皇苑 (已結業)

筲箕灣東大街係港島人搵食嘅熱門地區，皇苑係一間新開嘅酒樓，招牌菜係金線拔絲骨，味道酸酸甜甜，而每夾一舊都可以做到平時拉絲嘅效果，功夫絕對唔簡單，不過就要趁熱食，味道似咕嚕肉但係外層炸得好脆，不過肉質就好嫩滑！凍左糖漿就會硬做唔到拉絲嚕，另外亦要試下佢哋嘅原盅燉湯，夠足料，瑪卡仲最岩男人飲，試過就知正！

今晚媽咪休息一天，不用在家煮飯，我們一家四口去了東大街「皇苑」食晚餐。一家人食晚飯，在酒樓叫餸食飯最好，餸菜選擇比較多，加上食物份量較多，所以最適合一家大小的晚餐之選。食乳鴿不用老遠走去沙田食嚕，而家普遍酒家都有乳鴿食。這裡的BB乳鴿好抵食，$48隻，我地叫咗一隻，每人一件。食乳鴿都係過吓口隱je,所以一人一件，剛剛好。在酒家晚飯，我最愛點粟米魚肚羹😍。熱呼呼的湯，一粒粒晶凝通透的魚肚，加埋粟米和蛋花，又飽肚又好飲。飲粟米魚肚羹，食之前一定要記得落胡椒粉喔！懷舊拔絲骨入口感覺好似京都骨咁，但係這碟拔絲骨食落方便好多，因為佢細細粒，一啖一口，最緊要係啖啖肉，不用吐骨頭。有肉有湯，當然唔少得「魚」啦！例牌豉汁蒸鱔$138好大碟啊，賣相都好精美，唔知道味道點㗎呢？魚肉好結實，又彈口，媽咪大讚好抵食喎，佢話平時在街市買一條鱔都要百幾蚊（而家d鱔越來越貴），現在在酒家吃，又有人煮埋，魚肉又新鮮。酒家廚房的爐夠鑊氣，爆香d蒜頭豆豉，最後加上芫荽和辣椒絲，十分野味！

是日難得放假，下晝同老公行逛太古城，行到差不多食飯時間，老公話不如搭電車去東大街食飯，我二話不說贊成，因為一來好少去果頭，二來東大街名店林立。去到總站落車，原來老公已一早諗好食咩，咕嚕肉係佢至愛，佢想去皇苑一試招牌菜拔絲骨。既然佢想去食，當然奉陪到底。皇苑地面門口好細，酒樓要行上一層到二樓，行過未必為意。酒樓面積不大，屬於飯店格局，我倆不太肚餓，叫咗兩盅燉湯加兩個餸。根據中醫學不同顏色嘅食物歸屬人體嘅五臟，黑色入腎，咁呢個黑枸杞子燉竹絲雞一定係滋陰補腎。黑杞子同一般紅色杞子食味冇太大分別，雞湯入面除咗黑杞子竹絲雞外仲有瘦肉，雞湯味道鮮美。拔絲係將糖煮至一定嘅濃稠度，再將預先炸好既食物放到入糖漿中，快速攪拌，用筷子挾起食物時可以拉出長長嘅糖絲，通常都喺甜點製作出現，咕嚕肉真係第一次見。咕嚕肉炸得十分鬆脆，同糖槳好夾，連我平日不愛吃咕嚕肉都食上半碟。懷舊拔絲骨用蜜桃片伴碟，甜甜的很匹配。西蘭花大蝦球中嘅蝦球十分爽脆，西蘭花用上有一個份量，味道清爽，十分清宜。飯後甜品奉上南瓜西米露，南瓜味略淡少甜作為免費甜品已經不錯。

My families and I went to a Chinese restaurant called ''Royal Garden'' (皇苑) located in G/F & 1/F, 109-113 Shau Kei Wan Main Street East, Shau Kei Wan (筲箕灣筲箕灣東大街109-113號1樓及113號地舖)that specializes in serving Chinese seafood cuisines.There is a beautiful golden mosaic at the end of the staircases that are full of mirrors.There are some Chinese porcelain paintings hanging above the cashier.Big round tables are surrounded by the marble walls.We ordered a dinner combo (晚市孖寶) which is much affordable t

