目利きの銀次 (已結業)

第一次試這家日本料理，吃了以下食物：豆腐炒野菜有一些炇得入味而嫰滑的豆腐，伴了椰菜、洋蔥和青椒絲。加了一點木魚和豚肉，更帶有鹹香。價錢偏貴，要80多元。海膽汁燒蠔有濃濃的海膽汁，淋在四隻燒蠔上，蠔肉鮮甜美味，下面還鋪了一些波菜。海鮮卷長長的一條紫菜壽司包着碎切三文魚，飯粒結實，但味道沒有什麼特別。濃湯雞肉烏冬用砂鍋盛載，熱騰騰。130多元，就只有一隻雞脾和一鍋烏冬，頗為昂貴。雞湯有點稠，很像上海菜砂鍋雲吞雞的味道。雞肉不算太嫰滑，而烏冬是稻庭烏冬，滑不溜口。白飯魚炒飯表面鋪滿了白飯魚乾，每一條都很細小，底下的炒飯不算太乾身，配了一些酸菜，是很傳統的日本風味。桌面放了餐具、茶壺和醬油，十分擠迫。食物味道可以，但價錢不太值得。

外遊回港後..自我隔離左一星期~終於可以出動依日同另一半返去探老爺奶奶~約佢地去VCITY食LUNCH奶奶話想食日本菜~見食評唔錯..所以揀左依間(但好失望!)食店佈局好有日FEEL~環境係唔錯..服務又係一般我地點左2個餐..再另散叫一個炒飯及湯烏冬套餐有麵豉湯,白飯,螺絲意粉小吃及沙律(餐飲)沙律夠凍+食材新鮮~螺絲意粉小吃一般..唔算特別好吃套餐.."六串燒"(有肉球,雞翼,雞肉,煙肉車厘茄,豬肉~仲有串唔記得)肉球好硬無肉汁+好鞋~雞翼都係一般燒烤..無乜味雞肉,豬肉,煙肉卷較為OK套餐.."苦瓜炒蛋"苦瓜好腍..D蛋炒到好老~整體味道都不討好同係沖繩食過既差好遠散叫.."明太子炒飯"飯炒得夠乾身夠香口~份量好足..味道唔錯散叫.."濃雞湯烏冬"烏冬煙韌彈牙有咬口~濃雞湯好杰身..但無雞湯香味雞脾本身無味~服務員指示要配鹽進食..但只係得鹽鹹味整體食物味道好一般~比較好味得個炒飯

整個V city的食肆都嚐遍了，雖獨是這間主打沖繩菜的。曾光顧過此店之銅鑼灣店，也曾到過沖繩，食物是不差的，可是定價進取，對它印象亦不深。因此屯門店也一直沒光顧。可是聽閒它的午市套餐質素不俗，即管一試。午市之際，人流也不少，整店滿座。套餐有數款選擇，選了炸豬扒定食，才四十多元，最開心的是當天的特飲竟是我最愛的梅子梳打呢。梅子梳打內有南高梅汁，昨為贈送餐飲質素甚高，雖然份量並不多。然後是一份沙律前菜，一小豌，新鮮度中規中矩，勝在健康。還有一小份通心粉沙律，真豐富，味道比蔬菜沙律更佳，忍不住吃光了。主打炸豬扒來了，豬扒大大的一塊，肉質不錯，很有肉汁，但面層炸粉略厚，感覺一般般。飯面的蛋汁頗滑溜，可惜飯面並沒其他汁醬，有點淡口，而飯質偏軟淋，不太適合愛硬飯的我。整體來說這碗飯中規中矩，不過加上其他賣點，還有那價格，仍可作開飯之選。

