真台客

營業中

休息中

幾次買糖水時經過，已被真台客既鋪面裝修吸引。簡潔、文青風既外表，充滿濃濃台灣風。星期五晚，8點左右，店內高朋滿座。好彩，等咗五分鐘，已經有位。見到餐牌，有散叫，有套餐。價錢實惠。套餐包一份魯肉飯/大雞排/冬瓜茶，都係$75。最初仲擔心魯肉飯（小）會唔夠食，但食落原來堅飽。同老公叫咗個套餐加一碗小魯肉飯，都食唔晒。味道好台灣風，簡單黎講，好味道！店員、老板無停手，勤快，收碗時都不忘問問客人味道如何，可見佢地注重客人意見既態度。搵日會再去食。

這間藏於小巷的真台客，不是元朗街坊的話，只會是剛巧經過才會發現。"真"台客是因為老闆是台灣人，整個店從裝修，餐單到食物，也充滿了台味。滿滿的台灣人簡約，台灣人誠意。店家有供應套餐，約六十多元一份，主要是湯面，雞排小食，台式飲品之類，不過本人獨愛大雞排便當($48)配肧芽奶茶($15)，雖然没有套餐，單點的也不太貴。一直以來也不知道為什麼元朗的食店午餐價格比市區還貴，你們知道原因嗎? 這一餐$63的午餐，以身在元朗區來說，價錢是一般的水平，最重要是看我們可以吃得到什麼水平的東西。 大雞排便當的鹽酥雞排真的很大，跟豪大大那些賣大雞排的小食店差不多，味道也不錯，也炸得鬆脆，比豪大大類的店少了一些味精的調味，感覺比較健康。老闆有一貫台灣人的細心，除了雞排外，伴飯的還有鹵蛋，鹵豆乾，鹵肉(味道很好, 上次可以試試她的鹵肉飯)，小量蔬菜及腌菜，讓客人吃得飽飽滿足的。這家店在香港少有的配料比飯還多，就好像是點了一個台式併盤一樣，邊吃邊飲著台式飲料，以為自己去台灣夜市逛了一圏。飲品選了肧芽奶茶，水準跟市面上的幾間出色的台式飲品店差不多，價錢也差不多。肧芽奶茶一直是我的台式飲料次選，而我的第一位是苿香奶

入元朗搵食對於揸車人士嚟講係較難搵車位，好彩搵到位泊個肚已經偏咗，即刻去搵食，眼見有間台灣餐廳門口裝修都ok，就諗都唔諗行入去坐，裝修都幾好就當然要叫嘢食，佢哋點餐好似台灣咁自己畫，餐有set好嘅又有散叫，我哋揀set夠放便麻，我叫個撈麵勁多麻醬老公就叫個魯肉飯味道都ok係個肉唔夠多肥豬肉都好夠健康，仲配小食個炸雞扒都算大塊仲熱辣辣仲好juicy，雞翼就普通咗D，佢杯麥紅茶勁香麥味，我就飲冬瓜茶夠香甜，下次我要試埋其他台灣小食先得

真台客一開張，我已經被她一絲不苟的食物吸引住，鹽酥炸雞香口不油膩，牛肉麵湯頭一流，客飯的酸菜不是一般餐廳可以食到的，淡淡的香醋，甜甜的滋味，台灣來的妹妹，很有熱誠，最重要的是食飽但肚不脹。這兩次再去，見不到台灣妹妹，也見不到台灣老師傅，只見到香港肥妹，廚房內只有一個香港肥仔同水吧似的姐姐，造岀來的鹽酥雞很油很多粉，牛肉麵很蘇沒有層次的鹹味，喝了湯會口渴，酸菜用的醋像用最普通的中國白醋醃制似的，只有酸，台灣臭豆腐很乾，柯仔煎沒有了誠意，放入口就知沒有了靈魂。我問他們，是否頂了手，完全的變差了。他們只係講唔好意思，會同老細反映。很失望，沒有了台灣味，沒有了真誠，還能叫真台客？柯仔煎的菜相就係咁。

朋友介紹話依間食台灣嘢唔錯, 就專登來試下~入到去環境都ok, 我地2個人拎住好多野就揀左張靠牆的位左, 因為可以放哂d野係張長凳上~不過個職員即刻走埋來問可唔可以搭枱同人坐。。。但係當時都無人等位,仲要有張4人枱係吉囉😑所以我地無理個職員~我同朋友點左個魯肉飯餐跟鹽酥雞+冬瓜茶, 另外再叫個肉燥擔仔麵及珍珠奶茶。魯肉飯d魯肉切成條, 同出面食有d唔同, 味道不過不失, 不過魯肉唔夠多~鹽酥雞夠脆口, 味粉份量恰當~味道唔錯, 配埋杯冬瓜茶解解膩~剛剛好肉燥擔仔麵有蝦同貢丸, 份量唔算多, 不過點解個麵係無湯嘅~以為自己叫左撈麵。。。。珍珠奶茶, 朋友話奶多個茶, 茶味唔夠濃~以食台灣菜來講價錢唔算貴, 不過就無咩驚喜~

