盛八食堂 (已結業)

盛八食堂是在名店坊AEON超市附近，因為地點較偏僻少人光顧，所以就上星期日打算去食晚餐就不用等位。可是剛遇到有團購人也突然多了，不過7時到達約等10分鐘右左。大家都不肚餓，點了輕食及出名的蛋包飯。首先來個青蘋果蟹肉沙律，似千島沙律醬汁但不會太酸，配合青蘋果十分配合，沙律菜都幾新鮮脆口，還有提子、麵包粒、蕃茄等等好豐富，最後蟹肉不會太腥。來個小食 日式風雷餃子 （咖哩、雞軟骨）熱騰騰上檯好正，第一口已嚐咖哩味餃子，但味道較濃。而長捧形雞軟骨，雞軟骨不會太硬，易咀嚼。主打必叫 厚切吉列黑豚燒汁蛋包飯一邊是芝士汁、燒汁，切開蛋包飯內有蕃茄飯，蛋超滑有驚喜！有如炒滑蛋般，我較喜歡跟芝士汁拌著一起食。好回味，下次會再嚐其他更多款式的蛋包飯。

近排留意到除左"CoCo壹番屋"有蛋包飯食之外，原來"盛八食堂"都有得食 架！好想食呀……咁啱見到團購有優惠，以58蚊換購100蚊券，好似好抵喎 ，即刻買定兩張coupons先！本來打算帶男朋友去試食，但因為大家有d心事 要處理而閣置左！嘴饞饞既我，化悲傷為食量，一於約閨密去勁擦一餐 ！團購券既食用時段係下午兩點開始，我地兩點几到達位於銅鑼灣名店坊既"盛八"，見AEON招牌，坐自動電梯上一樓轉右就係。一間日式餐廳呈現眼前，佈置簡潔清新，客人唔多，座位舒適，簡直hea到爆 ！入座後慢慢看menu, 好多款式啊 ……花多眼亂，心大心細思量中，細心既侍應已走過來話幫我地調過去餐廳較入面既座位，認真識做 ！兩個人咩都想試，一口氣點左一個飯、一份三文治、兩份甜品、一杯咖啡(因為靚女密友只飲清水)！1.芝士野菌黑豚漢堡蛋飯配茄汁飯 : 香噴噴既飯，切開聞到醒胃既茄汁，蛋包幼滑，飯粒軟熟入味，茄汁多返少少就perfect嘞！黑豚漢堡，豚肉味鮮，但口感似肉碎多d，芝士味太淡，菇菌爽脆可口。2.芝士火腿地雞三文治 : 賣相好 ，外型有些少似厚批既pizza, 其實係芝士焗多士 呢！

豬扒蛋包飯，飯係茄汁炒飯，蛋很滑，豬扒有四塊，食落如常是日式豬扒般好味，炸得吾太油吾太乾，豬扒夠林夠肉質，再配芝士忌 汁，另外本人覺得上次燒汁吾好食鹹左d，其他汁正d。

生日前的一晚因為要出銅鑼灣買生日禮物比自己所以買完之後就係度搵野食結果就找上了這一間的說我跟友人差不多在9:30p.m.才去由於該店快last order所以就沒有等位的需要這次點了兩個蛋包飯和一個小食先來的是薯角係炸完無耐拎出黎所以幾好食個人比較鍾意點蛋黃醬友人點了個關東大阪燒蛋包飯這個真的不錯蛋無過熟加上三隻醬既配搭幾開胃茄汁的酸,沙律醬的黏滑,再加埋燒汁的微甜真的令蛋包飯生色不少而我就選了芝士忌廉吉列黑豚肉焗蛋包飯呢個唔係話唔好食不過真係堅"制"揀其他會好一點吧最後食完就散水嚕

