真心 (已結業)

星期日中午二人到 LKF 覓食，見餐廳門面ok, 而 LKF 通常是國際美食總匯的地方，未曾想過有如此難食的店舖。叫了 “千與千尋” 魚生飯及豬骨拉麵，魚生飯賣相正常，只是那片芝麻葉是假的，第一次見用假的芝麻葉，魚生及蝦新鮮程度可接受，但八爪魚邊又乾又硬，再吃了第一口飯，已經令我唔想再吃下去。飯已不是用日本米，又沒有應該有的調味，只是普通米煮淋黐埋一齊的所謂魚生飯，再擺魚生上面。咁唔認真制作，就唔好出魚生飯啦！另一個豬骨拉麵，如果要用價錢衡量，只值 $40 。另地方非常狹窄, 坐位並不舒適，全餐廳只有一個待應，及兩個唔似廚師的廚房工作人員。食咗這樣質素的食物，令我忍唔住都要寫我人生第一編的食評。以後去LKF 可以少咗一間選擇困難症的煩惱了。

老婆生日飯，完全後悔，點解仲生存到的小店。全部魚生暖的，飯呢？熱的！吞拿魚“溶”完全溶哂，0口感，你可唔可以想像加埋熱的飯食落係咩感覺。立魚，斜切換邊厚邊薄有根仲要好腥。隻蝦終於冷冷地但霉的。好在無叫酒+小食，頂唔順浪費食物都要走人。嬲到第一次寫食評去鬧一間餐廳，好後悔咁樣仲生日飯， SO HO 區咁的出品努力轉行啦老闆！另一枱叫左生蠔，聽到都係腥的，串燒拼盤 有6串但一串唔熟另外5串都焦左。餐廳環境係OK 的，但出品好似深水埗 X將，真係明X. 有得比。最後你想肚痛歡迎挑戰！！！！

坦白講 又唔算平百幾蚊一個SET LUNCH, 環境超級逼, 服務態度唔錯但係魚生份量幾少下, 最離譜係D飯好鬼熱, 令到魚生變到暖暖地, 感覺好奇怪性價比極低, 唔洗去 中環大把好過佢 又唔洗行到咁鬼遠The restaurant is super crowd, the japanese rice is hot which make the sashimi become warm which is super weird.To be honest, there are lots of other decent places with similar price in Central. I won't come here again. Think twice before you go in.

今日同朋友嚟咗中環呢一間日本餐廳食，望落去感覺都唔太差，好似中環d bar咁，今日可能係閒日關係所以唔算太多人。我地今晚點左左鰻魚玉子，生蠔，海膽壽司同冷麵，好可惜樣樣野都超級差。鰻魚玉子 $98首先，玉子一般黎講都好難整得難食，但係佢個鰻魚玉子係凍嘅，感覺好似隔夜放左好耐咁。生蠔 $198一句講哂，唔新鮮。佢加左d蟹子同葱落去，但都無辦法改變佢嘅味道。海膽排長龍 $118賣相還可以，但d海膽都係唔新鮮好腥。冷麵 $58佢有好大pat蟹子喺木魚絲同紫菜上面，都幾奇怪，因為咁做d木魚絲同紫菜巳經被d蟹子搞到淋左。但最錯係佢左個唔岩嘅鼓油我地😑講真我真心唔會想再黎，我同我個朋友每樣都係食左幾啖巳經要放棄。佢唯一好嘅係個waiter見到我地無咩食過野，好虛心地問我地d食物質素如何。

早排見佢開張無耐，openrice又咁多好評就諗住book嚟試下啦星期六晚係ifc睇完戲就一心諗住行上嚟食飯啦餐廳地點一啲都唔就腳，由ifc行過嚟好似萬里大長征咁行成20分鐘都唔止🤷🏻‍♂️依樣都唔係重點，為食既我地深明食好嘢要負責啲代價，有時唔方便又唔代表唔好食不過今次真係嬲到震幾經辛苦行到上嚟，佢。無。開大佬，你唔開都係門口貼張紙解釋下點解唔開吖無咖，乜都無咖openrice又繼續可以book咖，book左嗰啲人又唔會受到通知咖openrice有個手提電話啦，打去都係無人聽咖電話號碼放得上嚟，但又聽電話，咁一係dum左個電話佢，一係就唔好擺得號碼上嚟啦我同朋友兩個就傻更更咁企左係到一陣啦，仲見到有另外一pair同病相憐既情侶，都係搵到嚟先發現無開其實有咩事最基本貼張紙係門口都可以既姐Openrice set左比人book，一時三刻改唔到都可以通知個客人姐依到乜都無，無通知，無系統，無安排，無管理，一啲心都無行上嚟又唔係近，真係唔會再行上嚟食，都唔知佢會唔會無啦啦又唔開如果特登想行上嚟食，就真係要三思，因為book左都唔代表佢會開

