真味鮮廚

營業中

休息中

同家人晚飯，叫咗幾個小菜，叫咗條兩斤龍躉，條魚無魚味，仲要連豉油都無乜味，燒鵝就咸到必須叫白飯先食到，咸到要同無味嗰啲魚一齊食。最恐怖係個發財蠔豉，完全同張相唔同，同個身形健碩嘅金頭經理講佢仲唔理，一句都唔講行咗去，個傳菜員先好熟練地講咗一句，張相參巧用嘅，大佬，差好遠下喎，參巧啲乜，啲料薄唔緊要，髮菜少到似汁上啲麻油咁多，條朱脷薄到，係你都比多啲菜係底啦。最正常係咕嚕肉，叫做最正常，其他得碗白飯最好味。

下午茶時段， 大約等15分鐘就可以入座。 入到去發現原來都幾多位😆， 不過還被安排了搭枱🤔。 點了七款點心， 鳳爪排骨飯$15.8、 鮮竹牛肉球$15.8、 養顏紅棗糕$15.8、 蟹籽燒賣皇$20.8、 沙律明蝦角$24.8、 翡翠蝦餃皇$24.8、 鮑魚罐湯餃$32.8。 每款點心都正常發揮😊， 我比較喜歡蟹籽燒賣皇， 口感紮實， 肉質新鮮。 兩位埋單大約$188， 經過都可以一試。 🏷️溫馨提示～ 整個用餐體驗均屬個人分享意見， 只作參考😊。     真味鮮廚地址: 將軍澳培成路18號海悅豪園商場地下10號

今日同肥妹仔經過坑口突然間好想食小菜但係附近又冇乜好選擇所以經過真味就一於入去試吓原來佢係海港旗下所以質素都唔會差得去邊黑椒豬手煲原隻上非常大隻肉炆到好淋但係皮依然好脆卜卜加埋佢個黑椒汁好惹味用煲上熱辣辣小炒王非常出色佢入面有原條魷魚鬚仲有啲燒肉整體來講好豐富加埋好有鑊氣味道同口感都好有層次呢個下次嚟都會再叫呢個欖角骨調味非常之好而且排骨炸得好脆口醬汁啱啱好掛咗上去拎嚟送酒一流今次嚟食小菜非常滿足而且坐得幾舒服會繼續嚟幫襯

入去坐低先發現係海港集團旗下。不過侍應帶咗去近門口嗰幾列間哂辧公室partition咁高、仲要最尾嘅邊位卡座，私隱度夠又減噪音，認真抵讚，所以成餐打邊爐都食得輕輕鬆鬆唔駛左顧右盼：唔駛顧慮椅背有路人要郁凳就位；唔駛顧盧卡位背面另一卡位大力挨落背板嘅碰撞滋擾；亦唔駛慎防有小孩企上卡座伸頭嚟連環同你哈囉幾十次而你唔應佢有機會俾人放上網公審話你蝦細路冇禮貌……因為塊間隔板超高之餘亦夠實淨。唯一係另一側門，會間中有輪椅客進出而交換舖外股熱氣，且呢邊空調亦未夠威力。雖然坐到發配邊疆，但侍應到時到候過嚟招呼，手腳俐落。打邊邊嚟講有兩粒半鐘食，足夠。另一意外係啲海鮮好捱得，即係好鱻。碟串蝦嚟到俾竹簽插住一般都死咗八九成，啲腳居然可以45分鐘後都仲郁緊；沙白蜆又係放咗成個鐘都伸啲肉出嚟啜碟底啲水氹。台灣鴨血係冇加麻辣，如要有呢個效果，建議出去大廳醬料吧，搵碗貌似南瓜蓉嘅醬，實則係海南島特產嘅黃燈籠椒醬，俾平時血紅嘅辣椒醬更辣到嘔……我就係一時中伏，以為係溫和嘅南瓜蓉，結果點少少都辣到飛起！成粒話梅皺忟忟咁款嘅魚腐估唔到幾好食，烚耐咗繼續皺皮但冇淡味。

