盛八日式燒肉放題店 (已結業)

致廣大網民及想去呢間日本燒肉店食嘢嘅兄弟姊妹 :我本身唔係呢個網嘅常客，亦唔係一個慣常寫食評嘅人今晚同朋友去上址食飯，諗住食餐好嘅!结果只令到我今晚淨係記住劉華嘅金句今時今曰咁嘅服務態度係唔得!!!訂咗枱要等 : 算兩個鐘交枱 : 算 (請記住唔係放题,五六日我都算，今晚星期二咋)招呼 : 零環境 : 熱死人介绍 : 相信侍應小弟弟新嚟，估計熟客都比佢有更多產品認知，原諒佢加茶 : 感覺杯茶如 Laffte 般珍貴，大约叫十次應四次fill壹次最嚴重；最嚴重；最嚴重叫六七樣嚟三四樣狂追只換來我同你跟跟我應該無同佢講我食飯會埋單嘅，所以換來呢種對待!!! 我錯唉!!! 算啦 !!! 無嚟嘅 cancel 啦 !嗰物體疑似主管, 我認得佢嗰牛牛 Name Tag 叫 Alvin好彩佢無講出口，如果唔係今晚 causeway bay 一定有血案發生佢嘅表情話俾我聽，漏單最多咪取消囉，又無收多你錢!咁即係原來買樓原本一千呎，起漏個厠所五十呎，發展商退番五十呎錢俾你就可以當無件事啦 !!!夠啦! 唔想講太多 ,,, ,,, ,,, 如果呢間公司有 management 的話請留低 contac

前幾日我上網看到盛八日式燒肉店好似好多野食咁,所以約左三五知己去試下啦!!厚燒牛舌(好少) 海鮮拼盤(包括虎蝦、香草帶子、蟹腳、蜆)都是少 白飯1小時先到 都不知是吃飯 定是吃菜 之後...我地想加荼個有位服務員行過黎咁我地叫佢啦!佢一次又一次咁唔應我地,一個字火呀.. .因為佢望到我地叫佢點知佢立即唔望,....唔知咩態度...我對這公司服務態度無信心因為一個服務員都可以咁既態度......即刻投訴...經理話不要啦...態度更離譜........已經不飽 ..又要受氣...即刻埋單走人...下次都不會來

今日同朋友V去盛八食午餐, 因為之前聽另一位朋友講話盛八而家有set lunch食, 而且價錢唔貴, $6X就有個餐食, 今次就約埋朋友由中環出發去銅鑼灣食lunch啦~12:45左右到達, 叫左2個餐, 一個係$78既牛背肋餐跟黑豚肉和黑醋雞柳, 另一個係$98既牛X餐, 入面有黑豚肉, 牛舌和牛X肉。2個餐都好豐富, 跟白飯, 湯, 前菜, 日式蒸蛋, 沙律仲有甜品添。 $68 - 黑豚肉4片, 牛背肋4片, 黑醋雞柳6片。 $98 - 牛X肉4片, 牛舌4片, 黑豚肉4片, 燒野菜(南瓜, 茄子,冬菇各一片)。個餐都幾飽肚, 而且肉量都唔少, 係蔬菜比較少D, 但有沙律都叫菜肉都岩比例啦。餐後甜品係一大球既綠茶雪糕, 仲有每逢星期一至星期五仲免收加一服務費添, 我就覺得時唔時食一次都OK架, 埋單都係$176, 2個人每人先係$88, 仲要食得飽飽, 時唔時豪一次對自己好D囉~ 哈~!!

