盛記盆菜&盛記麵家

營業中

休息中

冬至時圑購訂了佐敦某間龍蝦花膠盤菜，難食到飛起，所以圑年飯決定搵間傳統一點既盤菜，朋友話盛記唔錯，所以新年前做節時訂了一個大盤試試。可選擇自取或代叫車送盤菜，運費到付。1. 雞夠嫩滑2. 鴨正常水準3. 冬菇夠淋夠入味4. 髮菜無咩特別，份量較少5. 蠔豉大小中等6. 西蘭花吸左啲汁後好味7. 大蝦新鮮彈牙，茄汁味正8. 鯪魚球好食9. 腩肉夠肥夠淋10. 因為門鱔本身多骨，小朋友不太喜歡，我就覺得唔錯11. 鹹菜比正常鹹12. 支竹，13. 豆卜，16. 蓮藕，17. 蘿蔔，19. 津白 這幾樣吸晒啲汁後非常好味，所以好味嘅汁底非常重要14. 土魷彈牙好味15. 豬皮都係因為有一個好味嘅汁底所以唔錯18. 芋頭夠粉20. 馬蹄夠爽整體表現非常滿意，食盤菜都係傳統的好。三大兩小食一個大盤，食左兩日先食完，不過新年有剩好過唔夠食，年年有餘嘛。*後來發現身邊好多朋友都係訂盛記的盤菜，朋友訂了小盤（5大2小剛剛好），我家的小朋友一星期吃了三次，但都食唔厭😂

朋友介紹咗呢間盛記嘅盆菜價錢都算好合理所以就叫咗一個4-6位小盆試吓😍🤭攞到個盆菜真係覺得好抵食，之前都有叫過其他舖頭嘅盆菜，同樣都係四至六人，但比較之下就分得出，呢間舖頭嘅食物材料好充足，啲雞肉唔會太鞋，整個盆菜味道不會太濃，食完會好想飲水，連芋頭都係炸過，影真高質，值得推介俾大家！😊

2月7日購買了中size盆菜，全家8人食用，第一次試真心麻麻地，不知是否臨近新年訂單多的關係，基本上盆菜主要都是白蘿蔔和蓮藕，其他配料的份量不多又不平均，8-10人盆菜好像每樣材料也分不到一人一件，吃完感覺全盤只有白蘿蔔，性價比不高，質素和一般大型快餐店的盆菜差不多，蝦不太新鮮，醬汁味道偏鹹，盆菜原本已經很鹹但還加鹹菜，變得鹹相加鹹。慶幸是準時可以取貨，賣相也可以，但味道不佳，不會再幫襯，失望失望

第一次叫盆菜食，係因為之前係呢度吃過高質火鍋，對佢好有信心，果然，就算係迷利盆既材料都非常足，冇令我失望😍😍😍一打開錫紙，見到超大隻既大海蝦，大過平時吃開既盆菜多多聲！！！屋企人一吃左啖燒鴨同手打鯪魚球，不得了，即刻同我火速吃哂😳😳我就最鍾意冬菇、腩肉入味，豆卜索哂d汁，馬蹄清甜爽脆，🙆🏻‍♀️🙆🏻‍♀️🙆🏻‍♀️最好既係，可以remark走一d自己未必岩食既材料😏仲可以多芋頭🥰🙆🏻‍♀️最緊要係，$550呢個價錢超足料好味，絕對係抵食！🥳🥳🥳如果可以加錢要返支汁，就可以方便煲熱黎食啦🙆🏻‍♀️下次一定會再吃過😋😋😋

噚日21-1-2021(Thur)覆診放飯,咁高危唔留喺醫院食喇,原本諗住去附近YEAH店cafe koinonia(https://www.openrice.com/zh/hongkong/r-cafe-koinonia-%E6%B2%99%E7%94%B0-%E8%A5%BF%E5%BC%8F-all-day-breakfast-r652370)食,但咁啱九巴儲夠分換口罩,又咁啱呢間愛心YEAH店又告急,咁我嚟呢間啦.由於我仍好飽,咁嚟食碗麵啦,睇完menu,決定要$42.00嘅雙拼粉麵,魚皮餃菜肉雲吞麵,加$9.00要凍檸水.凍檸水大大杯,唔太甜, ok.魚皮餃菜肉雲吞麵大大碗,魚皮餃正常冇問題;菜肉雲吞皮滑,鹹淡適中;全蛋麵爽口,但我食到鹼水味,又係來貨問題.服務:好好,好親切有禮.環境:我唔記得佢哋有出面嘅位,否則我今次坐出面.其他:佢哋都有盆菜,大家記得多多支持呀!第一次嚟食係17年同老公慶生嘅火鍋(食評係17年10月20日刊登嘅呢篇:https://www.openrice.com/zh/hongkong/review/%E6%9C%89%E6%84%8F%E7%BE%A