今日同屋企人出街食飯黎左呢一間皇苑 主打精美中菜價錢又唔算太貴四個人最後食咗七百零蚊左右個人最喜歡嘅一道小菜 懷舊拔絲骨其實骨佔嘅份量好少 基本上都啖啖肉而且拉絲效果超正 令人垂涎欲滴醬汁味道出奇地唔會太甜同過濃所以食多幾件都唔怕膩xo醬西蘭花帶子花枝海鮮都幾新鮮爽口 西蘭花都好翠綠唔會煮過龍而且食得出冇加味精 味道天然花膠海參扣鵝掌 $168鵝掌炆得超腍同入味 冬菇都好大隻同厚肉你個分量十足既煲真係好滋補爸爸媽媽食得好開心

東大街，是我家想來食東西的好地方，因為住近電車總話附近，晚上想起食宵夜，自然就是走進東大街搵食。晚上亦多在這裡的小菜餐廳，長輩愛其大大碟，又便宜。皇苑位置是我家以前的晚飯食堂，現我亦搬離這個地方。咁啱，今次行經附近，飯堂已更改了皇苑，就叫老公來食返餐晚飯，回味昔日的情感。新開張，餐桌擺設好寬闊，光潔明亮，舒適！菜膽杏汁豬肺湯，奶白色湯底，好有杏仁汁白味，入口白濃，豬肺煲得稔滑，有嚼口，是潤肺滋補功效的湯水。皇苑一品煲～香濃蠔汁配上花膠、鵝掌、冬菇、生菜，花膠厚身，咬落口，膠汁即彈出，有質感，鵝掌炆的好稔，入口即離骨，冬菇夠爽滑，吸收了蠔汁的味道，好入味！金牌蒜香雞～陣陣香濃蒜香味撲鼻，雞肉吸收了蒜香，炸得皮脆肉嫩，保留了肉汁，唔乾身，咬落，肉汁流出，肉質結實，一點兒肥膩都無。六味齋煲～食材豐富，超出六味，超值大大煲，味道比較清淡，超出五色的食物，芋頭夠粉、吸收了菇菌的味道，食出健康。

早排同亞婆黎皇苑飲個早茶覺得d野食都唔錯，所以今次同左d朋友仔黎食晚飯啦~食左孖寶$168,隻條沙巴魚同埋成隻燒春雞！非常之抵食，條魚剛剛熟透！！魚豉油令條魚更鮮味！香葱亦係靈魂。燒春雞燒到皮脆肉好嫩滑，大啖大啖肉~好味。食到咁上下想食個飯啦，於是就叫左個福健炒飯，點知h真係勁大碟勁多料！！個芡汁做得好好，個芡汁將每粒飯都包住，濕濕地好易送飯最後仲有個南瓜西米露送添，唔太甜好好味~南瓜幾濃味~餐晚飯有個好完美既甜蜜結局

嚟到筲箕灣嘅選擇真係多，由街頭小食到特色餐廳，應有盡有！不過，今日就去到一間新開嘅酒樓－－皇苑，試吓小菜，睇吓佢應唔應該留低啦！瑪卡螺頭燉雞湯：原盅燉湯，熱辣辣，仲好足料添，好暖好滋潤呀！A姐一飲完就問，乜馬卡龍都可以煲湯咩？！真係攞你命三千！唔係馬卡龍，係被稱為「秘魯人參」嘅瑪卡，餐牌仲詳細寫明瑪卡嘅營養價值，食完會補充精神同無咁易疲勞，啱晒我呢啲日做夜做打工仔！懷舊拔絲骨：拔絲番薯就食過喇，拔絲骨就真係第一次。上碟見到有青椒、紅椒、香桃同洋蔥伴碟，當然唔少得炸到金黃色嘅主角拔絲骨啦！呢個菜淨係睇已經色彩繽紛，已經忍唔住即刻挾一件嚟試，成條糖絲拉出嚟，望見都好驚好甜，好彩酸甜平衡啱啱好，啖啖肉仲好香脆添！但記住要趁熱食，如果唔係糖漿變硬就後悔莫及！沙嗲粉絲蟹煲：煲蓋一打開就聞到好香濃嘅沙嗲味，成隻蟹加埋大量粉絲，份量一啲都唔輸蝕！不過，蟹蓋就唔見膏，好彩肉都唔少，仲好鮮甜添！而粉絲就係A姐最愛，索晒沙嗲味好正呀！咕嚕蝦球：脆卜卜得嚟又唔厚粉，蝦肉好爽，又酸、又甜、鑊氣一流，最重要係唔會多汁到一pat pat，唔錯。

