盈記四季養生麵館

營業中

休息中

女人吾補好易老, 所以除了自己煲湯, 我也喜歡去坊間飲養生湯做保健.  今晚行經灣仔, 修頓球場,  看見  盈記四季養生麵館,  好想 飲碗養生湯.在門外看看餐牌, 感覺食物也合意,  價錢又吾貴.店內座位整潔, 光猛.侍應又送上餐牌,  我再揀至愛食品.藥膳養生湯有好多選擇,  或又可以叫健康醒胃蕃茄湯.我點了檸蜜,藥膳浸雞腳,  用黨蔘, 北芪, 紅棗杞子浸,  行氣活血. 雞腳煲得好稔又入味, 好好肉.  以型補型, 多吃可補腳骨力.涼拌手撕雞,   配料有青瓜條, 脆花生, 芫茜, 云耳. 份量足.醬汁做得好好, 用了蒜, 薑, 酒, 手撕雞肉好嫩, 啖啖肉,  配上青瓜條,  特別爽口.藥膳農場雞 + 桃膠養生湯個湯底好足料,  聞落都有淡淡藥材味, 有紅棗, 杞子能夠補中益氣, 明目補血. 桃膠, 高纖高蛋白質,  愛美顏者必吃. 雞件有很多塊, 用上三黃雞, 夠滑又吾油膩, 米線很滑, 滲了湯汁, 好入味, 口感不錯,  湯頭不含味精, 我全碗飲清 ！餐廳位置方便, 食材有質素, 真材實料, 價錢經濟, 下次要和家人再來吃. 

我一向好鍾意食米線 尤其係麻辣嘅不過食得多都唔係太健康所以間中都會想食清啲最近好喜愛哩間灣仔嘅養生米線店🍜雞湯底睇落好清但飲落好夠味，味道好甜、好香！佢有好香嘅桂圓紅棗味～真係會忍唔住飲哂啲湯！👍🏻👍🏻👍🏻.🔸藥膳農場雞日本花菇養生湯米線（$68）🔸藥膳農場雞竹笙銀耳養生湯米粉（$68）🔸紅油抄手（$36）🔸凍檸茶 x2.我哋一個揀米線、一個米粉，兩者都掛湯所以好夠味！雞肉大件而且好滑！🐔真心有雞味，好好食！日本花菇好厚，炆得好入味、有蠔油香。銀耳軟綿綿又帶點爽口，好有膠質！竹笙爽脆吸湯。全部都好味，有驚喜！小食嘅紅油炒手細細粒，但好飽滿，外皮薄得嚟煙韌、半透明，個餡都好香好滑，而個醬就好惹味，似係自家炒嘅，好香但唔太辣。.整體好味呀！我會再返去食😋😋😋

星期六做完義工活動，到附近的店食個下午茶，見到有間藥膳湯麵店做緊九折。朋友最喜歡養生，二話不說便選擇了它。藥膳農場雞竹笙銀耳養生湯 | $68初時以為藥膳湯底會帶有好重的藥材味，但原來不會。聞到紅茸甜甜的味道，湯底清甜無味精，亦不會帶有藥材的苦澀味。甜甜的不會太鹹，有紅茸、杞子、銀耳、竹笙。雞脾肉滑溜不肥。涼拌手撕雞青瓜雲耳撈紅薯粉 | $68有好多雞絲、花生香脆、生洋蔥、青瓜絲等，醬汁夠味。藥膳上湯自家製水餃五隻 | $36水餃浸在藥膳湯上，亦都可以品嚐到藥膳湯味。餃子饀料肉多。熱奶茶 | +$0、凍檸茶 | +$3熱飲品跟餐免費，凍飲加$3，飲品大杯。現時全單九折，幾抵食。

