知粥嘗樂 (已結業)

在附近辦完事, 想說就近找個地方吃個下午茶, 完全是被店名吸引了進來, 讓我也來個吃粥常樂吧。豆漿點了一杯熱的一杯凍的, 有趣的是熱的直接是大碗上, 攤涼了還能撩出整張豆皮。豬潤生滾粥, 超多豬潤, 而且很新鮮, 爽彈鮮甜熟度剛剛好, 粥底綿滑, 出乎意料的好吃。油器選擇都多, 這次選擇了牛脷酥, 外層還能保持脆感, 內裡柔軟紮實, 而且份量很大, 跟生滾粥是同屬一個餐, 女生一個人吃的話可能都吃不完。牛腩腸粉煲, 牛腩多過腸粉, 味道很濃郁, 底部的腸粉還有點微焦, 多了層口感。鯪魚肉餅, 來自店員的推介, 柔軟嫩滑又香口。總的來說, 食物份量大又足料, 好吃又抵吃, 客人是夠樂的。

朋友約食飯多數都是食西餐，今日就改變下去食粥。位於北角炮台山的知粥嘗樂，店舖都幾大，又光猛，服務員很友善。下午茶很多選擇，無論西式、中式、生滾粥套餐都有，價錢都是幾十蚊，但這裏出名食粥，而且還有海鮮粥，我想食龍躉，朋友又話要食蟹，最後唯有兩個都叫🤣沙巴龍躉粥$98講明是精選砂鍋粥，當然是砂鍋上，原來小鍋份量也不少，裏面還有很多龍躉，肉質嫩滑，粥裏面充滿魚的鮮味，也加少少蔥。鮑魚蝦蟹粥$138蟹肉非常鮮甜，還有鮮蝦及鮑魚，非常豐富的海鮮餐。粥裏面都是海鮮的鮮味😋最後叫了一個熱豆漿$11，很大碗。

雖然呢間出名食粥，不過夜晚除左粥之外，仲有其他款式可以簡 有焗飯有粥有湯粉有鐵板肉等等我地叫左兩個主菜 估唔到兩個都包羅宋湯同埋餐飲羅宋湯都幾足料 同埋夠哂熱🌟火山石燒美國特級牛柳 $92牛柳都算大件 咬落去都唔會好硬肉質都算新鮮 仲有醬油點仲有沙律跟餐 如果可以簡跟飯就perfect啦🌟秘製咖哩吉列豬扒飯 $55豬扒份量好多 大到食唔哂55蚊黎講都算係平 仲要送野飲 都幾抵環境方面 清潔就要加強小小 飲管獨立包裝都有啲污跡

晚餐到知粥嘗樂試蟹蝦粥同牛腩根腸粉，點知見牛腩根腸粉上有幾條毛見到都唔開胃仔細數一數， 有起碼5條毛條，完全食唔落之後 打算食蟹蝦粥充飢， 蟹肉又有黑色點同黑粉。 餐廳上菜前應該檢查一下先上菜

廣東人食粥可以調節腸胃！幫助身體排汗，促進血液循環！而且營養容易吸收！又容易消化！尤其天氣炎熱，冇乜胃口就最啱啦！🥣🥣知粥嘗樂🥣🥣呢間粥店整體非常清潔！而且員工好友善！蝦蟹粥粥底煲得非常香綿！口感順滑！足底非常鮮甜美味！足足有一隻蟹嘅份量⋯⋯而且仲有好多蟹膏⋯⋯蟹肉相當新鮮！加上彈牙嘅大蝦🍤成煲粥一個字甜🤩😋⋯⋯炸兩食粥點少得炸兩！外軟內脆灑上芝麻，仲有可以自己任加甜醬丶辣醬丶豉油🤩好食😋煎堆外層脆卜卜加上芝麻！每次都會食！店員仲幫我哋分了四份方便享用添⋯⋯我個朋友係大胃王⋯⋯仲叫埋鯪魚餅！佢仲可以加$9有杯凍飲添⋯⋯餐廳仲提供左晚市套餐！三杯石鍋雞套餐由熱辣辣嘅石鍋奉上！雞件非常鮮嫩！加埋三杯雞嘅醬汁超惹味！而且雞件份量都唔少！因為太好味啦我個朋友將成碗飯食晒！羅宋湯都好好味😋好香濃！順帶一提佢嘅凍咖啡⋯⋯超水準😋

