皇苑 (已結業)

是日星期五迫爆日。🙈 每逢星期五Lunch時間我地要去東大街搵食都係好痛苦, 因為實在係太多人, 好難搵位。今日我地仲要好齊人, 一行九人浩浩蕩蕩殺落東大街搶飯食。😳皇苑係呢度開業左都有一段時間, 不過因為我地比較懶, 好少行樓梯上去開餐。😝 今日有同事建議去皇苑點小菜套餐Share食, 所以就上去碰碰運氣。果然客人很多, 好不容易店員安排左一張六人圓枱被我地九個坐, 幸好我地身型苗條, 所以勉勉強強都坐得落。🙊可能午市時間店員都知大家時間比較趕, 我地未點菜店員已遞上是日例湯。😄 味道正正常常。我地女多男少, 九個人點左七個套餐, 每個小菜價錢都差不多, 但質素參差得好厲害, 份量差別都好大。😂是日最出色小菜係豉椒味菜鵝腸, 鵝腸都多, 唔太咸, 爽口彈牙。👍咖喱牛腩都唔錯, 牛腩份量正常, 咖哩香濃而且唔辣, 撈飯食味道剛剛好。客家炆腩仔味道正常, 肥肉較多, 都幾惹味。份量最少反而係西芹腰果肉丁, 肉丁口感較粗糙而且唔夠入味, 西芹味道可以。因為份量太少, 同事話要black list呢個小菜。😂雲勝鮮魷嘅鮮魷唔多, 而且冇乜味, 下次都會唔點呢個。😝菠蘿生炒骨味道唔錯。金銀蛋莧

一講起食海鮮，大家通常只會想到西貢、長洲、南丫島又或三聖村、鯉魚門，但奈何這些馳名海鮮勝地早已變了遊客熱點，價錢往往偏貴，性價比亦不高，所以現在大多識食之士，都喜歡瓹窿瓹罅去到各區小店，尋找抵食海鮮美食。而筆者最近就在筲箕灣東大街尋到一間性價比頗高的晚飯小店，那裡的海鮮款式雖不算太多，但勝在夠新鮮，價錢亦相對親民，絕對值得推介一下。小店位於筲箕灣地鐵站附近，樓下門面不算光鮮闊落，門口側邊放著 一列列飼養海鮮的魚池，一派舊式街坊菜館的格局，沿著長長的樓梯拾級而上才來到用餐區域，樓梯梯身頗直，如老人家上落會有點難度，但揾食揾食，吃好西通常也要付出多一點點。店內地方不算太大，沿用了傳統小菜館的裝潢，大部份以圓枱居多，地方尚算寬敞乾淨。望望餐牌，除了一般地道小菜外，還有燉湯和一 些懷舊餸菜，當然少不了生猛特價海鮮。首先來一客特色蝦多士，傳統順德菜叫作鍋貼蝦，將原隻新鮮大蝦鋪在麵包片上沾上蛋漿炸香，面頭放上一片芫荽作裝飾，賣相頗精緻。蝦肉新鮮爽彈，麵包酥脆到咬落會"唰"的一聲，外脆內酥，感覺不太油膩，一口size方便進食，點上沙律醬更覺可口。跟著來一個晚飯至尊孖寶，百多元有齊清蒸沙巴仔及蒜香BB

趁著老豆由大陸回港休息及過節日，那我家就提早做節，出街食飯，勉得阿媽大熱天時下，為我們下廚，放阿媽一天假。走進東大街，街頭巷尾都是食的，不論是中日韓意德，總會有一間在附近、茶餐廳、湯粉麵飯、街頭小食、糖水等，未食，都已比飄散的各種味道所吸引著，不得不快走進在其中，慢慢地享受著一頓豐盛的晚餐。父母都時愛吃中餐小廚，愛夠鑊氣、份量夠，小廚就有這好處。家常小菜，好適合我家的味道！瑪卡螺頭燉雞湯、有壯陽滋補強身的湯水、好合適男士飲用，配料豐富，精華都溶化在湯水內，好清香甜。金牌蒜香雞，過節又怎能少得食雞呢？蒜香雞是我和哥哥最愛食的，脆卜卜的雞皮，還有雞水滲出，上面灑上香蒜，增添香味、雞肉汁爆出、肉質鮮美、啖啖肉、美味！椒鹽肉排，又是我倆的至愛，不但喜歡肉類，還要夠香口，炸得好酥脆，夠入味、肉質肥瘦適中，仲保留了肉汁，唔太乾身，有口感。

