真心 (已結業)

蘇豪區酒吧內食刺身飯真心第一次小店好骨緻，很多日式擺設最吸引人是牆上手繪日本風景圖由金閣寺到大阪環球影城、道頓堀固力果跑步人到淺草雷門寺很有特色、很有心思讓人不自覺回想旅行開心事。而供應的食物種類繁多，刺身、壽司、下酒菜炸物、冷盤前菜一應俱全約晚上八點半來，經推薦點了紅寶石丼和霜降熊本牛扒丼，加一份刺身拼盤A。刺身拼盤擺放得頗精緻，有帶子、三文魚腩、北寄貝和八爪魚刺身各兩片，薄切，入口不太膩，較乾身，價錢略貴。紅寶石丼—吞拿魚茸丼，滿滿一碗新鮮吞拿魚茸淡粉紅色吞拿魚上撒上芝麻粒，更添香味，飯粒溫熱香軟，淋上少許醬油和芥辣就很好味😋而霜降熊本牛扒丼，光賣相已很吸引上面鋪滿一片片薄切牛扒，約7-8成熟，淋上燒汁，適合愛吃熟牛扒的朋友，口感較煙靭。當晚只見兩位店員一腳踢，頗忙碌，但都很細心，服務態度好😊環境屬旺中帶靜～在場有其他食客點了一籠炸物和生蠔😋加香檳慢慢歎，實屬Happy Hour談心好地方👍🏻

行完大館一行出黎就係呢條街，本身以為全部都係酒吧，點知一間日式餐廳喺度喎！咩年都有幾多選擇，有刺身、魚生飯、小食、串燒同埋唔同酒《魚的名籽》$108三文魚都算厚，魚籽數量不多，不過兩樣都算新鮮，唔好睇佢碗仔細細，原來大廈都幾多飯！唯一美中不足嘅就係啲飯暖咗啲《霜降熊本牛扒丼》$198呢個真係超級推薦！ ！霜降熊本牛扒外皮烤得香脆，肉非常稔，近乎入口即溶，配上燒汁一流《金元寶》$68原來係炸餃子🥟香脆可口牆壁上都畫有日本唔同地方既特色景點~

今天是星期日，想吃晚飯，處處都很多人，最好的地方，應該是去中環，因為星期一至五，都會很繁忙，不過今天就靜了很多。這間日式丼飯店是兼營酒吧，所以坐位都是高椅、高枱，地方不是很大，不過都坐得舒服。深海奇緣$108，份量不是很大，不過吞拿魚蓉鋪滿了表面，而且還有海膽在其中，配上味素飯，不用點醬油已經好好味。五色盛宴$148，有牡丹蝦、帶子、三文魚、油甘魚、北寄貝。所有的剌身非常新鮮，其中以牡丹蝦是珍寶size，夠鮮夠甜。

Happy Friday收工去左蘇豪附近新開的Zen吃日本菜！餐廳主打各式各樣的刺身丼和熟食丼，亦有不少串燒和小食，款式多樣化，而且仲有各類酒精飲品，啱晒同朋友黎開心share我地點左兩個丼飯另加小食霜降熊本牛扒丼高質的熊本牛扒燒至七成熟，入口嫩滑一啲都唔鞋，好重牛肉味！珍珠米QQ的，加埋個牛嘅燒汁一齊食好好味小食叫左金元寶即係炸餃子，外皮炸得超級脆！內裏嘅肉餡都幾juicy，點埋蛋黃醬一齊食更加好味三文魚刺身丼醋米飯上面鋪滿色澤鮮亮，肥美油潤且富魚脂香的三文魚。而三文魚籽則好鹹香，美味的

平時黎開呢頭都係飲下酒，好小話要食飯，今日經開見到再上網search下先知係新開，緊係要試下喇。餐廳格區似酒吧多D，坐位唔算多，但夠哂自由~唔洗同其他食客坐到好迫睇下有咩食~先黎個味噌湯同新鮮沙律，我中意佢地個湯唔係死咸，而且個沙律汁酸酸甜甜夠哂開胃再黎個三文魚飯..佢地既碗都好特別，打卡呃like一流<3而且師傅擺得好靚呀三文魚亦厚薄適中，色水夠光澤炸豬排飯粉醬唔會好厚，大大塊，要同朋友share先食得哂!!而且豬肉夠juicy唔會好鞋好干下次可以同朋友再晏D黎，邊食飯邊飲酒，齊齊chill下~

