真台客

營業中

休息中

是日和女友人聚一聚食lunch，budget $50以下，獲推介吃這間真台客。3人共吃了 $218。有少少over budget 😝推介各款台式飲品，炸雞排！ 台灣牛肉麵竟然一去到已經話賣哂😳.真台客大雞排好好吃，雞滑而且炸得剛剛好，沒有油膩感覺。令我想起以前元朗有的大雞大炸雞排勁正！.芝麻涼麵其實用咗超級無敵醬-芝麻醬黎撈，所以勁好食！.叫左3杯野飲水蜜桃綠茶，草莓紅茶，香芋奶茶（全部為環保，走飲管）朋友話走飲管可喝到面頭啲泡泡，特別好飲😂3杯都好好飲（試哂）.另外還點了肉燥擔仔麵.蚵仔煎都幾多蚵仔😀 而且有台灣夜市的味道😝.炸杏鮑菇和四季豆呢個麻麻地，可以不叫🙈炸粉太多。總括來說，一定會再去，食頭3樣野，同埋想試下佢個台灣牛肉麵，唔知拍得住士林台灣麵嗎？🤔

最近幾個月, 元朗多了幾家由正宗台灣人開的台式食店剛好中午可以到真台客試試佈置簡約舒適4人可點不同套餐小食先有台灣傳統香酥排骨便當 ($48)炸漿混得超好食, 炸得香脆, 完全台灣味排骨其實就是豬扒, 肉汁都鎖在裡面便當飯量很大, 一個女生可能吃不完真台客雞排便當 ($48)炸漿和排骨一樣, 個人喜歡雞排真台客鹽酥雞麵 ($48)鹽酥雞的炸漿不一樣, 但同樣香脆可口一致認為鹽酥雞最好吃麵就沒什麼特別台客籃大拼盤 ($50)食品超多~炸台灣豬血糕, 炸杏苞菇, 炸台灣花枝丸, 真台客鹽酥雞, 炸四季豆, 炸台灣甜不辣全部都超好吃的, 炸四季豆不多台灣食店會做, 豬血糕和甜不辣也比較少見清蘋果綠茶(套餐+$8), 多多綠茶(套餐+$8), 珍珠奶茶(套餐+$10), 芋香奶茶(套餐+$10)飲品可以, 沒什麼特別

諗住試下新野. 老闆應該係台灣人.外賣 叫了一個雞排飯, 一個雞腿面, 一個炸野併盤, 一份台灣腸. 飯只有雞排, 沒有配菜, 雞排十分乾. 湯面的湯是沒有味道. 台灣腸不是烤是炸的. 沒有腸應該有的味道, 只有好似月餅蓮蓉味 . 食完晚上半夜肚子唔舒服. 所以唔會再試

今天8點多來到元朗，朋友三人聚會，來到這間名叫真台客的台式食店，等候的人不多，大概十分鐘便能入座，店舖裝修簡約，原木和落地玻璃的台式文青格調, 我們仨各點了滷肉飯便當, 鹽酥雞麵和芝麻涼麵這間食店開業半年，老闆是台灣人在台灣有幾間分店，首次打入香港市場便在元朗開店，食物款式夠地道，說得出的台式食物都可在這找到 滷肉飯份量算大，肉碎與飯的比例則較少，半隻鹵水蛋兩條菜，滷肉味道不錯，但和一般街頭滷肉飯沒太大落差，沒有驚喜，肉的香味稍為不足，整體一般鹽酥雞麵 鹽酥雞與麵分開放, 整個麵賣相一點都不吸引, 麵是一碗清湯麵, 加兩條青菜, 像是一碗忘了加上湯汁的麵鹽酥雞一碟小小的, 賣相較吸引, 但一碟只有大約十隻, 酥身十分脆口乾身, 但相應地雞肉亦較乾身較少肉汁, 味道仍然好食, 甚有台式風味芝麻涼麵天氣熱吃不下飯 換個涼麵來犒賞一下疲累的肚皮, 消消暑氣也是一個不錯的選擇芝麻涼麵用料單調, 賣相一般, 比起一般色彩豐富的五色蔬菜涼麵較為遜色. 而且份量較少,男生吃的話可能不夠, 雖然賣相不吸引, 但醬汁有淡淡芝麻香氣, 帶點麻油味道, 仍為一道不錯的消暑小吃

