盛記盆菜&盛記麵家

營業中

休息中

好少可踏觸新界東，同新東地膽同學踩單車就黎一餐豐盛嘅火鍋。平時食都係食任食嘅連鎖火鍋店，都好耐冇食過散叫嘅火鍋小店。吹下水、飲下啤酒、打下邊爐，係人生一大樂事之一。湯底叫咗養生嘅人蔘雞湯，第一啖飲落去好清。我哋一同四人叫咗鯇魚片、鮮魷魚、炸魚皮、羊肉片、黑豚肉、冰豆腐、酒香牛肉、例牌雞件、貢丸、芝士蝦丸、牛柏葉、日式野菜，有魚有肉有菜，均衡飲食。價錢唔算平，但份量同質素都配得上價錢，食到飽飽。值得一讚，用料好新鮮。邊爐必備嘅炸魚皮唔係街邊貨。羊肉片唔羶，唔會造成平時打邊爐一落羊肉片就成個湯都係羶味情況。最有驚喜係芝士蝦丸，佢真係用蝦滑包住芝士，食到中間會有流心效果再加上本身蝦滑嘅鮮味，好有心思，必食。朋友作為酸梅湯達人佢覺得酸梅湯少少過甜，而我就覺得岩岩好，可能我鍾意飲甜野啦。飲完酸梅湯都係決定帶返樽啤酒，Cheers 🍻 作為問題少年/女，我地都有幾個問題，例如我地傻傻地問冰豆腐係啲咩。店員服務態度好好，有問必答，細加分位。

一日一黃店 沙田老字號文青麵家講起最早期既黃店 一定要提下 盛記麵家位置喺沙田最早屋邨 瀝源村 好多老人家由5年前佔中開始發聲店面有最主要係文青藝術品例如 書 畫 環保藝術品等等店面有小量文宣 義賣 捐錢義工隊 免費派麵比長者等等望番原來好多 原來之前有出過告急好多泛民議員 tommy都有去支持詳情可以睇下佢地 盛記義工隊社交平台.是日星期六2點去到 都幾多長者今日好好生意 影左陣相 諗住落單點知店員話得番a b e h餐 奶茶都賣哂（😧我聽到呆左.....咁我仲有咩食.....）最後點埋最後一份h餐⭐️無骨蔥油雞飯$48同埋⭐️牛肚河$40係呢個時候...又聽到遠處既店員話...河粉賣哂 牛腩牛雜賣哂......💁🏻‍♀️店員姐姐見我呆左 笑笑口同我講姐姐：今日星期六ma~好多人支持我地～明啦～係自己人一定明～（店員姐姐是黃 確定）.講番味道 口味偏向連老人家都岩食⭐️牛肚河 牛肚軟到冇牙婆都食到湯底偏向清湯 望湯底顏色同口味 都偏淡同早幾篇出既珍苑麵家形成強烈對比 係一個ok既清湯腩⭐️蔥油雞 勁滑 冇骨 加分 配埋蔥油好香勁撈飯旁邊有幾舊配菜 酸蘿蔔.走果時收銀婆婆都好nice見我係咁影相

讚1.一排無食過，環境同之前一樣咁有特色2.食物水準大致保持水準，胡椒豬骨湯夠胡椒辛香，豬骨足料；蝦丸好味！蝦肉爽口，好新鮮下，芝士餡幾咸香；魚皮餃既貨源揀得好，魚味幾濃下3.服務好自動自覺，倒湯送啤酒都即刻做到彈1.夥計要抹一抹啲野啦，檯同地板有啲黐立立

每次走進盛記裡面, 就像進入時間長廊一樣, 很多很有舊時香港味道的擺設, 以及內裡的裝橫, 果然是一家已有六十多年歷史的老店. 它不只是一家黃店, 更是一家取之社會, 用之社會的良心食肆. 這些年來, 無數的長者派麵及其他義工活動, 不高調的宣傳繼承着老細作為潮州人的低調作風. 之前來這裡吃的, 主要是晚市的火鍋, 用料新鮮, 份量十足, 而我今次吃的是午市的潮州粉麵—牛腩牛什河, 同樣極之大份, 吃罷連晚飯也不用吃. 牛腩和牛什切得比較細塊, 也許是為了讓長者容易進食的緣故. 腩汁味道濃厚, 牛腩肉質也夠腍, 絕對是一碗合格以上的潮州粉麵. 當然它並不是驚為天人的牛腩, 但它的歷史性和良心加起來, 就令我對其好感依然不會減退.

