盈記四季養生麵館

營業中

休息中

又係出發搵香港好味米線嘅時候喇，今晚目的地係灣仔嘅盈記。有好多款藥膳農場雞養生湯，但今晚俾刺身帶子叻沙湯吸引咗。橙紅色叻沙湯，濃厚的蝦香湯頭，滲出陣陣惹味芳郁的椰醬香甜，唔會太辣。叻沙味融和在米線及各種材料中。除咗多件肥美帶子外，仲有一隻熟蛋，少量蝦乾，同唔少嘅芽菜，材料豐富。而且上菜時亦有唔少芫荽作點綴，亦可增加味道嘅層次。飲品就叫咗一杯幾有特色嘅奶茶紅豆冰，港式奶茶味道，同微辣叻沙米線係絕配。

同男朋友喺灣仔行完會展展覽路過呢間米線店 我哋不嬲都鍾意食熱湯米線 而呢度主打養生藥膳米線 我哋叫咗一碗藥膳蟲草花雞湯米線 湯底非常濃郁甜甜地 帶有藥膳同紅棗味 令我不禁地飲完一啖又一啖 而且米線屬於彈牙嘅一種 一碗麵裏面有五大件雞件加埋蟲草花 配搭起上嚟其實真係幾好食另外我哋叫咗藥膳雞腳同埋藥膳湯水餃 鮑汁雞腳就食得多 但係藥膳雞腳就真係比較少食 呢度嘅雞腳浸到軟淋好入味 但係林得嚟都仲有啲咬口有骨膠原嘅感覺 而水餃正正常常不過不失啦 埋單原來嘢飲有半價Tim

好鐘意食米線，最近發現左間特別嘅米線【盈記四季養生麵館】居然食米線可以養生？！哇😯真係好吸引呀～😍，今日帶埋老公過嚟養下身😂😂 ⭐推薦養生黑蒜農場雞🐔米線，記得多飲湯，好甜！好味👍🏻👍🏻⭐麻油養生農場雞🐔米線，一上嚟已經聽到隔離檯話好香啊😂 ⭐可以選擇米線，米粉或者跟飯，晚飯仲有抵食二人餐，真跟嘢飲或者小食 ⭐小食我試左養生水餃🥟，連湯都飲埋😂 另外仲有喇沙番茄湯底系列😍啱曬重口味嘅你！ 推介：試下佢嘅辣椒醬點雞食😜 好好味😋

下午吃得有點豐富，晚餐想吃得清淡少少，所以選擇了麵食。餐廳很光猛，主打藥膳湯底，亦有蕃茄湯底和叻沙湯底。餐廳亦有一人套餐和二人套餐選擇，我們最終要了藥膳農場雞芫茜湯底配米線，材料十足，份量亦十足，大大塊的雞髀肉，啖啖肉，湯底鮮甜，而且藥膳味不會太搶口，黑木耳夠爽口。鮮茄牛肉配米粉，湯底香濃，啖啖牛肉和蕃茄，非常之滿足。是日上湯浸時蔬是生菜，味道不單調，十分爽口。配支飲料，又一餐。埋單更有9折呢！都幾抵！

今日又去左灣仔啦！話說女朋友特別鐘意去灣仔一間cafe打卡食野！早早之前已經約左我今日去食，星期六一早起身就揸車出左去嚕！cafe都喺食All Day Breakfast果啲，女朋友鐘意去我唯有一星期一次健康下啦食完cafe唔夠飽，即刻走左去隔離街食間粉麵！餐廳主打人氣藥膳湯底，以養生有益為主，今日去到我當然都叫番個藥膳湯底米線食下啦藥膳雜丸米線，藥膳湯底香濃唔會膩，唔會好似中藥湯底有苦味，的確香濃甘香！雜丸夠彈牙！下次可以試下食其他口味，應該都唔差

今日去開灣仔換身分證，所以約朋去咗呢間灣仔盈記養生麵館度食嘢，打開Menu見到有我最鍾意嘅藥膳同埋蕃茄湯底選擇。最後都係揀咗藥膳農場雞日本花菇米粉，上枱聞到淡淡的藥材味道，有啲似台灣食嘅雞湯藥膳米線，但係酒味就冇咁濃，雞肉算幾滑嫩，花菇夠厚，非常入味，有少少蠔油嘅味道。另外朋友點嘅雞湯山藥米粉，都係藥膳嘅湯底，不過多咗山藥配料，山藥比較爽口，加埋個雞湯感覺非常之養生。牛肋條炆得好入味又夠淋身，牛味正常，不算太突出，份量都有四條，算幾足料。另外再加左一個浸時菜，用雞湯浸嘅生菜，幾入味，味道幾清甜又帶點中藥味。整體味道都算幾簡單，唔算油膩，雞湯加藥膳好似幾補身，當天氣凍嘅時候，喺個不錯嘅選擇。