一大班朋友食飯，難得咁齊人，梗係要去食小菜啦，今次就嚟到筲箕灣，又有一間好推介啦。-金牌蒜香雞-雞嘅外皮金黃香脆，但係肉質仍然保持好鮮嫩，咬落去仲有好甘香嘅油份。加埋炸蒜，好惹味，值得一試。-懷舊拔絲骨-喱一道菜已經唔係周圍有得食，就算有做呢個菜式嘅餐廳，我試過大多質素都係普普通通。佢應該係即叫即炸，骨嘅外皮仲係可以好香脆，而入邊佢又唔會炸到好乾，同埋肉嘅調味掌握得好好，咬落去鹹鹹香香，好好味。加上拔絲嘅甜味，整體好出色。-大龍躉兩味-兩味分別係西蘭花炒班片同埋蒸頭腩。蒸頭腩用左蟲草花、葱同埋加少許豉油調味，魚肉肉質嫩滑，魚味鮮甜，同一般嘅雪藏魚無得比。

.沙巴仔配皇苑奶雞 $168.筲箕灣東大街多好嘢食就係人都知啦，呢間中菜館聽講都幾出名，對好雞嘅人來講聞到佢真係頂唔順👻，奶雞充滿陣陣雞香味😛，雞肉嫩滑不在話下😋，分量仲要係足一隻雞😂，四個人都食唔晒😌..懷舊拔絲骨 $98.酸酸甜甜的生炒骨絕對係開胃之作😋，呢個拔絲骨肯定係生炒骨嘅升華🙇🏻，夾起真係有拉絲效果☄，廚師將糖絲融入腩排🐷，糖絲外層入口香脆，內裡肉質軟腍嬾滑，回味無窮啊😍

佢既安格斯牛柳粒係最好食第1 好多汁, 好juicy , 中意味濃既人  一定中意呢道菜第2 肉質好爽口同偏軟唔會好難咬, 我同朋友一致認同好食!四季豆 , 炒得香小小帶辣份量超多! 差d食唔晒=3=入面香味同出面其他四季豆唔同, 比較有小小似麻香味~黑豚燒排骨, 味道十分出色肉質可以食到係好靚.. 價錢我食個陣有特價!唯一有人覺得麻煩係 d骨好難咬如果無呢個問題 呢個係十分推薦!份量合適整體服務水平比較高! 員工很耐心同總是面帶笑容值得讚

一直想搵一啲味道又好又健康嘅中菜餐廳比屋企人食，因為佢哋唔係好鍾意出街食野，怕出邊好多油鹽糖，經朋友介紹之下，呢間位於筲箕灣嘅中菜館，健康得來又冇味精，所以就一於帶屋企人去試吓。我哋都會openrice搵咗部份資料，我見到佢個「懷舊拔絲骨」好吸引，所以未去之前已經決定要叫。我哋總共叫咗五個小菜，「懷舊拔絲骨」「特色蝦多士」「翠糖滑豆腐」「安格斯牛柳粒」仲叫咗個菜煲「六味齋煲」。望落去好似普通糖醋排骨既「懷舊拔絲骨」真係拔起一條條絲，甜而不屚、而且外皮炸得好脆， 入邊嘅肉都好大粒，醬汁一啲都冇影響佢嘅口感，簡直係呢間鋪嘅王牌之選。「特色蝦多士」炸得脆卜卜既蝦多士，上面有好大隻嘅蝦，非常精彩。我試過食出邊嘅蝦多士，舊蝦細細粒，呢間中菜嗰啲食材真係唔錯，又大隻嘅蝦而且又爽又脆。「翠糖滑豆腐」拎黎送返清清淡淡岩哂老人家。「六味齋煲」呢個係必叫，食齋嘅人真係啱晒，好味之餘又唔會有味精，因為我屋企人一食味精就feel到，所以佢哋真係好鍾意呢味，仲要送埋飯去食，佢哋話如果平時屋企人煮到就好了，健康之選好抵讚。「安格斯牛粒」佢有炸茄子伴底，上面仲有牛柳粒，有牛之餘又唔會好難咬，啖啖肉咁唔錯。見到佢最後

