皇后飯店 (已結業)

睇過 “一粒鐘真人蘇” 介紹這裏的粟米石斑飯及羅宋湯, 講到鬼咁吸引, 想嚟試好耐, 星期一趁公衆假期, d人應該無咁早食晏, 我就早少少去食個 brunch. 十二點二十分, 一入到餐廳都仲有位, 不過過多幾個字門口已經開始有人等位. 一睇到個menu, 有四個餐($90), 個名唔係好記得, 大約係:1)西冷牛肉飯2)芝士蝦意粉3)龍利柳飯4)焗豬扒飯我俾個芝士蝦意粉吸引住, 另外再叫左個粟米石斑飯($102), 另加$45轉做餐. 叫左一個蘑菇忌廉湯, 一個羅宋湯. 忌廉湯唔錯, 羅宋湯就幾濃, 不過我覺得太濃, 唔係d料夠多, 而係調味料落得多個種濃, 所以唔係幾識得欣賞. 餐包無乜特別, 咪都係暖暖地囉, (九龍灣間茜廊好過佢, 因為有蒜蓉飽同蒜蓉牛油), 不過都幾軟熟, 牛油又軟化左容易搽, 所以都合格. 先上芝士蝦意粉, 賣相好吸引, 見到芝士同幾多蝦, 個汁好濃, 第一啖咬落去, 意粉唔合格, 過左火, 唔彈牙, 唔係al dente, 太腍. 個汁係濃, 不過又係落太重調味. 最值得讚係個蝦好新鮮, 食到蝦味.輪到個粟米石斑飯, 賣相都同樣吸引, 汁好多,

今日同男友去左又一城行街街... 因為男友要買衫嘛, 哈哈哈~ 之後去左呢到食dinner囉.. 因為我上次行過想食,所以男友陪我食~~ 我地今晚點左:西冷扒餐Grilled 石班 with rosey green sauce Tiramisud野食好鬼大碟.... 其實可以細番少少囉....我地今晚揀左蟹肉火腿忌廉湯, 都有幾多蟹肉窩...... 我o個個石班餐有rose伴碟, 食落仲有玫瑰味, 好得耶~!!!! 可惜太大碟....d西冷都好tender者~!!仲有呀,呢到d伴菜好好味.. d carrot又鮮甜,d corn又有butter味, d 咋薯條好有味啦,唔點ketchup都ok~!!! 個tiramisu都好好味架..... 價錢唔算太貴,不過我覺得可以細少少囉d野..........唔知係咪細左既話就收唔到甘貴,所以先甘鬼大碟???

傻仔敏一向都需要非常充足的睡眠，加上要早起的關係，所以平日都習慣了早睡的習慣。放假的日子，當然要放縱一下，所以星期五、六都會夜訓一點，在這些時候，我最愛和豬頭人躲在家中看影片和電視。星期六的晚上，閒來無聊，有線正在播放蘇絲黃的「一粒鐘真人蘇」，為食的我…對於講飲講食的節目當然唔會錯過，睇下睇下，睇到亞蘇介紹九龍塘又一城的『皇后飯店- Queen's Cafe』，我和豬頭人同時被那干炒牛河所吸引，有得睇無得食…真係難耐。過左兩日，終不敵內心的思念，所以聯同豬頭人跑到九龍塘，誓要食個痛快。等了約20分，終於有位…好心急…食咩好，經過一輪研究後，我點了紐西蘭牛柳，豬頭人點了烤特級牛排。餐湯：豬頭人-- 周打魚湯(濃稠有度，內有奶香。)傻仔敏-- 羅宋湯(辣度適中，所帶的酸味有助增進食慾。)頭盤：豬頭人-- 俄羅斯凍魚沙律(味道有點像中式的酸甜魚柳，原來魚柳凍食…味道也不錯，是一道醒胃的頭盤。)傻仔敏-- 焗法式田螺釀磨菇(田螺配上磨菇，一口一件，方便之餘，味道也十分討好。)主菜：豬頭人-- 烤特級牛排(大塊得驚人…比我的面還要大，而且牛味真係好濃，值得推介。)紐西蘭牛柳-- (香嫩牛柳配上香

點解咁架...呢幾日食果d野都唔得喎本身已經心情唔好架啦,食果d野仲要咁=_=!唔係好肚餓所以2人只係叫左一個肉眼排餐+公司三文治+熱谷古肉眼排餐有忌廉湯+一個包仔+肉眼排+野飲公司三文治+熱谷古好鬼茶餐廳,又嘈d野又唔好食茶餐廳貨式...>_<收野又勁快喎....搞到我冇mood食公司三文治凍架囉,難食肉眼排好燶,苦o既唔會再去囉.....

