皇茶 (已結業)

之前喺大陸飲過皇茶d奶蓋好好飲， 見到旺角都有諗住試下啦。雖然店面望落去都流流地有d山寨feel，好啦，我諗住掛得個牌子出黎應該冇事。保守d叫左個朱古力奶蓋,好難會唔好飲係咪先。點知伏到喊，勁難飲。 個奶蓋係甜到嘔嘅椰漿囉。。。d朱古力明顯係開粉溝水，冇味勁淡。飲左一半最後頂唔順掉左。

呢邊都有幾間小食店，所以經常都塞滿人架，不過講到食魚蛋，通常我幫襯番呢檔，覺得佢地嘅麻辣口味啱食啲。其實本身皇茶係飲品店，但唔知幾時開始賣埋麻辣燙、魚蛋、牛丸等。（當然我都聽國內朋友講過呢間皇茶係老翻）魚蛋、牛丸佢地嘅麻辣好接近喺國內食到果種味道架，真係有麻有辣，喺香港好多麻辣魚蛋一係就麻到傻，一係就唔夠辣，呢度嘅味道好適合。魚蛋係普普通通，但都唔會霉，有少少彈牙。牛丸係幾好食架，有牛味，而且幾有嚼勁！桂花烏龍因為都聽過幾次呢度嘅飲品麻麻地，本來都冇打算點，點知見到買一送一，見價錢唔貴就買埋啦。揀左一杯桂花烏龍、另一杯桃香烏龍。首先都係見到佢地加粉加糖漿沖，都唔會太大期望，半價左後十蚊杯，只要唔難飲我都算。桂花味道偏弱，飲落完全唔會覺得甜。冰都比較多，所以飲到尾，同飲冰水冇乜分別。

之前經過一旺角，本來想食全消，突然俾我發現到有呢一間野。佢有麻辣腐皮，麻辣魚蛋，不過呢啲都好似食開，所以最後叫咗個蘿蔔豬皮海帶來試。 望落個買相好特別，閒落好香。都食嗰陣時真係想好麻辣味，不過只係得麻辣嘅味道而無香味，味道只屬一般。

翻大陸食過麻辣燙後一直念念不忘，香港搵唔到個種味道☹️經過金魚街見到餐牌寫住有豆腐串，價錢算平，個煲大大一盤辣椒同野食！即刻買黎試。牛丸10蚊4粒，爽口彈牙，辣味ok。豆腐串 8蚊一串，吸曬d湯嘅味，食個陣好似飲緊個湯咁😂😂蘿蔔香菇豬皮海帶 10蚊1碗香菇軟身，無乜口感蘿蔔大舊入味，無渣🤘🏻豬皮有驚喜，軟林林又入味，好好食檯面有小辣 中辣 大辣 麻辣粉比你加。。我厭佢個湯唔夠辣，所以加中辣 麻辣粉。好食程度拍得住麻辣燙😚😚💕

因為平時有喺附近檔串燒店買串燒食，今日經過先留意到旁邊呢間皇茶有魚蛋賣。事後睇過下其他評語，好似話係老翻皇茶，咁真、假我就唔識分，但確係見到佢地嘅燈牌menu只有簡體字，手寫嘅menu就係繁體。另外，因為對佢地嘅飲品冇乜興趣，純粹行過見佢地嘅魚蛋好似幾正，先買黎試下。手打魚蛋王 $10/6粒魚蛋當然係揀麻辣口味~先講魚蛋，食落就唔係話好彈牙，雖然都唔會梅梅爛爛，魚味食唔到，但某啲會食到碎骨，注意。招牌麻辣汁睇食水以為好辣，但食落又唔係話真係好辣，亦都唔會流哂鼻水，主力以麻為主，當然可能遷就口味，呢種麻亦都入得口，算唔錯。手打牛筋丸 $10/4粒反而覺得牛筋丸，幾好食咬落有肉汁，而且幾彈牙！

果日買左兜魚蛋再見到呢間係大陸飲過既皇茶, 買左杯曲奇奶蓋, 完全難飲到嘔上網睇番, 皇茶係大陸紅過一排但現已無乜人飲, 但之前因太多山寨, 皇茶已經改左名, 得番d山寨牌子叫皇茶呢間完來係山寨!!!大陸牌子都唔緊要, 仲要係假野, 以後都唔敢飲, 連佢既小食都唔敢買最好笑係北角都有一間, 但兩間既英文名同logo唔同, 兩間都係山寨😂😂呢間比北角仲衰, 鋪入面充滿簡體字, 真係無信心