可能係近排喺中環食到最谷氣嘅一餐🤬🤬🤬啲刺身都唔夠凍，絕對唔新鮮 收咁嘅價錢、咁嘅地段，接受唔到！吞拿魚食落去又暖又霉霉地個感覺真係難頂，我比錢你唔好迫我食好過🙏🏻啲串燒都唔掂，牛肉燒到好硬，又多渣，根本都唔應該上枱比人食。嬲到冇影到。服務都令人卻步 e.g. 明知道係二人don都唔識serve兩隻spoon，係咪要迫我好intimate咁share餐具食？想點？？食物完全below average，唔會再黎。

我地夜晚7點到黎到 ~唔洗等位就可以入啦入到去裝修都幾靚 幾有日本風味店員服務態度都超級好~見到個價錢唔係特別平 但係絕對係物超所值因為啲刺身都真係好鮮甜好正~夜晚放工同朋友黎食下野飲下野就岩曬啦

本身唔好吉列豬扒，但呢度令我對吉列豬扒改觀，幾個月入面已經食咗三次！啲碗好有心思，圖為味噌湯。第一次食簡直驚為天人，有陣炭香味（不過最近一次食又唔多覺，唔知係咪我習慣咗？）。仲有個沙律醬比你點，不過個飯本身有sauce，所以我就冇點沙律醬。P.S. 牆上幅畫好靚，日本風景中收埋咗熊本熊同無臉人等角色！set lunch包湯包沙律（加一後$107.8）。

今日下午放咗假同個friend去中環大館 行個圈順便影相， 秋高氣爽天朗氣清， 仲坐喺辦公室真係非常浪費。影完相梗係去醫肚， 沿著中環扶手電梯行落少少 近士丹頓街， 有好多酒吧同餐廳。 我哋搵到間食串燒同日式料理小店， 價錢唔貴， 襯其它打工仔未放工我哋一於入內 chill 吓先。餐廳內籠一眼睇晒， 座位唔多， 仲有色彩繽紛嘅壁畫， 增添趣味。 有幾張bar 檯嘅座椅，開放式的擺設 可以望街， 唔會侷促。海龍皇$88其實即係炸蝦卷， 我哋好鍾意試唔同嘅 日式卷物， 創意壽司。呢款海龍皇藝術感其高， 造型十足十一條游龍， 活躍生動。表面鋪上極多飛魚子， 即叫即做，因此卷物入面嘅炸蝦仲係熱辣辣。  灑上嘅日式麻醬非常惹味， 還有配以燒汁， 和一些脆米， 口感豐富。原條鰻魚飯$148賣相依然係非常討好， 燒鰻魚上放滿木魚絲， 動感十足。鰻魚肉結實富油香， 冇細骨又夠肥美，配上特製鰻魚燒汁， 風味十足。好耐冇飲波子汽水， 滿有日本feel!餐牌亦有唔少嘅串燒可供選擇， 好啱上班一族來過 happy hour !

在中環區上班，中午找地方吃飯，都是一個難題。一來價錢不平宜，二來難找位，所以若時間鬆動，我會走上蘇豪區，選擇較多，也沒有那麼拘束，之前已介紹過好幾間。 「ZEN」位於蘇豪士丹頓街，主打日本菜。中午來過吃飯，有 set lunch 有散點，百零蚊一 set，蘇豪區合理價。 萬聖節晚上約了 Happy Hour，之前總不能空肚啦，那就再來吃過快飯。 它有少許日本居酒屋的影子，有刺身、串燒、清酒，這天我和友人挑了吃丼飯，此店好處是有中型 size 的選擇，可以吃多幾款丼，不用一大碗就已經被 K.O. 胃納。 「Tuna Uni Don」$108 「Salmon Crab Roe Don」$78 「Scallop Uni Don」$118 店員表示食材都是空運自日本，刺身也堆得高滿。吞拿魚茸無筋，三文魚蓉有預期中的油脂肥美，帶子 (帆立貝) 蠻鮮的，那兩小撮北海道海膽也甜，整體吃後感仍不錯。 現在香港的日本餐飲已經百花齊放，要突圍而出一定要有些新點子。這一系列中型丼，可以滿足心多多的朋友，尤其是在點菜時，常有選擇困難症的食客們 XD

中環蘇豪區 有唔少特色食肆，酒吧和餐廳， 接近放工時候真係好多上班族 進駐餐廳Happy hour 或者chill 吓。 今晚約咗朋友係中環交收順便食個晚飯， 唔想正正經經 dinner但係又未開始飲嘢， 我哋見到近士丹頓街有间日式小店， 正好可以來點小吃坐低吹吹水先。店面唔大約有三，四張枱左右。有一半作壽司吧同埋廚房。餐牌陳列各種各樣酒精類飲品。先叫了一杯"日本水蜜桃汁"。 味道清新自然，唔會太甜， 仲有少少果肉喺底。紅寶石丼(吞拿魚)$108飯面鋪滿粉紅色的吞拿魚蓉， 中間 淺藍色的雖然是假花， 但係顏色襯托得好優雅， 特別賞心悅目!吞拿魚茸散發出淡淡嘅香甜， 雖然有少許嘅筋， 但係整體仍然係非常高質素。 份量豐富， 連底層嘅壽司飯 都好豐厚， 好有誠意。 這個價錢在蘇豪區來說亦非常划算抵食。 小甘薯串$18一口蕃薯香甜軟滑， 番薯表皮有少少嘅調味， 唔似一般齋烚熟再燒嘅番薯口感。 $32雞肉串好香口惹味， 燒汁稍嫌過多， 雞肉嫩滑。燒三文魚頭$58我哋本身想食 燒油甘魚鮫， 但咁啱冇貨。 轉番食燒三文魚頭以為普通嘢， 但都頗有驚喜因為做得非常好吃。  三文魚頭只有一邊， 三文魚

