神戶屋日韓放題

營業中

休息中

係我印象神戶屋都開左好多年，對上一次黎應該都有6年前，係兆萬差唔多層層都有刺身放題的競爭下都仲生存到，都有番咁上下底氣，以前黎呢度都係同朋友夜晚聚會，今次就一家大細星期日中午時份黎食，估唔到上到黎無咩人，好多位，雖然位同位唔係闊，但都放得落BB椅，坐低第一時間都係掃code叫野食，款式其實算係咁，種類生到熟，任你淥嘅打邊爐都有，而刺身拼盤都一定係每檯客嘅頭盤，邊度都係每次都一定整得靚靚出餐，呢度都唔例外，三文魚 鮑魚 魚蝦蟹 仲有乾冰煙霧效果，點影點拍都靚，三文魚貨一定係新鮮嘢，其他凍貨刺身都唔係差，反而熱食有驚喜，因為刺身都係拎貨返，熱食要加都睇廚房手勢，好似個牛舌咁，咁鬼厚，未食前都怕咬唔開，點知咁厚都燒得幾好食軟淋淋😋，而其他炸物都唔係差，炸鮮奶都係唔錯選擇，其次蒸扇貝都係合格貨色，無蒸過頭（急凍貨蒸唔好好易成舊扇貝橡膠咁），說到尾就甜品時間，雪糕/雪條，好多韓式雪條簡架，同叫左個燒菠蘿🍍，最驚喜都係呢一樣，唔知係咪客人唔多嘅關係，師父成個菠蘿燒出黎好鬼靚！燒到菠蘿面都少少焦糖化，最好食都係呢樣，咁就一餐了！

好耐未去過兆萬樓上食放題，對上一次已經係學生年代🤣今日行行吓旺角朋友突然間話想食放題，所以就想神戶屋試吓餐廳好多梳化位都坐得幾舒服，我哋一上到去之後就陸陸續續開始有人上嚟食午放巿放題首先一開始就食個豐富嘅刺身拼盤先、刺身都幾新鮮大大件，冇腥味唔錯最驚喜係都有生蠔食，細細隻但係都幾鮮味，好食壽司方面都有好多唔同種，海膽味道軟綿綿口感一流，唔會有腥味，不錯鰻魚一串厚肉野味、雞泡魚乾好香脆好食，逐條逐條好快食晒呢度除咗可以食日式放題之外仲可以打邊爐，我哋就揀咗個海鮮蒸鍋，上邊兩層蒸咗海鮮嘅汁全部落晒喺下便嘅湯，吸晒啲鮮味，正😄啲海鮮都幾新鮮，雖然唔係太大件但係夠食另外燒物嗰度就有燒菠蘿我朋友好鍾意，佢話又甜又多汁。我唔小心叫多咗佢都同我K.O.哂🤣除咗海鮮蒸鍋之外仲有好多單點嘅海鮮可以叫，有蒜蓉蒸扇貝同埋清酒煮蜆，味道都不錯呢個芝士黃金沙律開邊蝦、另外就係黃金芝士燒廣蠔，兩個都夠晒惹味、味道十足，滿意

來到旺角行左下，就開始落紅雨，只能找個地方吃野，看到兆萬中心的神戶屋日韓放題，正好可以任吃幾個小時等雨停！店員首先擺上豪華海鮮拼盤，實在是令人食指大動!單是蝦都有不同種類:泰式生蝦刺身、日本有頭赤蝦、去頭甜蝦，不同風味，尤其泰式生蝦刺身令人難忘，清甜香辣！仲有頂級鮑魚片刺身、挪威厚切三文魚、北海道帶子刺身、迷你北寄貝刺身，每一樣都新鮮肥美，口齒留香！只要升級任食就可以嘗到以下極品:原隻直送的甜蝦,鮮嫩清甜,一口咬下彈牙爽口巨型赤蝦刺身,真是好大隻,色澤艷麗動人,在口中綻放出鮮美滋味日本生蠔,透著晶瑩剔透的光澤,入口即化,流動的汁液帶來清新甜膩居然仲有磯煮鮑魚,彈牙鮮嫩,獨特的海味紅酒藍莓鵝肝,鵝肝似奶油般濃郁滑順,與搭配酸甜的藍莓和紅酒醬汁令人欲罷不能厚切鰻魚串,外層微焦酥脆,內裡鮮嫩多汁迷你榴槤流心筒,酥脆的外殼裹住濃郁滑溜的榴槤餡芝士榴槤多士,酥脆的多士夾住濃郁柔滑的榴槤餡,再加上香濃細緻的芝士,令人回味無窮。簡直就是美食的天堂，多姿多彩，日式韓式料理，刺身壽司手卷炸物，多不勝數，讓人大飽口福！

