盛記盆菜&盛記麵家

營業中

休息中

隱藏喺街市入面嘅麵店，竟然有得打邊爐？！入面嘅裝修中非常特別，乾淨企理。呢間散叫嘅火鍋店，既然唔係火鍋放題對於每一樣餸嘅要求自然會高啲。果然每個料都做得比預期好。我叫咗嘅湯底本身有滑雞嘅~ 覺得佢每個餸嘅份量都相當多，絕對對得住價錢。三個人食咗$999(圖中未顯示晒所有食物呀)，非常飽，自己覺得呢個份量四個人都食得飽！值得專程來試一試。

💛舖頭名就聽得多，位置其實都唔易發現，不過行到附近就已經聞到好香邊爐味😋唔知因為疫情定原本間隔都係咁，每張枱都自己空間，安全得黎又放心！而食材都好足料，就算散叫但唔會交行貨，而湯底應該都淆左好耐：蕃茄湯比較清而麻辣湯就愈滾愈有味🤤 就算係豉油都係煮過既邊爐豉油，心機野值得一讚！最後就係服務，因為食唔哂要打包走，侍應哥哥好貼心咁提我地怕豆腐會變壞所以唔好拎啦(雖然舊豆腐真係好香豆味)，但無辦法聽話既我唯有...下次再黎食過！

盛記係一間好特別嘅茶餐廳。老闆係一個好有善心嘅人，定期會免費派飯比長者🧓。另外收銀處成日都會有個婆婆喺度幫手，旁邊有店員告訴婆婆找幾多錢，婆婆就會跟住找錢。試過有一次，得婆婆自己一個，食客都唔會心急，個個都好有秩序咁同婆婆講要找幾多錢。呢度就係一間咁有人情味嘅茶餐廳。另外，呢一度嘅裝修都好得意，喺呢度你會見到好多香港嘅舊物。看似無意，但有意咁拼合在一起，色彩斑斕，眼花撩亂，目不暇給。覺得自己好似置身於老香港嘅博物館👍🏻。我今次叫咗佢嘅公司麵$58以前呢個菜唔喺餐牌度。要熟客先識叫。話明係公司面，就好似公司三文治咁，咩都有-係最強車仔麵。嚟到嘅時候視覺好震撼，因為個碗係平時嘅一倍半大。材料包括有：- 魚蛋、魚片、牛丸、雲吞、蘿蔔、豬紅、豬皮、牛腩等。性價比極高，好味飽肚👍🏻

位於瀝源邨嘅盛記係區內熱門嘅良心小店💛充滿濃厚人情味🥰老闆B哥超級好人，每逢農曆十六都會免費贈百碗湯麵畀區內嘅公公婆婆👵🏻而且用料新鮮，皇牌特惠套餐亦需要提早預留先可以食到😯♡ 特惠套餐 $888（4-6人）• 象拔蚌刺身⭐️象拔蚌超新鮮，肉質脆嫩爽滑，點少少wasabi、豉油一齊食夠哂鮮甜🤤• 海中蝦超新鮮，淥之前仲郁緊🤣• 本地手切鮮肥牛油脂比較少，肉味濃郁😋食落幾有嚼勁~• 日本黑豚肉⭐️黑豚肉超有驚喜!! 肉質軟腍細嫩，就算唔點豉油，原汁原味都食到黑豚肉嘅鮮甜🥰• 手打鮮墨魚滑• 肥鵝腸鵝腸輕輕放入湯底滾幾下就會自然捲曲，食落爽脆彈牙~• 炸魚角拼韮菜餃• 潮式魚皮餃• 爽甜脆鯇魚片• 雜錦鮮菇拼盆• 豆腐拼粟米♡ 粟米蕃茄豬骨湯 $138如果火鍋料夠新鮮，清清哋湯底就最岩😛豬骨湯真材實料無味精，打邊爐前可以先飲一碗先，超鮮甜~♡ 珊瑚蚌 $118⭐️珊瑚蚌係每次黎盛記必點嘅海鮮之一，爽脆又彈牙🤓♡ 盛記炸腐皮卷 $44⭐️炸腐皮卷係即叫即炸🤩入口非常鬆脆😋又唔會太油～