屋企人慶祝生日，有長輩最好食中菜，比較穩陣，想食得豐富又唔貴，搵左好耐，終於比我搵到呢間好野！呢個拔絲骨真係一流，個汁好濃郁，仲好叻咁黏附係排骨上，夾起就食得，個排骨好淋，阿婆都食到！加埋紅黃綠既配襯，令人胃口大開！出黎食飯最緊要叫個菜，今晚揀左抗癌名物西蘭花，夠晒健康岩長輩食，西蘭花嫩綠新鮮，花枝鮮味爽口，唔會煮得過老，帶子亦都一樣，火候控制得好，炒得有鑊氣。整龍蝦比較麻煩，好少係屋企整，出黎食就最好，呢度龍蝦肉超新鮮，好爽好彈，個上湯汁又做得好，好鮮香又唔咸，伊麵索晒汁，勁香龍蝦鮮味。埋單時侍應話有糖水送，今晚係南瓜西米露，味道濃郁，同時有冰糖果種清甜，好味！

又跟住在筲箕灣的朋友飯聚，今次選擇來到筲箕灣的食街 - 東大街，地鐵出口直達，十分方便！每次都離不開中菜，今次亦一樣，隨意選擇了這間，反正大家未試過麻。《豉汁蒸鱔 $138》豉汁蒸鱔同樣也是超值！份量絕不吝嗇，而且每件都肉厚滑嫩，豉汁能更提味，真是絕配。《兩隻乳鴿 $48 x2》乳鴿眼看比較乾身而且瘦削，但肉質仍然入味。所以如果乳鴿能保持光澤及水潤會比較好。《薑蔥美國桶蠔 $168》以為只有2-3隻怎料有5-6大隻！桶蠔用薑蔥爆香過後十分惹味，每隻都肥美鮮甜，啖啖是肉。環境是比較傳統的茶樓裝修，令我有意欲下次一試午市。

久不久便會到筲箕灣的東大街覓食，貪它多餐廳選擇之餘、泊車又方便。今晚就隨意泊在東大街的路邊，隨意地到了這間皇苑吃中菜。晚市 $6/位 看看餐牌發現了一些懷舊菜式，正好給兩老懷舊一下。《菜膽杏汁豬肺湯 $168》豬肺湯做法煩複，所以外間比較少有，所以一見必點。雖然湯色不夠白，杏味不夠濃，但湯底鮮甜、豬肺亦多可作餸。《懷舊拔絲骨 $98》其中照牌菜之一。排骨炸得熱辣香脆，味道其實像咕嚕肉甜甜酸酸令人開胃，但賣點是外層撈有蜜糖的醬汁能夠拉絲，令人唾涎。《百花蟹鉗 $128》蟹膠跟蟹鉗的比例很大，6大隻十分吸引。蟹膠彈牙，而且炸粉很薄不油膩。《啫啫通菜煲 $88》很有鑊氣，而且份量很大，根本是4-6人的食量，而且通菜炒得入味又夠嫩，十分抵食。這裡雖然沒有華麗裝修，但勝在令人覺得親民自在。

