真味鮮廚

營業中

休息中

呢間食左好多年，以往晚市都要成日等位，算係因為大件夾抵食，今晚同屋企人出黎點左羊腩煲、大瀨尿蝦、牛柳，另外老公帶左支酒黎開，仲要冇收我地開瓶費，雖然疫情下呢度人流冇之前咁多，唔洗等位，但都坐左7-8成人。

聞名已久，朋友們亦常推薦，但苦無機會幫襯，終於，朋友訂到枱喇到達時，門外已經見人龍，好彩有訂位，入到店內，鬧哄哄的，人山人海，大家都似是為一個目標嚟....阿拉斯加大蟹適逢有promotion ，$148一斤，㨂左隻七斤重的，果然，斤両十足，蟹膏好多，好creamy，好醇厚，香滑可口，蟹啖啖肉，肉質結實彈牙，味道鮮美無比，用手撕下蟹肉，用手進食，手指都lam埋....真係好味到停唔到口呀！食得好有滿足感，短期內再嚟過架！

又有同事退休了，多年共事，點都要到賀一下。共訂3圍，因個全包宴的價錢無得包房，雖然都在房間內，但超貼的隔離都要放多3張細枱招呼客人坐。基本上以此價格，全包宴有包埋飲品，星期一至四最抵，星期五貴$200，但也不用$1800一圍，算大件夾抵食。味道都唔差，唯獨招呼就較差，地方十分擠迫，包括侍應都非常噪雜，所以快快吃完便快快走了。鴻運喜慶乳豬件蒜蓉粉絲蒸波士頓龍蝦西蘭花帶子炒蚌柳泰式海苔炸蝦餅，彈牙爽口。濃湯花膠煲螺頭，湯一啖和花膠一起吃了，餘下湯渣也不少。私房欖豉蒸龍躉斑浸時菜脆皮醬燒雞健康田園炒飯歡樂大蟠桃，超大隻，白蓮蓉很滑，但沒有蛋黃的。

一行五人小組聚會，大家都想吃長腳蟹，於是乎拉隊入座。環境也算寬躺，光猛舒服，設有卡位，相當體貼。 服務不錯，平日去吃全場滿座，如果想吃，訂位會穩陣好多。我們點了一個六人套餐，真的不貴。 套餐包一隻4斤重的亞拉斯加長腳蟹、生蝦、蜆、雞、龍躉、豬肉片和蔬菜。 海鮮類非常新鮮，要讚，其他的亦不錯。 六人餐份量亦大份，好夠食。由於自己很喜歡吃蟹，一定搵腳再去！

坑口都冇乜幾間飲茶好食，唯獨呢一間我覺得真心唔錯，啲嘢食好似即叫即整咁～尤其是係炸嘅嘢食🥰.....新鮮滾熱辣真係好好食～～平時去啲酒樓都係好似炸左好耐，攞俾你食咁...呢間今日我叫所有炸嘅嘢食都係新鮮滾熱辣渣出嚟嘅👍🏻👍🏻👍🏻

原本想訂19:00食飯，但話唔得，要18:00~20:00，心諗，咁早有無咁Full. 準時去到，真係有咁Full。 嚟呢到最想食個長腳蟹，睇下個餐牌，好似要個餐抵D，所以，就叫咗個套。 估唔到佢d野食咁大份，長腳蟹啖啖肉，乳豬又大隻又脆，D湯又足料，個蝦餅成個包咁大，仲有D冬同飽魚都好大隻，食一件等於食兩件。 大家食到第4，5度菜都停曬手。 總括嚟講都唔錯，咁嘅價錢咁嘅份量，味道合格。 值得再食!