早幾日做完運動經過譚三哥，被誘惑到想食番碗熱辣辣既湯麵🍜🍜但係冇理由做完運動👟第一餐食咁多味精野落肚，呢啲時勢對自己負責任，就算出街食都要食好啲先得，冇健康強壯既身體又點面對每日咁多不公🏝不義既事🔥🔥於是行左去瀝源食盛記。呢間老字號唔單止味道夠傳統，仲好有良心，冇嘜點加價之餘，仲有keep住派飯比老人家🧓我食左碗湯粉已經好飽，男人唔夠飽都有碟頭飯/蒸餸白飯食，飯餐都有凍熱飲品跟👍🏻伙記大多係中年人，好有禮貌，會同食客打招呼好溫暖🥰

之前曾經試過午餐時段來吃東西，看到餐牌沒有什麼選擇，只有些飯類以及柱侯牛腩麵或是少許內臟伴麵，食品選擇不多，亦都要單點，沒有配飲料，因此一直都沒有想到要再來午餐。這是午市時間再去看一看，想不到現在午市餐牌多了很多選擇。看到紅燒元蹄好像都挺吸引，但還是試一試梅菜扣肉飯，反正近期天氣涼了，吃肥膩少許也不會有太大問題掛？梅菜扣肉飯，看似只有三塊肉，但肉非常大塊，又大又厚，外皮沒有毛，肥瘦均勻，瘦的地方亦都不會瘦到痴牙，整塊肉都相當入味，梅菜都入味，分量剛剛好，不多不少，用來伴飯相當美味，難得的是，梅菜扣肉飯的醬汁不會做得太鹹，整碟吃完都不覺得特別肥膩，實屬非常難得。結果因緣際會之下，亦都由於近期疫情嚴重，點了個盆菜外賣作為做冬晚宴🤷🏾雖然盆菜看似很多了，有大蝦、冬菇、西蘭花、雞、燒鴨、蓮藕、魚蛋、豬皮、魷魚、五花腩、支竹、魚腐等等，但其實，琳琅滿目，上述的所有配料，除了大蝦之外，都不覺得特別矜貴，味道也是千篇一律😓因此一大盤盆菜，接近$1300 ，其實應該都挺好賺。盛記很多好評，明明他叫做盛記盆菜以及盛記麵家，但想不到，我最為推介的竟是它的碟頭飯。

盛記麵家食麵無數次，今次試盆菜，無唸過水準都唔錯古法白切雞，雞肉嫩滑，唔係鞋颯颯；肉汁燴北菇，好耐無食冬菇，唔太喜好，估唔到盛記用料靚，冬菇入味又林又甜，好大隻不過薄身，超好味😋碧綠西蘭花🥦，新鮮、爽口精製鯪魚球，手打魚肉夠彈口；明爐大鴨唔會只有肥肉，啖啖肉，正！乾煎大蝦🍤⋯⋯肉汁鮮甜，爽口新鮮👍🏻圍村腩肉，唔太肥剛剛好；難得有新鮮門鱔，好耐未食過....鹹菜木耳枝竹豆卜，芹菜，呢d配菜都好好味土魷好林，唔怕胃痛；豬皮酥炸荔芋、爽滑馬蹄12人食都夠，味道係係得輸；最開心係全部食晒🤟

《世外桃源•盛記》今日黎到沙田當然要去瀝源邨食下盛記🥢我地叫左雲呑麵🍲牛什河🐮同鹹蛋肉餅飯🍚👉🏻雲呑麵🍲d麵無咩鹼水味 處理得幾好👅而雲呑都有幾多粒 爽口彈牙👍🏻👉🏻牛什河🐮牛什好香濃 每部份有一至兩塊😏湯底都有牛味 加左辣椒油又辣又香🌶加左少許特別既荔枝醋 100分啊💯👉🏻鹹蛋肉餅飯🥚肉餅好多肉汁 好香豬肉餅不過鹹蛋未到好咸🧂❣️要留意 星期日無午市套餐架❣️仲想叫蒸飯 都係留翻平日去試😋➼➼➼➼➼➼➼➼➼➼➼➼➼➼➼➼➼味道好食 環境幾特別 有不同既裝飾品🚲連d燈都係啤酒樽整🍻好似入左夢幻世界✨➼➼➼➼➼➼➼➼➼➼➼➼➼➼➼➼➼

話說之前去試左呢間聽聞瘋狂比TVB feature 既麵家佢既火鍋其實比較出名 奈何琴日中午食就試住麵先喇！呢間真係幾多人幫襯 睇客人嘅數量就知超人氣但值得一讚嘅係 佢上菜速度都快 絕對唔會餓親客人～幾忙都好 店員都好helpful 唔會好晦氣反而有心機同你閒聊幾句添佈置別緻幾有特色 價錢平民化碗雲吞麵大大碗 我就⋯食唔哂🙈梘水味唔重 蝦夠鮮夠爽可惜河粉唔入味 🙈29蚊試過就好喇🙈不過若然要求唔係特別高 偶爾平平哋一餐都好嘅

