皇室宴會廳

營業中

休息中

迪士尼金卡有買一送一優惠，平時一個餐都要百多元，而家真係好抵！我哋兩個太太，帶住兩個小朋友，剛好買二送二，大家分享，可以試多幾樣野。四個餐，大概$300，小朋友可加$12換鮮榨橙汁給他，健康啲。日式方面，揀咗雞翼拉麵及壽司套餐。壽司有個Mickey mouse頭仔，小朋友見到好開心。Pizza都好cute, 係Mickey個頭, 初頭睇相以為好細片，食落原來都好大個批。焗豬扒飯好Juicy, 唔錯！依家天氣炎熱，在迪士尼內買一支汽水都要$30 ，倒不如停低坐坐，在餐廳食個餐，補補水份，再同小朋友們大戰300個回合！

入得迪士尼食就預左會好貴？又唔係既，迪士尼都有啲又食得飽價錢又唔太貴既餐。皇室晏會廳呢間既雜扒餐有齊曬牛扒，雞扒，腸同煙肉，一定岩曬食肉獸既朋友，味道唔差，扒夠曬入味！重點係一啲都唔貴，值得一試！

去迪士尼預咗食嘢會好貴，行行下肚餓，附近有間餐廳就決定食。皇室宴會廳，一入去，裝潢好有歐洲風格，餐廳內牆壁有花木蘭、灰故娘、白雪公主同貝兒公主等迪士尼童話故事，可以一邊享受美食一邊睇欣賞雕像同周圍裝飾。餐廳提供唔同款式嘅食物，分別有燒烤、日式和風、廣東菜同埋環球四個美食站。小妹叫咗米奇壽司及雜錦壽司套餐，賣相非常吸引，看似份量少，但食完都幾飽。個蕎麥面好好食，冰冰凍凍，少少甜，消暑一流。壽司都好食，不過不失。

入到迪士尼樂園玩，大多數一早入去都食埋午餐先走。帶住小朋友，都會揾下唔同嘅餐廳，由於心急玩，都唔揀d要等位，但坐得待的餐廳。揀皇室餐廳，原因係，佢既食物夠多元化，日式西式都有，啱小朋友食大部分佢d餐價錢差不多，都要12x-14x，今次叫左個西式，扒餐試下，味道ok，合理，不過薯條比較乾及唔熱。小朋友仲有兒童餐可以叫，小朋友見到兒童餐，咩味道都無所謂，最緊要有米奇圖案食過幾次，覺得整體食物水準平均，味道合理，但唔算有驚喜想穩陣就揀呢間餐廳地方算大，户內户外都有位，座位都算多，撞正午餐時段，好多人等位，試過等30分鐘。

呢一間係我覺得迪士尼入面最好食既一間今次叫左齋意粉!!!好香肉醬味啊～其實唔講齋都唔知佢係齋!!!!!同有肉既有得比仲有點左烤雞，煎牛扒!!!烤雞唔會烤過火，仲係有汁的!!牛扒我就嫌有啲唔太值啦!!太薄啦～仲有米奇pizze，又靚又飽肚!!但小朋友食就嫌佢青椒太多

諗住晚餐食餐好，原來迪士尼樂園食肆夜晚是得番一兩間，簡直冇得揀,被逼食番呢間，唔係唔好食，但估唔到晚餐選擇咁少。甚麼人蔘雞，咖喱羊肉，咖喱雞，全部好早關門7：30已全關門，想食要早知道時間早食。但餐廳營業時間又唔清楚，買了KLook餐卷只剩漢堡包及皇室宴會廳。如要在好樂園晚餐要留意安排。

土曜日の第2部、ドナルドダックとの挨拶は19:20から始まりました。ゆっくりお食事を楽しみたいので、最初にドナルドダックと写真を撮ったり、お話をして楽しみました。お料理の種類は豊富です。日本人の味覚にも合う広東料理が気に入ってお汁粉をおかわりしました。コーヒーもおかわり自由です。お店はとても広くていい雰囲気です。子どもたちが興奮して駆け回りますので、ぶつかってお料理を落とさないように注意しなければなりません。