位於坑口算是一間性價比比較高的中式酒家，點心多樣化！每次必叫這個米網腸，里面包蝦仁中間再加一層脆脆的米網，外面用滑溜溜的腸粉包著，一口可以享受三種不同的口感！紅棗糕也是很好吃，，口感煙煙韌韌，鮮魷蒸粉絲的鮮魷比較爽脆，而粉絲就吸引了鮮魷的鮮味，感覺粉絲比較好吃😋

又係一家人出去食飯的日子👨‍👩‍👧‍👧 去中式餐廳叫套餐就最方便🤣 唔洗諗又乜都有啲🤪.全包宴套餐 - 6位 HKD988招牌燒鵝皇 - 半隻上湯焗波士頓龍蝦🦞伊麵翡翠炒螺片私房欖豉蒸龍躉斑金瑤扒荳苗冬菇海參燉雞肉豬肉湯.古法羊腩煲配唐生菜🥬 HKD188；不專業評級：5/10味道偏甜 有淡淡藥材味🙈 羊腩好碎 骨多肉少🤨 同屯門至尊小炒皇既羊腩煲無得比🤷🏻‍♀️ 南乳醬就咸到一個頂點😰 食完會懷疑自己會有腎病.推薦度：🌕🌕🌕🌕🌕🌗（滿分十分）

今年提早一星期食母親節飯，三天前仍book 到"母親節全包宴", 因為得9人，我地揀左頌慈宴。提早落訂，仲可以全單減$100。驚唔夠食，所以叫多左個叉燒例牌，不過不失，個人鐘意食肥dd, 呢個偏瘦，我覺得乾左d,但其他屋企人覺得味道不錯。黃金蟹肉蝦球伊麵賣相吸引，但味道失色左d, 伊麵好"淋", 個sauce 只有咸味，非常普通。燒鵝皇半隻都是可接受的水準，唔會特登來食燒鵝，有油香，不過都係偏乾身。翡翠炒龍躉球呢道菜出奇地岩食，味道算不錯，魚骨少，食落啖啖肉，岩送飯食。西蘭花帶子炒螺片都係好味ge, 份量夠，西蘭花夠"淋" 。席間仲有陳皮蒸龍躉 & 花膠湯，因為掛住食所以無影相，兩道菜都值得一試，尤其是個湯，好濃，感覺好足料去煲，唔覺得重味精。最後就係蟠桃包，小朋友至愛，成餐飯都係等佢ga ja。蓮蓉足份量，不過可惜無咸蛋黃🤣服務：部長，傳菜都好忙，未必可以即時見到你，不過係好有禮貌的。上菜非常快，叫上菜15分鐘內上左6道，不過節日的全包宴都預左快快食完就要走。我地因為9人，比原訂的8人餐多一位，就收多左一個人的茶介&加一。總括而言，呢個價錢的食物質素&服務我認為在合理水平，因為有食過

是日上午開會，老闆中午設宴款待各同事，所以今日有免費午餐吃，在真味訂左2圍。8餸1湯，$1598/圍，都幾抵食。有乳豬全體、蝦球伊麵、帶子炒花枝、清蒸雙班、燒鵝王、陳皮蒸鮑魚、絲瓜浸魚腐、花膠雞腳螺頭湯、特大壽包。乳豬、燒鵝一向都係真味拿手之作，雖然今次兩樣都有啲肥左少少，但乳豬仍然鬆化，皮脆肉嫩，燒鵝依舊甘香。而蝦球伊麵啲蝦又大又爽口，啲麵吸收左蝦汁仲好味道。帶子炒花枝雖然清清地但夠晒大碟。蒸雙班雖然細條啲，但比蒸一大條魚滑得多。鮑魚就好香陳皮味，爽脆彈牙。花膠湯每人都有2-3舊花膠仔同螺頭，算落足料。絲瓜魚腐就一般啦，因為已經飽，無乜點食。最後仲有特大壽包，吃埋大滿足。

每逢家人生日，多數都會揀去食真味既火鍋，近地鐵站得來質素都👌🏻今次黎食又係為了慶生，咁岩撞正星期六，所以一早打去book位，接聽既侍應指因為周末，所以係限時，限左兩個時段，6-8/8:30，普通湯底火鍋同蒸氣火鍋都有試過，偏愛蒸氣火鍋，食物蒸出來的味道同質感較普通火鍋鮮同嫩，而且一鍋一鍋咁蒸亦唔會好似湯底火鍋咁浸到淋哂一早計劃好要食長腳蟹，所以坐低之後直接去番門口魚缸揀蟹最後係侍應的幫忙下揀左佢😍—差不多4公斤重（一千頭左右揀完之後，再次登場！蟹殻係超級多蟹膏！ 好大隻長腳蟹😆一個關節位=2/3筷子大大啖蟹肉食得好爽！蒸出來係非常鮮另外今次冇加粥底（因為上次飽到食唔落，感覺唔係必要鱆紅魚刺身（半條）今次菜單上面雖然冇寫，但問完侍應話都可以叫半條。個人覺得半條既份量已經好夠，五個人食都好足。但今次既刺身冇上次切得薄，口感稍退，冇左入口即溶既感覺，亦冇上次咁鮮😢蝦、蝦、蝦！而且係活蝦！上台之後仲係生猛既，所以係好鮮既鮮蝦😃蝦+安格斯牛可以組成一個小套餐，計番好抵！一登場係幾令既擺碟，但相都影唔切就有人貪食開蒸🤣牛肉既肉味濃郁，口感嫩而不”un”，最重要係⋯快熟！好快就食得蠔！蒸完唔會縮水！