之前已聽朋友說北角有一粥店「知粥嘗樂」不錯，今日同另一半特來試試。經一輪防疫手續，「嘟」了安心出行，便被安排入座，侍應態度友善，讚！我們點叫了蝦蟹粥丶三杯石鍋雞丶牛筋腩腸粉煲及凍豆漿。蝦蟹粥蔥分開上，粥滑夠火候。大大隻鮮蝦，肉嫩而不老！蟹肉鮮甜而嫩，粥咸淡適中，怪不得店名是「知粥」，真的是粥的知音者！三杯石鍋雞端上來的時候已有流口水的感覺，真是色香味俱全！不單止有外在美，更有內在美！雞嫩滑可口而味濃，辣得恰到好處！叫人回味無窮！牛筋腩腸粉煲牛筋腩煲吃得多，但加腸粉的比較特別！牛筋腩林而香，汁濃，咸味調得剛剛好，腸粉不負聚望，吸收了汁的精華，十分美味！凍豆漿欣賞它不太甜，又夠凍，是豆漿愛好者選擇。

同朋友在炮台山食晚餐，我們唔想食西式，日式的食物，在地鐵站行過對面馬路便看到这間粥品店，睇見食物新颖便決定在這裏晚餐。我們叫了幾样share食。沙巴龍躉粥用匙羹攪了一吓，嘩，又多又大件龍躉頭同肉跟粥一齊煮。食之前加少少䓤。果然，粥好鮮甜，粥底又滑又綿。我們都鍾意食魚頭，这個粥就真係好啱我们。一細窩原來份量好夠兩個人食。🥰🥰咖喱雞肠粉煲好有新鲜感，竟然咖喱雞中有軟滑的腸粉。咖喱香但唔辣，適合我不食辣的。😋😋牛根腩腸粉煲牛根好弹口，牛腩夠不靱。腸粉完全混入腩汁中，好開心一次可以食两種不同味道的腸粉，好正。👍👍

今日去咗炮台山嘅知粥嘗樂，試吓佢哋嘅砂碢粥同小菜。今日我就點咗鮑魚蝦蟹粥小碢，因為要等返啲位試小菜。小菜我就點咗牛根腩腸粉煲，其實一開始已經被餐牌上面張相吸引咗。小碢鮑魚蝦蟹粥非常有份量，而且亦都好足料！ 雖然餐廳提供拆蟹工具，但其實整隻蟹已拆件，好多蟹肉，方便周到。兩件鮑魚好彈牙，再加上唔少熟蝦，感覺上料多過粥。而牛根腩腸粉煲一上菜就滋滋聲，牛腩香味撲鼻。牛根同腸粉非常入味，餸粥一流！而呢度嘅紅豆冰係我飲過最香濃煉奶味，紅豆亦多，好正！呢間餐廳嘅砂鍋同小菜，水準比得上酒樓。

經過好多次呢間橋底的粥舖，一直以為只係食粥，意外發現原來有石燒牛食，質素仲唔錯，要推介下。沙巴龍躉魚粥近期食多咗魚，因為話有奧米加3脂肪酸，對心臟血管好。見倒竟然有沙巴龍躉精品砂鍋粥，又點可以唔試下！龍躉份量超多，兩個人嗌小鍋都好夠食！肉質嫩，啖啖肉，仲咁有個大魚頭！加埋豉油葱花，高質！$98我覺得性價比又幾高。火山石燒美國特級牛柳近排多咗好多食石燒牛的專門店，嗌一塊普通牛扒200g埋單可能都百五蚊。我無睇錯，呢度個火山石燒美國特級牛柳只係$90，加$3仲有凍飲！！？見咁抵食，抱住試下的心態，估唔到個樣又幾得wo, 成個set原來仲有埋沙律，白飯。鐵板夠哂熱，牛柳夠淋，切開肉質嫩，牛味都幾濃，可以用鐵板加熱自己鍾意的熟成程度，絕對唔會比食石燒的專門遜色。三杯石鍋雞不一樣的粥舖，竟然仲有石鍋系列！三杯雞份量多，件件都2寸咁大，皮薄肉嫩。味道仲幾唔錯，甜甜地送飯一流！3個主菜，2個人埋單先200幾蚊，仲要無加一，真係超抵食！我們入座時才7點多，已聽見砂鍋鮑魚蝦蟹粥售罄，下次一定要早D嚟試下！

