真姐港台美食

營業中

休息中

今日放工唔想煮飯食，外賣都叫到厭曬！醒起之前有間24小時小食檔☺️所以決定買返去做晚餐🥣佢哋餐牌種類好多選擇，有港式及台式嘅小食同主食今次叫左生菜魚肉、滷水雞髀🍗、炸雞軟骨同一個台灣刈包兩個人食岩岩好港式小食台灣刈包成日見呢個名，實在唔係好知係乜，今日一於點黎試吓原來個包皮係好似蒸包，入面夾住一大塊東坡肉☺️東坡肉望落雖然好似好肥，但入口一d都唔會感覺到好肥膩，就好似比蒸包皮索晒啲油脂，勁夾✨而且入面仲有好香嘅鹹酸菜，口感都好豐富炸雞軟骨，炸到超級香脆可口完全停唔到落嚟生菜魚肉，魚肉非常新鮮彈牙，完全唔會有腥臭味，都好好食滷水雞髀🍗初頭以為係比較Juice口感，原來係以滷水汁煮好後，再以煎炸方式加工，令到外層更加香脆超級好食

聽日夜晚去觀塘上興趣班，上完堂已經係夜晚九點幾，大部份餐廳都已經關門，但係比我見到呢間仲開緊門嘅小食店，可以醫下肚。小食店有好多地道嘅香港小食，好似牛雜、煎釀三寶、燒賣魚蛋、生菜魚肉等等。除咗港式小食之外，仲有啲台灣小食同埋飲品，望落去幾吸引。上完跳舞堂之後好肚餓，所以我就點咗好多嘢食返屋企慢慢食。首先有呢個台灣刈包，包入邊包住肥豬肉，仲有啲配菜，好邪惡。好耐冇食煎釀三寶，點左啲豆腐、茄子、紅腸等。仲有比較健康嘅生菜魚肉。呢杯冬瓜鮮奶大大杯，幾抵飲。

觀塘放工時間總是人頭湧湧，在往駱駝漆大廈方向前有間新開的港式小食店，另外還有些台灣小食，很多人在排隊等候，買些小食醫醫肚。港式的街頭小食如燒賣、魚蛋、牛雜、撈麵、生菜魚肉、煎釀三寶等等都有；台灣食物則有芝士蛋餅、肉燥飯、台灣刈包等、選擇相當多，價錢也很親民。魚肉燒賣一共有十粒，在蒸籠裡面夾出來，熱熱的還在冒煙。不妨試一試他們的辣醬加豉油，更加惹味。台灣肉鬆蛋餅 加入了肉鬆、粟米及雞蛋的台灣手抓餅，蛋皮煙煙韌韌，上面灑上了調味粉，更添香口。滷雞脾一大隻雞脾，滷水入味，啖啖雞肉。炒米粉味道不是普通粥品店的米粉，這款是用鐵板炒過，加入沙茶醬等醬汁炒。配料有青椒、椰菜、紅蘿蔔絲、雞蛋絲、洋蔥、粟米、肉碎等，很豐富。豆漿飲品方面，店主推介他們自家製作的鮮豆漿，味道迎合大眾的少甜，而且散發淡淡的大豆香。

原本淨係打算食串魚蛋同份煎釀三寶但係見到咁多台灣小食就嗌多咗煎釀三寶最鍾意食紅腸同豆腐唔使落豉油，都好夠濃味！魚蛋+燒賣好耐冇食，同細細個食嘅味道一模一樣$15有10粒燒賣～$17有10粒魚蛋～好抵食！生菜魚肉好大碗！完全唔使落胡椒粉，味道鹹香，魚肉鮮香招牌牛雜招牌必點！當然唔可以錯過，煮得幾腍，完全冇牛騷味！夾埋芥辣醬食越咬越正台灣蛋餅啲芝士好多粟米粒甜甜地，好好味！迷你雞扒一啲都唔迷你，即叫即炸，熱辣辣，香噴噴！非常推薦！