在坑口來說，真味鮮廚算是一個不錯的飲茶好選擇，點心的水準穩定，等位方面亦算快，但必須說，這裡的茶葉真的很不濟，如果對於茶葉要求比較高的朋友就要留意一下了。基本上點心種類大同小異，點心款式算多，亦「揀得落手」。鮮蝦豆苗餃、黑金流沙包、香茜腸粉個人比較推薦豆苗餃，雖然外皮不算薄，但仍然看出裡面包著的豆苗餡，啖啖新鮮的豆苗，味道清爽！黑金流沙包外表看起來一流，流沙效果還是妥妥的。腸粉外皮滑潤，但並不屬於薄皮。餡料方面，食過好幾次腸粉也是偏少。XO醬煎腸粉這款XO醬煎腸粉深的我們心，夠香又惹味。除了底部的腸粉比較油以外，沒什麼好挑剔了。蟹籽燒賣皇、蟹粉小籠包燒賣加入了肥豬肉、冬菇，鮮蝦，表面加上蟹籽作點綴，燒賣大大粒，有口感。上次心血來潮叫了一籠小籠包，上菜那一刻就知道不對勁了，小籠包外表不飽滿，看起來更是萎縮了，基本上沒什麼湯汁，只怪自己一時糊塗，好端端的為啥點小籠包呢？其實，這裡並不是所有點心都好食，只不過在香港飲茶，其實大抵如此吧，主要是一家人聚在一起，但求飲茶地點就腳，水準又穩定罷了。

因為今年新年會唔喺香港過，所以提早同屋企人一齊食團年飯。唔想喺屋企自己煮咁辛苦，諗起之前食過真味鮮廚啲海鮮幾好，就決定今晚黎呢度食啦😊上湯開邊焗本地龍蝦兩隻跟伊麵($428/套餐) :龍蝦好新鮮好彈牙，仲啖啖都係肉😍😍濃湯花膠泡翡翠(跟套餐):花膠好淋同好薄，唔係好食到花膠味，但係啲白菜仔分量好多😆XO醬蝦球炒帶子($138): 有5粒帶子，4粒蝦同大量西芹，可惜我唔食西芹😂😂 啲蝦好大隻好彈牙，但係食落冇蝦味;帶子都算大隻，同埋有鮮味👍🏻上次喺富臨食過有史以來最難食嘅龍蝦，真係諗起都驚🙈🙈今次食完真味鮮廚嘅龍蝦之後，我應該都唔會去其他茶樓食啦😆因為今次真係好好食✌🏻✌🏻

冬至快到，提早和朋友飯聚，因要就朋友小孩們，所以選了她家附近這間真味鮮廚，原來是海港旗下。一行十人叫左套餐再点幾個小菜，非常豐富，尤其招牌燒鵝皇，肉嫩多汁。瑶柱又多，味道不馬虎。

咁岩係坑口到行街，住係果頭既friend就推薦左我食尼間酒樓，作為雞煲愛好者既我，就即時二話不說入左去尼間酒樓食！一入到去，望到雞煲既價錢真係好抵，88蚊咋！冇錯，係88蚊！本身以為個雞煲會係好細份，點知一上菜，竟然係成個鍋咁大，d雞煮多10分鐘後，已經好香，忍唔住食入口，真係幾好食，再加埋煮好左既洋蔥，真係好入味又好甜。除左雞煲，仲叫左碟肥牛尼食，牛肉唔會好瘦，食得過架，仲有蝦滑都唔錯我諗下次我會再尼食，等再冬d既時候