今日入迪士尼玩，玩左最新開的蟻俠與黃蜂女「擊戰特攻」，超正！其實同以前的「巴斯光年星際歷險」相似，不停用電磁脈衝槍射，連信信都唔怕，玩得好投入!另外仲睇左「迪士尼明星春日慶典」，米奇米妮同其他迪士妮巨星穿著色彩繽紛春日服飾出來跳舞和供大家拍照！又係好開心！同埋呢期又係花蛋節，所以我地全日都周圍尋蛋同影相。歡樂的時光過得特別快，轉眼已經玩到天黑，第一次在迪士尼食埋晚餐，去左皇室宴會廳享用一頓豐富的自助餐！職員細心安排好座位後，我們都急不及待去看看有甚麼好吃！取食物的地方都幾大，分開燒烤、廣東、和風和環球四條隊，現場所見款式應該都有40多款，例如焗香辣雞扒、烤美國肉眼牛扒、羊架、雜錦壽司、蝦餃燒賣點心、四川麻辣雞、蒸時令鮮魚、夏威夷薄餅、魚手指、洋蔥圈、奶凍、芝士蛋糕、紅豆沙湯丸等，總之中西美食應有盡有，部份食物更配合迪士尼造型，例如甜品上插有米奇米妮的朱古力牌、米奇形狀的啫喱和紅蘿蔔等，令小朋友食得更開心！我自己就特別欣賞羊架，好大件又好味！炸物也不錯，不過不能吃太多呀！除了美食之外，我們還可以同唐老鴨合照呢！王子打扮的唐老鴨一進餐廳，就引來一眾食客前往拍照，大家都好守秩序按指示排隊等候

春天來了，香港迪士尼樂園內也換上新裝，充滿花香春日氣息，園內更擺放迪士尼朋友及漫威超級英雄花蛋，準備迎接復活節🐣 我們一家人也來迪士尼走一趟，玩玩 尋花蛋大行動🐣*每個園區都有不同迪士尼朋友的花蛋，考考大家的耐心跟眼力👀 小朋友最愛玩尋寶遊戲, 在遊玩的途中我們也發現不少呢😍晚上開心玩完樂園，我們轉戰皇室宴會廳「舌尖上的盛宴」飽餐一頓, buffet 食物美味豐富，有環球美食區、日本美食區、中式點心、燒烤食物、甜點水果，包羅萬有。總有一款合心意，而且水準不錯，價錢實惠$300有找（openrice book位仲有9折）最愛米奇造型jelly, 卡通豬包，及公主蛋糕😋 好睇又好食👍🏻用餐期間，客人還可以跟心愛的Donald duck 見面拍照，大小朋友都樂翻了🤩餐廳佈置像皇室宴會廳，有公主王子雕像，經典迪士尼卡通掛畫，客人可以一邊欣賞一邊品嚐美食。Waiter 服務也很有禮，細心到位。小朋友有兒童餐具及兒童椅。Dinner buffet只是星期五至日/假日供應。大家在樂團開心玩完一整天，累了晚上可以在主題公園內的皇室宴會餐廳，舒服享受一頓豐盛晚餐，跟卡通人物拍照，十分值得一試😃Buffe

今次因為皇室宴會廳搞咗個季節限定特價自助餐，平時間餐廳無做晚間自助餐服務。今次專登入去食。成人價$288，小童$198。奇妙處處通會員及open rice網上預訂有9折優惠。員工有6折。員工最多可以帶三位朋友同行享用折扣優惠。由依家開始至5月5日，逢五六日及紅日晚間5時正至6時半及7時正至8時半，兩個時段開放食自助餐。食完可以看光影滙。間餐廳布置到好似皇室專用餐廳。個廚房屬半開放式。餸菜分為四大區域。客人可以走去專區去取下自己想食的食品。四大區為燒烤、廣東、和風及環球。我個人先點選廣東菜，四川麻辣雞、清蒸大石班、炒麵、鮮冬菇小堂菜、燒賣、小籠包。之後點選燒烤類。紐倫堡腸、炸魚柳、煙鴨胸、French fires。和風類我點選冷麵、飯團、日式餃子、天婦羅。環球我點選焗蒜蓉牛油帆立貝、pizza。甜品我點取米奇杏仁茶、mousse cake，綠茶蛋糕、朱古力泡芙及西瓜。飲品只提供水、咖啡同茶。如要轉汽水，要加$15。啤酒一杯$58,三杯特價共$128。該餐廳有一位唐老鴨出場供食客拍照。

