真台客

營業中

休息中

食物係ok既～特別係拼盤～但啲職員態度唔太好，野飲超慢～～成班掛住玩電話，傾計～仲要坐埋枱成班講，完全唔理客人感受～～叫俾個碗都超慢動作～還是行遠少少食台灣麵算數～～反正都係差唔多

係香港要搵到高質既台灣食店並唔容易但呢位「堅台客」卻令我回味無窮 一再encore 確係難得!! 至今已試過小店既蚵仔煎同肉鬆蛋餅 兩者都非常出色蚵仔煎加入左糯米粉黎煎 煎得夠薄身 食落口感煙煙韌韌 非常Q軟!面層淋左大量類似泰式雞醬既醬汁開頭以為份量會太多但因為糯米皮本身冇太多既調味 食落又覺得份量剛剛好而且醬汁甜中帶些微辣勁 幾開胃即使一個人完成一整份亦唔會過於飽滯! 蚵仔煎底下鋪左好多塊淥熟左既生菜原本以為係用黎墊油點知用黎夾埋蚵仔煎一齊食一樣咁match!仲令口感更為清新裡面大約有10幾隻蚵仔蚵仔size較細 但每隻都好肥美飽滿而且清洗得好乾淨 亳無腥味!! 肉鬆蛋餅以蔥花、蛋漿加麵粉漿煎製而成捲得夠實 唔會一夾就餅餡分離餅身香軟可口內餡則咸香與甜味夾雜肉鬆從頭到尾份量都好足 令人好滿足加上稔甜既粟米粒 口感更多元 味道亦見清新 真係滿口滋味!而且蛋餅係切件上  唔單止方便客人享用亦避免左客人自己動手切而狼藉跌餡既情況 good!另外 侍應服務好殷勤 不斷幫客人加水值得一讚!

又在元朗找食， 今日想食台灣野，記得之前泊車見到仁樂坊附近有間台灣野 「真台客」，有時都有人排下，所以今日就試下入到去先睇Openrice有咩推介時 開始感到有點伏😵😵😵😵😵首先人手真係有點不足....因為我地坐低左5分鐘都無比到餐牌我地，我地有示意侍應 可惜舖面只有一個侍應，佢無理到我地🙄最後我地只好自己行去隔幾張台拎（因唔係張張台有）（後尾偷聽好似係有個樓面遲到，搞到踢晒腳）到講啲野食，正正常常，沒驚喜；魯肉飯算係最好味，但有點太多汁，食到底有啲膩；有點失望係杯珍珠奶茶，等左好耐，上台時仲有點水還水，奶還奶，分開兩層，很不吸引，味道更是很一般，沒有茶味 很水 很淡奶水的感覺😑***眼見隔離外賣等左成個鐘😵，希望佢地下次好好控制人手分配

可能假日無足夠人手無法正常安排入座 點餐 送餐還是這是真正的台灣風味 香港人於香港地永遠都無法領略食物質素中等 溫熱的鹽酥雞 / 魯肉飯 味道尚可但熱度不能接受唯一覺的值得的是芋圓湯但.....被當玻璃的感覺影響了味覺只是一直留意到此起彼落的追帶 問位 侍應發現漏帶都只淡然帶過味道不能挽回服務 唔好意思 真的不 會 回 頭👋🏻

好味台灣菜唔多，個個話自己古早，咩五十年招牌。。都中哂伏。自己親身試過先知好與壞。下午三點，張張枱有客都算係咁。點咗餐有細鹵肉飯，鹽酥雞，配貢丸湯。另加肉鬆蛋餅，香芋奶茶。過往試過淡而無味中伏嘅鹵肉飯，真台客嘅鹵肉飯有肉汁味又夠味道半肥瘦豬肉加半隻鹵蛋，令人想再潻食。鹽酥雞即叫即炸，味道適中唔會太咸。肉鬆蛋餅有驚喜。好好味，好夠味，餡料飽滿，食完唔夠喉。貢丸湯味道同丸嘅口感都非常一般。香芋奶茶🥛有芋香味，但比起三⭐都仲差啲啲。值得翻兜嘅一間台食店。價錢適中，環境乾净。只係店員比較Cool,目無表情。有啲食物餐牌無寫，要自己抬高頭望一望啦。