近來疫情緩和了， 餐廳食肆都熱鬧起來， 外出吃咗很多豐富大餐。 所以今晚想轉吓口味食粥，朋友介紹他家樓下有間較特別的，於是便帶我去試試！~先來一鍋鮑魚蝦蟹粥， 我們點了小鍋， 店員隨即奉上青蔥和薑絲豉油！主角一上臺，小鍋內堆滿了海鮮，睇見都知道呢煲粥好滋味。兩大只鮑魚很彈牙，蝦肉新鮮結實也有6隻以上，現在正值中秋前後，蟹肉特別肥美， 所有海鮮的精華都落在粥裏，粥底特別鮮甜 ，以$138的價錢來說，幾有驚喜！~吃粥當然少不了油器，我地好好彩，油器剛炸起， 可以吃到脆卜卜的油炸鬼和久違了的牛脷酥！~腸粉我哋點了豬潤腸， 因為不是每間粥店都有供應， 見到有當然要試試 ！薄薄的粉漿包住滿瀉的豬潤，爽彈不嚡口，實在不錯。~蘿蔔糕以粥店嚟講算是有蘿蔔味，而且內裏還加了臘腸，煎出來特別香口！~XO醬石鍋牛腩腸粉， 熱騰騰的石鍋提升了牛腩香味， 墊底的腸粉吸收了牛腩醬汁， 令味道升華不少！總括來說， 雖然這是一間粥店， 但食物都算很多元化。 店員也有問必答笑容親切，加上傳統粥店越來越少，想食D靚粥都很難找， 所以呢間真係值得推介！

一位極喜好廣東式粥品小食的朋友約我在這街角小店下午茶聚這時段人流較少可以放心閒聊，坐下後看到菜牌不單有粥品油器，茶餐廳的常餐多士亦有供應本意來吃粥品所以先選了蝦蟹粥(中窩)，再以鮮蝦腸粉及炸兩做配搭熱氣騰騰的一窩生滾粥内放花蟹一只，數一數有半打中蝦，粥底綿軟有米味，蝦蟹鮮味滲入，相當匹配鲜蝦腸粉傳統手拉，皮軟滑適中，大大隻鲜蝦好爽口，加小許醬油更添滋味炸兩皮軟薄包起脆卜卜油條好有口感，加入甜，辣，芝麻混醬及芝麻粒，味道不言而知，妙極意猶未足再來一個牛腩炒腸粉沙窩上， 熱辣辣的煎脆腸粉伴濃味柱侯牛腩，再灑芝麻粒，绝配捨糖水而以現磨熱走糖豆漿(客人可自己加)完滿结束這粥品宴

想食中式粥麵粉，來到炮台山的「知粥嘗樂」好近地鐵站。見到有個海鮮餐牌好吸引,叫咗個鮑魚沙田雞粥叫咗個小窩。原來都好大窩，起碼有四碗，鮑魚有兩隻，友人同我一人一隻，鮑魚鮮味十足，亦都好大隻抵食。沙田雞好有雞味，肉質10分嫩滑，估唔到$100的粥也很有質素。另外叫了碟牛肉腸粉，師傅即叫即拉的，牛肉餡料很滿，10分足料，加上醬油熱辣辣趁熱食。炒麵不算太油膩，加入了大量的蔥，10分惹味。牛脷酥是小時候的回憶，也叫了牛脷酥食，店員貼心的切開了小塊。有人同我可以食得沒有咁論盡，呢個值得一讚。仲叫了個特飲菠蘿冰，甜甜酸酸的啱晒夏天好開胃。下午茶更加有套餐10分抵食2:30就開始。

