皇室宴會廳

營業中

休息中

今日嚟到迪迪呢呢個主題樂園，係lunch嘅時候試咗兩個set就係：烤薄牛扒跟炸薯條， 皇室肉丸意粉，餐飲可樂。 起初諗住嚟到呢啲主題餐廳，都只係貴得嚟又唔好食㗎啦，點知呢！！！！兩個餐真係有驚喜。 味道對版得嚟又真係 ok喎，份量都畀到足。 唔錯唔錯1. 烤薄牛扒跟炸薯條 （$155）： 佢個名係擺到明改錯咗啦，其實塊牛扒一啲都唔薄，係一個正常嘅牛扒。薯條又有好多好多。2. 皇室肉丸意粉（$132）： 意粉嘅味道只可以用ok去形容，無咩特別。

去迪士尼食野就預左貴架啦，不過黎得玩都預左！今次原本諗住食豪啲去大街餐廳食dinner，但因為條隊太長，加上門口個menu推介唔太吸引，所以就轉場去皇室宴會廳到食，依到其實係有多國菜嘅food court，有得食pizza，剧扒，日式野等等，都係嗌完拎完野食最後先去俾錢，不過當日超多人，所以等位同排隊嗌野食都等左好耐下…家庭至尊薄餅套餐二人餐黎，仲有４隻雞翼同２杯汽水包埋，二人餐黎講都幾大份，pizza上面嘅辣腸係mickey頭的，好有迪士尼特色，不過唔知係咪凍左食落塊pizza係比較硬身。皇室烤牛扒套餐算係比較好食既一個餐，牛扒唔係全熟，生生地又有少少肉汁，算係不錯！精選雜扒套餐有牛扒、雞扒、煙肉同腸仔，煙肉冇煎到好香口、腸仔應該係就咁烚熟、牛扒就全熟、反而雞扒相對幾好食！日式咖哩豬扒便當套餐依個係最後一個買到，所以啲飯係仲有少少熱的，但個咖哩豬扒就比較咸！總括黎講我覺得依餐算豐富架喇，不過好好味當然唔講得啦，但係係主題樂園黎講就算係咁！

Going to Disneyland, we must try the dishes with mickey styles, haaaa. For celebrating Mickey's 90th birthday, I ordered Hawaiian Mickey Pizza combo. Every food adding with mickey element, you will enjoy the dishes without doubt, at least for me, haaa. It comes with two big mickey ears, on the top of pizza, there're tomatoes, pineapple, cheese, mushroom, and bacon. The pizza is so crispy and the portion is really enough for lunch even after many exercising. The restaurant is decorated with the c

入樂園玩到攰同肚餓揀左呢間餐廳食個lunch 有燒烤 和風 廣東 環球系列套餐選擇 套餐全部配汽水但排隊拎野食加俾錢需要約30分鐘 和風系列日式咖喱豬扒便當$142 沙津芝麻醬偏少 豬扒外層炸得好金黃入口香脆肉質鬆軟 咖哩汁不辣的岀奇地好食 但西瓜唔夠甜米奇壽司及雜錦壽司套餐 $139 壽司醋味適中 套餐配有冷麵日式雞翼豬骨湯拉麵套餐$139豬骨湯底味道濃郁 拉麵稍為過冧雞翼炸得夠脆 加左芝麻更加香口夏威夷薄餅套餐$132米奇外形既薄餅係幾吸引 芝士同醬汁如果再多d會更好 味道都算不錯以快餐黎講味道同環境都滿意 係輪候時間長左d

星期五放工帶埋同事個女去迪士尼，同事處理埋d野後join,因為有買一送一券，我地3個大人，1個細路都KO左四個餐，埋單都係240，抵食到一個點～同事個女最愛拉麵，每次黎都叫日式叉燒湯拉麵～而我同朋友因爲又想食薯條又想食芝士蛋糕，所以叫左皇室雜扒同兒童餐，兒童餐個芝士蛋糕堅好食，雖然好細件但岩曬減肥的我😂皇室雜扒入面個腸幾好食，但食唔出有無牛（我唔食牛肉），所以我食左一啖就無食～西瓜都有米奇頭造型，迪士尼係hidden mickey上面真係落左唔少心思！