星期五晚上，老公建議外出用餐，試試新餐廳，於是放工泊好車後便四處走走看看。走著走著發現這間有大玻璃，非常光猛清新的食店，而且人不多，就試一試吧！我和老公各自點了 "鹽酥雞便當 ($48)" 及 "排骨便當 ($48)"，單點食物加$10 配紅茶/綠茶，或$12配珍珠奶茶。最後我選了珍珠奶茶，老公側點了烏梅紅茶，另外再加了一份鹵水拼盆 ($36)。飲品最快送到，珍珠奶茶奶味太濃，沒有太多茶味，甜度還算可以。珍珠很彈牙，不是非常淋身的那種。烏梅紅茶的確很酸和開胃，老公甚是喜歡。鹽酥雞便當和排骨便當上檯時確實讓人有點意外，因為整個飯賣相一點都不吸引。可能是我誤會了，總是認為"便當" 賣相會稍為精緻一點，而不是"大碗飯" 。哈哈~這個"便當"的話，排骨和鹽酥雞份量都很多，鋪滿了整個碗，可是完全看不到肉類以下的配菜。試了一件鹽酥雞，味道稍為不夠，應該再多加一點味粉才是。口感還算可以，酥皮挺乾身，可是雞肉肉汁也不多。排骨比鹽酥雞油很多，令炸粉都鬆出來，味道亦有點不足。翻開了鹽酥雞，終於看到了配菜。原來有一些青瓜，半隻鹵水蛋，還有一些醃菜。如果有一點點鹵肉和醬汁的話會更好，現在來說整個飯是有點乾..

網上見到推介呢間餐廳，特登走來試下，今晚試左三樣野。鹽酥雞便當：不錯的。上碟時見佢無汁，以為會好乾，但食落都ok的。鹽酥雞既份量都幾多，友人甚至覺得多得滯，haha... 因為炸物食太多會比較膩。牛肉麵：牛肉係煮得好淋，味都唔錯，但個湯底真係太油！！！檸檬椰果蝶豆花特飲：不錯的，酸酸甜甜。總括來講，味道係唔錯的，環境又舒適，不過個牛肉麵真係油得太誇張！食緊啖油咁... 呢點真係扣分... 而且個牛肉麵都唔平的...

今早看到面試雅虎推介於是下午坐1個鐘頭巴士到元朗覓食。店鋪環境光亮，員工服務一般，不會像台灣人那樣熱情。星期日傍晚時間人流不多，才兩桌4個客人而已。冷氣太強勁，必須帶外套進食。

近期見元朗開左好多新既台灣食店 就唸住試下呢間新開 叫左個鹽酥雞麵 麵好清 鹽酥雞份量好多 個鹽酥雞不過不失另外叫左個魯肉飯 就好一般 汁唔夠 而且味道唔夠香 另外仲叫左個蛋餅 揀左肉鬆做料 這個也很一般 唔太香

有啲掛住台灣牛肉面一見到就衝入去食文青feel 既枱上菜速度都快仲對正停車位一路食一路睇住架車唔驚抄牌叫左個紅燒牛肉麵 (8/10)上菜速度快熱辣辣而且個湯好濃好有台灣感覺牛肉好林好入味價錢又平抵食之選

今日同男朋友食中午，叫左芝麻冷面同鹽酥雞飯，兩樣都好食，份量都夠曬飽。叫左珍珠奶茶同熱朱古力，兩杯都太甜，剩左好多。.......................

1. 香酥排骨便當真不好意思 本來無捻住影 但食到一半 真係覺得好味 所以想share下...用珍珠米 啲米煲到一粒粒 軟硬適中 一粒都比我食晒 正!!排骨都炸得好脆 食唔到好厚炸粉 反而係面同肉之間係有d煙un 好特別 d肉亦唔會係正係得醃料味 仲有半隻蛋 同d酸菜 酸青瓜 加埋一齊 好味需然系叫便當 其實只係一碗飯 不要expect系好似日式便當 有好多野2. 炸墨魚丸呢樣好難會整得難食既 都係一樣出面個層炸得比較特別3. 唔知什麼辣油燙菜 唔記得了個人都喜歡吃 可以從相睇到一d都唔油 清淡得黎 有d辣油味 如果不是口味重的人可以一試這件餐廳🍴