樂園食物尼講算係錦，喺其他旅遊平台買咗二合一餐飲券($139)，包樂園餐廳午餐一份可選$149或以下嘅餐，多咗嘅可以自己補錢，另外包一條冰條或爆谷。我哋揀咗喺皇室宴會廳度食嘢，揀咗佢室內嘅位置，室內入邊都有啲裝修有啲公主嘅銅像。食物方面我同朋友都揀咗一個$155嘅雜扒餐，有雞扒牛扒香腸煙肉同雜菜， 仲有薯條。我個人覺得薯條同牛扒都幾好食，其他就一般啦。我朋友就鍾意食佢嘅雞扒。仲有呢一個餐係包一杯飲品嘅，我哋揀咗可樂。

今天又可朋友到迪士尼慶祝生日，午餐選擇了在皇家宴會廳裏食，因為今天有買一送一的優惠卷，朋友選擇皇家牛扒餐，我就選了雜扒餐，雜扒都豐富，牛扒，雞扒，腸和煙肉。牛扒過老，有點柴。雞扒要靠醬汁才夠味，香腸還不錯，煙肉還可以，但如果不是有買一送一，我也不會選這間。

樂園中的餐廳這間算比較多強擇，因為有張買一送一券，所以選了壽司便當和炸雞翼拉麵，包餐飲。壽司便當材料都算新鮮，但冷麵不好吃。炸雞翼拉麵，拉麵正常，但雞翼比較乾，比較喜歡火箭餐廳的雞翼。

在特價網 上入場前訂購了餐飲券，可以在任何一個餐廳兑換149元以下的食物。在晚上八時花車巡遊前，在皇室宴會廳已只餘日式、西式的選擇。但日式實在太多人，所以只能選快餐炸魚和牛扒餐，才能趕上8時開始的節目。我們午晚餐都在這家餐廳，午餐換了肉丸意粉及白汁菇意粉，份量都比想像中大碟, 有一點美式餐飲大大碟的影子。味道稍淡，但意粉質地彈牙，肉丸都是大大粒，整體味道尚可。由於真的好多人，找位置是最花時間的，所以需要分頭行事，有人去排隊叫野食，我就去找座位。樂園都有足夠人手清潔執木台，點餐部都有一系統加快處理ORDER，不過真是好多好多人，我們已經是2:00PM之後才用午餐的，再早一D真的不能想像。晚餐相對人較少，但廣東菜已關門，日本野又太多人，所以只有別炸魚薯條了，基本上是沒有味道的，只有個脆字。牛扒就比預期中好，肉質鬆軟，也有點牛味。入得樂園玩，主力都不是享受美食，所以都接受到如此的水平LA.

大年初二帶住兩個小朋友入迪士尼，入去之前打定底食左個老麥早晨，我同左自己講一定唔食入面餐廳，結果同班同胞迫餐飽，捱到四點又累又渴最終都係失守。拉住老婆入「皇室宴會廳」，冇諗過有帝皇式招待，但誓估唔到要自己捧餐。薄烤牛扒跟炸薯條（$155）諗住人坐吓搵小小野填飽個肚，炸薯條最岩，牛扒餐黎講價錢唔算太大咬，一五蚊就有交易，成塊扒砌曬比阿仔同阿女食，佢地收貨非常滿意。和風系列日式咖哩豬扒便當（$142）成個便當用格仔盒上有埋「飯後果」非常得體，可惜塊豬扒真係唔咪好得，「吉列」還「吉列」、「豬扒」還「豬扒」，一點交流也沒有，失敗！唯一可取係塊紅蘿蔔有「米奇」圖案，再次喚醒我身處是迪士尼。