知粥嘗樂 (已結業)

「知粥嘗樂」屹立於炮台山冇十年都有八載，我身為熟客仔今日故地重遊，就去食碗粥懷緬一下。真係今時不同往日知足常樂都要賣埋粥以外嘅食物，包括有經濟小菜晚餐，同時要搞搞新意思，有啲比較矜貴嘅生滾粥，同埋砂鍋等。我哋三個人，可以試多啲。天氣炎熱令人胃口頓減，食粥就最好，同時可以清腸胃。媽咪話想試生滾，我地點了2-3 人份量「沙巴龍躉粥」$98 價錢也合理。店員奉上時粥底仍在滾，感覺到那熱騰騰的氣勢。龍躉薄切, 雪白的魚肉和膠質豐富的魚皮，入口鮮嫩，粥底棉密還加上薑絲癖腥，吃時加大量葱花和鹽巴，更提味。食粥又點可以冇油器，加個「煎堆」$11 就完美剪開四份的煎堆，仍然是暖暖的，入口煙靱，芝麻夠多又香，民間美食。精選晚餐送湯、熱飲或豆漿。我哋揀左低糖豆漿，豆漿豆香濃郁，吾會溝到淡某某，又健康又美味。足料羅宋湯大大碗，算美味都幾好飲。五香蘿蔔牛腩飯$60估唔到五香汁煮得咁濃郁，富有柱侯醬的香味，牛腩、牛跟大大件超入味而且份量十足，白飯份量也不少，兩個女仔share 食都夠飽，但唯一的決點系蘿蔔吾夠稔亦都吾太入味。必食推介「XO醬石鍋炒腸粉」$38一般XO醬炒腸粉已經好好味，現在再升呢將腸粉放入石鍋

今日星期日, 約了表哥晚飯.  大家話今晚對自己好一些, 找間喜歡的餐廳食晚飯.行經, 知粥嘗樂, 店名幾吸引.     我 提議食粥清清腸胃.看見油炸鬼, 牛利酥, 煎堆, 剛剛炸, 好香脆.端午節已過,   粽子仍然吸引.   於是決定入內搵位. 餐廳座位整齊清潔, 不同一般粥品店.餐牌印刷清晰, 精品砂鍋粥  熱賣有五款,  $78~138. 有雞, 海鮮, 田雞.  我點了沙巴龍躉粥 ,  小鍋是兩人份量. 也有中鍋.精選晚餐, 有八款  A ~ H  價錢由 $60 ~ 92,  配羅宋湯, 白飯, 飲品.  或連沙律.  好抵食.尚有其他小食, 常餐, 咖喱.   食物選擇多, 適合各人喜好, 這真是間好進取的粥店.另一頁介紹, 粥品, 甜品, 油器.砂鍋沙巴龍躉粥   送來了. 用砂鍋盛載的粥夠保溫.  小鍋兩人分嚐剛剛好.沙巴龍躉新鮮味美, 厚切有數件, 放入大量蔥段, 好香口.粥底用上魚湯熬製, 又綿又滑, 無腥味,  粥底好鮮甜, 又不會漿口,  我們 特愛鮮香魚味.不一會兒, 晚餐 火山石燒美國特級肉眼扒的 羅宋湯送到.  湯夠熱,  味道酸甜甜恰好,  唔錯.火