之前已經去過一次真台客食飯，今次想試埋佢嘅紅燒牛肉麵！牛肉麵賣相唔差wor，望落d湯好似都幾清，算係多蘿蔔同埋牛肉！個麵食落真係幾有台灣味道，牛肉炆到入晒味又夠淋身，蘿蔔都夠淋同埋有甜味。至於麵質都係似台灣食到嘅牛肉麵，麵條係比較粗身嘅，加埋佢個湯，真係有d台灣feel wor！另外仲叫左個台式魯肉飯，飯我覺得油左少少，牛肉麵相對上反而比較清。最後仲叫左個蚵仔煎。其實佢嘅飯麵碟頭都唔細，係食到已經差唔多飽嘅情況下食都覺得個蚵仔煎唔錯，如果肚餓d嘅時候食應該會再覺得好食d！佢個蚵仔煎同台灣食嘅有少少唔同，佢有菜放喺下面，感覺上無咁油膩。下次再嚟要諗下再試咩新野先！

雖然椅子有點硬，但環境幾舒服，播著五月天嘅歌令人心情好左。真台客紅燒牛肉麵 $60嘩！份量大得好誇張，有五大塊紅燒牛肉！肉質稔而且入味，配料有酸茶、生菜、紅蘿蔔。湯好濃味，但有一層紅油浮喺面，食落有少少辣。麵底係類似烏冬嘅白粗麵。台式蛋餅 $32好掛住台灣嘅早餐蛋餅，一定要點肉鬆！都幾足料，煎得金黃，外皮脆脆的。其實已經好夠味，點埋豉油太咸。鹽酥雞甜不辣 下午茶餐 $45鹽酥雞炸得乾身，好脆，唔會覺得油，缺點係勁咸！甜不辣味道適中，型狀可愛，口質好QQ。茉香奶茶加珍珠 $3 加熱再加$3加熱要加3蚊有D 奇怪，重點係杯茉香奶茶係微溫，而且勁甜。珍珠係好味嘅，軟度剛好。

一個飯一個麵一百一十蚊：1. 食品衛生差，一黎個污糟洗澡呀姐戴藍色滴水清潔手套收單，水滴曬係d筷子度，熟視無睹，可見員工基礎質素同衛生意識！！！2. 服務態度差，繼以上狀況要求更換筷子，(服務員姐姐明明識講廣東話)卻比個碗我！！！3. 食物質素差，有無見過台灣嘢有大家樂炸鱈魚柳？！仲要係得窿左噶三條仔？！有無見過滷肉汁清過豉油？！有無見過台灣面用上海麵？！仲要清湯魚蛋粉味？！由於對住個廚房位睇住佢整，除左雞係現場炸噶，其他客果d蚵仔煎呀、枝豆呀、豆腐呀都係微波爐叮噶，認真有誠意？！4. 唔知係好彩定唔好彩，就餐時間半個鐘，出現店員四個，無一個係台灣人！面皮仲厚過鹽酥雞d粉漿呀！綜上所述，個“真”台客，真係好“真”囖！除左裝修新淨地方闊落呃得下人，乏善可陳！(嬲嬲係男朋友叫比噶)

太耐無去台灣，等唔到去台灣旅行，走左去呢間真台客止下痕先！叫左個香酥排骨便當同埋雞扒便當。雞扒同埋排骨都好大塊，兩塊都係炸野所以好熱氣，不過食得台灣野都預左！雞扒同排骨都係薄身，炸到好脆，入面又唔會太乾，唔錯。下面個飯係有少少肉燥，下面仲有酸瓜同埋酸菜，非常適合配飯食，而且仲有半隻滷水蛋，份量都幾多，所以最後都係淨左d飯！另外叫左個主廚皮蛋豆腐，同平時食開嘅有d唔一樣。佢側面配左蕃茄，而且佢又唔係配醬油膏，味道都可以，但係我都係鍾意傳統嘅皮蛋豆腐多d！飲品叫檸檬椰果碟豆花，叫野食可以加$14。碟豆花嘅顏色好靚，好迷幻！底下有好多椰果，但係只係俾枝飲管我所以剩左好多椰果喺底！如果想食台灣野可以試下呢間，都幾有台味！