其實如果食客不太多，V city內最佳用餐選擇肯定是目利きの銀次。這間不懂發音，一般稱之為目利或銀次的餐廳，自從4月與食友們一聚，發覺平日lunch超抵食後，我們久不久也會去吃午餐～這樣的環境、這樣的配套，令人很難相信午餐只是$48起！AE卡還有9折，變相免加一，分分鐘平過茶餐廳！同樣是頭盤的沙律，這裡的出品比Izumi及和民來得有誠意。Matthew十分識食，很愛吃那清新的車厘茄，至於加上胡麻醬的雜菜就由媽媽來處理吧～甜魔媽媽及囝囝都愛蛋，也常點這裡的滑蛋豬扒飯 ($53)，好味道！要讚這裡的米飯特別香口飽滿，沾上蛋汁就是人間美味。也試過壽司併盤 ($108)，似是手握的貨色，而且全部刺生均十分新鮮，還附送一碗口感彈滑的清湯烏冬，重質也重量。不過舊時的飲品有多款選擇，現在就是指定的果味梳打；原來繼桃味及巨峰味的梳打，菠蘿味的梳打也很清新吸引呢～推介這間餐廳給婆婆後，她也成了常客，不過有次週末去吃不到抵食的午餐... 其實這超值午餐只限星期一至五，大家要留意哦!

無心插柳下到這裡食lunch, 比我預料中更好味道！試了lunch 的sushi set 和串燒 set, 另加了一客油甘魚sashimi , sushi 和sashimi 的魚均十分新鮮，魚味突出，壽司飯比例亦好好，大細適中，飯粒亦唔會鬆散，感到這裡肯用靚材料，抵讚！唯串燒較為失色，賣相好，但味道一般，醃得唔夠入味，雖然望到廚房內串燒司傅好大火咁燒，但食入口一點燒烤的香味也沒有，可惜可惜！套餐中已包括沙律和特飲，sushi set 更有湯烏冬一小碗，加埋串燒 set 嘅白飯，超級飽！

自從V city開了這家店之後跟朋友、家人都到來吃過不得不讚在等位上是在V city中最容易找到位子的其實這家店就比較貴但品質都要有蠻高啦先講明太子蛋卷蛋卷就吃得多明太子藏在蛋卷裡面軟軟的調配的醬油令明太子很入味蛋根本就不用再沾醬油就很夠咸囉然後是卷物雖然餐牌只有三款但我點了這一款雜錦魚生卷也不錯有兩種魚生配上牛油果青瓜簡直是絕配店家也不嗇吝做到卷物大大顆蠻飽肚的最後是二人前的魚生拼盤說真的我有點失望五點魚生的體積都很小一塊一口不過吃得出是非常新鮮的但下次不會再點囉

上網看食評見好多人讚海膽飯糰同海膽汁燒蠔~海膽同蠔都係我的最愛~所以就約朋友來試試~~~~海膽飯糰~混合海膽及蛋黃，再加上少少醬油味道十分鮮甜!!!!!略厭飯糰過大~如果改為飯糰細小些而數量多點, 會更好~海膽汁燒蠔~海膽汁不會過咸~依然食出蠔鮮甜~連蠔底下的配菜也吸了海膽汁~十分好吃~厚雞烏冬~好油~黎到已經有一層雞油味道很普通但烏冬很滑~芥末燒豬軟骨~豬軟骨十分鬆軟配上芥末汁可減低肥膩好吃~~~~這間餐廳每次經過也不同等位~可能價錢算上同區略貴~但食物質數不差..可一試~

未係Vcity食過野，見到有吧抬位又唔洗等，咁就同老細一齊撐吓枱腳先叫咗個壽司12件，每件細细地，味道不過不失吧。見到有魚兒供應，就叫了一條飛魚做剌身一條喜知次12兩左右就燒條飛魚刺身也是一般不過條燒喜知次就燒到落盬多到好似掩咸魚，攪到成條魚連個腩位都咸到苦。都唔知點燒既(>_<).

目利近期成為太太最愛既食店,差不多1星期總會黎兩,三趟,今晚試咗佢既海膽飯團,呢款食品除咗係期間限定之外,仲係星期一至四先有,之前試過星期六想叫時,侍應話師傅要平日先有時間去處理,唔想急就章影響質數,呢點值得讚揚!呢個海膽飯團本身係師傅收到落單先整既,所以要等一段時間,當黎到時,除咗賣相好之外,味道亦非常之夾,除新鮮海膽,馬糞海膽,蛋簧外,食時仲要加上醬油黎食,先可帶出海膽既鮮味,實在整得出色!!