真心Zen位於Soho區，經半山扶手電梯前往，全程有蓋，落雨都唔怕。餐廳的裝修風格有點像一間小酒吧，店內燈光柔和，於工作過後來放鬆心情，是個不錯的選擇。雖然餐廳店面不算大，但食物種類卻出奇地多，刺身、生蠔、丼飯、串燒、炸物、小食等應有盡有。我和友人Order咗兩個丼飯，和一個串燒拼盤。 串燒拼盤 $108拼盤有和牛、黑豚肉、雞肉、雞軟骨、雞腎、小甘薯同埋車厘茄。一百蚊左右就有七串咁多，喺Soho區黎講都算係抵食。和牛同黑豚肉串都係勁多肉汁，肉味濃郁到不得了；小甘薯串亦有驚喜，又香又甜。炭烤雞扒丼 $98滿滿的雞肉覆蓋著白飯，雞肉烤至僅熟，保留著肉汁之餘，肉質亦頗為滑嫩。醬汁非常香濃，珍珠米亦煮得恰到好處，很出色的一碗丼飯！霜降熊本牛扒丼 $198友人不吃生牛肉，所以要求餐廳特別做了一碗全熟的Version。牛扒份量一啲都唔少，可以完全覆蓋著白飯。熊本牛牛味濃郁，牛扒就算烤至全熟都沒有一點靭或鞋口，可以肯定餐廳係用靚嘅食材！珍珠飯索晒牛肉同埋醬汁嘅精華，真係食到停唔到口！真心食物質素很好，服務又周到，是一間很值得幫襯的小店！

蘇豪區附近除了有高級餐廳及酒吧外，亦有不少漢堡包薄餅或卡巴之類的親民食品，但以上的都以西式食品為主，新開的日式小店真心算是這區的小數。真心開放式的裝修，與隔鄰的酒吧有點近似，see and be seen，中環蘭桂芳蘇豪一帶特色。餐廳內的一道牆畫上熊本熊道頓堀富士山等日本標誌，頗具特色。真心魚生沙律雜錦魚生碎有三文魚、白肉魚、八爪魚及蟹籽，襯上伴均酸甜汁的沙律菜、車厘茄及青瓜片，擺設色彩繽紛，食味清新酸脆又帶有點點鮮甜。金元寶金元寶原來係炸椰菜豬肉餃，餃子外型飽滿，味道鮮甜爽脆。霜降熊本牛扒丼霜降牛扒外層略煎，內裡顏色粉嫩，肥肉不多，牛味濃郁。牛扒份量比飯更多。牛肉汁精華流入米粒中，米飯香濃可口。

[ 中環抵食日式午餐推介 ]••有時候覺得係中環返工，食午餐係好多選擇，但都會好多人😩有日比較空閒，行遠少少，去左SOHO個頭🚶🏻‍♂️個邊都有唔少高質抵食既餐廳👍🏻-🔹原條鰻魚飯($118)⭐️7/10真係好大條！成個份量好大，飯都勁多🍚鰻魚嫩滑，最重要係無骨！👍🏻不過我覺得鰻魚太過薄身，到喉唔到肺🤣鰻魚醬汁調得幾好味，用黎撈飯都好正👅-🔹火山丼($118)⭐️7.5/10其實係火炙三文魚飯🔥有六片，仲有啲三文魚子，質素都唔錯👍🏻三文魚我比較鍾意揀火炙，鍾意半生半熟既口感~又係飯既份量超多🍚女仔真係食唔哂🙈-▫️lunch set 會跟湯同沙律🥗-🔺餐廳好光猛，有自然太陽光照入黎，感覺好舒服☀️-午餐選擇都唔少🤔

中環Soho 除左酒吧之外，都有好多唔同美食，最近俾我搵到間日式小店，啲魚生刺身又抵食，又新鮮，點可以唔介紹比大家呢?店內雖小，只係有幾張檯，但係裝修幾有特色，牆上面有人手畫嘅日本景色風貌，包括有淺草雷門寺、大阪環球影城、 道頓崛等。首先點左個串燒拼盤，有雞肉串、雞軟骨串、雞腎串、日本和牛串、日本黑豚串、小甘薯串同埋蕃茄串，串燒燒得好香，唔會太燶同唔會太乾身，保留原汁原味，肉質鮮嫩，尤其和牛串。小甘薯又香又甜，蕃茄超juicy。刺身丼 - 千魚千尋，個名相當特別，有三文魚、鯛魚、八爪魚、拖羅蓉、 牡丹蝦，見到個賣相已經相當吸引。三文魚新鮮肥美，另外加$20仲可以轉三文魚腩添；鯛魚味道雖然清淡，但係鮮味十足；八爪魚口感清爽有嚼勁；拖羅蓉油脂感重，將拖羅打成蓉更易入口。牡丹蝦外殼柔軟，蝦頭充滿蝦膏，肉質通透鮮甜，非常美味！刺身下面有飯，mix少少豉油同wasabi一齊食，更能帶出刺身鮮味。另一個特色美食係深海奇緣，係拖羅蓉加海膽丼，海膽帶有獨特的海鮮味，十分濃厚美味。完全唔覺得有經過鹽分和酒精加工過。拖羅蓉加海膽一齊食，竟直係人間美食，超好味！今餐飯真係相當滿意，好耐無食過咁新鮮又咁抵食

今日早左放工去左soho ,happy hour又未開始就四圍行下諗住食d野，見到有間新開既日本餐廳就入去食啦！環境不錯，牆壁上畫上日本style既壁畫，好有日本風格！魚的名籽，呢個名好可愛吸引到我，原來係三文魚and三文魚籽飯！份量都唔細架，三文魚係厚切，色澤非常之令，油花分佈平均，入口綿滑，非常新鮮，三文魚籽粒粒晶瑩剔透，咬落清爽，令到個飯更有口感！ 食完個飯仲想食多件串燒就叫左個日本和牛串，和牛肉質juicy ,油香十足，調味足味！仲叫左個小甘薯串，味道甘甜，入口香濃！呢度位置都好方便 下次可以試下黎呢度食lunch !

