盛八食堂 (已結業)

平時上班總是帶飯毒在一角，與其說這是因為外出用餐昂貴，不如說是因為我明知跟同事們出外用饍會無話可說、最終淪落到每人只看自己的手機只做自己的事。所以我真寧願一個人靜靜地享受進餐的時間。今天返十放三，下班後一個人去吃很香滑美味的厚蛋三文治，同樣幸福。大約三點三來到，包括小妹在內，就只有三台客人。熱奶茶，有奶香之餘也有茶的甘澀，還有桌上的雞蛋型調味瓶多可愛!可能是員工在開頭圍，廚師剛在煮他們的員工飯，所以等了好一陣子我點的食物才到來。期待已久的北海道3.6牛乳厚蛋三文治終於出場!首先，沙津有點與眾不同的芥辣味，挺特別的。然後是蛋夠香夠多汁，但我認為可以更滑。之後多士好鬆脆且充滿牛油味，讚!多來個近鏡，厚厚的蛋，無得輸!小妹離開之時，大約四點，一個客人都不見，只剩一大堆員工。怎麼也好，我會再來嘗嘗這裡的蛋包飯 。

朋友知我愛食蛋包飯, 所以早前就帶我去位於銅鑼灣的盛八食堂食晚飯. 那裡真係有各式各樣的蛋包飯. 當然仲有其他的菜式.這裡的蛋包飯除了有傳統整法外, 仲有一款是滑蛋面的蛋包飯.我就點了傳統的芝士野菌黑豚漢堡蛋包飯配茄汁飯, 朋友點了HAYASHI牛肉蛋包飯配茄汁飯.可以單點或加錢配最多三款食品成為套餐.我就加了餐湯和雪糕.餐湯定了, 只有一款, 不過味道不錯, 幾好味.HAYASHI牛肉蛋包飯配茄汁飯, 上枱已聞到好味, 雖然賣相唔算好靚, 但好多牛肉, 而且見到個滑蛋已經好想一試.朋友話牛肉幾滑, 肉汁也不錯.而我的芝士野菌黑豚漢堡蛋包飯配茄汁飯, 賣相吸引, 我自己就好鍾意食漢堡.切開蛋包飯, 內裡是茄汁飯, 不過我自己就覺得茄汁唔夠多和濃. 多一點會更好味.漢堡有芝士汁在上面, 再加上本身的肉味, 雙重口感, 而肉質也不會太乾身.蛋本身尚算滑, 而且真是蛋包着飯. 我試過有些店食的蛋包飯, 只是在飯上面蓋上一塊蛋.初時以為雪糕可以揀味道, 原來已經定了, 當日是芒果味.下次再來時, 我要試過其他特別口味, 例如法國鵝肝野菌蛋包飯.

Long weekend 逛銅鑼灣, 見到盛八食堂以為係燒烤, 但又見到個logo 有個蛋的型狀, 就有D好奇呢間舖係食咩架呢?原來係蛋包飯.間舖裝修得好靚, 好有風味.至於食物, 亦都有驚喜.首先係餐既沙律評分: 4.5/5好特別既green salad, 加左椰果, 甜甜地又有咬口, 配埋D沙律菜, 帶清甜的味道, so refreshing, 好適合夏天食.跟住就係主角, 蛋包飯評分: 4/5蛋包飯既蛋好嫩滑, 而且夠多汁, 同埋配菜用料一D都唔慳, 咁好味, 好快就比我KO左啦.評分: 4.5/5同行友人點左焗魚柳飯, 估唔到D魚焗完後都好脆, 而且一D都唔油, 而加埋D飯炒過, 所以好香, 味道亦都適中, 美味~! 總括黎講就係每樣食物都充滿驚喜, 而且價錢合理, 值得再去.

喜歡到這個店很大因素並非因食物而來！主要使是例必有位而且可以靜靜地嚟一個日式精緻碟頭飯（用碟頭飯嚟形容係因為每碟飯都同蛋融合一齊），跟住到aeon行超市及＄12蚊店！呵呵～蛋包飯雖然看似平凡但內裡都有變化的而且誠意度十足（如果唔係要點可以賣咁貴）！其實除了蛋包飯亦有焗飯類可選擇，加少許錢可變套餐：沙律、湯（試過幾次但都好咸，甚至要退回所以不見意點）、甜品。（忘了名字）牛肉汁及白汁蛋包飯：個人比較牛肉汁那邊味道，香濃肉汁中又好似滲有咖啡味，再配合經過茄汁炒過嘅飯粒完全減低咗膩嘅感覺；白汁味道一般／正常，似例湯嘅濃杰版。漢堡扒蛋包飯：依塊差唔多兩吋厚嘅漢堡扒簡直係亮點而且仲好juicy不過就有啲膩！賣相吸引又好玩！一碟蛋包飯好唔好味似乎由個汁控制大於一切。