今日和朋友出皇苑食dinner, 我們點了懷舊拔絲骨, 蒜香bb鴿、皇苑一品煲、皇苑口水雞和黑枸杞子燉竹絲雞。懷舊拔絲骨好懷舊的菜式, 熱辣辣好香脆, 拔絲味道不會太甜或太酸, 肉質鮮甜, 配菜有水蜜桃, 水蜜桃十分鮮甜, 好開胃的小菜；蒜香bb鴿炸得金黃香脆, 肉質鮮嫩, 佐酒一流；皇苑一品煲好足料有菇, 花膠、鵝掌和白菜仔, 花膠吸收獻汁, 食落爽口美味, 鵝掌入味夠淋, 味道不會太鹹, 菇鎖上精華, 食落好夠味, 白菜仔炒得爽口, 整個一品煲好足料, 好好食；皇苑口水雞, 麻味夠香, 雞肉肉夠滑,麻味適中不會太辣,怕麻辣亦可以食；最後黑枸杞子燉竹絲雞, 湯好夠火候好足料, 材料有黑枸杞子, 燉竹絲雞和瘦肉, 湯底好香好濃, 黑枸杞子味道有點似提子乾, 甜甜地好美味, 燉竹絲雞雞肉鮮嫩鮮甜；瘦肉好夠味入口即熔。餐廳中菜美味, 座位舒適, 適合走歡食傳統中菜的朋友, 值得一食。

久未露面嘅朋友約食飯，兩個不約而同話想食中菜，就黎左呢間位於筲箕灣既皇苑啦7點黎到，當時食客未算多，到8點先開始多人多款小菜，燉湯選擇亦多，適合養生既我黑枸子燉竹絲雞湯（$68）竹絲雞燉到好諗，湯夠清甜夾上黎已見到竹絲雞軟諗諗馬卡螺頭燉雞（$68）朋友話幾好飲，又唔會太油膩特式蝦多士（$88）黎到無理由唔試下招牌菜，蝦多士好香脆，沾上沙律醬好開胃懷舊拔絲骨（$98）呢個拔絲骨真心正，外層脆卜卜但又唔會令人覺咬落滿口炸粉，面層滲上芝麻令味道更香口重點係道菜名符其實，夾起黎有拔絲效果，味道酸酸甜甜幾似咕嚕肉椒鹽脆皮豆腐（$60）豆腐不過不失，如果豆腐外層脆一點會更好埋單每人約$215，價錢合理

前排去左筲箕灣東大街試左間酒樓名叫皇苑。食過之後覺得一流無得彈個孖寶確實抵食，168蚊又有沙巴魚又有乳鴿。味道仲要係好味添呀!!再叫左個芝士龍蝦烏冬。龍蝦味道爽口彈牙。烏冬亦煙in

孝順女又嚟請阿媽食飯。其實今日收工已經好攰，不過難得阿媽一支公得閒，都硬住頭皮照帶佢嚟食吓地道粵菜。皇苑地點好方便，地鐘站一出過條馬路就到。餐牌上至鮑蔘翅肚，下至地道小菜都一應俱全。黑枸杞燉竹絲雞湯＄68/盅，媽媽見到有湯就必叫，佢話黑枸杞係呢期當紅嘅健康食品，叫我食多啲補身。個湯淡身，幾足料，一盅有雞腳、竹絲雞同螺肉。蝦多士＄88，一碟有8件咁多，即炸多士鬆軟香脆，蝦肉彈牙。豉汁蒸大鱔＄138，係我地全晚最滿意菜式，皆因條魚非常新鮮，鱔肉舊舊都咁大件厚肉，個豉汁入味得嚟又冇過咸，食落肉質彈牙爽脆👍🏻腐竹魚湯浸時蔬＄68，大碟份量多，腐皮有豆香，奶白魚湯清而濃，白菜淋身有魚湯味。啫啫雞煲＄90，滿滿一煲有很多雞件、大片豬潤和蒜子，上碟時煲內依然滾到吱吱聲，香氣四溢，略嫌師傅調味重手咗有啲咸。樓面姐姐話有南瓜西米露糖水送，其實個胃已經滿哂，不過本住甜品放另一個胃嘅心態，就叫姐姐俾一碗我地share。南瓜露夠哂滑溜，食埋糖水呢餐就完滿喇！有時中西餐比較之下，都會覺得食中餐抵好多。西餐來去去都係食剧扒意粉，都收你幾百蚊個人，中菜不論功夫、用料、人力、租金，各方面嘅皮費成本更貴，但每人二百幾就