呢排食得太多西餐/日本野，好random 想食粥。食粥姐比較歡喜幫襯小店，感覺係用心制作啲，呢間知粥嚐樂真係冇令我失望。蝦蟹粥(小)-好足料，兩個人食每人都有2-3隻蝦，蟹係真係可以砌返到成隻蟹出來-粥係綿綿的，好滑-仲有葱同豉油用來點蝦蟹，好滿足的一鍋粥！炒麵-味道同賣相一樣咁靚仔！-唔油，每一條都炒得乾身但又有足夠的葱同豉油味，我同朋友都爭住食！炸兩-見到隔離有幾枱都叫炸兩姐當然唔執輸！-油炸鬼剛剛炸好，又熱又脆，加上滑滑的腸粉，要黎送粥食一流！石鍋XO腸粉-鍋香味好足，每一舊腸粉都被XO醬包住-完全唔會好硬好乾，保留到腸粉的軟滑但又食到炒過的XO香味-腸粉下面係滿滿的芽菜，好香口小店環境好乾淨又夠光，下次帶老人家來吃先！

一向知道炮台山有一間老字號粥店,知粥嘗樂, 但原來 不走近望望餐牌不知道原來賣的東西一點也不老派， 而且相當有特色， 今日就試試這間翻新過的老字號。主打食品與粥粉麵飯當然健在， 但可能未必知道他們還有腸粉煲系列， 越式拼盤,馬來咖哩系列以及舊帶新的牛脷酥腸粉等。 那就試試他們的牛腩腸粉煲, 馬來咖哩魚柳飯, 炸兩和艇仔粥。牛腩腸粉煲顧名思義是滾熱的鐵煲內放滿熱辣辣的豬腸粉和牛腩， 非一般的香口惹味。 認真說 ， 本身帶著好奇試這老字號粥店的所謂新派菜式， 但他們都絕對不是只為噱頭 ，炆燉的牛腩軟淋入味， 肥瘦適中， 而且是大量的筋腩， 真的部分入口即化， 非常滋味。 煲中還有平民主角豬腸粉， 經過炒香和惹味牛腩汁的配合， 每一件豬腸粉都帶點脆口， 內裏軟滑得來充滿腩香， 一流！其實都很想試埋另一款應該都相當不錯的咖哩雞腸粉煲, 下次啦。馬來咖哩魚柳飯絕對不是坊間的螢光咖哩賣相和味道， 相反是馬來西亞地道， 顏色帶點橙黃，充滿椰香和略微辣的咖哩。 濃稠香口的醬汁吃得出用心用時間烹調， 新鮮魚柳和有一點咬口的薯仔再配合白飯真的絕配。炸兩及艇仔粥連其他菜色都駕馭得這麼好，怎忍心不試這裏的主打

呢排大魚大肉，間唔中都想食返啲Comfot food令腸胃舒服啲。所以今日就揀咗炮台山地鐵站對面嗰間知粥嘗樂去食粥。雖然大熱天時，但佢冷氣開得夠，食粥都唔會覺得太熱。睇到店家推介嘅海鮮砂鍋粥，就即刻諗起澳門氹仔嘅水蟹粥，因為冇得去，所以就即刻點返個海鮮粥懷念一下。食粥又點少得炒麵同腸粉，之後再加咗個蜆蚧炸鯪魚球。炒麵同蝦米腸先上，因為呢啲已經一早煮好，直接上枱就得。原來叫呢兩樣嘢各加$3，就可以叫杯凍飲，咁就非常抵食。炒麵份量唔錯，蝦米腸就好似少咗啲，加埋甜豉油甜醬一齊食，大滿足。跟住就到砂鍋粥上枱，大大煲熱焫焫，裏面有一隻花蟹再加七八隻鮮蝦，仲有兩隻鮑魚，唔怪得食落成煲粥咁鮮甜啦。海鮮味融入咗係粥裏面，啖啖都係海鮮同粥嘅精華，好食到停唔口。最後上枱嘅蜆蚧炸鯪魚球，鯪魚球比想像中淋咗啲，而蜆蚧醬可能係自己調校，比一般食開嘅再鹹啲，呢個就唔算太出色啦只可以話合格。今晚最欣賞嘅當然係個海鮮砂鍋粥啦，如果繼續冇得去澳門，咁就可以嚟呢度食多次海鮮粥，再懷念下🤪