和4個朋友到盛八慶祝生日換來一肚氣！服務員安排了一張 corner 枱給我們，本來位置也OK, 但頭頂的冷氣機不斷滴水令人很困擾。坐低之後，叫服務員拿幾杯荼也叫了4/5次，約等了10分钟才有人送上。成晚不時要追幾次先有人加荼。店內的服務員跟本不夠！！落第一次order 都算順利，叫了3個小食及4款肉，其中部份食物很快就到但有3樣食物要追單幾次才到。份量不算大所以要加單，但第二次落單後等了20分钟也未有嘢到，大家開始覺得唔妥懷疑漏單，因為全部食物不用煑，無可能咁耐。 Call 了個服務員問，他行開一陣之後同個女經理(疑似)拿住張單走埋黎問我地邊D 嘢末到。本以為她會幫我們攪翻掂張單。點知又過了5-10分钟，個男服務員走埋黎一句對唔住都無講就話已幫我地埋咗單，漏單的己取消，然後話比翻幾個雪糕我地。全部人O晒咀，完全唔識做反應。無問我地同唔同意埋單就趕人走，然後仲扮大方諗住豪幾個雪糕就可以檔無事發生過!!! 成件事佢地無解釋，無道歉，食咗600幾蚊，唔飽仲要受氣。下次唔洗指意會再幫襯。 My first and last time !

1st impression wasn't great as we had to wait, alothough a table had ben booked! Fair enough, all good restaurants require it's guests to wait which I didn't mind, BUT they managed to give a table away to 2 people who didnt even book!! Patience is a virtue, but I had to make sure that was not going to happen again... so beware if you've made a reservation.The food however, really speaks for itself and will have your taste buds dancing! The Wagyu beef was tasty, juicy and tender, just as expec

前略九點幾上到去....... 好熱..... (真係好熱..... 唔好expect 咁多......) 坐低左都幾熱...... 但我坐正冷氣口.......=_,=等左成個鐘(有點兒耐....... 但人地要等, 我地都要等......... 銅鑼灣地區.... 個幾鐘.... 差唔多) (fair)入到去...... 十點後（２２００－０２００） 特價時段 ( 野食, 除海鮮等, 75折 飲品 5折) b個爐壞... 但開番大d 又好番.... (fair)服務算好好 b野食....... 普通的唔講咁多特別要提番的係 :牛胸肉 好食......... 但 75折後都要 81 蚊(注 : 仲要加一).... 而且得六件 四方長條........ 唔抵食香草雞腿肉........... 好好食....... 很好食........ 好很好食......... 香草味濃 但 雞肉味更濃.... 好多人話外貎有點兒........ 雖然落左好多香草.. 成件野綠色......... 但我覺得好正常...無乜問題....... 雖然一碟生肉下面一個海

8點半去到, receiption 話要九點半交枱, 我地梗係唔制啦, 食lunch咩! 幾經交涉下, 先獲安排入座! 估唔到禮拜日都咁爆.order左以下幾樣野： 蕃茄沙律 - 普通 , 唔抵食 盛八腸 - 好腍, 好入味, 我平時唔食大腸, 因為有朕味, 但盛八腸無味之餘又好味, 賣飛佛... 牛肋骨, 牛胸腹 - 好juicy, 輕輕一燒就食得... 雞翼 - 無夠入味 香草雞 - 賣相麻麻, 但好香.... 厚切牛舌 - 正! 五花腩 - 平日唔會叫, 朋友話試下, 燒完脆卜卜, 唔覺好肥, 又幾好味喎~ 石頭飯 - 正常

同愛人吃午飯，食好一點，去吃日式烤肉，近近地就揀盛八。叫左個二人餐，份量都不少，而且樣樣都幾好味。牛肉：好嫩口，好味，唔使點汁都得。雞肉：普普通通喇豚肉：好得意，唔似豬肉，感覺很特別飲：日本米好似好食D，零舍好味，唔通隔離飯香。味噌汁：好夠味，唔會淡茂茂最後有個綠茶雪糕，好濃郁，好好味。愛人食到停唔到，加多個和牛，但普普通通啦，叫兩個二人餐仲抵。Honey好鍾意貪新鮮，次次都要去新的地方，但佢都要話會再黎食。