係團購網見到有蛋包飯餐廳 一於黎試下(但沒有買團購)十二點幾去到 唔洗排隊 直入有位😁環境唔錯 又唔會好窄d位好多野食好吸引 有2人set $300左右又有三文治 ， 定食，漢堡扒😍， 全日早餐 都好吸引揀左香草蝦蛋包飯 好清香個汁唔會好甜或者咸 而且好多滑蛋 4隻蝦球好實肉👍另外揀果個係 燒汁牛肉蛋包飯 試左少少 濃味之選 好似食緊廣島燒咁個人覺得 不過食慣濃味既朋友會like個重點蛋包飯 蕃茄炒飯炒得剛剛好唔會太濕 比個蛋包住 配埋d汁 完美 我清哂😋杯玫瑰奶茶同朱古力咖啡 冇咩特別 好普通2個飯+2杯野飲 同2人set個價差唔多!!!期待下次再去食其他😄

一個雞肉蛋包飯配燒汁 做法係好正宗，外層的蛋好滑亦唔易會散，但蛋味唔夠Boloxxx嘅香濃，燒汁味道調較得唔錯。 朋友點了個山葵汁燒牛肉飯。味道一般 到蛋三文治，賣相好，共有三件，再有一個沙律配菜個蛋雖然夠滑夠嫩，但始終食唔到好濃嘅蛋味。 同Boloxxx的還有一段距離另外加了個南瓜薯仔沙律2個沙律球混合了蛋白粒+青瓜粒，南瓜球的味道有點怪怪的。 

因為早前團購的關系，星期5放工都已8點多……於是一個人就去試試這間店舖，聽聞朋友講佢地蛋包飯很美味，去到等左大約15分鐘左右就已經有位，很怏地點了蛋包飯…而且還點了餐湯和沙律，湯是忌廉湯，湯裏面很多蘑菇，味道比我預期中好，而沙律只屬一般。蛋包飯的賣相很靚，真係有點唔捨得很，有木魚的關係所以很香，食落味道都唔差，下次有機會一定要試下其他款式的蛋包飯。

叫了這裏的名物：黑松露磨菇湯及蛋治黑松露磨菇湯 - OK, 味道適中少少咸，黑松露和磨菇湯配合得幾好。隨湯附送餅乾2塊，但嫌太油！蛋治 - 份量充足，而且有沙律附上，再加上香草碎作裝飾，外觀OK，但完全冇蛋味！以$40+價錢吃這個，我寧可去澳牛吃蛋治好過！

$12特價場內一間cafe,環境清潔, 裝飾一般, 鐵座位有點坐得不舒服 ! 但食物不錯, 周打魚湯味道好好, 有鮮味, 質地又不太餙.蛋包飯的蛋皮薄薄的, 和托餡料一啖咬落去, 啖啖味美!

一直很愛吃蛋，所以亦鍾情蛋包飯。星期天約1:30pm來到，不用等位。叫了這裡的名物- 大阪燒蛋物飯及磨菇汁豬豚肉蛋包飯。大阪燒蛋包飯, $89(8.5/10)- 很快便上菜，不夠熱，沒有熱騰騰的感覺。蛋包足料滑嫩，大阪燒汁汁料美味，內裡是茄汁飯，略嫌茄汁味不足。整體還是很滿意。磨菇汁豬豚肉蛋包飯, $83 (6/10) - 也是很快便上菜，不夠熱。磨菇汁只是普通白汁，味道很淡，內裡的飯用的是蔬菜汁，沒有菜味。整體不突出。會再來吃大阪燒蛋包飯，但如有機會，會選擇星期一至五下午茶時段，不用$80有大阪燒蛋包飯及餐飲呢。

人數十分之多，可能大家都好想食呢到好出名既蛋包飯，而我都唔係例外。唔知係我小食蛋包飯，定係真係咁好食，食完左勁想再去食多次。蛋包飯的份量十分足夠，入面的汁同飯十分配合，真係美味可口。蛋唔算太厚，份量都計算得好準。一定會再食過。

之前買咗團購COUPON,咁就嚟試吓.首先要講吓,佢嘅地點都有小小難搵, 可能小弟方向感較差,都搵咗十分鐘.  去到等咗陣入座.MENU選擇都多, 一場去到,點都要試吓佢嘅蛋包飯.仲叫埋MOCHA飲.老實講,蛋包飯真係落咗好多味精,所以都真係幾失望.至於杯MOCHA,只係比水濃D嘅飲品.  OVERALL....失望而回