Weekday諗住無咁多人可以試下，點知坐低一陣已經full曬，太多人無影環境相。店內簡單舒服，位置亦算闊落。午餐沒有牛肉麵，揀左散叫。講真第一下見到碗麵覺得好油，但食落又ok, 而且個湯好濃好香，唯一係個麵真係太少麵！呢個價錢好d唔抵。炸雞扒，邊位肉比較薄，粉有d厚。但中間就好鬆脆好有肉汁，但味道有點過咸。整體是不錯的。其間由於太忙沒有侍應過黎，廚師見到我想搵人就有禮地示意佢知道，即刻叫侍應過黎。雖然好忙，但佢地都好有禮貌。

去到元朗諗下食乜好呢？行到見到真台客，好似都出名架wo,6點幾都見到幾多人丫，就去試下。入去安排我地坐低，等比menu......等左幾分鐘。。。無反應？？？再傾一陣計。。。都無人？？？幾個server唔算太忙，都專心望住樓面。。。但無人比menu我。。。對望一陣。。仍然無意會到。。。唯有開口。。。後來見幾枱都有呢個情況，可見待應妹妹欠左d主動意識，要少少training餐牌係點餐紙，但又有十幾款野寫係牆上。。？但又無位寫落去。。。變相令人手無法籍此減少。餐牌設計都有問題。。。例如有雞腿便當，但小食無雞腿。。令小食無乜選擇。。客人無得揀，佢又賺少左講返食物，個魯肉飯米都ok,但太少汁太乾，肉燥切條但太瘦，魯肉飯要有返咁上下汁，再配返肉燥少少肥但煮到有少少熔化，至配合到個飯，呢度令我食到只有飯還食，肉燥還肉燥，仲要口都乾。。。。真的不合格真台客芝麻涼面，叫得真台客即係代表作，點知真失敗，簡簡單單只有面，麻醬，蛋同青瓜絲其實已經可以好正，可惜面太淋無左彈性，又無索乾水，結果麻醬水汪汪，成個面無乜味！××蚵仔面線個湯底應該再杰d，有返d味。呢度太淡太稀，蚵仔又無味又霉。。。食到3分2飲品至到

夜晚8點到入座尚有位置內裡寬敞裝修簡單個人覺得是元朗較為有風味平民價錢嘅台式美食店蚵仔煎特有台灣嘅味道魯肉飯、魚丸湯同香芋奶茶都是不錯嘅選擇小店主廚是台灣人(特別有禮)加一個樓面女侍應人手唔多嘅關係 上菜會較為慢但菜式質素就不錯兩個人叫左一款乾麵套餐一碗魯肉飯一個蚵仔煎一杯香芋奶魯肉飯(大)配滷蛋+香腸$38台灣著名嘅特色菜式豬肉丁飯淋上含有煮熟碎較肥嘅豬肉丁肉質嫩滑 口感豐富可口配有醬油滷汁的白飯、滷蛋及香腸足料配搭！味道不錯！推介！蚵仔煎$42粉漿表面煎得又酥又脆內裡質地黏糊般外酥內軟 特別有台灣的味道咬落去口感煙韌 好有彈口而且蚵仔份量都ok配上酸甜辣醬 超好味！必食推介！香芋奶茶$15味道ok甜度剛剛好個人覺得不是香港珍珠奶茶的影子味道！台式乾麵套餐$74有一款乾麵+一款小食+一款湯/飲品乾麵5款選1款：台式麻醬麵/台式黑芝麻醬/台式炸醬麵/真台客芝麻涼麵/黑胡椒蘑菇麵配1款小食：台灣甜不辣/滷水雞中翼/台灣滷百葉豆腐配1款湯或飲品：(指示款式 冇得轉其他飲品)古早味冬瓜茶/古早味麥香紅茶/或加$6選擇台灣貢丸湯/台灣魚丸湯最後選擇左台式麻醬麵暖暖的乾麵配上甘甘的麻醬一般味道！

佢有套餐亦都有散叫，因為想飲珍珠奶茶，所以有問店員套餐飲品有冇得轉，佢話唔得，我話咁我想要入邊餐既嘢食(麵+豆腐)(因為Menu無)所以一開始已經表明我係吾要入邊杯飲品只可以散叫杯珍珠奶茶到最後佢幫我落單照落左個套餐OK如果所有野都冇得散叫我接受最後叫咗個滷肉飯套餐($74)同台式乾面套餐($68)仲有單叫一杯珍珠奶茶($15)滷肉飯套餐係冇問題嘅台式乾麵套餐點既係麻醬麵(單叫$28)同埋滷豆腐(單叫＄28)飲品係落單前已經表明唔需要食到一半抬頭望到上面黑板寫住一啲推介食物同價錢點知!!!!原來麻醬麵同滷豆腐有得散叫同個侍應（戴口罩嘅女人)反影點解明明有得散叫 但你要同我落套餐(因為我講明我淨係要個面同豆腐，唔要套餐)佢仲同我講講咗套餐冇得轉飲品 ，落左單冇㗎啦我明明就係話唔要套餐嬲到我呢仲要同我講 比番杯嘢飲你囉反正你要唔要都係咁嘅價錢 嘩!真係呢!! 我唔係介意貴左10幾蚊，買杯嘢飲買杯雪糕,甚至返工一程車都已經貴過依個價!!最介意係點解要呃我10幾蚊唔係比吾起只係我覺得比得唔值做生意做到咁下次真係請我都唔會去好差!!!!!!!