嗰晚同 BB 上去食宵夜，點咗厚切牛舌，山葵牛肋骨肉，角切黑豚，意大利香草雞腿肉，羊扒同雞軟骨，仲有個四眼仔經理推介嘅日本和牛，雖然要成兩舊半，不過啱啱出咗糧，豪D 就豪D啦 !厚切牛舌一如以往，無得頂 山葵牛肋骨肉未試過，四眼仔經理話好特別，唔攻鼻但有Wasabi 香，果然無老點，我認為好食過燒汁同果味。角切黑豚四眼仔經理話新出品，10個正 : 一個子 爽 意大利香草雞腿肉今次食好似無上次咁好食 : OK la羊扒依然係牛以外嘅必食之選雞軟骨拿 : 呢個要小心啦，無味同太硬，四眼仔經理落單前都提過有別於我地平時食開嘅雞軟骨！可能我唔識食啦 日本和牛頭兩件自己燒，低死 !!! 太熟 !!!之後問應該燒幾耐，四眼仔經理即刻幫我燒，原來燒烤都有學問!!!正 跟手問我怕唔怕食生和牛，嚟咪嚟囉 ! 我包包天不怕地不怕只怕無好嘢食 !!四眼仔經理攞咗把較剪，剪咗兩小件俾我地， ... ... ... ... 嘩 ... ... ... 你唔話俾我知我仲以為食緊 Toro !!!! 太美妙啦 !!!食物質素 : A +價錢 : B ( 貴但係值嘅 )環境 : B ( OK 但太熱, 呢度要扣

收工近近地同朋友上去食．一黎食左個牛舌．真係正．跟住試左佢主打果個牛肉同另一個．都唔錯．特別係點檸檬汁．一流．牛刺身．係肉獎加蛋再用生菜包黎食．都唔錯．隻虎蝦唔係咁值．成舊水一隻．味道一般．仲試左個大腸．個人覺得麻麻．味道亦太濃飲埋２杯啤酒．o岩o岩飽肚．閃人！

Impressed !!! It was my first time to having dinner @ here! Nice Deco, felt like in Japan. Since my husband and me were the new comers of this place. We ordered the HSBC promotion package which the supervisor recommend and fully explain (WOH!!! He’s real pro about MEAT). During the meal, the food was served quick and nice! Also I felt so …. being served well. The supervisor always came in the right moment, I don’t even have to raise my hand, he already show up in front of me and my husband. In t

收工後突然興起和同事晚飯，兩個人連食甚麼也沒頭緒，最終還是到銅鑼灣再決定。在 Sogo 門外，抬頭看看四處食肆的招牌，亦沒有心水；反而回看其中一個「人肉廣告牌」上的和肉比較吸引，便到盛八樓下看個究竟。看過介紹牌，又突然看到某信用咭的半價優惠，二話不說便決定一試。由於沒有訂座，我們到八時便要離開，但看看仍有個多小時，應該足夠吧。先說說店內環境，店面約有近百座位，木製桌椅及其他裝潢很有日本地道風味，感覺親切舒適。由於主打日式燒烤，每檯桌上均預裝了一個金屬燒烤盤。甫坐下，略略看過 menu 及其他特別推介，便點了星期五才有的半價精選套餐，再加一個鹽燒 A4 和牛。 前菜－　　柚子鮟康魚肝：小小有如一磚腐乳般，頗具魚味，如怕魚腥味未必能接受到。 　　汁煮鮑魚仕立：鮑魚有咬口，配以金菇及濃郁醬汁，不錯。 沙律－　　A5 和牛刺身沙律配意大利黑醋：和牛油花均勻，但由於生吃關係，吃不出其特別，有點浪費的感覺。 燒烤－　　原隻伊勢海老：小龍蝦很新鮮，燒至蝦殼變紅即可上碟。龍蝦肉爽口彈牙，配以淡淡香草味，一流。 　　伊賀 A4 和牛肩胛肉：油花不太多，但尚算均勻，薄薄一片放在爐上燒，味道很好。 　　