早前看到盛八食堂有團購HK$59購買HK$100現金劵，因為男友超愛吃蛋包飯，就買了兩張來一試，扣我的HK$10優惠劵，就變成半價購買了。選了銅鑼灣的分店，當天看完大黃蜂就去了盛八一試蛋包飯這個團購的好處是不用訂位，想去就可以立即去腐皮包溫泉蛋上桌時腐皮剛炸好，脆口的腐皮配上溫泉蛋，口感很新奇，味道也很相配這小食味道是比較淡的，可配隨附的兩款醬汁，燒汁和蜜汁？！關西大阪燒蛋包飯本身愛吃大阪燒，一看到這款不用想就立即決定要一試上桌時真的有像大阪燒的感覺，同時也有一種份量好少，因為碟過大但因為醬汁的關係，真的有濃濃的大阪燒味道茄汁底的炒飯很乾身，蛋的厚度份量原來也不少但因為個人愛吃醬汁的關係，如果燒汁茄汁沙律醬再多一些就好了香草忌廉汁蟹餅蛋包飯男友點的的，我的是乾身，他的是滑蛋，不同的種類就可以兩款都一試同樣是配茄汁底的炒飯(這好像都是茄汁底的炒飯)，滑蛋同樣厚身，而已不會散開蟹餅則沒什麼突別之處，不過這個香草忌廉汁有點膩口

今晚去左銅鑼灣做野，難得過香港區，當然食埋晚飯先反屋企啦。係openrice搵食，搵到呢間食蛋包飯嘅盛八食堂，之前冇試過，但因為係出名蛋包飯就好想去試下。 7：15到已經有七八個人等緊位，不過我地等左十五分鐘就有位lu。入座前已經諗定食咩啦，梗係蛋包飯同出名蛋三文治啦。我地叫左一個牛肉蛋包飯，一個雞肉蛋包飯配燒汁/cream mushroom汁。牛肉蛋包飯係食極唔肥男朋友嘅，見到賣相我就…好混亂好多嘅汁，我試左小小，汁溫度唔夠熱，蛋雖然夠軟但只係蓋飯面冇全個飯包住而且好薄。汁嘅味道就好日本味--偏甜，我唔鍾意。到我個雞肉蛋包飯，嘩，賣相差好遠。靚好多。呢個係好正宗成個用蛋包住，蛋好滑好軟又易切開唔會散，另外蛋皮唔會太厚，可惜雞蛋味道唔夠香濃，呢個飯配cream汁好味d, 汁入面有少量蘑菇片，飯係香草飯好夠熱 但汁嘅温度都係唔夠熱，所以食起黎有d膩。 到蛋三文治，係賣相最好嘅一款，烤過嘅包配超厚雞蛋，切成幼身三件，好易食，起碼唔會食到d蛋跌哂出黎先啦。雖然好似冇加鹽入去煮d蛋，但都食唔到好濃蛋嘅香味，但就夠滑夠嫩。整體黎講食物味道都ok,係選蛋同汁嘅温度可改善嘅話就最好啦！另外服務員都好

未到餐廳先見等待嘅人，我都即刻攞飛先。原來以為要等好耐，點知等左10分鐘就有位嘞。舖內以彩色繽紛嘅塗鴉裝飾，柔和燈光襯，氣氛輕鬆。仲有小量卡位同梳化位，適合幾個人用餐。點左一個蛋白牛肉蛋包飯，蛋白嫩滑，牛肉份量頗多，汁底濃郁香口，配以茄汁飯嘅酸甜清新，互相補足我地仲點左三文魚水煮蛋多士。對於我呢個芝士迷嚟講，呢味菜真係正，就算等15分鐘都值得。水煮蛋蛋黃汁充沛，面頭仲有一層溶溶地嘅芝士，下層脆脆多士，多重口感，大滿足。仲有兩件薯餅，一杯焗豆同沙律，份量十足。食完之後，原本想坐多陣，不過見外面有人等，都唔好意思坐，盛惠$217。