今晚MOOD到，當然帶埋屋企人來打邊邊近近地去間全沙田友都識既盛記啦！門面好有藝術感的餐廳，近來仲開多一邊舖，多人食都無問題！MENU好多選擇，仲有套餐！心大心細的話服務員仲會有推介！食物手切牛，老友鬼鬼同酸梅汁是推介！不過最好預訂，不然賣哂就無喇～·

上月朋友生日，一直想試呢間火鍋，同事說這間的火鍋料都很新鮮不錯，一於訂枱同朋友慶祝生日。其實我並不知道這條村喺邊，只是在大圍坐的士到達然後穿過停車場先度，感覺好似入咗一個小森林咁，哈哈。入邊的佈置好得意，感覺不像舊式屋邨。我哋嗌左一個四人套餐（其實我哋得三個人哈哈）我哋揀咗胡椒豬肚湯底同埋麻辣湯底，胡椒豬肚湯底好多料好香蕉味飲完唔口渴不錯。而麻辣湯底有少少酸香同辣椒香，而且很多芽菜都幾辣。我哋嗌左個套餐都有象拔蚌（冇影到已經食晒）都幾新鮮爽甜。當日叫咗大蜆，都鮮甜彈牙的！其餘都有魚皮餃，鯇魚，鵝腸等等。欣賞那魚皮餃同鯇魚片食得出係新鮮貨，正！最欣賞係服務員，很helpful同有禮貌 會再幫襯！

查實今晚約左幾個同事吹水同farewell一位同事晚飯，FW同事想話去呢間盛記打邊爐咁就book左靚位準時到達。去之前都聽聞店鋪裝修都好二手店feel同懷舊，真係第一次去，入到去位置係屋邨入面，好似走廊位有間鋪頭咁，同事個呢忽都係大排檔來咁先到先叫野食，見到有個888套餐4-6人，幾抵下象拔蚝例，蝦4隻，鮮肥牛肉，豚豬，鵝腸，九韮菜餃，魚皮餃，魚片頭角，魚片，墨魚膠，豆腐粟米，4款菇，三款菜等等，不過唔包湯底，所以另叫左個喇沙沙嗲同芫茜皮蛋鴛鴦湯 。 叫左支啤酒，6 罐汽水。。食到咁上下又再叫盛記炸響，午餐肉同即炸芋頭連糖，可以兩食☺食物整體新鮮好食，湯底多料，阿姐自動波加湯，唯一冷氣唔多夠涼，熱住食但未至於熱到發脾氣，哈哈!我唔記得有無加一，請埋同事食都係3百3，真係算抵，如果再有機會會去同屋企人去食

環境：裝飾好靚，每一幅牆都有佢嘅主題，非常有心思，好獨一無二。每一台都有屏風格住，私隱度高左，空間都幾闊落，又夠冷氣，真係比想像中屋村打邊爐好好多。仲有連登豬公仔，好可愛💕食物：麻辣湯底($98)用料新鮮，我覺得應該係自己調製，並唔係開嗰啲麻辣磚，辣度足夠，但我覺得可以再麻少少。雪梨鯊魚骨雞湯底($128)味道比較淡，雖然都見到好多材料，但真係唔可以當湯飲，有啲失望。火鍋料份量足夠，亦都好新鮮，特別推介佢哋自家製響鈴($48)，一卷成個拳頭咁大，我忍唔住食咗幾舊，今日已經開始喉嚨痛🤣醉雞件例牌($68)本身期望比較高，因為見佢有幾個醉湯類湯底，但煮熟咗之後一啲醉雞味道都冇，唉⋯⋯服務：侍應們都幾有禮貌，同佢地有講有笑，唔知係咪因為黃店，所以感覺份外親切。價錢：因為食物份量多，所以價錢都覺得合理，但係我哋一樣海鮮都冇嗌，埋單($827)同個海鮮特價餐($888)差唔多，所以下次嚟都係叫海鮮特價餐好過。總評：我哋三個女仔打邊爐，叫餸種類比較少，希望下次多啲人嚟(4-5人)試吓個海鮮特價餐應該開心啲😅

星期日同班朋友咁岩係沙田出完街搵餐廳食晚飯，其實都唔太熟沙田呢邊，比較少黎呢頭，但好似都有聽附近住嘅朋友提過呢間餐廳，所以決定試一試！我地一行5人6點左右打去都book到7點半嘅枱，唔洗等位😁本第見到佢地間餐廳好似full咗，原來佢地仲有另外一邊，淨係得4-5枱，都幾好，同班friend傾計食野都自在啲🤣發覺都幾多湯底，我地最後揀咗鴛鴦鍋，一邊係蕃茄薯仔，一邊係四川麻辣🌶我地5個人都叫咗好多野，黎到先發覺⋯好足料！ 平時出去打邊爐啲份量都比較少，估唔到佢地咁足料😯 芝士腸一份都成16條，半份醉雞都至少15件雞件啦😯 仲叫咗肥牛、魚、丸、菜等等，佢地個響鈴係勁大份(一黎就即食，相都未影😂）總括而言，佢地啲野食係大份抵食，但又好味，可能係做屋村生意，所以唔同啲？Btw，老闆幾好笑，餐廳入面好多書，佢話睇岩可以拎走，走個時仲話佢仲有一千本書未拎出黎😂😂😂