灣仔見客客戶介紹我去附近的「盈記四季養生麵館」是近日新開的湯底不錯。環境潔淨光猛舒服的。餐牌，有關米線配搭都有很多選擇。👍🥢藥膳農場雞養芫茜生湯米線$64超多芫茜香氣四溢，標榜用農場雞一定要試試，口感軟滑有雞味，藥膳中有當歸紅棗滋補有益。👍🥢藥膳浸雞腳 $38雞腳入味好腍，感覺好多骨膠原。

剛剛在會展參觀，又未到晚飯時間，就在附近找找餐廳吃一點。看著看著，這家店舖的米線好像不錯，便跟朋友兩人去試試。我點了藥膳農場雞銀耳竹笙養生湯米線，朋友要了藥膳農場雞蟲草花養生湯米線，再加了一份藥膳上湯自家製水餃，熱檸水和熱菜蜜。首先，我的銀耳竹笙米線，配料的分量頗多，整碗滿滿的紅棗和雲耳，湯底吃起來也感覺到材料十足，藥材的氣味，加上甜甜的味道，令整個米線生色不少。農場雞肉質也很細嫩，與藥膳湯的味道也很配合。銀耳和竹笙吸收了湯底的甜味，感覺非常清爽，我想應該很養顏吧~朋友的那碗米線，真的有很多蟲草花，真材實料，我喝了一口湯，鮮味好像融入了蟲草花的香氣，值得一試。最後還吃了兩個餃子，餡料分量不少，味道不錯，餃子浸在藥膳湯，算是較為特別，吃起來別有一番風味。整體來說，以一百多元可以填飽肚子之餘，又可以嘗到藥膳的味道，個人認為是絕對值得推介的。

近排開始凍，要食返啲養生嘅食物暖下胃😋路過見依間餐廳主推藥膳雞湯，所以就入嚟試吓。我叫咗一個藥膳農場雞黑蒜養生湯。碗養生湯嚟到，就聞到好香嘅黑蒜味。跟住飲一啖湯，啖湯好甜，同埋好濃藥膳味，好足料，好飲落去好暖胃。而且越飲越開胃，最後我差唔多飲晒成碗湯🙈養生湯裏面嘅雞都好滑，啲肉好有彈性，同埋都好入味。跟住我都叫咗啲小食，首先係藥膳雙拼丸。呢個小食嘅藥膳湯原汁原味，藥膳味更濃、更甜。仲有一碟醬汁牛肋條。依個小食都非常出色，牛肋條好入味，亦都好淋，調味仲要啱啱好！總括而言，依間餐廳嘅藥膳湯真係令我留下深刻印象，我一定會再encore👍🏻

呢幾日凍凍地幾左個朋友飲藥膳湯都好好多選擇😊😊😊早餐都有。又不太貴最後選了期間限定當然😆😆😆😆咁岩咁凍药膳農場雞花膠米線😜☺️☺️，湯底又幾好飲。濃濃藥材，紅棗味比較多。但整體湯都不錯。雞比較實，農場養關係。有小小彈口，花膠有一大片。好長，好有好感，夠厚，米線是比較幼身，不錯小食，雞腳。湯抵係藥膳湯抵。雞腳吸最藥膳，所以超濃超好咬。連紅棗我都吃清😆😆😆😆😆藥膳農場芫茜湯。大旺芫茜另一個味道，超香。本身湯抵又變另一個更吸引味道。超溫暖。冬天好選擇