等待上菜嘅時候可以先去出面攞啲四喜烤麩同埋白雲鳳爪，前者香甜多汁，後者凍冰冰清新開胃。配搭啤酒🍺一流。刺身拼盤雖然係一次性，但係份量好多，質素高，同時又無令人覺得有唔夠喉嘅感覺。雞煲香味撲鼻，無論視覺嗅覺都得到享受。炒完嘅雞肉香辣味滲入每寸雞肉，入口滑嫩惹味，完全令人停唔到口。另外出面嘅雞煲火鍋一般係食完雞煲之後就直接將湯倒落雞煲到，但係呢一度係分開嘅。食完雞煲之後可以再選擇湯底，之後服務員會幫忙端上全新嘅一兜湯底，變相冇咁油膩肥膩，湯底相對清新，值得一讚。海鮮盤非常iGable，龍蝦蝦肉晶瑩剔透，煮完之後就雪白彈牙，非常誘人。龍躉魚片質地厚實，平時喺街市買都好貴，呢度就大大方方大大件咁切比客人。鵝腸洗得好乾淨，對面冇乜脂肪，爽口，亦冇內臟嘅腥味，輕輕一煮，加少少醬油就係人間美食。*值得留意嘅係，呢度係無限時任食，呢一點對於我呢啲食嘢食得好慢嘅人黎講真係好正，唔使趕急，可以好好享受食物。

真味鮮廚👩🏻‍🍳蒸海鮮大餐♨️🦞🦀🦐🐟🦞🦀🦐🐟蒸氣爐♨️ ♨️海鮮只要夠新鮮只要簡單天然調味已經好正😆👍🏻甚至不需要什麼調味都好鮮味😋4人龍蝦鮑魚蒸鍋餐🦞$1180包一渣鮮榨橙汁🍊共11道餸+南瓜排骨粥底🎃南瓜粥無敵鮮甜❗加少少鹽就十分滋味啦😋樣樣都好好食 難分高下❗最最最推介:1⃣🦞🦐龍蝦、海蝦上枱時仍然好生猛😮龍蝦有蒜蓉調味 超多膏😮好厚肉好大隻好彈牙好鮮甜👍🏻👍🏻2⃣鮑魚︰清潔得相當乾淨沒任何調味都好鮮甜好彈牙👍🏻👍🏻3⃣🐮安格斯肥牛︰沒想到沒任何調味，就咁放上去蒸都可以好好味😋👍🏻必試👍🏻

坑口其實都有唔少嘅茶樓，不過屋企人偏偏最鍾意就係黎真味飲茶🤣🤣話因為佢嘅座位坐得舒服，同埋啲茶係比較好飲嘅～我哋次次嚟都會叫普洱茶，濃得黎又唔會覺得苦，真係幾好飲👍👍同埋屋企人係超級鍾意食呢度嘅叉燒點心，例如係叉燒腸同埋叉燒包，佢嘅叉燒腸皮整得好滑，入面嘅叉燒亦都好足料，咬落去真係啖啖肉㗎🤣叉燒包嘅將亦都整得好好，包唔會蒸到外皮好濕，入面嘅叉燒醬又唔會太甜，好平均👍價錢方面又唔算特別貴，所以都難怪咁多人排隊🤣

員工之間冇溝通，超級混亂！早幾日已經一早book咗今晚6:00（食第一輪晚上6:00-8:00，即8:00前要交枱）4位。因為打電話去訂位嘅時候，問定佢地有冇阿拉斯加長腳蟹，職員話有好多隻，hold定一隻比我，仲話可以自己去魚缸揀添！一心諗住媽媽生日，可以氹下媽媽開心！所以5:55已經入坐，差唔多係酒樓頭幾張枱嘅客。侍應話可以走去魚缸揀長腳蟹，初初話叫我地就甘去魚缺邊，同同事講幾多號枱就得。點知後來我同爸爸去都爸爸去到魚缺位，又話要帶枱卡，我又行返去拿。我爸爸一直企係魚缸邊等、之後有幾個客走過黎魚缺邊企喺我哋隔離，但好搞笑，洒家個員工一直係魚缺度捉左三隻長腳蟹，各放落三個桶就走咗去。完全冇理會我哋！我唯有問收銀職員（收銀櫃檯正正對住魚缺）係咪喺度等？收銀員工話「會叫同事出黎，企係度等得架啦！」當等左陣個職員真係返來，但佢冇問排隊次序，比三個客打左我地尖，遇到啲幾個打尖嘅無品客，心情當然唔開心，雖然我亦嘗試同其中一個客講「我哋嚟先」但係個亞叔扮晒嘢，話自己第一個來到，完全係講大話，員工當然唔會理，我哋亦唔想同人爭、已經啞忍！成個安排真係好失當！最後嗰幾個打尖客揀完一隻又唔啱，又要揀過，來