沙田地膽午餐帶我吃好西，吃的是屋邨風味車仔麵！這裡的裝潢很文青風，但吃的的車仔麵，感覺很特別 麵的價錢算是便宜，每一碗份量也很大菜肉雲吞魚蛋麵雖然牛系列的粉麵是招牌，但我反而想吃清一點，看見有菜肉雲吞，立刻雙拼潮州魚蛋點來吃～大大碗麵全部都是食材，其實不吃麵都夠飽！菜肉雲吞用了上海雲吞皮包，雖然厚一點，但不會很粉，咬的時候還有湯汁彈出來，白菜增加了雲吞的口感，還有超級彈牙的潮州魚蛋，確實是惹味，這款配粗麵是最佳選擇。牛什麵滿滿的牛什下有濃郁的湯底，裡面還有腩汁，令牛肉味更強烈更有風味，內臟都清理得很好很彈牙，不得不說粗麵真的很適合這款湯底，口感更是上乘，朋友很快就吃完了整體來說我覺得這裡食物質素是很不錯，而且粉麵真係很足料，午餐時間可以走過來的話一定會再吃

This place is highly recommended for experiencing the Hong Kong style hotpot. It is very authentic yet clean and air-conditioned - so you won’t have to sweat whilst having hot pot in the hot summer. Wonderful hotpot with fresh meat and handmade dumplings🥟🍲🥓 There are lots of special choices for the soup base. Love the vibes and also the kind and friendly staff serving us💛 A great place for a large group of friends to gather!

地方: 位置較偏，係瀝源邨熟食市場內，唔熟路要花啲時間搵。環境: 佈置好特別，有唔同嘅懷舊裝置。普通熟食市場坐位，不過有冷氣，亦坐得好舒服。湯底: 湯底好多選擇，由清湯麻辣藥材醉雞雪梨等等都應有盡有，一開始揀湯底都已經有選擇困難。七個人叫左個蕃茄粟米牛腩拼四川麻辣鴛鴦湯底，湯底本身已經有好多料，辣湯乜都有啲豆卜芽菜豬紅粉腸豬肚豬皮，感覺唔會太油食落好順好香。蕃茄粟米牛腩睇個名都知有咩，而湯底都好甜唔似味精。食物: 選擇又係超多，樣樣都好大份又新鮮。我地叫左手切牛肉 中山脆肉腩 黃喉 炸脆響鈴 牛丸 雞件 蝦滑 墨魚滑 腐皮 竹笙 豬肚拼粉腸 炸魚皮 芽菜 水魷 黑豚片 魚皮餃 桶蠔 生菜 娃娃菜 油麥菜 豆卜 豬皮，大份足料好新鮮好好食真係好味。飲品: 我地叫左4支啤酒，另外再加一人一支汽水。其他: 調味醬料要16蚊，服務幾好，會不停主動加湯加水，上料好快。

唔係純粹街坊舖咁簡單，盛記嘅熱愛社區關懷弱勢嘅行動深得大家支持。限聚令稍寬至8人，大家一齊走入沙田走轉盛記支持本地消費。打邊爐食物整體新鮮，是晚點了兩次美國肥牛，都是肉質腍滑，脆肉鯇新鮮爽脆，久違了的豬紅和鵝腸很受大家歡迎.....我推介炸魚皮、響鈴、老友鬼鬼，都新鮮炸起沒有油膩感。重點項目一定是海鮮，是晚的花蟹絕對新鮮，肉質結實鮮甜，超讚。整晚唯一的少瑕疵就蝦丸肉質鬆散不彈牙，期待下次嘅改善進步。支持我哋會再嚟幫襯㗎。

盛記因為疫情導致生意大減而告急，嚴重到無錢交租呀！身為沙田友嘅我表示呢間抵食好味又富有人情味嘅老店真係唔可以執笠！原因係無論午市嘅粉麵飯還是晚市嘅邊爐，都可以用兩隻字形容：出色！首先午市選擇除咗招牌嘅現包雲吞魚蛋粉麵之外，佢哋仲有各種飯餐，原條鯧魚跟白飯清菜汽水都係40幾蚊…識唔識做生意嫁？至於晚市邊爐唔敢講好平，但靚同正一定有份，特別係佢哋嘅手切肥牛、響鈴仲有食過最香甜嘅蟶子皇！而且湯底選擇眾多之餘仲要勁多料。老細B哥仲要額外醒幾粒現包雲吞過我哋嘆，蝕本嫁B哥！裝修擺設充滿文青氣息，販賣嘅卻係港式情懷美食同濃濃嘅人情味，喺香港真係已經買少見少，請大家課金支持！

由雨革已經捐水畀學生，又係出名嘅義工隊😭 10年前已開始喺店內派麵，又同小學合作派飯盒畀獨居長者 (Appledaily)，呢d良心店真係唔可以畀佢結業😭😭😭😭😭/🍜 牛肚麵 $40本身想叫牛腩同牛雜麵，但今日大約兩點幾去就賣晒，得返肚🤧 但又有驚喜喎，佢唔係普通市面上買到嘅肚位，爽得嚟又入味，真係不錯☺️ 🥟 鮮蝦雲吞麵 $30呢個都係因為冇牛腩揀所以叫嘅second option，真係好彩叫咗，呢個好食😙 雲吞皮唔會因為浸太耐而變淋！豬肉入味，蝦又爽口新鮮😚 後尾睇返原來雲吞都好出名㗎～ 好彩🤓不過佢麵嘅份量真係好大，隔離櫈嘅男人都食淨咗d，下次會叫少麵，唔好浪費～😙