一直聽聞呢間嘢好出名，話係台灣師傅開嘅店， 應該唔錯啦 所以約埋朋友過嚟試試， 點知一試就中曬伏，我地分別買左蛋餅鹽酥雞同滷肉飯食，個蛋餅外層勁多油， 餡料就ok多， 但係總體我覺得好難食 。而鹽酥雞不但唔熱唔脆， 而且落味粉少， 唔講都唔知以食緊鹽酥雞， 至於嗰個滷肉飯啲滷肉劲硬， 呢啲所有嘅食物都有一個共通點就係全部都唔熱， 真係見面不如聞名， 難食嘅台灣食物， 不過服務人員選好， 一入去就有兩個人招呼， 服務態度算係唔錯。 但係我以後唔會再幫襯。

同豬隊友難得撐檯腳食個tea,兩個人好邪惡甘要食肥仔餐，聽聞過呢間餐廳真係台客開嘅就走去試下😎叫豬隊友去搵位先，佢一開始話驚係伏，因為成間店竟然冇客...不過閒日、暑期、下午4點，佢個位又真係難d滿座嘅，但我相信佢真材實料係會有人欣賞嘅豬隊友一向好鍾意食炸雞排，所以冇理由唔叫，佢話個雞排冇令佢失望，首先夠大塊，第二炸得香口乾身、第三味道調較得岩岩好甘話我個人就簡單d好食就得。我自己就食下午茶餐，肉燥擔仔麵，雖然明知係肥野，但肉燥真係要呢d半肥瘦先夠香口，同時要特別讚隻滷蛋夠晒入味終於又係元朗搵到間好食嘅台灣野啦！

紅燒牛肉麵太油，竟然有一層油鋪在面上，湯底竟然很酥，牛肉一般，面過淋了，沒有口感。魯肉飯的魯肉都很硬，蚵仔麵線過稀，不能掛起麵線，蚵仔份量少，湯底偏辣。應該不再光顧

大雞扒好脆好大件，即炸，要等耐啲，麥香紅茶好飲，但一定要少甜，以健康著想。珍珠奶茶奶味好淡，茶味不足，珍珠無咬口。魯肉飯好食，但好油膩，加$6有香腸，香腸是脆皮，好好味。

元朗近排多左好多台灣食店一向鍾意食台灣野既我又要去發掘下真台客位置都有點難搵 哈鋪頭裝潢簡單 四四正正坐位都好闊落 有類似卡位型既4坐位 有多人坐位 對住窗亦有高凳位餐廳播放著台灣歌手既音樂點餐系用marker畫落張膠片到方便快捷 點完出左單抹過又可以再用👍🏻其實去到既時間為2點半前下午茶又未到但有肚餓套餐又沒有想點的東東唯有單點魯肉飯系我系台灣餐廳一定會點既野"它是我的菜嘛"魯肉飯size有大有細"我這個是小的了"魯肉系足夠送哂整碗飯的甜不辣系我既認知系魷魚原來系魷魚較碎跟魚漿溝埋還不錯吧 同距個汁很配很香口吧登 登 登到我的至愛蚵仔煎蚵仔有夠大粒QQ度適中 最好的就是上面的淋汁跟蛋香很配"大愛這蚵仔煎"而飲品方便 點了冬瓜茶跟峰蜜綠茶冬瓜茶甜度適中 不錯的不過峰蜜綠茶對於嚐甜既我都覺得太甜 好似飲糖水咁 下次必會點少甜或微甜下次再試 下午茶！

台式飲品元朗愈開愈多，搞到成日心思思想食台灣野，最近經過見到安娜轉彎開左間新台灣野叫‘真台客’，裝飾簡約，座位不多，見唔洗排隊就試試佢啦兩個人叫左一個餐同一個牛肉麵，set要左魯肉飯加雞扒。魯肉飯比台灣食既冇咁油，乾身啲，比較岩香港人口味，魯水蛋就冇咩特別，唔算入味。雞扒好大塊，炸粉簿，好味另外野飲叫左麥香紅茶，淡淡麥香，解膩唔錯。牛肉麵意外出色，啲紅蘿蔔好淋好甜個湯都好甜濃但唔油膩，而啲麵好彈牙，夾埋啲湯好好味，牛肉就失色小小，唔夠淋，但就好入味。埋單見到好多檯都有叫鹽酥雞，下次試下先