特色小食店有時食晏真係唔知食咩好, 由其事係觀塘區返工, 太多選擇。 早餐都未落格, 12:00又要諗下晏晝食咩🤔上星期, 同朋友去過駱駝漆喺地下嘅一間賣街頭小食嘅鋪頭, 買咗粢飯返去食過, 又覺得ok喎! 今日橫掂唔係咁肚餓, 再去睇下有咩特別小食可以再買返去同朋友一齊食。呢間港台小食店, 好多都款係即叫,即炸, 即整! 今日叫咗個炸雞翼, 滷肉飯, 魚蛋撈麵, 芝士蛋餅。滷肉飯 - $40呢個滷肉飯飯🍛量好多, 肉燥加埋隻蛋已經夠哂食, 仲好飽肚! 唔食飯, 仲可以配米粉或者麵🍜。魚蛋撈麵 - $26魚蛋撈麵麵底都ok, 夠爽口, 魚蛋我要咗咖哩魚蛋🍡, 好港式嘅味道, 夠哂辣🌶️爆醬芝士蛋餅 - $35芝士蛋餅個皮係糯米皮, 煙煙韌韌, 中間夾住雞蛋🥚同芝士🧀, 仲加埋少少肉鬆同調味, 外脆內軟, 口感有層次, 芝士🧀仲有少少拉絲😋 其實食完都幾飽🤣🤣脆炸雞翼 - $40呢個雞翼非常之抵食, 一盒有八隻只係40蚊咋! 香香脆脆非常之惹味, 佢仲落埋甜酸醬做配搭, 食落酸酸甜甜香香脆脆, 唔肚餓嘅我一口氣都已經食咗四隻🤣🤣🤣老闆娘仲送咗杯豆漿比我, 佢話自家製少甜 見我買咁多嘢食送

放假又去咗駱駝漆行吓，嗰頭一向都人山人海。近入口位置有間小食店叫「真姐港台美食」，見好多人幫襯，買完仲直接企喺度食，相信質素應該有返咁上下😜。由於差唔多時間返屋企，所以我就決定買返去慢慢嘆，始終天氣仲係好熱🥵。小店門積唔大，不過所賣嘅食物款式都幾多，而且話明港台美食，香港同台灣嘅食品一應俱全。雖然係小食店，但如果講份量的話，佢一啲都唔少。外賣包裝企理，食物賣相吸引🥡。黃金炒飯($40)，我睇住老闆娘喺電飯煲裝飯出嚟再拎去炒🍚。炒飯好大盒，而且真係炒至金黃色，每粒飯都乾爽分明，難怪叫黃金炒飯💛。雖然唔係用咗好多料炒，🍳但蛋香好突出，都OK！爆料炒麵($35)，🍜炒麵堅係用足料炒，餸料將麵條覆蓋，包括各種蔬菜(茄子、四季豆、椰菜、紅蘿蔔同雜菇等)同肉碎，食落口感豐富。麵底係公仔麵，甚至可能係營多🤣？但最緊要夠惹味。牛雜($40/細)，小店嘅牛雜好出名🐮，一串真係唔夠食，要一碗就差唔多。細碗份量啱啱好，而且各個部位嘅比例好平衡，有齊牛腩、牛肚、牛肺、牛膀同牛腸等。佢哋炆得好入味，淋得嚟又有啲咬口，五香味恰到好處，唔會太苦或太重口味。煎釀三寶($30/8件)，呢度嘅煎釀三寶款式多，色彩繽紛🌈。

老婆呢晚指定要到真姐買小食加餸，因此呢晚收工後就去揀咗幾款小食，即叫即整，好味道！🥢炸豬頸肉 $45份量超多，即嗌即炸，表面金黃色好吸引🥰，豬頸肉好香脆，好啱餸酒！🥢炸魷魚鬚 $45皮脆金黃色，相比其他餐廳炸魷魚大條，而且份量好多，抵食。👍🏻🥢生菜魚肉 $28魚肉同生菜嘅份量多，有獨特魚湯底，係唔錯嘅賣點。😎🥢燒賣 $17/10粒最特別係辣醬，令整份燒賣更惹味可口😆。🥢腸粉 $13/4條夠滑而且米香十足，價錢合理。📍真姐港台美食 (觀塘)觀塘開源道60號駱駝漆大廈3座地下1A號舖