到過「藝林」賞畫展與買繪畫顏料後順便在灣仔區用膳，在「盈記四季養生麵館」吃藥膳湯米線。藥膳農場雞+山藥養生湯米線，藥膳麵湯沒有濃濃的藥材味道，祇有芫西的清香和藥膳雞湯的鮮味，山藥和米線拌著藥膳雞湯吃，可口又有益，鮮雞中有雞翼、雞髀肉與雞胸肉，雞翼、雞髀肉固然嫩滑，雞胸肉肉質也很味鮮柔滑。藥膳上湯自家製水餃米粉，水餃皮滑餡鮮。杞子與紅棗帶出麵湯很的清甜味道，湯水拌雲耳吃又甜又爽。每次必吃的醬香牛肋條，醬香好味道，牛肋條炆得鬆軟入味。特飲是奶茶紅豆冰與凍檸蜜。我第一次嘗奶茶紅豆冰，口感很好，一般紅豆冰經常會太甜，這杯奶茶紅豆冰，紅豆蓉綿糯，配奶茶味道不太甜，味道層次大大提升，值得下次再來。

養生藥膳平時較少見，以前不時會去美孚一間藥膳面食幫襯，佢執左之後就少食好多啦一見到佢即刻又諗起，又見到裝修咁新淨，即刻入去試試先！它除左有藥膳湯，仲有蕃茄湯，喇沙湯Tim! ~~~~~~~~~~~~~~~~~~~~~~🔷藥膳農場雞蟲草花養生湯米線一送到上枱，第一時間飲嗒湯，湯底好清甜， 比起平時好濃烈嘅藥材味令人更易接受！飲得出有當歸，杞子，紅棗，龍眼！米線唔會煮得太淋，入口爽滑，配住飲一齊食超正！而雞係三黃雞，肥美肉厚，肉質嫩滑！而且蟲草花都比好多，一d都唔慳，一定夠食呀！~~~~~~~~~~~~~~~~~~~~~~~~👅味道 🌕🌕🌕🌗🌑🌻環境 🌕🌕🌕🌕🌑🐋服務 🌕🌕🌕🌑🌑👛抵食 🌕🌕🌕🌑🌑🔄回頭率 50%~~~~~~~~~~~~~~~~~~~~~~~~📍 盈記四季養生麵館 (灣仔)灣仔軒尼詩道69號華美樓地舖📞 93667566 ~~~~~~~~~~~~~~~~~~~~🔰新手廚娘👩🏻‍🍳試食員👩🏻‍🏫純分享不定期更新Follow me👉🏻 @whale_talking 🐋#hkfoodie #hkfood #hkfoodblogger #食好西 #相機食先 #hkfoodstagr

每次落灣仔覆完診，都會經過呢間盈記但每次都好多人排緊隊😮‍💨今日覆完診過左食飯時間，而且天氣開始涼涼地，見佢堂食有9折，麵餐仲配埋飲品，咁就同老媽子入去食碗養生麵😋😋話明食養生麵，睇完餐牌，我地一致揀左藥膳雞湯底👇🏻我果碗👉🏻藥膳農場雞麻油養生米粉：藥膳雞湯底，香濃清甜無味精，大大碗好足料有紅早圓肉木耳，加上麻油香味，成碗食晒另外主角黃油雞，雞髀位啖啖肉，而且肉質好嫩滑媽咪就揀左👉🏻藥膳農場雞蟲草花養生米線：老媽子都大讚佢地個湯底好清甜👍🏻而且蟲草花係超多，大滿足😋兩母女都鍾意損雞腳，咁就加個小食藥膳浸雞腳，雞腳入晒味，仲有豐富骨膠原，食到個咀有啲張張地既感覺😋難怪咁多人排隊，真係幾抵食

有時自己一個都不錯丫，可以四周圍去幾時食飯都得，去左灣仔睇玩具，之後唔知食咩好，行行下見到間藥膳米線，橫惦餓餓地，入去試下。【藥膳農場雞厚生花菇養生湯米線】濃郁的藥膳湯底，材料十足，有紅棗、杞子、桂圓肉等等，湯底帶點香甜，不油又不膩，真係飲完個都補而不燥，再配合個米線真係一流，米線軟硬適中。【醬香牛肋條】見牛肋條都算厚身，濃郁醬汁炆牛肋條非常之入味，肉質軟淋，不錯。【秘製汁木耳】微微酸酸辣辣，又帶點爽口，真係好惹味。