久唔久都會嚟東大街食飯，貪呢度一條街勁多選擇！諗諗下好想食中菜，見皇苑開咗無耐，就食呢間啦！波士頓龍蝦芝士伊麵底兩個人又叫唔到多個餸，一於豪啲食龍蝦！最正實係叫埋芝士伊麵底呀！龍蝦大隻份量一啲都唔少喎，仲要勁香勁鮮。芝士高質有驚喜，有焗過金黃色，唔係就咁用粉開個種中式芝士。龍蝦啖啖肉，肉質彈牙而且有膏。伊麵吸咗龍蝦汁同芝士，味道夠哂濃郁，食到停唔到呀！蒜蓉粉絲蒸大扇貝大扇貝做緊特價，當然一人一隻啦！扇貝勁大隻，有我成隻手掌咁大呀！厚肉鮮甜，而且彈牙juicy。最中意食一齊蒸嘅蒜蓉粉絲，惹味又濃，用嚟撈飯就最開胃。黑枸杞子燉竹絲雞平時小飲湯，叫翻個燉湯保下先。好足料，雞燉到好滑。湯清甜雞味濃。唔會帶味精嘅味道！黑枸杞係好有益咖，滋補肝腎，有養生嘅功用。蒜蓉炒白菜仔最後叫個炒菜清下腸胃。有時出街食得太多肉，都要食啲菜中和翻。白菜仔夠嫩5會老，蒜蓉炒夠哂鑊氣！唔會太油！

第一次來到東大街 係OP見到推薦皇苑拔絲骨 怎可以錯過呢位於筲箕灣地鐵站一出就看見皇苑招牌，但要行長長的樓梯上酒樓，很不方便好耐冇去過那麼舊式的酒樓了 一看餐牌都是介紹一些舊式的菜式另外原來有套餐餐牌 坐底時侍應沒有告訴 聽到隔離枱說話才知道有抵食套餐喔蝦多士 $88剛剛炸起 多士外脆內軟 每一塊多士都有一件大大的蝦懷舊拔絲骨$98拔絲骨同咕嚕肉不同之處是加了麥牙糖 有拔絲的感覺 要親熱食 凍了就硬 就沒有了拔絲感覺皇苑奶雞 $60肉質嫩滑 配上指天椒豉油 提升肉的雞味有特價10蚊的啤酒 藍妹 $28

東大街出左名多野食，而酒樓都有五六間，所以想係度立足都唔易。媽媽之前做酒樓，聽工友講呢度新開左間唔錯既酒樓，所以叫我地黎試下！到樓下，有個姐姐係度安排入座，再上二樓。酒樓唔係好大間，但食物種類都算多，有啲菜式第二啲酒樓晚市係無既，例如炸蟹鉗同拔絲骨等。首先，我地叫左個炸蟹鉗，呢個平時去飲先會食到，估唔到依家可以食新鮮熱辣，雖然好熱氣，不過一只半只算啦！好大只下，一碟六只，肉好爽口彈牙，有蟹肉，點埋醋食更好！花膠海參扣鵝掌料算多，如其名，有花膠、鵝掌、冬菇、菜同海參等。炆得幾林同幾入味，尤其是鵝掌同花膠。花膠好大舊，好林，一定好高骨膠原，岩晒女士食！正！豉汁蒸鱔，呢碟係我全晚最中意既！鱔係街市買唔平，呢度既份量都要70,80蚊到，依家一碟138所以價錢唔算貴。味道方面，有豉椒味，甜甜地，唔會好咸。魚肉爽口，有少少骨，但好幼、𡁻到，好味！仲叫左個菜膽杏汁豬肺湯，個湯幾白，好香杏汁味。湯渣有唔少，有雞腿、豬肺、豬肉、白菜等，唔怪得個湯甘濃啦。大家有機會要黎試一試！