今日去開北角某店舖買書，聽說呢度附近有間知粥嘗樂，啲粥係好香濃香滑㗎！好想試下呀～而且我都係一個知足常樂嘅人。😂環境好光猛，冷氣又夠，地方都好開揚呢！侍應生又好有禮貌。一坐下就望見一張poster好吸引啊！寫住現磨豆漿。當然要試下呢！現磨豆漿必試👍新鮮就是健康👍熱辣辣好滑好香，好傳統係用碗裝住呀！可以唔落糖飲更加嘗到香豆味。( 推介)話明係知粥嘗樂，梗係要食番碗粥啦！生滾魚腩粥~$45粥好綿入口非常熱要小心呀，魚腩好鮮，味道鹹淡啱啱好。(推介)本人覺得食粥一定要配腸粉，我哋就叫咗個 羅漢齋腸粉~$31好大塊腸粉，內裏有粟米芯，雲耳仔，蘿蔔 沙葛冬菇洋蔥，減淡味道又好爽口，仲有配埋個煎堆， 一開四件，芝麻香脆糯米又軟淋，不油呢，我食咗三件，哈哈。我哋仲叫咗個精選晚餐~$95火山石燒美國特級牛柳配白飯及沙律外型好吸引圓碌碌漲卜卜，燒石預熱溫度掌握很好呀，食到最後嗰件牛肉都係熱嘅，牛柳好嫩滑肉味又香濃又好juicy呀，餐廳有呢樣高質，價錢又唔貴，物超所值。正(推介)總結~知粥嘗樂有驚喜食完好知足。👍👍

係出面經過好多次 一直都以為佢只係一間粥鋪但原來除左粥 仲有好多唔通種類的食物好啱鐘意食西餐 但伴侶鐘意食中餐的人=蝦蟹粥=叫左個砂媧粥 最愛廣東粥 好綿的粥底 這個粥底滿足到我 再加滿滿的海鮮四隻蝦 又大隻又彈牙 非常鮮加埋成隻蟹 成個粥真係好鮮甜=火山石燒美國特級牛柳=牛柳肉質很淋多汁 半熟當然最好吃加爾洋葱墊底 會咁容易燒燶但其實燒至全熟也不會韌配著他附上的醬汁 另一番風味跟餐還有沙律及白飯感覺到店家的細心同用心砂媧粥的蔥係另上的然後 豆漿係有正常同低糖的選擇

近排餐餐都吃得豐富，係時候要食下粥調理下腸胃。這間粥店有點特別，餐牌上竟有石燒扒餐。不過我想着吃粥，最後都選擇粥品。<鮑魚沙田雞粥>粥底用了腐竹去餚，粥有腐竹香味，質感夠滑，鮑魚新鮮彈牙，雞有少少黃油香，但有別於其他店，當用黃油雞煲粥的時候，整煲粥都會有一塵黃油或粥帶少許黃色。這間店廚師卻很用心處理過，抵讚👍🏻我吃粥一定會配一件油器，今次我選牛脷酥脆口微甜，味道和粥很夾。<炒米粉>另一個吃粥的不二之選，米粉爽口，散開。老公是一個飯怪，他選了<三杯雞石燒鍋配白飯>上枱時石鍋夠熱，份量頗多，雞都頗滑，帶少許甜味，醬汁很適合送白飯。羅宋湯很足料，味道濃郁。

🍴炸兩 17 蚊🔥個炸兩皮帶 d黏稠 入面既油炸鬼幾香脆 而且17 蚊夠平 點 d甜豉油 甜辣花生醬都好正🍴蝦蟹粥 小鍋 1 至2 人108 蚊🦐🦀用左花蟹整 粥水好甜 粥煲得夠棉 吸哂蟹糕同蟹既香味 蝦肉彈牙 而且個煲夠保温 長期都可暖飲 整體十分唔錯: 🍴xo醬石鍋炒腸粉 38 蚊🔥用石鍋放住腸粉 夠熱辣辣 xo醬好香入味 豬腸粉比較粗身 份量多 連埋底層既爽口芽菜吸哂汁 好正 🍴火山石燒美國特級牛柳 配白飯 沙律 92 蚊🐂用左石燒 一上枱熱辣辣 牛肉 一路燒住 如果唔想食甘熟可拎上黎再慢慢切 牛柳夠厚身 帶 d彈牙口感 🐮 咬落 juicy點 d有芝麻既燒味都好入味 配埋石燒上面既洋葱同白飯 🍚 好正 仲有個芝麻醬沙律減走肉既膩感 夠哂齊全Score 平均分 <7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~知粥嘗樂北角炮台山英皇道175 號地下=========