終於嚟到秋冬嘅季節啦，呢啲天氣真係唔使多講啦即刻補補佢😎😎😎 一聯想到呢啲嘅時候就會諗起要食蛇羹或者羊腩煲，但價錢又係一個問題。 如果係自私食嘅話當然藥膳嘅食物係最好啦😈😈。 而家亦都主打養生之道， 食得好之餘更加仲要食得健康👍🏼👍🏼銅鑼灣灣仔嘢食多到爆炸，但要數到養生餐廳就反而好似少啲，盈記呢一間就成為左獨樹一格嘅一間餐廳首先呢度嘅就係主打養生藥膳雞湯，所以一入到間舖頭絕對絕對會聞到好香濃嘅藥材味，即使平時有幾唔鍾意藥材都好但呢一種味絕對係人人都可以受得起，因為加咗重要嘅走地雞，即刻令到味道香左唔少藥膳養生走地雞米線- 香濃、回味無窮。 走地雞的而且確係非常之鮮嫩同埋食得出味道係同白切雞有極大分別，至少肉質真係會入味好多。 配合藥膳湯簡直係滋補首選👍🏼👍🏼 話就話係藥膳養生湯，但一啲都唔會感受到苦味喺入面，除咗有紅棗呢一個功臣之外走地雞更加係令到湯底濃郁昇華嘅一個功臣🔥🔥🔥🔥口水木耳： 餐前小食當然就係要酸酸辣辣咁就可以更更有胃口，木耳嘅爽脆再加上辣汁就絕對係一個非常清涼嘅選擇。食完之後除咗成身暖笠笠之外更加有一種蕩氣迴腸嘅感覺，藥膳味淡淡地淡嗰種滋味確實係一個好懷念嘅味道

之前已經和朋友來過吃麵，上次食完花膠麵後，覺得不錯，所以今日再來。今日想要濃味系列，所以叫了自家水餃喇沙湯米粉，一上檯，已聞到濃濃的喇沙味，豆卜完全吸收了湯的味道，湯不太辣，連我這個不好辣的，也能挑戰成功，反而小小的辣，令到我更開胃，加上要了米粉，非常掛湯。自家製水餃，皮煙韌，餡料頗多，一碗都有5隻，非常多。十分入味，色香味俱全。另外，由於喇沙開胃的關係，所以叫多了一個小食，醬香牛肋條，牛肋條非常入味，醬香濃但不會過鹹，味道剛剛好，肉又不會過韌。相當入味，想叫碗飯添。這麵店沒有華麗的裝潢，用內涵來說話。

天氣凍咗，放工又攰又凍，好想飲碗熱湯，所以嚟到公司附近嘅哩間養生米線店食飯。已經係第二次嚟啦，貪佢夠健康又好味。今次試試新嘢▪️麻辣手撕雞青瓜雪耳撈紅薯粉，個汁好香陳醋味，味道唔太辣但惹味，紅薯粉索晒啲汁好正！手撕雞肉嫩滑好味😋。另一碗就叫咗▪️藥膳農場雞竹笙銀耳養生湯米粉，個湯好清甜，有好香濃嘅紅棗味，飲啖湯暖笠笠，雞件好新鮮又嫩滑，雞味濃郁，好味😋。叫咗小食▪️紅油抄手細細粒，外皮薄餡靚，個醬就好惹味，辣度溫和。

今日比朋友捉左黎食養身餐😋一見到menu 樣樣都覺得好正，我地決定食哂佢！😆藥膳農場雞+蟲草花養生湯一送上枱就聞到超香既藥膳湯味，湯底好清甜！有嫩滑新鮮既雞肶件，雞肉鮮甜多汁🥰！米線爽滑唔會太淋。蟲草花份量非常多，亦爽口！藥膳湯貢丸花枝丸（雙拼)呢個藥膳味仲重過湯面！我更鍾意呢個湯，藥膳味重左，感覺更補身，又好飲！😋貢丸同花枝丸都好彈牙！醬香牛肋條牛肋條超入味，炆到好軟，唔um，估唔到主打藥膳既店，牛肋條都咁好味😆麻辣手撕雞雞肉肉質鮮嫩，醬汁惹味，唔會好辣😋

下午茶時段在修頓球場附近和同事公幹完成, 正想找地方小歇及輕食, 巧見這名字起得相當別緻的另類小店, 打著四季養生的名堂, 決定入內光顧👏👏菜單上足有十多二十款選擇, 每種湯底可配米粉, 米線或通心粉, 另跟熱餐飲👍分別點了鮮茄牛肋條通心粉, 蕃茄味濃, 牛肋肉入口鬆化😋藥膳農場雞山藥養生湯米粉, 藥材香氣滿溢, 碗面上滿放紅棗杞子甚吸睛, 山藥爽脆又有感😋😋真是一種另類麵食經驗, 最後把回憶投放入檸檬水, 菜蜜兩杯結尾的餐飲內😋😋👏👏