話說男朋友係2、3月嘅時候經AIA用優惠價$998買咗兩張門卷 另外包埋兩張晚餐餐飲卷 相比起依家要6xx買一張門票真係抵到爛不過有期限 要係七月底前用咗佢 只要係普通日子就得 我地一路都唔得閒或者天氣唔好 今次終於可以用咗佢 不過就熱到要溶😵😵餐飲卷可以係四點半之後樂園任意嘅餐廳享用一份套餐 必須係149$以內 而大街餐廳同小食車都唔可以用我地最後決定去皇室宴會廳 係fantasyland果度因為人多所以我地都等咗一陣先有位類似food court 有環球，日式，美式以及中式可以揀先去唔同嘅櫃位拎餐再埋單 類似ikea睇咗一輪之後揀咗 fish & chips with shrimps 同焗豬扒飯🤤🤤ps 我加大咗飲品就要額外加多$4 就算個餐不足149$兩份都叫咗不過不失 為至於難食 普通茶記水平但因為樂園內所以貴一大截不過豬扒飯嘅配菜真係好難食 蔬菜通常都唔可以焗咁耐 啊 呢個宴會廳係用美女與野獸做主題 有兩座雕塑 最後掛住食野唔記得影相哈哈今次都唔算太多人 大概等10-20分鐘都玩到 都算係玩曬想玩嘅遊戲但其實我地一個反斗奇兵嘅都無玩啊 所以先咁順利相比起OP來講 我都係中意迪

去迪士尼食，成日覺得好貴，但今次見皇室宴會廳原來有很多小食，適合下午茶簡單吃一下。如適逢特別單數月份，金及銀咭有75折，平時也會有九折，不必下下都成份正餐，確實多了選擇。吃了炸雞翼，很香脆，女兒連平常不吃的雞翼尖都吃掉，$45/3隻。

入香港迪士尼玩，食野預左貴之餘預左唔會好食得去邊，但因為晏晝食正間大冒險家餐廳，見總括不錯，所以晚餐都決定食埋先 因為要等睇晚間巡遊。最近小鎮大街係呢間皇室宴會廳，環境確實不錯，可以同埋野雀共餐🤣野食算多選擇，最後決定食扒餐，牛扒同雜扒餐。牛扒乾身到冇哂肉汁 薯條又淋又唔熱牛扒一樣好乾身似食紙感覺雞扒又係鞋口味道難食薯條一樣又淋又唔熱最好係條德國腸仔，最夠味，略嫌咸左少少，但可以接受。總之呢餐真係超失望既一餐

我都算係disneyland既常客，買左annual pass無理由唔入多d黎；好多園內既餐廳都食過了，今次同大家介紹一下呢間royal banquet hall。呢度有多國菜可以揀，揀岩行埋去拎完食物再一次過俾錢。今次叫左個兒童餐，作為一個兒童 既家長，我覺得呢個餐幾方便，有飯有蔬菜有生果有甜品有野飲，小朋友想食咩都滿足到；味道就一般架啦，同埋飯既份量唔多，男仔未必夠，不過入得樂園食都係咁上下。另外大人就叫左個牛扒餐，呢個就算了，牛扒太乾太嚡，我情願你用鬆肉粉醃醃佢，起碼食得到；不過烤蔬菜同薯條既份量都唔少，過得去啦。記住annual pass某些單數月份是有七五折既，記得check清楚啦。

今年既元旦男朋友帶左我去迪迪尼樂園話要有個amazing start!!同埋佢話要維修城堡前同我一齊睇一次煙花喎！🤗夜晚我地入左呢道食晚餐，入面好似food court咁，有日本野，有牛扒，有意粉等等...同男朋友睇樓見到牛扒餐唔錯便去左燒烤個counter點餐！要左一份牛扒餐同炸魚炸蝦餐🤤見到個set😧塊牛扒好薄⋯不過食落牛扒雖然薄而且全熟但都juicy ge!炸魚就整得好出色，外脆內軟熱辣辣！比好多西餐廳都做得更好呢！

來到迪士尼，間間餐廳都甘多人，價錢又貴。次次想食野都會比較下邊間好食，睇黎睇去都會揀係呢間食餐正經既。事關呢度裏面可選西餐，日式或港式。我地四人叫了一個家庭pizza 餐，一個肉丸意粉同一個焗魚柳飯。家庭pizza 餐有一個大pizza，兩杯飲品同四隻雞翼。個pizza真係太大，味道可口，差點兒吃不完。肉丸意粉有好多粒肉丸，蕃茄汁，味道幾好，但分量多所以吃不完。意粉和飯套餐都有杯汽水包埋，但唯一不好的是沒有熱飲選擇。環境方面，大家都知樂園裏多人啦，揾位是有難度的。買食物的隊伍亦頗長，很難才找到一架trolley買食物用。假如無，都唔知點買三個餐了。