媽咪喜歡食粥，食勻港九新界粥店，今次竟然媽咪帶我去炮台山推介蝦蟹砂鍋粥店名知粥常樂令人好易記，亦擺明以粥為主啦店內裝修新淨，座位很寬闊媽咪一坐低即刻叫馳名蝦蟹砂鍋粥粥底夠綿又滑，蝦蟹夠新鮮，份量十足， 媽媽可以一個人K.O.二至三人份量， 勁餸粥好配搭-油炸鬼剛剛即炸，熱辣脆口我就想試試其他，點了三杯雞石鍋燒晚餐晚餐包白飯，飲品和羅宋湯一上枱熱辣辣，新鮮雞件夠嫩滑，配白飯一流值得一讚戴眼鏡女店長好好服務，又問我地夠不夠飽，需不需要飲水等等，十分好招待，媲美高級餐廳， 下次一定要再來

這間位於炮台山地鐵站附近的「知足常樂」平日多數和同事過來吃午飯，最愛吃碗生滾牛肉粥+碟炸兩。味道不錯，價錢公道！今次卻由朋友提議過來吃晚餐，居然係石板燒牛柳? 起初我以為朋友弄錯了，粥舖那有石燒牛柳哦！原來是新菜式！當然要試吓啦。我們點了砂鍋沙巴龍躉粥(細)$98 分量足夠兩個人吃，粥底煲得夠綿，味道鹹淡適中，龍躉味道鮮美，有片片魚肉配上幼切姜絲。石燒牛柳$88 配一碗白飯和胡麻鯪魚肉沙律。燒石預熱溫度掌握準確，要幾熟可以自己話晒事！牛柳呢，目測應該有250g個左右，肉質鮮嫩，牛肉味濃質量高。以這價錢屬抵食自選。朋友再叫一個石窩三杯雞配一碗白飯$78，香辣味很實在令人垂涎三尺！雞內嫩滑，洋蔥炒得夠香，紫蘇葉混在一起卻是別有一番風味啊。

突然很想吃碗粥，但男友只愛吃扒，發現家附近竟然有地方可滿足我倆的願望這裡晚市供應海鮮砂鍋粥，點了一份小鍋的蝦蟹粥！廣式的粥都熬到糜狀，滑滑軟軟的滿口都是蝦蟹的鮮甜在粥品店鋸扒真的是第一次！火山石燒肉眼扒肉質柔軟多汁，跟餐還有沙律及白飯小食蜆蚧酥炸鯪魚球外脆內軟，鯪魚味濃，吃起來清爽少油，不油膩，蘸上蜆蚧醬吃，更加惹味這裡設水吧，一般茶餐廳飲料也有供應！凍奶茶走甜少冰剛剛好以不鏽鋼杯盛載的凍檸檬可樂簡直是消暑良品

平時成日經過呢間粥店，但都無特別衝動想入去食粥今日媽咪突然話想食粥，咁就同佢黎左呢間！點知呢間粥店俾到我好大驚喜原來有砂鍋海鮮粥同埋除左粥麵、腸粉外，仲有咖喱飯&常餐食！款式好多元化呢度嘅豆漿係現磨低糖的蝦蟹粥當然要叫返鍋蝦蟹粥先喇粥底好綿滑，滿滿海鮮嘅鮮甜味食得出係完全無落味精的用左水蟹，所以個粥真係好鮮甜！隻蝦非常鮮甜爽口一鍋有4隻！真係必食之選XO醬石鍋炒腸粉用砂鍋上，炒腸粉特別香同埋驚喜嘅係完全唔油膩腸粉又夠滑！呢個下次真係要再黎食石鍋三杯雞職員一放低，我已經聞到酒香證明好真材實料味道有啲微辣，十分惹味！雞件好大舊，而且啖啖肉味道真係一流煎堆呢個煎堆反而有啲失色質感比較厚實，一啲都唔軟糯！邊位仲有啲硬！