諗住掃街😘突然落起雨☔️諗住求其嗌一兩樣😏點知買呀買下🤤就兩三袋啦😁 不過價獎真㡳好抵食，叫咁多都絕對唔會心痛掃街必食煎釀三寶、牛雜、估唔到仲有花雕雞翼、沙茶醬腸粉、仲驚唔夠飽整多個粢飯😁一人一杯自家製豆漿👍🏻 煎釀三寶好出式，仲脆卜卜，個人最鐘意個腸粉，仲好滑！平時少見有沙茶醬依個選擇，必試！每樣份量十足，性價比高！味道又唔錯！真姐港台美食 (觀塘)觀塘開源道60號駱駝漆大廈3座地下1A號舖

今日喺觀塘買完傢俬，又未食晏喎，但係疫情咁嚴重唯有買啲小食外賣上車食，一落樓就見到呢間小食店排長龍，咁就幫襯下啦☺️台灣小吃裡最喜歡的是滷肉飯，滑順香濃充滿膠質的滷汁伴在白飯上簡直讓人一碗接一碗停不下來，大大碗飯做配上一粒滷水蛋，簡直讓人懷念台灣的味道😚又嗌左滷肉米粉，簡單汆燙過米粉及韭菜，淋上一大匙濃厚的滷肉 ♥️ 色香味俱全的滷肉米粉☺️魚肉燒賣，煙韌口感，加上魚肉香氣，老闆話一定要蘸點豉油和辣椒油，果然一不小心至少吃下10粒8粒魚肉燒賣🥰香港人最愛的街頭小吃，採用新鮮魚肉製成，加入陳皮甘甜調味，果然粒粒爽口彈牙和甘香😚蒸牛肉球，一般以半肥瘦的牛肉製作，大大粒，配上喼汁真係不得了☺️新鮮自制豆漿好喝😄

觀塘駱駝漆有好多工廈美食就夠哂出名，連樓下都有唔少小食店，掃街一樣可以😋～最近發現開左間港台小食店，小食種類都幾多，由台灣小食蛋餅、鹽酥雞、刈包到香港街頭小食魚蛋燒賣、撈麵牛雜都有～🤪🌟 鹽酥雞 $40一盒幾大盒🤣細細粒咁有好多粒，送酒唔錯🌟 蘿蔔糕 $40同樣一盒份量幾多😝望落有啲似煎豆腐😮呢隻係無臘腸之類既野係裏面，口感幾綿而外面煎到脆脆的，配搭泰式辣醬，又幾好味🌟 沙茶炒腸粉 $35🌟 陳皮魚蛋 $15(10粒)

今日天氣太熱，大家都唔想行出去食，是但係公司樓下間小食店，買左幾樣小食share食算。話說呢間小食店都幾好生意，次次買都要排隊，可能因為佢啲野食都幾好，加上價錢唔貴，所以咁多人排🤭.腸粉燒賣魚蛋係小食店必點既，「腸粉 4條 $13、燒賣10粒 $17、陳皮魚蛋 10粒 $15」最鍾意佢個燒賣腸粉，燒賣好彈牙爽口，咬落有啲魚肉味咁，腸粉夠滑，魚蛋真心辣🤣唔食得辣唔好亂叫。.另一樣必點既說係「台灣肉鬆蛋餅 」，超好食😋真心好味，肉鬆+蛋+粟米+芝士 ，幾樣perfect Match既配搭，煎到蛋餅皮脆脆地咁，最後仲會幫手切開一舊舊。.炸物既「鹽酥雞 $40」、同「煎釀三寶 5件 $20」份量多，鹽酥雞岩晒同事share食，大大份細細粒咁。