食盆菜唔駛酒店級嘅，平民小店都有正嘢。作為沙田地膽已經食過盛記好多次，試晒盆菜、粉麵同午市飯餐後終於的起心肝出post，趕喺新年前幫手宣傳下。佢地嘅午餐真係平靚正，雖然話喺熟食中心，但其實係舖位好大同企理，唔止得露天位，係好多沙田友嘅飯堂。佢地仲向露宿者送上一人盤菜，係有良知又有實力嘅小店，值得支持。
🍽柱侯牛腩鮮蝦雲吞麵 ($48)第一次去嘅時候係星期日，只供應粉麵同蒸餸餐。圖二嘅雙拼係午市食嘅。個人覺得幼麵比粗麵掛湯，而牛腩不愧係招牌，淋得黎柱侯醬又濃，腩汁撈湯好味，不過油左少少。雲吞嘅皮好薄，餡料就只有一隻蝦同少許肉碎，鍾意餡多嘅呢款唔啱你。屋企人話牛雜同魚皮都唔錯。🍽無骨豉油雞 ($48)另一樣盛記名物，無骨啖啖肉，肉質滑嫩，雞髀位固然正，雞胸都唔鞋，雞皮下面又唔會成層肥膏，甜豉油撈飯一流，呢個價錢仲仲包凍飲。🍽梅菜蒸肉餅($43)午市人流多所以餸菜整定嘅，上枱時微暖。肉餅大大碟，仲配烚菜真係抵到爛，肥膏嘅比例啱啱好，口感未算好滑但都係中上質素，不過可能配梅菜所以鹹左啲。🍽盆菜(大盆 $1580)冬至時訂左，大蝦彈牙，髮菜又多，已經無得彈啦，比起其他盆菜，佢嘅汁清甜啲無咁膩，腩

沙田盛記經常幫助社區有需要既人😊甚至係超過左60年歷史既一間良心老店❤️日頭提供粉麵飯而夜晚就有火鍋同盆菜位置可能有少少難搵位於瀝源邨熟食中心係瀝源邨見到樓梯落一層先搵到店裡面既環境好舒適亦都好乾淨仲有本土藝術畫作同埋書本去做佈置好靚🥰簡直係一間文青麵店呀🍜🍃盆菜非常足料有古法白切雞、鴨、冬菇、髮菜、蠔豉、西蘭花、茄汁大蝦、鯪魚球、腩肉、門鱔、鹹酸菜、木耳、枝竹、豆卜、豬皮、蓮藕、蘿蔔、芋頭、津白同馬蹄😋真係盤滿缽滿呀👍🏻✨個古法白切雞肉質勁滑!!!🐔茄汁大蝦都好入味而且爽口又彈牙🦐馬蹄係爽到咬落去好大聲"索"一聲😆整體成個盆菜既食材都好新鮮好入味😋👍🏻

盛記餐廳出名下午就賣粉麵🍜晚上就晚飯打邊爐🍲裝修有懷舊的感覺，雖然係屋邨入面地方都好大同埋坐得舒適👍🏻打邊爐點少得本地手切鮮肥牛🥩係真正有牛味，味道鮮甜，絕對唔會韌，好正，一定要叫另外，鮮炸響鈴都係每枱都必點，平時街市買既同呢度無得比，第一size已經見到已經好開心，好大個係比較厚身，同埋有豆香浸埋湯底吸哂啲味，好正仲叫咗個鬼馬油炸鬼，係讓咗啲墨魚滑、蝦滑落去，一食係好夾 呢度勝在料靚，夠新鮮，份量多。一定推介多啲人黎幫襯

經常食午餐🤗 晚餐都打過邊爐 🥘一間位於沙田既餐廳 會派飯俾老人家👨‍🦳👩‍🦳👵 餐廳佈滿好多懷舊東西🏷 值得去參觀食野既一間平民餐廳➡️聖誕假食得濟濟地🤪 今次食豉汁蒸黃花魚🐟 最鍾意就係呢種家庭味道 豆豉撈熱蒜蓉蒸🧄 條魚勁香🤤 個餐配埋白飯同油菜 40幾蚊既價錢絕對唔洗係屋企開爐自己煮同洗碗‼️之前食過晚餐打邊爐，材料一啲都唔媽乎，可以同出面啲連鎖店比什至更好。一間有heart有堅持既餐廳係值得持續支持既💛

盛記-迷李盤 💲550🌟 推薦指數：★★★★☆聖誕出街食一定多人，所以好早係盛記預訂左盆菜，暫時都只接受到鋪預訂😊真係唔好以為迷你盆拎返屋企好容易，原來真係幾重手下🤣🤣🤣 所以搵定大隻佬拎好d 💪🏻，拎得遠既話 咪話唔手軟！哈哈！盆菜除咗眼見嘅食材之外仲有蘿蔔、芋頭、枝竹、蓮藕、鯪魚丸、肥豬肉、豬皮、雞等等！個人最鍾意係佢既蘿蔔同埋雞，蘿蔔好入味，雞又夠滑👍🏻👍🏻👍🏻迷你盆菜4個人真係夠食☺️由訂盆菜到取盤菜，職員都快手有禮👍🏻 味道係好食既 ，性價比高值得一試👍🏻會再encore😋評價：8.5/10