無特別既台灣擔仔麵 ，無乜味道而家面痴到一餅餅咁+油油無味既粟米蛋餅。無乜台味，只有操國語的老細 。就好似我係國外做飲食，然後話自己香港地道美食一樣。（其實我識鬼煮咩）

見有報導介紹新開的台式小店於是約朋友到這裡吃午餐我點了魯肉飯香味不及台灣吃的可能廚師想食客吃得較健康沒有選用太多肥肉部份還有鹽酥雞, 不是太脆口, 不會太熱氣但仍是不錯的小吃

元朗區, 小小一個地方, 真係奇蹟處處, 特別係"食"呢方面, 每逢星期六日, 公眾假期, 湧入去元朗搵好野食都可以令整個元朗大塞車的,慕名而來的人, 各有各精彩, 有些為買老婆餅, 為吃客家菜, 有的更只為一碗涼粉, 一份雞翼尖而來,就以"台灣菜"來講, 至今印象中都起碼有十多間(或者更多),試問那個小區可以承受到那麼多家台式餐廳呢 ? 汰弱留強可能是其中一個可行性吧 !誤入了這家看似"台味"很濃的店, 老闆及後台員工都很台味, 但可能因為太台味,似乎不太能夠接受到香港的步伐, 出餐很慢, 朋友的餐吃完啦, 但我的東西仍然未出來, 要朋友乾坐著的等我挺不好意思的,二人點了, 鹽酥雞便當 + 香酥排骨麵  + 凍朱古力 + 綠茶多多  + （小食）鹽酥雞 併 四季豆 = $142我曾經在台灣工作了一段時間, 作為一個"鹽酥控"來講, 食後表示，鹽酥四季豆 / 鹽酥雞 只是剛剛好合格,跟真台味仍有很大的改進空間, 而飲品方面, 亦只屬於台灣五十嵐或以下的級別, 而且如果出餐時間都掌控不好, 加上在元朗午餐收這個價錢的話, 在元朗恐怕要面對很大的競爭了.

食飽飯好想食芋圓紅豆湯做底朋友說好有9份的感覺呢☺️☺️☺️☺️芋圓幾好咬唔會太粉太硬☺️紅豆夠軟身😎 overall 8/10分😼甜度合適😁😁 不錯的飯後甜品成為$28蚊💡

我發覺我真係好鍾意食牛肉麵，甚至有個心願係食晒全香港嘅台灣牛肉麵，住元朗嘅我，就當然要去真台客試下啦，聽聞e間野係真係台灣人打理嘅，心唸唔知會唔會真係食得出係台灣食嘅味道呢！?心動就不如行動啦！出發.....咁坐低左，望下佢個餐牌，菜式都唔少呀！有常見嘅夜市小食，例如大腸包小腸，滷味併盤等，另外有飯有麵，有魯肉飯及其他的麵等，但係其實我心中已經心有所屬，最後我都係選擇左紅燒牛肉麵再加多杯烏梅紅茶。係等待途中，我就周圍望下d裝修啦，牆上主要都係以一d台灣主題風景畫來裝修，枱櫈都係以木材料來擺設。好啦，麵到啦，賣相都唔錯，顏色都可以，另外佢係有跟埋d酸菜係入面，咁我就試下啖湯先，湯係夠熱嘅，見到面果層油都知道佢係真係自己煲啦，但係飲落去就有小小甜同小小辣，我相信甜味係d酸菜出黎，而辣味就後加嘅，反而就無咩牛味同埋藥材味，到麵啦，講真，d麵條一d都唔彈牙，感覺上係似上海麵，麻麻地。牛肉就真係炆得夠林，坦白講，成碗麵評分真係唔高。烏梅紅茶，邊野幾好飲，梅味夠出，而且你係好明確咁飲到茶味。埋單$72,有機會都會再黎呀！

聽聞真台客係有台灣人處理，所以就去咗覓食，佢嘅價錢其實相比起台灣賣都貴左一倍，但係係香港食到有質素嘅台灣菜仲有夜市小食嘅風味真係好難得。佢嘅小食拼盤有鹽酥雞、炸米血、四季豆同埋杏包菇訓兩三個人食都好足夠。炸米血好香好好食唔會覺得好腥，真係有種喺台灣食嘅感覺，不過美中不足嘅係佢冇花生糖份去點。另外仲叫咗佢嘅蚵仔煎，我仔份量好多二番薯粉煎得啱啱好，香脆嘅邊邊二入邊係好原來有啲似糯米糍嘅感覺，不過個辣醬就稍為同台灣有啲唔同。整體水準都算唔錯！