今日同男友去中環影偽文青相拍拖，條街勁多人，亦有好多酒吧開始做hapoy hour我同男友影到攰就搵到哩間食飯，好少見到中環酒吧街附近有日本嘢食好似係新開的🧐我地嗌jor個魚生飯同埋鴨胸肉沙律本身諗住6成飽，點知個沙律好大份😂最後都係8成飽（好實惠啊！），所以大家可以參考返人數叫佢啲魚生都好新鮮😌而且佢既豉油會清啲，無出邊既咁鹹就算成塊魚生浸落去都唔怕👍🏻我好鍾意仲會有味增湯做返個前菜俾客人👍🏻我最鍾意係我地坐既窗口位，雖然開窗對街，但一啲都唔熱，而且影相好靚！如果夜晚來既話，一定會嗌杯🍺食住魚生飯夜夜笙歌😂

近排放假鍾意去港鳥悠閒過，感覺比較有feel。今次揾到一間日本料理店，我地仲要特登揀左靠住條街嘅位置坐低，一邊食，一邊望下街，都咪話唔寫意首先飲個味噌湯，飲一啖湯，又望一下係街上嘅行人，感覺自己真係放緊假叫左一客魚的名籽，上面有一層三文魚+三文魚籽，底下就係壽司飯，三文魚好新鮮，完全食唔到有雪味。份量唔算好多，但以下午茶黎講，就啱啱好啦。叫左一客鴨胸沙律，想要食d菜，又食d肉咁。沙律上面有好多鴨胸，而且仲有三文魚籽，有少少估佢唔到。沙律跟油醋，唔太酸，易入口。最後我地過左一個超級relaxing星期日

牆上一支支既酒相當吸引, 不同類別，大小都排得滿滿的。可以來一瓶嗎? (發夢啦)唔知係唔係老闆既珍藏呢以下呢一幅日本油畫應該係手繪上去架, 因為我仲特登坐到好埋仲見到既顏料痕跡, 別有心思。MENU有好多特色既野食揀丼飯，串燒，燒物，刺身, 每樣都好想試。我揀左丼飯, 連名都好特別千魚千尋 ASSORTED SASHIMI DON + $20 仲可以轉三文魚腩, 真係好抵食呀刺身丼飯有拖羅,，大大隻牡丹蝦，鯛魚，三文魚，八爪魚好新鮮, 好鮮甜蝦頭我都啜埋嘩, 重頭戲好大條鰻魚上面鋪左好多木魚仲有紫菜絲，鰻魚汁味道好正燒得好香,，仲可以連埋日本珍珠米一齊食, 一啖又一啖, 大滿足呀一定要再返黎食多次煎到卜卜脆既菜肉餃子好香呀

今晚放工，同事說要去中環蘇豪區食下野傾下計，因為工作壓力大要減減壓，並叫我相伴，冇所謂啦！我一於奉陪，因為我都要減壓，輕鬆一下。蘇豪區食店都有不少，同事知我喜歡食三文魚，上網找到一間新開不久的日本菜館，名叫真心，店鋪地方不大，裝修擺設以日式風格為主。真心日本生蠔：上枱時生蠔擺設很精美，像一幅美麗的圖畫，又像一籃精緻的小擺設，廚師好有心思，值得一讚👍，生蠔即叫即開，新鮮又大隻，蠔肉鮮味，上加蟹籽，使口感更豐富。魚的名籽刺身丼：三文魚份量都不少，新鮮又肥美，加入少量魚籽令味道和口感都豐富一點！吉烈海鮮丼：有蟹鉗、炸蠔、炸蝦各三隻。炸得酥脆香口，鋪滿整碗飯，相當豐富！點些沙律醬，可以把味道提升！

星期五晚中環soho 一帶非常旺場，相約友人湊湊熱鬧，去了酒吧happy hour後感覺肚餓了，找到一間日式料理餐廳，店舖細細，坐在門口開揚位置，一邊看著街外景色，一邊享用晚餐，好relax。吉列海鮮丼三隻炸蝦，三隻炸蠔，三隻蟹鉗鋪滿。下面的飯基乎看不到了。蠔隻爆膏，外酥脆內軟熟，還保持到蠔汁，不會乾巴巴。蝦隻稍為調味鹹了一點。蟹鉗啖啖肉，炸得不油不膩。另外刺身四款，有帶子，北寄貝，三文魚和魷魚。鮮甜有質素。