盛記盆菜&盛記麵家

營業中

休息中

來到沙田瀝源這個舊社區遊逛，到了相當隱閉而且很久沒去吃的盛記。我點了家中少吃的咕嚕肉飯，和凍檸茶 (凍飲不用加錢)。上菜的速度比想像中快，可能我比較早到達。醬汁不如我想像中那麼紅，可見平日街外吃的都可能下了很多人造色素。醬汁的酸度剛剛好，送飯一流。豬肉沒有包裹著很厚的粉漿，外表很脆，裡面有很多汁，一點都不難咬。其中一塊咬了一口才發現是肥膏，但沒有那種肥膩得不能吃下去的感覺，所以整塊都被我吃掉了。至於白飯，粒粒分明，對我來講有點硬，而且份量有點多。餐廳由大門開始就有很多適合打卡的地方，午餐價錢絕對比外面餐廳的All Day Breakfast便宜得多。

這裡坐位很舒服 ，兩個人也給予兩張枱，方便放食物。食物很新鮮，特別是牛坑腩粒，每次也是必食之選（愈淥得耐愈林愈入味），湯底清甜足料，只食湯料也夠飽。姐姐很helpful，經常主動幫忙。每月都會定時來這裡和朋友打邊爐聚聚，已變飯堂！打邊爐加藍妹啤酒，完美配搭！

食過2-3次lunch, 第一次來食火鍋。先講湯底 十分足料。叫左個套餐，如為d野應該質素麻麻，點不知來到竟然係令。肉令，蝦仲郁緊，特別要講個手打滑 真係好出色。服務好 環境又舒服 下次一定再來。

呢間餐廳好有老闆嘅個人風格，周圍都掛咗好多充滿特色嘅裝飾。出邊係屋村，但係餐廳就好似入咗去另一個世界，好鍾意咁特別嘅餐廳。呢度好多食物都係自家製，充滿特色，亦都好好食。服務更加係非常高質，店員服務細心，令我哋過咗一個好開心嘅晚上。晚市只有打邊爐，我哋嗌左鹹菜胡椒豬肚湯底，湯底非常足料，配料食極都唔完。好欣賞佢哋嘅象拔蚌刺身，非常鮮甜，切得厚薄適中。而餐廳獨有嘅蠔仔餃亦都好有特色，自家製果然唔同啲，充滿麻油香。呢兩樣嘢都係必食！另一樣嘢一定要食嘅就係手切肥牛，店員話例牌會瘦啲，而大嘅手切肥牛會比較肥美，我哋就揀咗瘦啲嘅例牌。亦都非常好食，本地牛肉充滿牛味，亦都切得厚薄適中！呢個自家製嘅響鈴亦都不得了，非常之新鮮，好香脆，但係又無一般坊間買到響鈴嘅油溢味！雖然好邪惡，但係吸收曬湯底嘅精華真係好好食。因為慶祝屋企人生日，我哋亦都嗌左壽包，店員仲好細心咁樣準備咗好可愛嘅熊仔蠟燭，好有heart。除咗食物出色之外，呢度嘅服務亦都係世界級嘅一流，所有店員都好attentive，有咩需要都會即刻幫到你。佢哋嘅服務態度好好，成個氛圍好開心。好想多謝佢哋，俾咗一個咁開心嘅晚上我同屋企人。

象拔蚌刺身，單點半隻$398鮮、甜，超值🥰本地手切鮮肥牛....牛肉夠嫩唔in, 超有🐮味例牌$178日本黑豚肉，切得薄更易熟；肉質鮮嫩，好小食豬肉會覺得好味ga🙀潮式魚皮餃$48,皮薄餡靚； 食完想買盒外賣回家😜手打鮮墨魚滑$90超喜歡😘 好好好味😋豆腐拼粟米🌽難得.....好耐無試過食豆腐有濃香豆味😅粟米甜得無渣，正！花雕醉雞鍋半隻$188呢個必食，記得要飲埋淡湯先再加湯爽甜脆鯇魚片$65夠薄夠鮮😚😚炸魚角，忍唔住講：好Q彈星期一～日都有呢個套餐，真心抵食🥰🥰🥰藝術館套餐十分超值，每道材料新鮮、普通食品如：豆腐、粟米、菜都上盛，其他材料更加唔使講。成餐飯就係不停淥+食，太好味😋套餐份量唔細，4人食超飽🤪仲有外賣套餐送雞煲，價錢都係$888下轉買返屋企跟長老分享🥰🥰