深宵旺角地點找小吃, 花園街附近一向聚了不少夜宵人士, 嚐辣今次一試四川風麻辣小吃掃街! 串燒檔及711旁的茶店外擺滿麻辣燙, 主賣幾樣, 手打牛丸, 魚丸, 豆卜, 蘿白, 豬皮, 熱騰騰的滾滾在煲內。 吸引著有面前幾樽辣粉! 有分大, 小辣, 麻等。 我這個如此愛辣的, 一個人當然食大麻大辣。 四川風麻辣豆卜($6)1串, 豆卜本身是很長的那款, 本身已剪開了。 豆卜在鍋內煲了一段時間, 微微染成紅色! 知道辣汁已充滿豆卜, 放在碗內, 加一點湯, 邊吃邊喝湯, 辣湯味道有不少香料香, 加分位, 可自行再加枱上辣粉! 小, 中, 大辣, 及麻辣粉( 花椒粉) 。 愛麻辣的, 必加麻椒粉!!!! 即時充滿口腔麻麻痺痺的感覺! 即時想買回家帶去燒烤, 好味!!!

呢兩個星期每次經過呢度都見到有條小親，keep住有人排隊，仲傳來陣陣既香味，只係見到有幾大盆魚蛋。 今晚經過都貼到排但想試，唔好諗咁多了～原來佢同台式飲品分，前面賣魚蛋後面仲係整奶茶。 魚蛋有分麻辣同咖哩，當然大家都係買麻辣嫁啦！買$10同$20都可送白蘿蔔同豬皮送。我買左廿蚊， 有魚蛋同牛丸。未食只係聞都流口水，食落一啲都唔辣，夠矖麻，香料味重。魚蛋大大粒，唔係爽口但都唔粉。牛丸很有肉地之餘，咬落仲多汁。除左有極入味既白蘿蔔外，仲有雲耳同海帶，十分有誠意，下次經過都買返碗先。

第一次寫食評，因為太好飲了！食燒賣冇意中發現呢間飲品店。呢度既奶蓋茶，與其話係奶蓋，不如叫做cream cheese更合適。唔同一般台式奶蓋茶，呢度既奶蓋係有超香濃既芝士味，第一次飲超級驚喜。奶蓋茶有幾款配搭，我暫時試過朱古力、綠茶、阿薩姆茶同烏龍茶。朱古力就唔多啱我口味，因為個奶蓋本身已經好香濃，配朱古力就太留了。相反，奶蓋同烏龍茶簡直係絕配！茶味香同芝士香出奇地夾！我心水係奶蓋桃香烏龍茶阿薩姆都係一個唔錯既選擇。其實佢門口仲有牛根丸賣，個樣好似幾辣，下次再去試。

One of best bubble milk tea I had in Hong Kong. Reasonable price and excellent customer service.

行行下旺角 ,口渴, 想飲類似貢茶嘅珍珠奶茶 咁我買雞串, 隔離就有間好似台式飲品嘅鋪頭 叫做皇茶 未聽過, 但試下囉, 有學生八折 優惠 ,希望唔會太差掛.見佢個餐牌都係繁體字呀, 啲價錢同其他鋪頭呀同埋貢茶嗰啲鋪頭都差唔多, 咁我想飲珍珠奶茶咁,就買咗佢嗰個"港式珍珠奶茶"($18).去到畀錢嗰陣時, 見到佢個收銀機, 係用簡體字 ,咁我嚇咗一嚇啦, 但係我都心意已決,都係諗住飲啦,好口渴. 到買到返嚟, 一飲, 發現原來係 超難飲㗎!!! 因為我本身想飲貢茶嗰隻珍珠奶茶, 咁一飲呢, 發現原來同貢茶係冇辦法比較, 有少少感覺係茶餐廳嗰隻奶茶加珍珠系入面嘅, 呢樣如果做得好都唔係問題, 但係呢隻奶茶隻味係好難入口,好難飲㗎, 同埋呢d珍珠啦都係好冇味好似剩係jel緊啲嘢咁. 杯嘢個面又有好多泡, 啲冰又少wor 搞到杯嘢嗰幾分鐘已經暖曬囉! overall,極難飲!!我都用咗十幾蚊買呀一杯, 難飲都想飲多少少先好扔ar, 但係飲多幾啖le, 真係頂唔順! 再畀阿妹飲下, 佢都覺得真係好難飲, 結果杯嘢, 飲唔夠十分一, 就扔咗喇. 扔左仲好過, 唔好難為自己.總之呢今次真係伏咗呀