朋友介紹我來旺角食放題，好像挺吸引的，而已位置好闊落，刺身好鮮甜， 好滑身， 好有口感好咬口 ， 好味！ 食物方面可以叫刺身,如三文魚，三文魚好肥英無筋新鮮， 珍寶帶子大粒好鮮甜， 其他都幾好食， 如泰式生蝦、赤蝦刺身 等，而且也有壽司可以叫，如黑松露系列腩壽司、築地油甘魚壽司、迷你軟殼蟹手卷、迷你一口海膽手卷、牛油果軟殼蟹卷、花之戀、火灸左口魚邊壽司、蟹籽軍艦 等。我還叫了韓式食品如人參雞湯、韓國蜂蜜芥末炸雞, 炸雞好脆， 又唔油， 炸得岩岩好！ 韓國泡菜、部隊鍋、辣炒魷魚等等。我特別喜歡吃燒物，如芝士燒生蠔、芝士大蝦、鹽燒海蝦、燒菠蘿等。燒菠蘿大推， 好多汁好甜唔酸， 完全無渣， 食左好多舊，哈哈！ 而且還有熱和食如安格斯牛柳粒， 炒大蜆，天婦羅，食物都新鮮而且是熱的，是新鮮做起的，叫的數量都好準備黎到，時間上都是快到餐的。

今次黎到旺角食日韓放題，好似好多選擇，見到有韓國菜壽司刺身食，可以order刺身、壽司、、炸物、串燒、。 仲有我鐘意食嘅生豪、鮑魚、海膽軍艦等，真係幾吸引! 好滑身， 爽口， 新鮮， 而且服務員態度幾好！ 一叫就有人應！ 刺身方面都幾新鮮，特別係三文魚，都幾肥美，另外，帶子都好鮮甜，生豪、鮑魚都好新鮮，鮑魚幾有口感好爽，生豪好有海水味好新鮮，真的不錯! 另外熟食方面，都係新鮮非常熱的，即叫即做，每次來的食物都是非常有溫度的!

母親節食飯理應開心的，我們一行6人剛進入到餐廳已被安排好枱的位置。其中一位staff亦已和我們確認價錢和準備好上刺身和邊爐。大約食左10-15分鐘左右，突然一位戴眼鏡有少許胖的男經理 (我地稍後得知佢稱呼自己為半個經理)同我地講要我地搬去其他枱用餐，途中戴眼鏡的男經理好似街sale 客既sales 般，同我地不斷講搬出去出面坐，佢會說服我屋企人一齊搬出去坐。但我同我屋企人都不斷問點解會係我地用餐途中，被要求搬出去繼續用餐？該位戴眼鏡男經理只係回答我地，有人出面唔夠位坐。要坐我地原先安排既位，該經理提及出面同事安排位置錯誤，將責任完美地推卸給其他同事。實際上，係要安排我地原先既坐位比熟客仔。因為我同屋企人坐低無幾耐，見個戴眼鏡男經理帶住幾個人，其中一位女士指住我地坐緊既枱。不久之後，我地6位進行緊用餐人士，就係咁被要求坐去第二度。感覺已不覺得見好，雖然該位戴眼鏡的男經理聲稱佢會比無限時間我地6位用餐，但食到差唔多，眼見出面多人等位，其他staff 亦開始幫手收拾枱面既野 + 追埋未到既食物後，我地都決定離開該餐廳。總結，真係唔會再有下次再去。如果佢地之後想有多好少少口碑，請對生客好少少。