做人做事，知足常樂是名言。炮台山呢間粥店名字叫「知粥嚐樂」，我覺得好有意思。粥品在食物中有清雅的形象，食得好之外，還要學識享受快樂。砂鍋沙巴龍躉粥 $98粥底又綿又滑，甜美！魚塊鮮甜，材料十足。石燒牛柳 $88足有250g，牛柳味道濃厚，有脂香，真材實料。石燒熱度足夠，案自己喜愛的熟度烹調，十分滋味！石鍋三杯雞 $78非常惹味的一道菜，最初是微辣，慢慢在口腔內辣起來，辣度可接受程度。雞件肉質軟熟，好喜歡配料吸盡精華所在，配飯一流。

當日剛過11點，想食早餐變了午餐，那個生滾粥，似漿糊多過粥，還叫了炸兩麻麻地，中伏。其實已第二次來，第一次已覺得麻麻，但當日很想食粥，終於在入去食！應該二次中伏已足夠！

昨日途經炮台山英皇道知粥嘗樂門前, 見有新鮮出爐油炸鬼, 口中頓生鬆, 脆, 香的感覺, 二話不說, 入店內點了生滚豬膶粥及油炸鬼, 那女侍應反建議說不如點套餐, 有粥有粉麵有油炸鬼, 價錢相差不多, 細看餐牌, 頗吸引, 於是改為生滚豬膶粥及葱花蝦米腸套餐.腸粉和一小碟切片的油炸鬼很快便到, 急不及待挾了一塊油炸鬼放到口內, 竟是既凍且韌, 急呼叫侍應要一條新鮮炸的油炸鬼, 順道說了一句套餐那一碟的不新鮮.  怎料即惹來侍應的反駁說 "果一碟係送既" , 我心中有氣, 說道"套餐無計油炸鬼錢架?" 那待應也無第二句, 仍說"果一碟係送既".  隨後更大聲跟其他待應說, "送既, 使乜同呢的人講咁多".還沒說那"葱花蝦米腸", 又是凍的, 硬繃繃沒口感, 完全沒吃腸粉的感覺.問題是: (一) "送既" 就可以不負責任送的唔新鮮既食物俾客人?   (二)我本來係要豬膶粥及油炸鬼, 是他建議改套餐的, 如果此油炸鬼不同彼油炸鬼, 她作出這建議是不負責任. (三) 服務態度差, 這"知粥嘗樂"從此列入我的黑名單, 愛好食隔夜油條, 不怕受氣的讀者當然可以到此一樂.

Halloween第二日起身個人有啲頭痛，於是想其實食啲清淡少少既野，就簡咗食粥。呢間鋪嘅環境好乾淨，坐多闊落，唔同以往食粥既地方。我同佢係咪又係咗2個生滾粥套餐。我哋兩個都嗌咗及第粥，一碟蝦米腸、一碟炒米粉。同埋佢地有附送一小碟油炸鬼。個及第粥一上到黎就好熱辣辣，而且啲豬肚、粉賜同豬腰食落去都唔會有腥臭味，呢個真系直得賺，而且啲蝦米腸同炒米粉份量都好足，好彩我地2個都咁大食，先可以食得哂，如果唔系我會建議下次可以叫一個套餐同一碗粥就夠。埋單2個人先HK$102, 整體來講真係好抵食😋😋😋

嗌左兩個早餐全日早餐個個碗粥細碗d，但就有野飲。碎牛粥- 一上黎，d牛肉一餅野，紅卜卜，嚇死人，要篤篤篤，浸係粥度都浸左陣，食住炸兩先。好彩碗粥都夠熱既，粥底夠晒綿。皮蛋瘦肉粥- 肉係咸豬肉黎，正常。炸兩- 好食既，腸粉好滑，包住脆脆既油炸鬼。油炸鬼- 脆既，不過今次比炸兩比下去了，可能冇腸粉皮包住，好似油膩左dd。佢呢間既油炸鬼見到廚房大大舊粉團，師傅係度炸緊油炸鬼既，新鮮製作。