小妹初來報到，多多指教=]昨晚OT O到七點先走，諗住今日短周嘛，不如食返餐好既，又唔好係旺角呢D熱門地點，一定等位等到慌呀*@SimplyLife同呢間比，一諗起近排愛俄羅斯菜，不如直接入呢間啦，何況其實價錢都Okay*餐對舵鳥肉其實都有D興趣既，不過食傳統野嘛，不如散嗌......叫左羅宋湯同埋俄國白菌雞卷*(一樣炸法/價錢，但有白菌同冇白菌揀， 於利益考量方面之下一定揀前者*)個送湯麵包出左先，幾軟熟之餘最緊要係熱=]之後個湯，飲得出好濃，同埋料都足本，半碗菜到既portion，而且因為熱既關係，可以拖時間去等要成半粒鐘先出到既雞卷=]到雞卷出黎既時候，其實比我想像中早出現既。Portion好大個，配埋白菜仔(?!我都唔明點解咁配)，意大利瓜仔(?!)同埋炸薯絲/巨型炸多士*我以為D料係會流出黎既(睇書講>.<")，但係實際係免治晒D料之中白汁帶點牛油感覺而已。但係因為太大舊之故，原本想食甜品都食唔到*(其實大部份都係切餅而已，倒不如去樓下皇后餅店買 啦，慳返D嘛*)Service方面，個人覺得佢了解菜單方面都Okay既，但笑容方面真係可以再有返D，見到隔離檯碟野

十年不逢一閏，向來不喜歡吃西餐的我，今次和朋友見又一城無乜好食便進這店試試。這店環境不錯，頗舒適，看似一間有點貴氣的餐廳。西餐店內食物多是以套餐形式推出，價錢差不多界乎150-200之間。我點了一個大蝦沙律扒牛柳餐，而朋友就要個西冷牛扒餐。餐包及湯很快便送上，都幾夠熱，麵包尚有餘溫，我的羅宋湯偏厚身及雜菜屬粗線條，都幾好飲，起碼好過茶餐廳。先講我那份，大蝦沙律的份量就等於去元綠的一樣，蝦是一般基圍蝦，那裡來個大字。沙律只是菜、茄及青瓜，上碟後出晒水，比元綠還遜。牛柳及西冷扒都是以碟上，不太熱，配菜除了炸薯球外，有菜及甘荀。我對西餐不多研究，但我比較喜歡用鐵板上那款，因為起碼會夠熱。牛柳不是太好食，只是不太UN，容易砌及嚼，沒有太多牛味。以及外皮較硬，我點了七成熟，是否不太好我不知道，但牛肉砌開裡面都是頗生到曾經受熱那程度。我就不懂欣賞。我朋友的西冷，他說比扒王之王好，我說有什麼地方可以差過扒王之王，所以結論都是一般。我可能不是喜歡吃西餐，所以我找不到欣賞這餐的地方，可能是坐得幾好吧。可能來食Tea好過Dinner。我覺得這餐不值，180一個餐，我只可說值80吧了。

又係去又一城看戲的晚上, 早了點來到, 時間比較充裕, 結果揀了這裡.這家老牌餐廳環境都幾幽雅, 看照片也知室內的燈光其實都幾暗. 看過餐牌, 也是覺得套餐係比散叫抵吃的, 就要了兩個餐. 鐵扒雞餐$120一客, 特別推介餐$130一客.餐包係用一個籃裝著, 再係你面前夾一件俾你. 不過不夠熱.粟米忌廉湯: 8分, 忌廉係相當之濃郁, 也有點點粟米味, 不俗.鐵扒雞: 7分, 看英文先知鐵扒雞即係Grilled Chicken, 最初還以為係鐵板雞. 雞肉幾香, 也真係有烤過的痕跡, 帶點黑, 唔點跟上的燒汁一樣入味, 但係雞肉不太嫩滑.粉紅玫瑰香燒雞: 7分, 賣相係幾靚的, 還有一朵粉紅玫瑰係碟邊. 個汁係幾重玫瑰香的, 文迪受不了就吃不下去, 小弟反而覺得味道幾新鮮. 吃落口每件雞肉也帶有濃烈的玫瑰味, 但係雞肉一樣係比較老.餐後一人一杯凍檸茶, 茶味都夠. 太飽了, 再吃不下甜品, 其實這裡的蛋糕係比晚餐更有水準.這裡的環境係比較好的, 不過晚餐價位實在偏高, 食物的水準也不算很好, 值不值得就見仁見智了.