今次第二次嚟食，上次個台式麻醬麵就麻麻地，所以今次再食鹽酥大雞排和鹽酥雞。好脆好香好味道！台式腸好味，東瓜茶好味，係個胚芽奶茶個杯有啲污糟, 其他都好好。下次再會幫襯~

店舖距離輕鐵站不太遠，旁邊是一個有咪錶的停車場，方便乘坐公交或自駕的你。中午十二點半左右才開始陸續入座，店內有一些中午套餐，基本也是一主食配搭小食及飲品/湯品。主食分別是1. 魯肉飯2. 乾拌麵3. 蠔仔粥/蠔仔餅等。蚵仔煎hkd42因為蚵仔餅的配搭飲料只有兩款，最後決定還是單點蚵仔煎。跟平常的店不一樣，它並不是油炸的，入口香口有蛋香，蚵仔分佈在整塊餅中，每口沾一點醬汁，好味不油膩。喜歡吃台式的朋友不妨午市吃個套餐。

早前夜晚ge時候同朋友去元朗一間🍜台式餐廳《真台客》品嚐晚餐。其實依間係一個正宗台灣人開設ge料理店，佢地部分ge食材都係由台灣運送過黎，再用廚師ge獨特廚藝而煮出黎。餐廳環境舒服又簡單，係門口旁邊有張吧台，侍應貼心地安排我們到4人枱坐，位置都幾寬闊。依度食物ge價錢都好平民價，望到已經決定好要吃什麼，他們統一每人要叫一份「紅燒牛肉麵」，畢竟這都是台灣最著名的料理。·而我就選擇點一大碗的「魯肉飯配滷蛋和香腸」，另外點了幾份小食：「大腸包小腸」、「玉米蛋餅」、「滷水併盤」、「台客籃大併盤」、一杯熱的台式珍珠奶茶。·「紅燒牛肉麵」黎嘅時候碗麵散發左好多香味😌，雖然唔係我點，但我試左幾啖佢成個味道好特別，甜甜地，我覺得佢嘅牛肉好林身，紅蘿蔔煮得夠林又有甜味，同埋啲湯好入味啊，都幾濃郁。麵條係粗身嘅，d麵食落去幾咬口，唔會覺得好粉。一句講晒好有台灣的感覺！😉·「魯肉飯配滷蛋和香腸」食台灣料理一定要食滷肉飯，滷肉飯呢個份量真係幾大份，我第一啖食佢個腸好似叉燒，幾好味，甜甜地帶有d咸味，好特別，d魯肉都你偏瘦唔太肥，另外加埋入面嘅菜同d汁撈埋一齊食好好食，有出色！價錢又便。✨·「大腸包小腸」😻去台

今日要為大家介紹既係元朗既真台客,我地見呢間野係新開,所以幫大家去試一試.點左個牛肉面同雞扒面, 牛肉方面佢用牛腩,唔淋,好好嚼,有小小肉碎絲ZIP牙啦但係可以接受,夠入面,牛味重. 湯底屬中上水平, 一入口有8角口味,之後就轉為甜味,最後就係辣口味,唔可以話係好多層次,但係每一步都好濃味. 但係要改善既地方就係湯都太油.飲多幾啖就覺得會開始油膩.雞扒面係分開上, 雞扒炸得香脆, 難得食到油膩感唔重既炸雞,值得一讚. 調味係恰到好處, 冇外面炸雞店既瘋狂重口味調味. 但肉比較薄, 食得味夠盡興. 清湯面就真係太清, 食到我冇咩心機. 不過面就似粗面形狀,唔係太淋,但冇咩咬口,算係中等水平.呢間野係元朗來說都好接近台灣味道, 價錢方面同大家樂差唔多, 既然係咁, 點解唔試D好味D既野?人均消費:50地址: 真台客元朗仁樂坊5號利發大廈地下G及F號舖