是晚一行六人為爸爸慶祝生日，到來了屯門一間裝修十分日本風味的「目利きの銀次」進膳。從外看內位置好像不多，但其實內裡空間很大，是夜有幸能坐於半廂房式的六人塌塌米座位，既雅觀又有富有空間感，讓人放下心來暢所欲言，特別的是入座時要脫掉鞋子，感覺真的很日本風呢。台上有一壺溫熱的麥茶，暖暖的喝下很舒服，是為疲憊的一天畫上句號的開始。是晚點了不少食物，上菜速度也不慢，一道接一道的，為了拍照肥妹也不顧儀態地由房間的左跑到右不斷來回動著，反正沒外人看到也不打緊啦～！豆腐炒野菜 $78以炒菜取替沙津，先來碟小清新的開開胃口之餘亦能均衡營養。炒菜每口富含洋蔥香，加上面上的木魚更為提香及惹味好吃，椰菜爽口，豆腐也都微微煎香了，味道濃郁得宜，簡單好吃。三文魚 $55一份僅得四片厚切刺身，圖中是兩份的量，定價稍貴，不過剌身很新鮮肥美。海膽汁燒蠔 $88帶爸爸來銀次最主要原因是想試試這道人人都稱讚的燒蠔，喜歡蠔卻對食有點挑剔的爸爸吃過都大讚好吃，真的十分感謝各位食家的食評推薦。一客四顆天婦羅式的炸蠔炸得相當脆口，連著墊底的菠菜同吃非常滋味，厚厚的橙色海膽汁很甜很惹味，真的是必吃之選。銀次特製沙津蝦 $65上層是一

ORDER左兩個LUNCH SET...一個壽司SET, 一個三文魚親子飯SET壽司SET除左有壽司, 仲有碗淨烏冬, 同埋和風沙律壽司飯太多 同埋唔夠凍, 上面的魚生不是很新鮮, 普通連鎖店貨式...碗淨烏冬 份量適中, 但係煮到淋哂, 一點Q彈感都沒有, 失敗~和風沙律 都係同市面上吃到的一樣啦, 迷你碗盛載的....有一粒車厘茄一開二, 有D菜, 加D芝麻醬...THAT'S IT...三文魚飯 除左有飯之外, 有燒三文魚碎上, 同埋一碗味噌湯...碗飯有三文魚子, 咬落唔會卜卜聲, 即代表唔係好新鮮....三文魚就如圖片所示, 瘦到連白色間都幾乎睇唔到...完全唔爽口, 冇三文魚油香, 太薄, 咬落冇口感...幾失敗...另外燒三文魚碎上, 有骨, 都算喇... 一PAT PAT唔知食左D乜...碎得好緊要, 有D似罐頭貓糧的賣相....碗飯D飯粒唔夠煙UN..碗味噌湯, 其實就是味精湯, 飲完之後都幾口渴, 總之就唔合格...兩個LUNCH SET跟餐飲, 嗌左兩杯凍檸茶, 結果來左兩杯凍奶茶...之後叫侍應換返...凍檸茶 冇茶味, 仲難飲過EURO GOGO果D好多...