一直都有光顧這間餐廳，雖然睇住佢既服務愈來愈差，但係因為食物真係好食，所以仍然有去，不過經過今晚的經驗，我將會black list佢一段日子！雖然佢$$唔係貴，但係食野都講feel！佢一直都致力提供舒適的用膳環境，但今晚... ...入到餐廳，水都無杯！有水後，又唔會有人幫你refill！旁邊已埋單的檯，十幾分鐘都無人收拾！廚房門好多時都無關好，可以清楚聽到廚師高聲談話同碗碟敲擊聲…檯上是擺著好精緻的蠟燭，但係餐廳燈光火著，完全無情調可言，真係唔知為咩放個蠟燭係度！講到食物，羅宋湯已不及往日好味，偏向酸，而且湯中重有檸檬核！七成熟的牛柳變well done，重要熟到切唔開！小棠菜中竟發現一根鐵線！向captain投訴，叫佢收晒D食物走，要餐飲凍檸茶，兩個餐佢只係出一杯，佢話幫我cancel 了兩個餐，今晚只收這一杯凍檸茶的$$！完全9唔撘8，我又唔係比唔起$$，只係出一杯凍檸茶，佢唔覺得有點騎呢嗎！

第一次去皇后飯店, 聽講呢度d羅宋湯幾好飲, 叫左個試試~~一飲落去~~嘩! 真係好濃~~濃到唔似係湯~~似汁多d~~而且有點太酸~~個人認為花園餐廳個羅宋湯仲好飲d~~之後再食左個白露筍沙律~~呢個就真係超正~~d薯仔沙律好好味~~白露筍超香甜!

到晚飯時間，想正經食過飯，就同男朋友黎呢間。我要左粟米石斑飯，粟米汁既粟米數量唔少，粒粒都係肥大既，甜甜地，唔錯，而且混入左少許火腿同洋蔥，令個汁幾香，汁質地較杰身，撈飯幾好，唔似出面食到既又稀又冇味汁，當然，一分錢一分貨。石斑份量幾多，外層微脆，肉質嫩滑，唔黏牙。飯質地硬身，幾岩口味，好快清碟。男友要左燴咸牛脷飯，我試左一舊。牛脷幾滑，幾稔，數量都唔少，汁似羅宋湯，但味道較酸，混入唔少配料，有紅蘿蔔，薯仔，芹菜，洋蔥，餸同飯分開上，份量好似比我個飯多。

今日o係又一城行街...夜晚就順便o係老牌餐聽~皇后飯店食dinner...哈哈...估唔到呢度o既聖誕大餐都幾好味....仲有門ロo個位短髮姐姐都幾細心....見我地有小朋友就安排卡位比我地...值得一讚....

昨晚結婚周年紀念，想了好久不知道去哪裏比較好；自助餐以海鮮爲主，老婆皮膚敏感不合適。後來想到又一城選擇比較多，就打電話訂枱Dan Ryan's，但要六點才有位而且要八點前交枱。算了，Dan Ryan's 出品一向不錯就訂了。六點到了門口發現裏面很多外國人，其中大部分明顯喝醉了。爲了避免影響心情（平生最恨醉貓），立即轉軚上去皇后緬懷一番。很久沒有去皇后，小時候都是我外婆帶我去銅鑼灣吃。我肚子不餓（太早了才六點多）點了俄式什錦冷盆$78，老婆點了黑椒汁肉眼扒餐$180，女兒點了茄汁燴豬肉意粉$75，兒子點了焗豬扒飯$85。肉眼扒非常OK，因爲塊肉很新鮮，雖然老婆不喜歡生肉點了7成熟，但肉質還是很好，有肉汁，不乾。茄汁燴豬肉意粉好吃。這種意粉幾乎每間茶餐廳都有，很普通；但這裡的卻有驚喜。豬肉腌得很好，而且明顯肉質很新鮮。唯一不好的是茄汁太甜（個人口味問題）。焗豬扒飯好吃，但這是意料之内，因爲蘇施黃已經介紹過了。最出色的是俄式什錦冷盆，Cold Cut 應該不是在supermarket 可以買到的，尤其是鹹牛脷相信是自家做的。最好吃的是墊底的薯仔沙律，這是我小時候祖母每年在我幾兄弟的生日會做的