今日掛黑雨，返工搞到對鞋都濕哂，放工都仲未乾，心情麻麻，想食返啲心靈雞湯滋潤吓。於是就去咗灣仔盈記四季養生麵館食雞湯米粉。呢間舖頭主打藥膳雞湯，每款米粉都有三大件雞髀肉，然後再自由配搭其他選擇。今日我就選擇咗雲耳配竹笙，朋友就叫咗山藥。另外再叫多咗個醬香牛肋條同鮑魚汁炆花菇。米粉大大碗，上枱嘅時候熱焫焫，即刻飲返啖湯潤吓先。雞髀肉大大件，煮得啱啱熟，唔會太乾。雪耳好大件再加上好多條竹笙，淨係食碗米粉已經夠哂飽。朋友食米線，基本上湯底同雞都係一樣，佢就揀咗山藥，都好爽口。最有驚喜嘅就係鮑魚汁炆花菇，雖然得四件，但隻隻都又大又厚肉，炆得又淋又入味，簡直搶哂雞湯米粉嘅風頭😋另外一樣醬香牛肋條都好味，炆到都好淋，但牛肋條嘅邊位仍然都仲有咬口。食埋呢兩個小食就超大滿足，今日鬱悶嘅心情都一掃而空👍

今日又再次港島一日遊，差不多由11點左右開始由中上環一直飲飲食食，之後再搭叮叮去灣仔利東街一帶繼續行街，行下行下又開始肚餓，望望附近有咩好食先。行到修頓球場對面發現一間養生藥膳湯麵，老公最愛藥膳湯底，二話不說已經話要試試看。藥膳農場雞蟲草花養生湯先試一口湯底，有濃濃的紅棗甜味，繼而有陣陣藥材香氣，店家用上三黃雞，雞肉的清甜味令到湯底更加可口，雞肉鮮甜多汁，雞胸位置都保持肉質鮮嫩，蟲草花滋補爽口，仲可以降低膽固醇。藥膳浸雞腳雞腳入口軟嫩，輕輕一咬已經離骨，藥材香味完全滲透入內。秘製汁木耳木耳口感爽脆，秘製麻辣汁酸酸辣辣，令人非常開胃。

近排忙到high high，成日捱更抵夜，阿叔又係時候進補養生一吓喇！呢間位於灣仔嘅麵館主打藥膳養生湯，唔單止營養成份高，而且味道清甜，確實可以幫忙到屎嘅上班一族溫和調理一吓！ 藥膳農場雞蟲草花養生湯($65)，絕對推介畀一眾追求健康同愛美嘅女士們！首先，呢款藥膳雞湯以三黃雞，再配上多種藥材熬製4個鐘頭而成，唔單止有補氣益血、健脾益肺，更有美顏功效。另外，佢哋嘅農場雞肉肉質嫩滑，加上蟲草花營養價值高，嚟食多幾次都唔怕燥！

近排同事閒時多咗討論養生之道，重提到上次去台灣食蔴油雞補身，好想再回味一下，但因疫情關係唔方便去台灣，唯有上網搵間養生餐廳食嘢。今日就嚟到灣仔嘅盈記四季養生麵館，呢度除咗主打嘅藥膳雞湯，仲有蕃茄湯底同叻沙湯底。鮮茄自家製水餃湯米線，水餃嘅湯底係蕃茄上湯，湯底充滿濃香蕃茄味，而水餃係自家製，餡料豐富，充滿口感。米線爽口滑溜。藥膳農場雞麻油養生湯，碗麵上枱時已聞到好濃郁嘅藥膳香味，湯底藥膳上湯，湯底充滿香濃的藥材味，有紅棗、圓肉、木耳等，味道甘甜。由於加埋麻油，令湯底更有麻油香味，多了一份麻油香和雞湯清甜。 雞件肉質嫩滑，味道非常有層次。雞肉嫩滑。每一啖米粉都可嚐到藥膳湯，好好味。小食上湯時菜，用藥膳湯做湯底浸生菜，爽口中帶些又甜又有藥材味的湯汁，有益又好味！藥膳湯墨魚春卷，墨魚春卷彈牙，記得飲埋啲藥膳湯，健康又保身！凍檸茶凍咖啡夠濃味，少甜啱啱好！