近來喜歡上這裡, 以前是銅鑼灣的LCX, 現在改為Aeon + 12蚊店喜歡這裡的原因: 夠寧靜, 銅鑼灣比較少人的地方, 可以好好享受逛街吃飯的樂趣, 我覺得只有這裡 今天來到盛八食堂, 因為男朋友很愛雞蛋, 所以一直想帶他來這裡試試因為禮拜三晚9點的關係, 店只有一枱客, 男友一度問我是否打烊了... =="其實靜靜享受一餐晚飯不是更好嗎?這是我點的, 很愛大香菇, 蛋包飯是配很香濃的茄汁醬, 茄醬炒飯粒分明, 做得不錯~ 蛋包著整個飯, 而不是蓋面的, 味道及賣相都很好 <3男友點了咖哩牛肉蛋包飯, 咖哩微辣, 對吃得辣的人可能感到失望. 配料很多, 這蛋包飯是滑蛋漿蓋面, 明顯跟我的那個做法不同, 味道一樣濃, 好吃!這個很可愛, 是腐皮包溫泉蛋+沙律, 上菜時腐皮剛炸好, 吃下去很燙口~ 這菜的味道比較淡, 我們都吃完蛋包飯才吃這個, 感覺比較無味, 所以應該作飯前小吃比較合適~埋單不到300, 這個份量這個質素這個地段, 十分滿足!

同類型的店其實有很多~蛋包飯的會想到Coco壹番屋，這裡也有XD「關西大阪燒蛋包飯」~ 份量比想像中的還要少~但因為汁醬的關係，真的有濃濃的大阪燒味道囉。另外滑蛋的話，會想到北海道牧場這家。但這裡的滑蛋比較滑~~ 而且是All Day Breakfast 的款式 >w<什菜沙律、三文魚、薯餅都不錯~但是那個煙肉真的超燶 =   =||| 而且有點乾~焗豆本身不喜歡吃~ 豚肉腸不錯^w^ 這個的份量其實比想像中的多~ 吃埋多士基本上已經飽了(笑w)最後，就是晚市的飲品做半價優惠。所以點了 - 天然玫瑰冰茶 和 特濃3.6牛乳朱古力~玫瑰的味道比想像中的濃 =) 朱古力那個心心不知為何缺了一角的 =口=!!!!!!

好耐無去過銅鑼灣喇，今日朋友就約左我去依到食飯,等左一陣就有位,都唔錯既環境。睇左一陣就落單,個男STAFF好好人幫我地落完單之後再覆返一次，好有禮貌,抵讚。先講個沙律,D蔬菜非常之新鮮，加埋佢既日式沙律醬，好開胃,呢個前菜都不錯，有個好開頭,之後就係一個芝士吉烈豬扒蛋包飯,聽講好出名嫁,咁就當然要叫黎試。豬扒唔算太出色,唔夠水份,不過味道唔錯,個汁就正常水準，忌廉汁,味道都還可以，蛋包飯就係比較整得好既一個，包得好靚，賣相已經夠吸引,粒粒飯都有少少蛋汁係,1面，香得黎又唔會因為吸哂汁又無咬口,正。另一個就係蛋牛肉飯：賣相一樣做唔錯，個蛋當然整得好,不過牛肉唔錯,幾嫩口。雪糕係一個朱古力雪糕，幾好味，仲有有朱古力粒可以比我地食下,唔錯。

某日與友人行街行到餓餓地，去到Jusco見到這間餐廳好像不錯，便入去醫肚。有不同的下午茶set，我與友人在不知道選什麼底下便點了個high tea set本以為份量看上去很少，但我與女友人最後卻感到好飽。最特別的是這個本以為是壽司，但原來是麵包，好可愛迷你漢堡的外表很脆，還不錯。其實店內是出名蛋包飯的，下次前來可以一試。

去盛八基本上都係食蛋包飯，蛋包飯整開蛋皮基本上都係汁撈飯，所以汁好緊要！一般都係日式咖哩汁，但盛八有其他選擇，呢個就係白汁，配吉列蟹肉餅。蟹肉餅夠熱，略有鮮味，較淡味因此配白汁較佳，唔會搶咗蟹肉餅味道。不過用嚟撈飯，都係咖哩汁正啲...其實仲有其他小食，不過個餃子就唔多掂，又細粒又乾，又冇乜肉味得調味醬汁味，下次去盛八專心食蛋包飯算...

盛八3.6牛乳滑蛋押箱三文治 --  d 蛋 薄到好像張紙甘 .....我見其他食評張相甘正， 原來張相中食物系唔會出現我依D團購顧客身上的HAYASHI牛肉蛋包飯 配茄汁飯 - - 汁稀過水， 我唔明點解其他人食評 D 相甘正， 張相仲打o西燈甘專業 LOR 黑松露野菌忌廉湯 - - 稀過水, 無味我買了盛八食堂的團購， 昨晚和一家人同小朋友去該餐廳。 我一入去說要求一張台是3個大人， 2個小孩， 侍應沒理睬我就行開。 我再找另一個侍應， 再說要一張台， 他才給了我一張“飛”。 等了很久， 我問侍應多久才有台，侍應再次當我透明的行開。 我見這個餐廳的員工服務態度那麼差， 說要找 supervisor 。 一個自稱 Supervisor, 叫 Li*y 的女人， 一行過來， 就“瞄” 我， 跟過很粗聲粗氣說什麼事， 我說她員工非常無禮， 見我手抱小孩， 就當我透明。 唔系我買左團購， 我一定唔去。  食到一肚氣。。。。我從來未遇過這樣態度惡劣的餐廳， 所有有小朋友的人， 千萬唔好去。