係迪士尼入面，搵食真係好辛苦，又貴，又多人；而且都冇得話揀好係邊食架啦，小朋友要玩，基本都要等佢地玩到夠先願食。依個Lunch就由12點叫食叫到點幾先有得食呢。所以呢，同太多個小朋友一齊去迪士尼都幾辛苦架。皇室宴會廳既食真係唔平，全部都Over 100蚊既；不過其實我都冇留意其他Counter既食物幾錢，因仔仔一入去就鎖定西式。全部一個價129蚊一個主食一杯汽水。Pizza加焗豬扒飯，係我同仔仔Share的，原本仔仔Order Pizza的；但係我早知佢唔會夠飽，所以就由我Order焗豬扒飯。最後，都未拎到埋位食，仔仔就話同我交換啦，佢主食豬扒飯再加少少Pizza，飯就比番2啖我咁囉。Pizza好薄，其實除左係米奇頭外完全冇特別，反而個豬扒飯又意外地好食喎。侄子Order左肉丸意粉，唔知係侄子比較細食？偏食？明明睇落幾吸引的意粉，見佢食左幾啖就開始唔願食；食到一半左右直情放棄拎埋電話出黎玩。最後要我出聲叫佢唔好浪費食物先食多1/3咋。另外幾個侄子重過份，食拉麵食極都重有大半碗係度好彩佢地早走，如果Dinner重要對住佢地咁食野法；我真係覺得浪費晒我同仔仔的玩樂時間係度等佢地誓願呢。

星期六入迪士尼黎到晚餐時間，本來想食好D去大街餐廳，但價錢太貴而且不值，平均$200仲要得碟意粉無野飲，無沙律，仲要排長龍......由於時間關係，決定轉去皇室宴會廳園內餐廳充足，上次就試過去大冒險家餐廳與今次比較，大冒險家餐廳較平民化，$100內已有交易而今次用會員卡９折後人均$110~130(以金卡為例，單數月份更有75折就更抵)，但質素就較好焗白汁龍利柳飯，味道濃郁，醬汁亦夠多而且捧到座位仍是熱辣辣！雜扒套餐，有牛扒雞扒煙肉腸仔豆類等等醬汁另外裝起，是小小的貼心表現質素不俗，份量很足夠，可選薯條或飯

o係 disneyland 食 o野預 o左係貴過出面不過最怕係又貴又唔好食 ja~皇室宴會廳其實係好似 food court o甘冇記錯好似係 o係樂園 ge 中心位置但 food court 得 o黎都裝修得幾靚中央仲有個 sleeping beauty 石像呢依度係有 set meal ga所以我覺得都算抵食 lao黎到 disneyland 緊係要食 d mickey mouse 樣 ge 食物 la!我揀 o左 hawaii pizza combo個樣非常可愛 d 甜品都好靚 gacupcake 有 d 求其呢, haha

由澳門回來後馬上直衝迪士尼果然是愚人節「整古自己」最佳活動；兩兄妹累時可以坐車還好，根據手機的資料，這天媽媽我一共步行了18,580步，累得要死啦！去到晚上簡直有飢寒交迫之感，決定回到幻想世界，找個地方好好醫肚。其實園外已增設了美食車，不過帶著小孩不想立食，考慮了一陣，還是重投皇室宴會廳懷抱：這裡除了環境優美、也勝在食物選擇較多、而且水準相當穩定，份量也很充足，3份晚餐足夠4人分享了。年票還有折扣，在園內算是舒服又不太貴的飽肚之選。我們家特別愛吃這裡的牛肉芝士漢堡，覺得比另外幾間快餐店飽滿好吃；配的薯條也非常慷慨，基本上每一次都未能100% KO。另一份雜扒餐則是首次嘗試，味道普通，雞扒的孜然粉有點太強，但可以配白飯，讓兩兄妹不用集中只吃薯條；同時又有特多的豆角及車厘茄，感覺較健康。晚餐後出來天已全黑，也是時間回程了～