隱藏係瀝源公屋村的一個地下熟食檔，地點可能比較難搵，不過問吓人好容易就會搵到。入到去好似去咗另一個世界咁，店內充滿住不同風格的自創藝術品，仲有大量嘅書放係店內，歡迎食客欣賞。座位分隔非常闊落，檯與檯中間有屏風隔開。午餐逢星期一至六都有供應，麵類$30-42有交易，飯類仲抵，$43有即蒸原條魚，或者各式肉餅，配埋一碗白飯同埋油菜，超值！今次我點咗鹹蛋肉餅飯，加$7配凍檸茶少甜少冰。上菜速度好快，前後唔洗5分鐘，啱晒係附近趕住開工嘅人。肉餅份量好多，再加埋碗滿滿白飯，女仔應該食唔晒。肉餅偏肥，豬油香味十足，口感軟滑，肉同水份的比例剛剛好，軟身得嚟唔會太稀。鹹蛋比較淡味，淡淡的鹹蛋香配上肉餅撈飯一流！凍檸茶做得好，足料茶味，甜度適中，檸檬亦新鮮清香。一個人食個餐，$50真係抵到爛！值得支持！

【老字號麵店🥢|超正炸魚皮🤤】..#🥭👧🏻呢間裝修懷舊嘅良心小店位於熟食中心內💛 午市提供粉麵飯套餐 晚市就做火鍋~-🔻牛腩雲吞粗麵🍜 ($48)🔻新鮮炸魚皮🐟 ($22)🔻香滑奶茶🥤(跟麵餐+$9)牛腩雲吞粗麵份量好足 仲送多兩條生菜🤣 湯底清清哋~鍾意重口味嘅要加腩汁炸魚皮勁大碟🤩 每件都大大塊(同個湯碗差唔多size🙈)同埋好完整冇乜碎 好抵食！👧🏻推介喔👍🏼 奶茶就中規中矩啦～－－－－－－－－－🍴食物：7.5/10🏝環境：7/10🛋服務：7.5/10💲價錢：7/10💥翻兜指數：7.5/10✨CP值：8/10-🍴餐廳名稱：盛記盆菜&盛記麵家📍地址：沙田瀝源熟食中心5號舖-

抵食又好味，無諗過個麻辣湯都幾不錯。食物份量都算大，份羊肉$60已經好夠兩個人食。服務好好，定時主動幫我地加湯。環境乾淨，坐得好舒服。一大班人黎食係好好既選擇，不會好迫好嘈。一定會再返黎食。食物特別推介手切鮮肥牛、自制蠔仔餃。提一提，調味料每位會收$18。四川麻辣湯 $118冬瓜元貝雞湯 加$10 (雙拼湯底加$10)手切鮮肥牛 $178羊肉片 $60炸腐皮卷(半份) $22冰豆腐 $45皇帝菜 $45手打鮮墨丸 $70貢丸  加$10 (雙拼丸$80) 自制蠔仔餃 $58

好想同大家介紹依間老字號餐廳好耐 今次係我第二次食 以下是我自己推薦要點的東西首先 每次我都會叫依到有嘅老友鬼鬼( 蝦滑/墨魚滑釀油炸鬼）老友鬼鬼 - $88 真係好好食 咁唔駛次次得響鈴咁單調再介紹多一點點關於這一間老字號小店 説真的 這一間店不是很便宜 但你真的感受到他們的認真 這裏有很多手打丸和自制餃 每一款都各有特式瑞士芝士鮮牛丸 - $85瑞士芝士蝦丸 - $95自制韮菜餃 - $48自制蠔仔餃 - $58牛丸蝦丸十分彈牙 芝士很足夠 本人最愛蠔仔餃 值得一試!!

好少可踏觸新界東，同新東地膽同學踩單車就黎一餐豐盛嘅火鍋。平時食都係食任食嘅連鎖火鍋店，都好耐冇食過散叫嘅火鍋小店。吹下水、飲下啤酒、打下邊爐，係人生一大樂事之一。湯底叫咗養生嘅人蔘雞湯，第一啖飲落去好清。我哋一同四人叫咗鯇魚片、鮮魷魚、炸魚皮、羊肉片、黑豚肉、冰豆腐、酒香牛肉、例牌雞件、貢丸、芝士蝦丸、牛柏葉、日式野菜，有魚有肉有菜，均衡飲食。價錢唔算平，但份量同質素都配得上價錢，食到飽飽。值得一讚，用料好新鮮。邊爐必備嘅炸魚皮唔係街邊貨。羊肉片唔羶，唔會造成平時打邊爐一落羊肉片就成個湯都係羶味情況。最有驚喜係芝士蝦丸，佢真係用蝦滑包住芝士，食到中間會有流心效果再加上本身蝦滑嘅鮮味，好有心思，必食。朋友作為酸梅湯達人佢覺得酸梅湯少少過甜，而我就覺得岩岩好，可能我鍾意飲甜野啦。飲完酸梅湯都係決定帶返樽啤酒，Cheers 🍻 作為問題少年/女，我地都有幾個問題，例如我地傻傻地問冰豆腐係啲咩。店員服務態度好好，有問必答，細加分位。