同同事最鍾意食飯既地方不得不講 一定係盛記食左10次盛記我次次都嗌土魷肉餅飯同事成日都問我係咪食唔厭😹😹😹咁真係好好味啊嘛土魷肉餅飯💰50由落單到上菜唔洗10分鐘d阿姐真係好快手肉餅大大塊，入面d肉係半肥瘦交雜超多汁，送飯一流千萬千萬記得要加佢既辣醬辣醬唔辣有d鹹，配埋個肉餅好香成個餐仲包左個菜，可以簡生菜🥬or菜心記得落單前問問阿姐食完個飯，仲有時間hea一陣簡直係完美我鐘意坐出面因為鋪頭有隻貓，運氣好時仲可以見到佢

噚日(25-4-2021 Sun)同老公去沙田想攞口罩,點知又冇,咁食個晏同喺瀝源邨買餸啦.我哋又嚟呢間老字號喇,今次記得坐出面.坐低後,店員即俾兩杯水我哋,睇menu時,店員話今日冇午餐A-F,因為師傅放假,而蒸肉餅就冇土魷.最後我哋決定要:2. 叫嘢食加$7.00嘅凍奶茶凍奶茶滑,味道唔太濃,OK 嘅.味道: 2.8分4. 叫嘢食加$7.00嘅凍好立克呢杯老公嘅,我冇飲到.1. $43.00嘅豉汁蒸馬頭,奉送白飯及油菜端上嚟已嗅到香味,魚肉滑,調味又啱啱好.白飯有飯香同飯味,可惜乾咗少少.油菜冇問題.味道: 3.67分3. $42.00雲吞撈粗麵店員放低時,話蠔油可以自己加,啊,原來枱上己有成支蠔油喺喥,咁重好,多少自己調較,唔會嘥.老公話雲吞好食,蝦肉唔錯.但湯有酸味,我飲吓,係有少少,但似係醋嘅酸味.而其他嘅我完全冇食過.呢個我唔評分.上次食評係今年1月22日刊登嘅呢篇: https://www.openrice.com/zh/hongkong/review/yeah-%E5%91%8A%E6%80%A5-%E9%A0%82%E4%BD%8F%E5%91%80-e3918290

💛盛記麵家💛一間好有特色既屋村食店，環境好，裝潢好有心意夜晚只有打邊爐，曾經同一班朋友試過，啲食物好新鮮，係正既😋除咗打邊爐，原來佢地都有做午市，午市就係食粉麵、蒸餸飯，價錢相當便宜，又好食😋一家三口叫咗個炸魚皮，好大碟，夠脆👍🏻肥佬叫咗個牛腩麵，我就最鍾意食牛雜河🤤🤤🤤湯底好濃郁，牛腩同牛雜都好好食🤤阿女就話要雲吞麵，啲雲吞大大粒，彈牙，好味🤤盛記老細係超級大好人，之前瀝源有火警，老細二話不說就整咗百幾個飯盒同埋百幾個麵包送去災區比居民，同時亦都係一個有良心既老細💛喜歡懷舊呀，打邊爐既，可以去幫襯下，打下卡#盛記 #盛記盆菜 #盛記麵家#盤菜 #火鍋 #打邊爐#粉麵 #蒸餸飯