事源 有日經過兆萬有個哥哥仔係樓下係咁拉客299免一見佢誠意 咪試下囉一入到間鋪 得果4枱客（果陣黃金時段8:00）心諗 大獲啦 似中伏 但入左黎又廢事走 叫左第一round刺身落單刺身每樣點10件 點知黎果陣有啲3件 有啲4件 似師傅睇心情番工跟住再點赤蝦 三文魚 蝦個頭又黑 又梅 吾新鮮 三文魚又腥腥地到燒物熟食叫左個粉絲扇貝啲蒜蓉黑色？係咪朝頭早擺到落夜晚？咁樣收人地299？吾怪之得無人肯食跟住到點雞煲 比左個微型火鍋煲我滾左10分鐘 隻雞仲係凍到底係咪冰櫃拎出黎比客食？點解仲有今時今日既服務 咁樣既出品3個人食左45分鐘即走 嬲到爆點解會寫食評？因為我果日生日 所以一試難忘 無得揀 我都吾會再揀呢間食 食垃圾咁食

今次嚟日式放題，真係食到讚爆！首先，佢嘅刺身選擇絕對是亮點！新鮮嘅刺身款款都令人嘆為觀止。有厚切嘅三文魚腩、油甘魚、鮮甜嘅螺肉🐚、北寄貝等等，滿足你對刺身嘅所有幻想！壽司方面更是一絕，迷你海膽手卷、經典花之戀壽司，以及各種風味嘅燒壽司，每一口都帶來絕對的享受除咗刺身，日式放題嘅熟食選擇更是豐富多元。冰鎮冷盤、即叫即燒嘅燒物🔥、牛肉壽喜燒🥩、印度咖喱薄餅、還有辣味十足又鮮美嘅港式蟹肉粥🦀，連高貴的魚肚和海參也能品嚐到。每一道菜的質素都非常出色，絕對讓你滿意當然，不可忘記飲品和甜點的選擇。各式各樣的茶類🍵、椰子水🥥、酒類、罐裝和紙裝飲品🥤，讓你喝得盡興。至於甜點，熱燕窩紅棗鮮奶🥛、燉蛋白的柔滑口感🍮，還有芒果西米露🥭、糯米糍的彈牙口感🍡，每一口都讓人心醉神迷！食完甜點後更加滿足呀！無論是新鮮的刺身、多樣的熟食，還是豐富的飲品和甜點，每個細節都展現了高品質和美味。如果你是日本料理的愛好者，絕對不能錯過這個放題體驗！

沒主意食甚麼的時候, 放題總成首選! 集火鍋、日本菜、韓國菜於一身的餐廳, 地點又方便, 怎能不去呢! 因為我們想吃生蠔, 就升級來個任食, 包括: 日本生蠔、松葉蟹爪刺身、醬油蝦刺身、磯煮冷鮑魚、雞泡魚乾、汁燒鰻魚串及海膽軍艦等, 這升級很划算! 刺身拼盤超美的! 除了升級的那些外, 還有三文魚、帶子、北寄貝、甜蝦、泰式生蝦、希靈魚、螺片、牡丹蝦及馬刀貝等, 新鮮爽口, 鮮甜彈牙! 期間限定職人料理, 可選日式和牛壽喜燒 / 四川香辣雞煲 / 迷你海鮮鍋! 我們很聰明的選了海鮮鍋配壽喜燒湯底, 一次過滿足兩個願望! 有蜆、蝦、青口、蠔及扇貝等, 夠新鮮, 有驚喜! 之後還有壽喜燒湯底, 可追加肉類、海鮮等火鍋配料, 超讚! 另外還點了日式燒牛舌、照燒雞皮串、日本芝麻雞翼、松葉蟹棒及海老天婦羅等熟食, 熟食質素還不錯, 天婦羅炸粉不會太厚, 雞皮燒得很香脆, 整體感覺不錯啊!最後來個雪糕, 完美! 