放工時太肚餓，約左朋友去東大街食野，想坐耐少少就揀左去中菜館食飯。懷舊拔絲骨($98)賣相似咕嚕肉，但味道同賣相都略有不同，伴碟有青椒，紅椒同水蜜桃。每一顆豬排骨都沾滿了鬆化既糖衣，用筷子一夾，形成拉絲既效果。拉絲唔再係芝士既專利：Ｐ 梅子糖漿味道酸酸甜甜，外層還要很脆，肉積軟嫩。縱然排骨脂肪比例高一點，但好香口不會過肥～蒜蓉粉絲蒸蟶子皇($38/1)2隻起蒜蓉鋪滿係蟶子上，充滿蒜油香，蟶子蒸得唔會過晒火，仍然好爽口。 蟶子幾大隻，冇晒沙，抵食呀！蒜蓉同粉絲從來都係最佳既配搭，有飯既話可以食晒一碗飯！ 百花蟹拑($128) 蟹拑飽滿，每一個都圓碌汞，炸得香脆 肉質彈牙，惟蟹味不夠 鮮蟹肉時蔬($90) 出街食飯一定要叫D 菜食，咁先健康Ｄ 時蔬係西蘭花同草菇，倒滿了份量頗多既蟹肉～～清清地又幾好！ 黑枸杞子燉竹絲雞($68) 呢個湯可以滋補肝腎，對身體好有益，味道就有Ｄ咸，雞味重。晚飯仲有南瓜西米露贈送滿足，唔洗諗下場係邊食糖水好

筲箕灣東大街雲集各式各樣美食，想突圍而出并不容易，一係食物特別，一係價錢相宜，又或者噱頭十足都可以搶到客。今晚2個女仔，諗吾到食乜野好，甘岩皇苑做緊宣傳，知客好熱情介紹，本住一試無妨心態。由於夜晚六點未到，所以連我地得三枱客，岩晒吹水，隔離枱又係2個女仔一路食一路吹。呢間鋪吾算大，酒樓間格，茶記價錢，而且好多熱門推介，浄係揀餸都花左15分鐘。首先上枱係粉絲蒜蓉蒸帶子，28大元一隻，火候岩好，帶子肥美多汁，鮮甜無比，比酒樓有過之而無不及，直情想叫多轉。之後係酥炸坑腩，牛味十足，另附上咖喱汁一大碗。清食時，香脆，牛坑腩肥瘦適中，所以唔會因爲炸而感覺牛肉乾同老，反而更加有肉汁。如果食得辣可以點咖喱汁，又係另一番風味，咖喱汁一路係牛肉好配搭，外辣肉脆，雙重口感，由於咖喱汁比較多，仲可以叫個白飯撈汁食，一舉兩得。女仔點少得食菜呢個指定動作。腐乳牛肉通菜，牛肉薄切，但片數吾少，不過略嫌吾太夠味，可能近排吹緊健康風，要食得清淡。最後來碟特色蝦多西，本人至愛，蝦肉新鮮，所以爽脆，下面麵包脆到一咬落去聽到聲，但感覺吾油膩，不過食完都有些少罪惡感。即刻飲多2杯茶消脂下。值得一提，蝦多士上面放左一片芫茜作為