前二日行經灣仔見客, 偶遇這間餐廳,盈記四季養生麵館餐廳內裝修簡潔整齊, 沒有侷促感, 而且店員招呼殷勤有禮👍座位預留空間感都可以, 防疫保護當然有做足啦😘藥膳農場雞+桃膠養生湯 +熱咖啡（原來 六十四元 已經食到）濃郁芳香湯底, 果然內有乾坤！紅棗、杞子、木耳、桃膠等多種中藥材淆製而成的湯底👍加上這農場雞, 肉滑皮薄, 使得整碗米線, 口感非常豐富.藥膳浸雞腳 $38這種藥膳烹調的雞腳, 不得不品嚐一下, 完全入味, 迎合我喜愛昧骨之人😁😁.最後當然不少得杯咖啡啦香濃厚滑, 認真提神, 又可以再戰市場.😉

上年食過幾好味，再嚟返尋味，太太要靚要順氣，係都要走嚟食個養生湯米線，佢話食咗暖笠笠，幾好喎。所以趁住秋天嚟喇，又過嚟幫襯，坐低叫咗個，藥膳農場雞日本花菇養生湯68元， 藥膳農場雞加蟲草花養生湯 65元，藥膳浸雞腳38元，凍檸茶跟餐加3蚊，其實唔要凍檸茶仲好啦!不過太太係都要，凍凍死幾好喎，唔知係咪特別養生嘅呢。麵到啲雞就真係幾好嘅，要講浸咗湯嘅雞呢，間都算整得幾好，無咗個啲腥味。再加埋啲藥膳湯，我哋起碼飲咗大半碗呀，花菇食落啖啖肉，爽滑幾好味，同上次食一樣保持水準，蟲草花就難咬啲，因為佢始終都係煲陣味就得，冇咁好食，但係慢慢食都可以咬得爛嘅，食一食試一試就算喇，雞腳就係我所好，就算浸雞㗎喎，都係唔走得甩㗎喇 ，以形補形補吓我隻腳都好呀，成日四圍去，行到腳都痛埋，尤其是啲膝蓋關節，補一補都係冇走寶 ，食完呢一餐再行一行灣仔 兩個人 都唔錯㗎。

喜歡去盈記，因為我係女人⋯⋯總覺得女人唔補好易老，久不久就想飲或食一啲藥膳！藥膳農埸雞，湯頭見到好多紅棗、桂圓、杞子好足料，好香，聞到已經覺得自癒，先嚐幾啖藥膳湯，真係好濃郁，甜美！好正呀👍🏻👍🏻超鍾意😍😍農埸雞大大件，好滑好滑。完全食唔到冰鮮凍肉味喎！冬菇炆得好淋，入味之餘亦有咬口，再睇餐牌，原來係日本花菇！用料果然上乘！整碗麵絕對冇可挑剔💯再叫個藥膳雞腳，嘩！份量好足，食哂一整碟，一定可以補充好多骨膠原，$38真抵加$3多杯柚子蜜，滿足到不得了😋😋😋

今日夜晚同朋友黎到灣仔我地都想食得健康 清淡少少🤗黎間養生麵館就啱哂我地店鋪環境簡潔 乾淨枱與枱之間有一定距離 唔會好迫😄可能係平日夜晚 所以唔係太多人坐得舒服 又可以慢慢食我個人本身有少少怕好重藥材味嘅湯🙈但黎到無理由唔試下佢嘅招牌嘛我地分別嗌左藥膳濃場雞桃膠養生湯同藥膳濃場雞蟲草花養生湯米線🥢湯完全唔苦 仲有紅棗嘅少少甜味 易入口🥰估唔到原來藥膳湯其實幾好飲 每碗有四大舊切雞件🐔雞肉扎實 無乜肥膏 而且食到雞味😋米線份量適中 爽滑 唔會煮得過淋桃膠 蟲草花份量都好多 幫我地補補身🤣小食我地叫左藥膳墨魚春卷質感扎實但又會有少少彈牙😜唯獨墨魚味唔係太濃唔錯嘅晚餐，健康養生😍