沙田美食多，連一向被稱為「美食沙漠」的馬鞍山也逐漸有連鎖店和小店進駐新餐廳當然要一嚐滋味，老店的更要多多支持，說的是見證沙田變遷，超過60年的老店 - - 盛記芫茜皮蛋湯 $98超足料靚湯底，除了芫茜皮蛋外，還有粟米、紅棗、桂圓，清潤降火，不作火鍋用當為湯水飲也很好喝！特惠套餐（4-6人） $888說是特惠套餐果真沒說錯：象拔蚌刺身+🦐海中蝦+本地手切肥牛+日本黑豚肉+手打鮮🦑墨魚滑+肥鵝腸+炸魚角+韮菜餃+潮式魚皮餃+脆鯇片+雜錦鮮菇+🌽粟米+豆腐，還奉送時蔬！這個價錢（還毋須加一😱）就叫到這個4-6人份量的新鮮配料，絕對物超所值！特別是象拔蚌刺身和手切肥牛，前者爽甜後者腍滑～ 黑豚肉亦非常好吃！其他食物同樣非常高質，全部以新鮮而見稱，每樣都鮮甜美味👍🏻 盛記炸腐皮卷 $48個人極度大推😋 這裡的炸腐皮卷不像外間般來貨，大大卷又充滿豆味，每日新鮮製造，吃下完全零油膩感，每次來吃都要點這個酥炸魚皮 $38這個也是另一推介❤️ 份量足，同樣是新鮮自家製，每塊魚皮都完完整整的大大片，又厚身，淨食或火鍋用一流酸梅湯 $18/支味道有點像台灣的酸梅湯而不像港式那個味道，個人覺得比較開胃消滯，略嫌

盡量在疫情下支持飲食界，枱與枱有合適既距離，而且有大屏風，冷氣通風足夠，外面還有很多植物，氣氛不錯，當然最重要係食物質數啦，4人家庭一致比4分半，20-21年已火鍋了幾十次，今次明顯全部都唔係返貨架，質數有保證

叫左柱候牛腩粗麵，40蚊無飲品成碗麵就好足料，牛又大份好食。湯又濃又好飲，麵又唔會太淋。各方面都好有水準，而且只需要40蚊。仲要飽肚，唔洗加小食就飽，包你食完唔會後悔。今時今日食茶記都50起跳又收人服務費收到貴一貴，但係而間只需40蚊又唔洗加一，我個人就覺得好難得。而且仲要幾好食，係今日香港黎講實在係少有了。缺點都有既，就係D服務真係麻麻地，有時叫阿姐拎杯水都要等，不過見間野咁平就算數啦水準唔差份量夠又平，我個人就好建議住得近沙田/係附近番工既人去食。

新年點都要order個盆菜食下～喺眾多黃店中揀咗盛記💛 因為見到都幾多好評，果然無令人失望☺️•🥢 小盆盆菜 $1180 小盆盆菜係4-6人份量，我哋3男3女食，份量啱啱好，大家都夠飽唔使再煮烏冬😆呢個盆菜非常足料！盛記唔會用大量蘿蔔或芋頭去佔位置，煲底係用鐵片墊底，食到最後係無燶底嘅👍🏻 味道方面，個汁唔會過鹹，有南乳味，茄汁蝦蝦肉爽口彈牙，冬菇厚肉入味，略嫌髮菜太少😝 6個人食分唔到幾多。不過酸菜過鹹；炸魚塊有骨，味道同肉質都一般。其餘食材都係中上水準，下年會想再繼續幫襯😀

尋日我同班friend去咗人哋屋企打牌，開枱之前要填飽個肚，有人想食粉麵、有人想食飯，所以就近近地喺盛記食個靚午餐。兩碗粉麵都係三十蚊，正常發揮，腩汁夠香👍🏻👍🏻👍🏻最開心係啲蒸餸飯好靚仔，個肉餅手打，質地好彈牙，調味做得啱啱好，一啖肉一啖飯配搭一流。凍奶茶同熱啡都沖得好靚，典型港式茶記味道。油雞飯碟雞份量超多，至少有1.5份例牌。最正嘅係啲雞拆曬骨！！啖啖肉超開心😍😍😍油菜份量多，菜芯應該有一斤左右。

從來未試過一間餐廳一坐低就已經食出人情味。呢間餐廳從佈置，環境、氣氛、員工嘅態度等等……都可以媲美五星級酒店嘅感受。只係價錢收大家樂。午餐時間嚟到，踩埋單車過嚟仲非常方便，以後我有多一間飯堂食飯啊。😄

讚1.服務依舊好，上菜坐低加湯都自動波2.叫左餐，份量大到暈一暈，鱆紅魚刺身爽彈，牛肉鬆軟，豬肉切得薄身，入口係有肉味，脆肉鯇肉質夠脆，皮亦爽3.價錢平，成檯都係野加埋叫酒，位位都係三豬五彈1.湯底，退步左，番茄薯仔同冬瓜湯都係無味道，以前會愈煮愈濃，今次係由頭淡到尾