A must-visit when I’m nearby. It’s been a while since I was here and it has sort of lost the charm or memories are better than reality. Anyway, I’m happy that this place still stands. The atmosphere is still there: the DIY decorations, the CD dragon, the wild garden sprinkled with trinkets and the shelves bursting with books. The food was not out-of-this-world, decent but I definitely expected more of this legendary place. I know that the hotpot dinners are supposed to be the highlights but aski

朋友慶祝生日，指名要食盛記。當日6人出席飯宴，由於是B類餐廳，所以要分枱食。食物方面，點了特惠套餐$888（4 - 6人份量）又散叫了其他食物。食物普通，但都有特別推介：自家製響玲，手打牛丸，手打魚蛋。

嚟到盛記打邊爐，一入嚟就比周圍嘅環境吸引，好有中國風，又帶點藝術的感覺，加埋風趣嘅老闆，一入嚟已經充滿好感。叫咗醉雞鍋，配埋新鮮本地牛肉、鮮炸響鈴、魚角、魚皮餃、聽呀姐推介嘅魚生、同埋豬爽肉，阿姐不斷地提示我們夠了，彷彿害怕我們食唔晒一樣，個感覺好得意，唔係不斷地推銷我們而係不斷地勸阻我們嗌食物。本地牛肉肉質非常新鮮，灼一灼就可以食得，簡直食到唔停得口，響鈴較出邊賣嘅比較厚身，烚一烚後食有種豆香和粗糙感，豬爽肉又係另一個好得意嘅選擇，肉質彈牙，醉雞鍋雞件夠多，亦都嫩口，酒味好濃郁，是貨真價實的火鍋，誠意推介大家嚟試吓。

相信沙田人對盛記一定唔會陌生，係一間會幫助社區上有需要人士嘅餐廳～今次嚟撐撐佢！我星期日中午時間嚟到，都唔洗等位～餐廳啲位置都非常闊落～我叫咗碗五香牛雜粗麵 ($40)🤤呢碗麵嘅牛雜係勁多！食極都仲有😂牛肚好淋好易咬，牛腸脂肪適中，有油香又唔會太膩，牛蒡依然係我嘅最愛，好粉🤗整體嚟講碗麵都好好食，加埋佢個辣椒油更加惹味🤤不過食到最後個湯就有少少鹹～最重要其實唔係碗麵，係新鮮炸魚皮 ($22)！魚皮份量都唔少，仲要好新鮮，勁脆，係呢一餐lunch嘅精粹啊🤤呢啲小店出品唔差，好值得支持～

從未想過麵店都可以蘊含書卷味📚文藝氣息濃厚，麵店周圍放滿書架和圖書📖與圖書共晉午餐🥣感覺特別😙若果可以麵食取代咖啡☕️，邊吃邊享受一個寧靜的下午，會不會是另一番特別的體會？不過湯汁可能會被粉麵索乾水就是了😂———-————————————————————-🍜柱侯牛腩（$40）🔸河粉幼細，柱侯牛腩很入味，🥩加上大量牛根，入口香滑；湯底充滿牛腩味；生菜份量多🥬😋.🍋🥤凍檸茶（$9）———————————————————————餐廳評分（5分為最高）美味：🐤🐤🐤🐤環境：🐤🐤🐤🐤服務：🐤🐤🐤🐤性價比：🐤🐤🐤🐤回頭率：🐤🐤🐤🐤店舖可達度：🐤🐤🐤

天氣轉涼，即刻book枱同朋友嚟盛記打邊爐。已經食過好多次，但係搵路嘅時候都有啲困難未嚟過嘅朋友記得睇清楚地圖盛記雖然係街市附近啲餐廳，但係環境好乾淨，都坐得好舒服，同隔離枱有好遠嘅距離。每張枱隔離都會有張枱仔俾你擺餸，唔會食得好辛苦 其實大部份嘅嘢都好好味，但係如果要揀最出色嘅餸，我一定會揀佢自家製嘅響鈴就算明知響鈴好肥好熱氣，都係必嗌嘅嘢之一！因為係同朋友慶祝生日，自己帶咗蛋糕，但係都冇附加費餐廳員工都好好人好友善，希望下次快啲再嚟打邊爐