路過駱駝漆見到有間小食店，諗住買串魚旦食，見到其他小食都好吸引，買買下就買左成袋野食返屋企😂陳皮魚旦$15有10粒，口感彈牙🥰滷肉飯除左滷肉，仲有配滷皮同菜，撈飯食都幾正☺️沙茶炒腸粉即叫即炒，沙嗲味超香濃，仲落左粟米、芽菜、蔥，屋企人大讚，話超惹味🤤仲叫左兩個套餐，腸粉+燒賣配飲品，除左花生醬、甜醬，仲叫姐姐落左辣椒醬，辣得過癮😝糯米雞餐跟左杯新鮮凍豆漿，糯米雞都幾大隻，同屋企人share食就岩岩好🤩小店24小時營業，就算半夜肚餓都有著落🤪👍🏻👍🏻

今日到觀塘駱駝漆大廈逛街，經過入口見到好多人排隊買小食，食物選擇好多，好香好吸引，決定回程買幾款作宵夜返屋企食🤤 除了常見的港式街頭小食、牛雜，仲有較特別的台式小食，有興趣可以試吓😚 主要做外賣，舖外亦有枱可以坐低食食評✨✨✨炸魷魚鬚 ($45)店主推介，果然好好味，外皮酥脆，魷魚大大條 爽口彈牙，口感一流，好夠味 唔需要醬汁調味已經好好食🤤🔥牛雜 (細) ($40)一定要試招牌牛雜，份量算多 細碗已經夠兩人食，醬汁香濃入味，肉質煙韌彈牙 ，食唔停口😍 花雕雞翼尖 ($40)推薦！份量多，微辣 味道非常好，煮得好入味😍 作為宵夜一流 又不會太飽肚👍🏻

琴日去咗觀塘做facial 夜晚太晏諗唔到食咩 就去左駱駝漆裏邊有間賣街頭小食嘅小店買外賣反去食🙈呢度人山人海 當時夜晚九點都仲係好多人排隊 同埋都係即叫即炸好多小食都 所以大約等10至15分鐘左右🙈 價錢方面都幾抵食 每一碟嘅份量都好多 兩個人share 食就岩岩好 我哋叫咗三款小食 再加一個米粉share食 最驚喜係有平時出邊見唔到嘅蒜香味 拎緊返屋企嘅時候都聞到香噴噴 流晒口水！蒜香骨裏面嘅肉質唔會好鞋 外皮好香脆充滿蒜味 一碟嘅份量真係超級多 大約有10舊左右 唔會剩係得骨 裏面啖啖肉架都！再叫咗一款炸雞翼 一份有八隻 用咗酸甜醬泥做配搭 食落好香口惹味✨薯條都好抵食 不過略嫌有啲乾 如果配埋茄汁就好啦 薯條係粗身 食落有口感 熱辣辣好好食！最後個炒米粉 好有鑊氣 裏面非常多配料 除咗有粟米蘿蔔絲之外 仲有肉粒增加口感 米粉好爽口🙌🏻而家呢啲咁高質嘅街頭小食真係買少見少 所以好值得大家去支持下🙈

觀塘shopping 一輪完，又有啲餓啦。咁決定掃街買啲野返屋企食，經過~真姐港台美食~見到咁多人買，一定幾好食。店細細，但好多種類小食都有，我地對台灣小食特別有興趣。我地買咗幾款小食做下午茶，鹽酥雞、滿福蔥油餅、椒鹽魷魚鬚同冬瓜茶。小食都係即叫即整，香噴噴，熱辣辣，份量都幾多架。鹽酥雞，好香口，幾juicy。滿福蔥油餅，有啲似手抓餅，饀料好豐富，火腿、粟米、雞蛋，餅皮煎得好脆😋。椒鹽魷魚鬚，魷魚爽口彈牙，食唔停口。冬瓜茶，消暑解渴一流，甜度適中，抵飲。