呢間位於SOHO嘅日本野好特別，喺門口見到佢有吧枱嘅設計，可以比客人飲下酒食下野咁。入到去發現呢間餐廳主打刺身丼，選擇都幾多下有好多款揀而且係新裝修，牆上面好靚似係人手畫嘅嘢食方面就叫咗個熊本牛扒丼，味道都唔錯，牛扒燒到啱啱好，再加埋甜甜地嘅汁好好味朋友叫咗一個似係壽司咁嘅拼盤，每一舊都有腐皮載着，上邊就有好多唔同種類嘅刺身，每舊份量都好大一個人未必食得晒，味道唔錯刺身好新鮮除此之外仲有其他唔同嘅小食可以一班朋友叫黎share 野飲都有draft beer可以揀，黎soho又多個選擇

假日難得放假就去蘇豪區Relax下！見到有間居酒屋間隔好似唔錯幾舒服，就諗住試下😛間嘢個名食咗諧音叫「真心Zen」質素的確唔錯！Lunch去食價錢覺得唔算好貴，同埋環境好好，好小咁開揚嘅居酒屋！令我有個Happy Sunday迎接Blue Monday！🔍炭燒雞扒丼 $98份量唔細！雞扒都多，雞肉嫩，火喉控制得唔錯。味道唔差🤤略厭佢燒汁有啲咸，如果怕咸可以叫廚師落少啲🙈同埋，係日本丼都用珍珠米，但呢到就無用到。但口感都絕不比珍珠米差，抵讚👍🏻🔍燒三文魚頭 $58平日較少居酒屋有燒三文魚頭😛其實自己好鍾意食魚頭！覺得佢哋燒得超脆口，咬落脆卜卜，好好味！我連鰓都食埋🤣如果鍾意食魚嘅真係必揀啊！🔍和牛串 $42食得日本嘢，和牛可以話係不可不試😂餐廳嘅廚師燒嘢真係唔錯！肉質一啲都唔軔，仲好juicy🤤🍽8/10🔎 真心Zen中環蘇豪士丹頓街21號地舖

同朋友在中環SOHO區Happy Hour，飲了幾round後有些肚餓，於是便在附近吃晚飯，見這家「Zen真心」裝修甚具心思，於是便選了它。好酒的我們基本上是被門外的一排日式威士忌吸引進來的，餐廳的日本名勝壁畫色彩鮮豔，甚為賞心悅目。餐廳主要菜式為日式丼及卷物，價錢於中環SOHO來說十分相宜。先來頭盤真心魚生沙律 （$98）蔬菜沙律配什錦角切魚生，菜及魚生十分新鮮，配以沙律醋，極為鮮味。海膽帶子海盗船 （$128）軍艦壽司的紫菜換作腐皮便成了海盗船；帶子鮮甜，海膽濃香，兩者混和確為最佳配搭。然而腐皮的甜味有點蓋過海膽及帶子，建議先吃海鮮再吃腐皮壽司部分，一菜兩食。五色盛宴 （$148）今晚的主角丼飯，大碗壽司飯配上五款刺身，五款刺身有三文魚、油甘魚、赤蝦、北寄貝及帶子。刺身新鮮而且份量充足，飯亦十分大碗，$148的價錢在中環SOHO區應該找不到第二家吧？晚飯吃飽後，意猶未盡，見餐廳環境不錯，決定不再轉場，點些酒水繼續聊天。

今日和先生來到中環的日本餐廳真心食日本嘢。要了日本和牛串次次叫串燒，一定會叫牛舌，可惜呢間冇，唯有叫牛柳粒。最先上菜的係牛柳串燒，燒汁香，咬落去稔，好有牛肉香味，超級驚喜！估唔到主打魚生的餐廳有呢個驚喜牛柳串！完全彌補到我無得吃牛舌串燒的失落！千魚千尋魚生飯有三文魚、吞拿魚蓉、八爪魚、大蝦等，份量也多。刺身很鮮甜，最喜歡就是大蝦，肉質非常爽，唔錯。海膽排長龍個名已經夠盞鬼，佢係一串蟹柳飯卷上鋪住滿滿的海膽同紫菜。放入口先感受到海膽香味，再有紫菜同蟹柳飯卷中和一下，吃完都有海膽餘香喺口中縈繞！冷蕎麥麵冷麵上鋪上海量蟹子，加上冷麵汁配wasabi ，甜甜咸咸又冷冷的複雜感覺，非常之好。