7成熟,感覺生了點我的肉眼則比所想的大塊,我們都嚇了一跳!醬汁是另上的,不錯.但薯菜只有少少的幾舊薯仔,本來頗失望,但已佩特別的甜酸汁,頗特別.因為太飽的關係已沒再叫甜品.整個感覺都是頗老牌餐廳的感覺.百幾蚊的價錢不算便宜,但以份量來說算不錯了