盛八是一間主打日式蛋包飯而同時也有供應三文治、沙律、餐湯等的西日式餐廳, 自開張以來都做過幾次現金劵團購promotion, 終於在最近一次買了兩張專程來試它的其中一款名物, 不是蛋包飯, 而是 - 北海道3.6牛乳蛋治...銅鑼灣店在比較靜的名店坊AEON二樓, 黃昏6點去到只有兩二枱客, 環境舒適...餐牌內除了提及過的食品外, 還有賣相相當吸引的雪糕芭菲...不過天氣凍凍地, 所以只點了以下食物暖暖身:1) 黑松露野菌忌廉湯 (人氣商品) - $45先來一客熱湯...湯面的黑松露油一點也不吝嗇, 而且真的很濃郁的黑松露菌味道;而湯本身都有很濃的野菌味, 質地杰而滑, 没有粉粒, 適合喜歡綿滑口感的人, 不過我還是喜歡有口感有野菌粒的野菌湯, 這湯口感太滑, 因而會令人懷疑它的味道是否天然...而且越飲越飽滯及漏...2) 盛八3.6牛乳滑蛋押箱三文治 (盛八名物) - $43三文治送來是新鮮烘好, 熱辣辣的...多士非常軟綿綿, 加上內裡有蛋汁流出來的牛乳滑蛋, 用手是不能好好地拿著來吃, 是需要用刀叉來吃, 或者可以等放涼少許才用手來吃...不過餐廳都細心地及一整份三文治切為三

是咁的，是日來到最後「食點」是為了享受蛋的樂趣，來到時正好下午茶時間，點了此店大家推介的名物--北海道3.6厚蛋治！店員沒厭惡奄尖的我，替我問了廚房三明治走牛油沙律菜走醬！當食物來到時，蛋治真的很厚！吃下去有濃厚的牛油、奶味，咸度剛好，新鮮熱辣！其實吃了兩片已經好飽，因為......真是很厚，蛋好味！ 不過我個人喜歡厚多士，最愛澳牛厚多士蛋治！

係AEON上面既盛八食堂 可能因為有D偏僻所以即使係假日既銅鑼灣都唔洗等位今次食左兩樣野1.蛋三文治好好味呀！三文治烘到好脆好有牛油味，入面既蛋都好滑。不過比我上次食d蛋好似少左，見到有人話呢個蛋治比澳牛既好食，但我同我朋友都覺得澳牛更有風味同有一種味道令你想一食再食。But anyways, 呢度都係水準之作。下午菜既牛肉咖哩飯，d蛋好滑好嫩，我無食D牛肉唔知好唔好味，不過我朋友食哂成碟，所以都應該唔錯！盛八食堂其他D野食都好似好吸引咁，要去多幾次先得啦：D

Ordered the beef curry omelette rice, beef gratin and eggs Benedict. Beef curry rice came and the curry was cold. Beef gratin was still alright (it's hot becos it's baked rice). Most disappointing is the eggs Benedict is COLD. It comes with baked beans and the beans were hot, but the egg Benedict on the bread was cold, like as if they cooked the eggs and left it there for some time while heating up the baked beans. The side dish is warmer than the main dish. Feedback about it and they just gave

25號玩到天光, 第二日起身的第一餐就來到好多笑臉既盛八食堂之前都有留意人家的食評, 睇完後都流口水未到晚市, 成間店係無客, 所以好happy有卡位坐男友點了一早想食的吉列豚肉鴛鴦汁蛋包飯一邊是白汁, 一邊是日式咖哩汁蛋做得很平滑, 切開不是死實的, 還有少少蛋汁內裡炒飯揀了咖哩汁面頭的吉列豚肉有四件, 炸得肉嫩有汁, 唔係鞋恰恰的豬肉另外的南瓜薯仔沙律略乾身應該不是新鮮整出來, 好似雪左一兩日既貨南瓜茸甜甜的, 2個沙律球混合了蛋白粒+青瓜粒所以頗有咬口我點的溫泉蛋比目魚芝士焗飯, 份量都幾大雖然只得3片吉列比目魚, 但飯的份量真係幾多比目魚入口仲好熱好脆, 焗飯都是用了咖哩汁, 同樣都是炒飯底溫泉蛋切開會流汁的, 入口有少少凍, 蛋白像剛凝固的, 好滑飯面有重重既芝士, 如果食哂應該都會幾漏可能前一晚玩到天光的關係, 胃口不是大開所以全部都食淨一半, 唔係味道唔好味, 只是身體狀況未如理想不過日式咖哩應該落了味精, 回家後, 要即刻飲水如果下次我來, 我應該會叫少一份飯, 再叫其他小食就可以