本來係要返屋企, 但係文迪想坐底傾傾, 休息一下, 結果就來了這裡. 最先係去了樓下那家, 但係無位, 反而這裡就仲有位. 其實食物都係一樣的.意大利芝士餅: 8分, 賣相幾精緻, 面頭有個Tiramisu牌, 食落口都叫做有層次, 酒味就未算濃, 質感就不錯.黑森林蛋糕: 8分, 也幾喜歡這個黑森林, 不太甜, 朱古力味剛好, 如果忌廉少一點會更好.凍咖啡: 7分, 夠冰凍, 不過唔算係好香濃.悠閒的黃昏, 吃件餅, 喝杯咖啡, 環境舒適, 相當寫意.當然, 如果要係門口排一大輪當作別論.

o係又一城返o左學幾年﹐其中一間未去過o既餐廳就係Queen's。好多時都會選擇o左看似比較casual o既EXP同埋spaghetti house。上個星期﹐我o地一行四人就走o左去Queen's食lunch。等o左唔夠五分鐘就可以入去﹐雖然無卡位坐﹐不過都算坐得好舒服﹐起碼唔會同隔離檯親密到好似搭檯o甘。四個人﹐叫晒4款lunch set:-A)西冷牛排跟飯B)香煎龍利柳配牛油汁跟薯菜C)香煎雞排配紅汁跟意粉(唔太記得個名)D)焗豬排飯先o黎餐湯﹐大病過後唔太受得奶類食﹐於是要o左紅湯。羅宋湯飲落好有一種懷舊o既味道﹐令我言念起十幾年前o既港式西餐廳。而家就算出街食飯叫碗羅宋湯﹐好多地方連羅宋湯獨特o既微辣都欠奉。牛油餐飽交由男朋友仔代勞﹐聽聞好似幾軟熟...主菜o既龍利柳﹐基於同樣理由﹐落單時已經一早叫定走汁。所以好唔好食就好取決於塊魚柳本身。上碟o既龍利柳大大塊﹐而且煎得o岩o岩好。師傅好好人o甘幫我印乾o左o的油先上碟﹐唔怕食完胃仔痛。唯一略嫌龍利柳太咸...我食o左一半已經放棄o左。餐茶要o左杯齋啡...苦到好似McD o既隔夜咖啡o甘...埋單位位$66(連加一)。以前

呢間餐廳食物唔錯，但最衰的係一班未經訓練的侍應．．． 第一事件簿：明明訂了位，夠膽死當我行入餐廳的接待處時，侍應第一句就叫我企出外邊排隊，以後我聲明已訂枱，佢先幫我番查及請我到預留枱前；喂，叫我排隊前可否問清楚有咩幫到我先呀 第二事件簿：坐位對正經常打開的大門，詢問侍應可否代為關上門口，佢就話門外有人等位，不便關門；問佢可否將冷氣較大，佢又話冷氣已較到最大轉個頭又會見到其他侍應順手關門（門外仍有人等位），咁究竟係唔可以關門，或是呢位大少爺侍應唔想去關門？ 第三事件簿：叫熱檸水，檸檬要分開上；侍應好像聽不到般；檸水送上時，當然真的無照我吩咐做要求換上另外一杯檸水時，侍應塊面已黑過鑊底！唔知係咪咁啱得咁橋，隔左五秒左右坐位後邊有另一侍應大大聲"頂"另一位侍應一下成枱朋友都以為佢係"頂"我雖然佢唔係"頂"我，但一間頗高級的餐廳就比呢種氣紛下影響！我還以為自己去左茶餐廳呢