家中兩位男士，一位回鄉，一位公幹，剩下三女一小孩。這夜，決定外出吃飯，不用老媽子下廚，小魔怪笑著說「四個女仔食飯飯」。 由於小魔怪喜歡吃芝士麵，C揀了東大街的皇苑。甫坐下，馬上點來一客既惹味又健康的芝士波士頓龍蝦伊麵$238。，啱晒芝士狂徒的小魔怪和海鮮狂魔的C了﹗龍蝦含極高的營養價值，其脂肪比例低於 1%，且低卡路里又高蛋白質，更含有豐富的奧米加3 ，大人小孩均適合吃用。上次與陳婆婆吃過上湯龍蝦，相比下，這次的龍蝦更為鮮美好吃，份量足且肉味重，伊麵再粹合芝士濃香味及龍蝦香鮮味，多重味覺享受，教人回味不已﹗ 老媽子和小魔怪，一碗又一碗地吃著伊麵。龍蝦，只好由小妹和C努力地吃個不停﹗ 蒜蓉粉絲蒸扇貝$28/隻，只要夠新鮮，火喉拿捏又準繩，就沒有難吃的道理了﹗這夜，扇貝夠碩大肥美。咬下去，扇貝嫩滑鮮美，且吸收了蒜蓉和蔥花的香氣，鮮香味在嘴裏爆發。老媽子稍嫌蒜蓉過多，而盡吸精華的粉絲則過少了。 C見餐牌上有椒鹽白飯魚$88，蠢蠢欲試，就點了一客。白飯魚體不算大條，幸炸得乾身且酥脆又不油不膩，挺好吃的。 另一款炸物，蝦多士$88，多士上的蝦膠鮮爽彈牙，惜，麵包頗吸油的，吃起來

是日約了尖子, 來到筲箕灣的皇苑. 平日晚上八時半到達. 店內一般酒樓格局, 食客不算很多, 大概只有六成滿, 感覺不會很嘈吵, 坐得挺舒適的. 看看menu, 選擇也不少. 點選了金線拔絲骨(HK$98), 雀巢安格斯牛柳粒(HK$118), 海鮮卷(HK$88). 不消一會, 侍應送上金線拔絲骨. 賣相很美, 拔絲骨和伴碟的水蜜桃也排得非常工整, 分量也不少. 試一口, 拔絲骨的外層非常鬆脆, 很impressed! 即使吃到後期, 它的口感仍然是很香脆, 讚! 至於味道, 外層甜甜的, 內裏的肉也很淋軟,整體很有水準. 雀巢安格斯牛柳粒, 分量也是很多的. 試一口安格斯牛柳粒, 牛肉味很濃郁, 帶點咬口, 不經不覺也完成了一整碟. 海鮮卷, 網狀的外層炸得既薄而脆, 由於薄身的關係, 再沾上了開胃的沙律醬, 吃了數口後也不會感覺很膩, 不俗. 平日免茶芥免加一, 性價比ok. 吃飽飽要散步去.

東大街多野食就係人都知，而呢但舖位不嬲都係做酒樓，應該最近先轉左呢個名。而同屋企人食，酒樓係不二選擇！牆上單張顯示新張期間有優惠，大家不訪黎呢間試下！室內環境幾光猛同坐得鬆動！唔係好大，所以唔係太嘈，侍應效率都高。首先，我地叫左個至尊孖寶，有一碟黃金蝦同上湯時蔬。非常喜歡佢個黃金蝦！一黎好熱好脆，大大個。兩樣只需128炸！另外仲有佢個蝦一啲都唔孤寒，落左大量咸蛋黃！令只蝦痴滿沙沙的咸蛋黃！好好味！只蝦超大只，蝦頭好多膏，肉質都幾爽口！上湯時蔬不過不失，唔會太咸或太林，份量都多。豬肺杏湯個湯好白，好滑，潤肺一流，哈哈。佢材料都幾豐富，有雞、豬肺、菜、肉、杏汁等。飲落有一陣陣杏仁既香味，一鍋可以有十小碗左右，幾多下。乳鴿剛剛炸起，外邊啲皮仲好脆！肉質鮮嫩，好有乳鴿果種香味呢間酒樓價位唔算好高，但食物水準唔錯！如果配合埋優惠食，更抵！