之前也來吃過，不過它的店面感覺上是貴價食肆。其實不然的，它午市套餐實在超值又好吃，不得不再來日本沖繩的裝修，令我懷念那時旅行的時光，很想再去呢午市定食有6款選擇，價錢由 $45至$98不等，而且附有和風沙律、薯仔沙律、味噌湯和飲品。/先說店員服務方面吧，態度不錯，禮貌又好，而且效率又高，收拾餐桌乾淨且快捷。先上前菜，和風沙律是用新鮮脆口的沙律菜和香甜多汁的小蕃茄，伴以沙律醬吃，味道清爽一流。薯仔沙律。幼滑薯茸內也有不少配料，如甘筍粒、青瓜粒、煙肉粒等，整體也不俗了。味噌湯一向也感覺全是味精的，咸咸的，所以我倆都不太喝。前的是照燒雞扒飯定食（$45），後的則是炸豬扒飯定食（$52）。雞扒厚肉嫩滑，燒得香噴噴，而豬扒炸得香脆可口，再配上滑蛋，配搭恰當好味，兩者配上晶瑩剔透又飽滿的日本珍珠米飯，軟綿綿的，真的很讚呢份量十足兼且抵吃！飲品卻點了菠蘿特飲，不用額外加錢，清甜又香，甚有沖繩風味。其實一個定食已經吃得飽飽得嘛，可是總是想吃吃別的，結果點了明太子煎蛋卷（$68）。這個很多人推介，不過味道又不是什麼的一回事，蛋卷倒是煎得滑嫩不錯的，可是微辣的明太子不太合個人口味吧，否則水準也很好。漂亮的

系屯門甘耐，好難得見到甘高質素的日本料理。魚好新鮮。每一味都好有驚喜！睇得出系花心機去做菜，一分錢一分伅貨，值丫！超滿意。原本以為呢間野又貴又冇咩咩好食，點知小妹有眼不識太山><食左串燒拼盤，wasabi豬軟骨，三魚sushi卷(8)，酸汁3文魚，海鮮燒餅，加碗靚白飯。400多元巧值。員工也好詳細又親切甘向你推介食物！gdv city best食肆～～～～

目利きの銀次的屯門店經過了N次，但由於朋友覺得「唔啱食及太貴」，所以每次都擦身而過。今天身體不適，看過醫生處理完私務後，剛好午飯時間，之前看過有食評對於這裡的午飯讚不絕口，那就試試看!侍應見我拿著一堆東西，安排了我到吧台角落就座，很貼心而且很有禮貌。午餐價錢由$45至$98不等，包括了沙律、味增湯、主菜及飲品。覺得叫最基本的東西最安全，那就叫了一個照燒雞扒定食。等待食物期間，侍應不停按客人需要加茶，熱度及份量足夠。各位放心，午飯時間是不收茶錢的。先上桌的是蜜桃烏龍茶特飲，味道酸甜中帶清爽。然後，再上沙律。沙律菜新鮮，不過醬汁偏少，如多一點更好。味增湯是和主菜一併上桌。份量十分足夠! 味增湯味道尚可，照燒汁味道甜美，配合滲滿雞油的白飯，一等一的美味，不過，醬汁多一點更理想!這頓飯因為有V CITY會員優惠，免加一$45，基本上和平日上班隨便在茶記吃午飯價錢相若，實在十分抵食!會找機會再吃週末午餐或者在MENU點菜!

下午即興約朋友食個lunch短聚, 多得朋友既帶挈, 讓我們食到好野! 嘿嘿~~第一次入去先知原來入面都幾大, 職員仲安排我地坐包廂 tatami, 好高privacy!其實食物價錢都算高, 最貴一個SET LUNCH都要$100.呢杯有少許酒精既巨峰提子特飲好好味呀!!!!<雜錦刺身定食>雖然份量唔算多, 但刺身的確很新鮮, 另外仲配有烏冬, 不過烏冬上面有一PAD不知甚麼的東西, 食完之後真係唔識形容, 好特別, 口感亦難以形容...哈哈, 各位有機會試下.<炸豬扒飯定食>最鐘意佢連D飯都充滿蛋汁, 食到底都有, 好滑! 豬扒又厚!正!<海膽汁焗蠔>本人黎講唔食海膽, 不過經職員推介下, 就即管試下. 試完後, 我對海膽頓然改觀! 上面的海膽汁真係好好味! 好香, 好滑, 甜甜地, 好蠔好夾!<雜錦壽司定食>除了新鮮, 還是新鮮~最後再黎一個抽子雪芭, 大滿足!!!!我相信, 我會再黎幫襯的~~~