刺身船用咗乾冰，有煙霧彌漫嘅夢幻感覺🌫️，影相出嚟好靚✨，入面嘅刺身分別有新鮮肥美的三文魚🐟、吞拿魚、爽口螺肉、冇乜雪藏味嘅生蝦🦐、北寄貝、松葉蟹🦀、隻隻都脹卜卜嘅肥美生蠔🦪，仲有好靚嘅壽司set ，包括好重海鮮味嘅海膽、油甘魚壽司、花之戀、黑松露大蝦壽司，壽司米仲酸酸地好開胃🤤熟悉主要有炸物同埋燒物類別，包括一大煲嘅和牛壽喜燒🥩、炸天婦羅大蝦🍤、炸南瓜🎃、炸流心芝士年糕🫕、甜甜地嘅燒焦糖菠蘿🍍、滑捋捋嘅日式海鮮茶碗蒸🍳、健健康康一口紫薯🍠、一啲都唔蘇嘅燒羊架、爽口又味道濃郁嘅牛舌👅、清甜牛油炒粟米🌽、清新嘅胡麻醬沙律🥗等，的確好豐富啊自家製甜品同埋多款飲品，好似有木糠布甸、意大利咖啡蛋糕🍰、色彩繽紛嘅馬卡龍🍡、口感煙靭嘅麻糬等，而飲品都有好多選擇，無論係冰涼嘅汽水🥤、經典啤酒、果汁🍹、韓國蘆薈、港式豆奶定是係香濃嘅咖啡☕️、茶類🫖，都可以滿足唔同人口味喜好

#旺角地膽 今次去神戶屋日韓放題！有多款日式刺身，蒸氣海鮮，任食火鍋！仲有炸物、串燒等熟食可以任食！性價比好高！🍣刺身。冷盤：超有睇頭的刺身盤，有鮮甜的生蠔、肉嫩嘅蟹腳🦐甜蝦、甘蝦，牡丹蝦人，泰式生蝦；口感彈牙的鮑魚、新鮮的帶子、螺肉等，樣樣都鮮味十足！🦞蒸氣海鮮食完冷盤先點一個蒸氣海鮮，我地揀左壽喜燒鍋，蒸海鮮，包括蒜蓉粉絲蒸扇貝、生蠔、青口、大蝦等；配上香蒜提升了海鮮的鮮味！🍤炸物點了炸蝦天婦羅和蟹腳天婦羅；炸至金黃香脆；🍢串燒點了皮脆肉嫩的鰻魚、肉質滑溜的雞翼、脂香的燒雞皮、口感軟彈的燒牛舌等，帶點焦香，夠哂惹味！  🥟火鍋配料揀左雞肉腸、午餐肉，加上一個辛辣麵～化身一個小型部隊鍋呢！🍦最後食埋燒菠蘿及Movenpick 雪糕做甜品～真係大滿足！神戶屋日韓放題 📍 旺角西洋菜南街1N號兆萬中心8樓

當想放開肚皮食吓日本嘢，呢個時候放題就幫到你！刺身款式多達10幾款，淨係蝦嘅刺身都有3款，今次我仲加埋錢升級，所以食埋長腳蟹同埋生蠔，食生冷嘢食都好滿足！加得錢就梗係唔係剩係得刺身，仲會有雞泡魚乾鰻魚串同埋海膽軍艦！如果大家都鍾意食呢啲啊，真係記得升級，因為真係物超所值！最估唔到係呢間放題仲有邊爐打😇打邊爐之前沒有蒸海鮮，有蒜蓉扇貝同蒜蓉蒸青口，味道都唔錯！食完蒸海鮮就可以打邊爐！呢間神戶放題款式真係好多，最估唔到連邊爐都有得打😂😂