比較鍾意午市去飲茶，感覺冇咁多人。但今日平日去，都好多人，可能坑口真係冇乜酒樓，變咗好多人唯有去呢間飲。其實只係叫午市精選入面嘅點心，感覺都好多款選擇。呢個並唔係一碟普通嘅腸粉，叫銀蘿腸，真係第一次食，覺得好好味，識落入邊係脆卜卜，又有啲蘿蔔絲😋👍🏼呢個點心拼盤次次嚟都會叫，只需要$30，就有咁多款唔同選擇。鳳爪排骨飯，幾香👍🏼豉汁蒸鳳爪，都幾入味👍🏼整體來說，呢間酒樓算係性價比幾高，飲茶可以推介👍🏼

父親節諗住去酒樓慶祝 六點幾嘅時候去攞位 以為要等好耐 點知未夠七點已經我張飛仲要已經過左 所以即刻拎個第二張飛 都好快有位佢冇父親節嘅特別餐牌都係普通叫餸食飯叫咗一個冬瓜盅 超級大個同埋都好足料都係$148咋另外叫咗個貴妃雞同埋豆豉鯪魚炒油麥菜不過個雞就爭啲冇乜味菜就普通正正常常咁 叫咗一個飯加埋茶錢買單$400都算係平

嚟過好幾次，今次裝修完再嚟幫親，但今次有名姓葉的所謂女主任定部長，態度十分惡劣，把口真不知所謂，一咪鬧客人，你地公司有呢種人才，真係佢不會影響到你地生意，望貴公司唔好再請着咁嘅人

慶祝換上司🎉要去食龍蝦🦞同同事收工8:00pm入座 依舊填資料坐到卡座傾計都舒服D☺️同事話龍蝦抵食就嗌左1碟上湯龍蝦伊麵🦞再嗌多個粟米龍躉塊🐟同埋水煮牛肉🌶首先來既係上湯龍蝦伊麵🦞$328好好味😋好多肉煮得岩岩好冇過熟👍🏻粟米龍躉塊🐟$98粟米羹好足料 不是水水的那種龍躉塊好似天婦羅既外皮但唔會好厚👐🏻$98/9塊都算不貴吧？最後追加既水煮牛肉🌶$98用左安格斯牛 而且夠晒辣👍🏻原來個底仲有寬粉🍜勁飽我地食唔晒要打包🥡😂不過略嫌寬粉唔夠入味寬粉還寬粉🍜辣還辣🌶加茶錢再加一埋單$602坐卡座可以傾下計(八卦野)真係幾好🤣下次都會想再來食不過晚餐餐牌款式如果可以再多d就好🙈

今早2人去拎位，門口呀姐就話2人一係搭檯，唔係就等，我當然唔搭檯咪等羅！到我有位時，比我張權係兩張細檯貼埋（中間有隔板同一個5cm空隙）,同搭檯無分別！我出去講話唔要，太密，佢就好無禮貌咁話呢d唔叫搭檯，有隔板架！我就話咁我轉坐卡位，起初佢就話而家要4人先可以坐，我話你初頭又話計3人茶錢，而家又話要4個，佢無出聲之後就比左卡位我，當然計3人茶錢，其實我都願意因為佢都做生意同埋安全d啦！我眼見佢真係坐得好密，同埋有2人檯都好似唔合規則咁！不過我見其他人見怪不怪，佢入黎又無問我哋有冇安心出行或叫留資料！呢間酒樓其實我覺得食物都ok, 但態度差同傳播風險高！大家係呢個時候真係考慮一下先！另外，我食野時見到有一個執檯專員，但其實其他侍應都會執，即係佢服務前後都會去執人地食完d野，佢大執同拎走你既野其實係普通侍應，真係傳播風險超高！

帶公公婆婆食蒸鍋一入門口就見到大大個魚缸有象拔蚌 阿拉斯加蟹 同其他海鮮公公唔夠牙力 食阿拉斯加蟹應該係最好選擇蟹腳啖啖肉又唔會咬唔開一於就揀佢啦公公仲好開心要拎住隻蟹嚟影相笑到成個小朋友咁你食得開心我就開心喇蟹腳夠晒鮮甜 蟹膏仲可以加錢要炒飯幾好 下次人多再叫多幾樣蒸下先

我第一次想試呢間，打去叫外賣，非常無禮貌，我不知道原來叫外賣係唔準打電話叫的，聽電話的女人非常無禮就咁大叫watsapp whsat whatsapp ! 我唔明佢講咩無前無後我米好聲好氣話唔好意思我唔明 ，我好聲好氣，佢就好似得罪左佢咁，最後我問佢其實可以解釋清楚點叫外賣，因為我見網上只有電話号碼，無其他方式叫外賣，佢仲喝番我轉頭［無得電話外賣！ whatsapp whatsapp whatsapp] 就咁。。。之後cut我線！