之前成日去盛八都係食中午...早幾日有個朋友同我講原來銅鑼灣有宵夜食...最終早幾日都有機會去食下...點知有驚喜發現...我地叫左一個宵夜拼盤...裡面有好大隻既蝦、牛肉、豬肉、雞肉..最好食係隻大蝦...又多膏又多肉...其他肉類味道都唔錯，兩個人食都ok...想飲枝酒......咪問下個經理...佢問我鍾意飲咩味既酒...其實我地都唔係好識叫...最終叫左枝3百幾蚊...佢介紹得幾好...枝酒既味道都唔錯..服務都幾好...最終埋單6百幾蚊...價錢合理..有機會都會再約d朋友再去..

今天本來想帶媽媽去伊呂波食 lunch，但係 fully booked。但因吃燒肉鋪癮已經一發不可收拾，因為改為來光顧盛八。在盛八初開業時曾光顧一次晚飯，印象不深。幾年沒來，今天來光顧午餐發現原來價格比想像中相宜得多。出發前上來 OR 看看大家的食評，已經被厚切牛舌深深吸引，決心一試。遍尋午餐 MENU，如想像中的不獲，於是決定叫兩份午餐再加散叫一份厚切牛舌 ($65)。WOW~一人前午餐各叫了一款，好像是大蔥厚切豚肉配雞腿肉和七味牛舌($68)，另一份是牛肋骨配雞腿肉和黑豚肉 ($78)。 其實......配來配去，都好像沒什麼大分別。我見這裡的價錢比桐燒和伊呂波都要平一截，以為份量會很少，其實不然。主菜前先有燉蛋、沙律、前菜(是小番薯)和麵豉湯，而主菜份量亦相當足夠，加上餐後更有大大球綠茶雪糕呢!抵食分是爆燈了，但稍嫌燒肉的質素比早前提及的兩間遜色。不知何故，這裡的"爐頭"火路時大時細，看見鄰檯的火勢突然像野火會般熊，害得兩位女食客要將燒肉拋進爐裡去，真有點汗顏...... 另外，這裡的燒肉給我的感覺很多油，每燒完一塊都不知道要將肉面上光亮亮的油如何處置，我想不起我在另外兩間吃燒肉

在香港的日式燒肉店開得越來越多，其門如市，而此品牌的燒肉店在開張時的確是引起了一股日式燒肉風的，今次也為之前和女友吃的一頓午餐留一個記念吧。來到也幾乎不用想了，點了一客二人套餐分吃，包括有沙律、麵豉湯、燒肉拼盤及白飯。麵豉湯是很一般的，而沙律不錯，挺新鮮的蔬菜，在吃肥膩的燒肉前清新一下。份量頗足的，且款式夠多，有雞翼、雞塊、牛舌粒、牛肉、豬肉、鴨胸等。雞翼、牛舌粒、牛肉及豬肉是被預先的醬油醃過的，燒起來也不用再蘸醬油吃，也夠味，而雞塊是怪怪的青綠色的，是以香草及其他醬油醃過的，也是不錯的；而鴨胸是以少許的黑椒調味的。燒過肉後，與白米飯同吃，簡直是一流的，上述各類的肉質素是挺好的，特別是牛舌粒及豬肉，前者口感佳而後者的肥油在咬下後，下飯是很好的，但稍嫌米飯真的吃不出是珍珠米，黏結的程度不足，有點兒失望。燒肉本身的質素以此價錢來說是絕對不賴的，但以這兒的午餐及伊呂波的午餐來個直接一點的比較，在細微的地方是見真章的，肉的調味會簡單一點，麵豉湯好喝一點，配菜完整一點，而吃燒肉很重要的一環﹝白米飯﹞更是絕對的好吃一點，所以在比較之下，是被比下去的，低話說回來，咁平，想點？笑臉是絕對值得鼓勵一下的