神戶屋是一家抵食的放題居酒屋，食物品質非常出色。他們提供新鮮的海鮮和傳統的日本料理，如刺身、壽司、炸物和燒烤，食材新鮮，每道菜都精心製作，味道鮮美。甫坐下，就可以選日式牛肉壽喜燒/四川麻辣雞煲/迷你海鮮蒸鍋。因為見神戶屋的海鮮新鮮，所以點了一個迷你海鮮蒸鍋，清清地要了蕃茄湯底。蒸鍋使用各種海鮮，如蝦、蚌、青口等，搭配新鮮的蕃茄和其他蔬菜，蕃茄湯底帶來濃郁的鮮甜滋味，並與海鮮的鮮味相互融合，營造出美味組合。神戶屋的刺身非常出色。他們使用新鮮的生魚片，包括帶子、三文魚、甜蝦、海膽、馬刀貝等等。每一片刺身都鮮嫩多汁，完美展現了海鮮的鮮美。如果你喜歡壽司，神戶屋也提供各種類型的壽司，包括傳統的握壽司和刺身壽司。你可以品嚐到新鮮的魚片和醬料的絕妙組合，每一口都讓人回味無窮。而神戶屋的炸物也非常受歡迎。他們炸得恰到好處，外層酥脆，內部保持著食材的鮮嫩。炸物的選擇包括天婦羅和炸蝦等等，都是美味可口的選擇。如果你喜歡燒烤，神戶屋也有豐富的選擇。他們提供各種肉類和海鮮的燒烤選項，例如牛肉串、鰻魚串和鮭魚串。燒烤的過程中，食材保持了鮮嫩的口感，同時散發出迷人的炭燒香氣。除了主菜，神戶屋還提供各種小吃，包括

🍣刺身有好多款式，包括🦐赤蝦、🐟三文魚、北寄貝、馬刀貝、帶子同小編鍾意食嘅赤貝等等等，加咗錢嘅升級套餐仲有生蠔🦪同埋長腳蟹🦀😁每樣都非常之新鮮，小編特別欣賞佢嘅帶子，因為粒粒都好鮮甜😙🥘呢間放題仲有個特色，就係有埋蒸海鮮，小編今日食到蒸扇貝蒸蜆同埋蒸青口，扇貝同埋青口配上惹味蒜蓉，真係好正！蒸完海鮮之後，仲可以打埋邊爐，真係每樣食少少都飽😎🆙升級套餐仲有雞泡魚干、醬油蝦、烤鰻魚串同埋海膽軍艦，小編非常鍾意食烤鰻魚串🍡呢一個係俾錢升級嘅其中一個原因，而且呢度嘅鰻魚串都真係好肥美！😆當然啦，呢度都唔少得天婦羅炸物，炒菜等等嘅基本嘢，味道都非常好😝甜品種類亦都非常多！最重要係呢度無漏過單，而且侍應嘅服務態度都好好，唔會食到一肚氣😎

我最近在神戶屋享用了一頓美味的日本料理，這是一家以新鮮海鮮和傳統日本料理聞名的餐廳。餐廳提供各種選擇，包括刺身、壽司、炸物和燒烤，這讓我對他們的菜單非常期待。我點了一份迷你海鮮蒸鍋，這是他們的招牌菜之一。蒸鍋裡滿滿的海鮮，包括新鮮的蝦和蚌等，每一口都散發出來自海洋的鮮味。蒸鍋的湯底選了蕃茄湯，所以清爽而不油膩，讓海鮮的原汁原味得以保留。蔬菜的加入平衡了整個菜餚的口感，讓它更加美味。我特別喜歡這道菜的簡潔和純淨，能夠真正品味到海鮮的鮮美。 除了海鮮蒸鍋，在神戶屋這家餐廳，刺身的質素絕對是令人讚賞的。他們以新鮮度和品質為重點，確保每一塊刺身都是新鮮、美味且具有高品質的食材。他們的刺身選擇非常多樣，包括有鮪魚、帶子、馬刀貝、三文魚等等，每一種魚都被巧妙地處理，保持了魚肉的嫩滑和原汁原味。刺身的切割非常精準，每一片都均勻而且薄切，展現出食材的最佳口感。在神戶屋，他們的甜品、炸物和小吃也非常豐富多樣。我嘗試了一些甜品，包括馬卡龍、Tiramisu和木糠布丁等等，它們都非常美味。炸物方面，他們提供了各種類型的天婦羅，包括蝦和蔬菜等每一口都酥脆可口。整體而言，我對神戶屋的用餐體驗非常滿意。他們的菜單