神農氏 (已結業)

今日中午喺元朗仲未諗到食乜， 就試下亂咁行睇下鍾意邊間就入邊間。 突然畀我哋見到呢間“神農氏 “，點解好似之前未見過嘅， 定係平時冇留意呢 。見係食西餐又好似幾企理 ，裏面都坐滿八成，咁不如試下啦 。入到去得番吧枱嘅位置，都ok嘅。 我哋叫咗一個牛扒跟意粉同一個羊架跟意粉， 飲品就叫咗熱茶 。每人大概六十蚊左右。嘢食嚟到原來係用紙碟裝住 ，隻碟唔係好大，食嘅時候有啲論盡 ，而且好唔環保 ，全部餐具係即棄嘅。不過食物味道幾好 ，牛扒同羊架調味都入味，煎得幾香食落幾好食 ，都JUICY，而意粉都算彈牙有咬感 。成碟食物感覺落咗好多橄欖油落去 ，如果成碟嘢再少啲油就更加好啦。另外佢本身有急凍嘅扒賣， 我哋買咗一包牛扒有兩塊， 百幾蚊左右， 返去簡簡單單咁煎都幾好食。

老闆經過呢間小店，就入去試下。鋪頭空間較小。入去只有3張枱，剛好撞佢維修冷氣。。係今曰咁熱天氣我地只好用自己帶黎嘅風扇仔幫手。。我地3個人先叫左3款食物試試。因為小店中午得一個人老細煮食。所以出餐會較耐。2人餐有龍蝦生果沙律，沙律入面真係有龍蝦肉碎，生果新鮮美味。蕃茄青口意粉，好濃厚嘅茄汁意粉配上青口。好食。2人餐要嘅牛扒意粉就冇乜特別就唔影。另點左個鱈魚意粉，意粉有驚喜。用酒煮意粉好香，意粉幼身爽口，鱈魚就比較細件冇咩特別，反而旁邊配菜有黃瓜青瓜佢用香草炒過特別可口唔乾身。隔離帶子煎得好香口新鮮。唔錯因為我地比較大食。所以再叫左個羊扒配薯菜。羊扒有驚喜唔騷味有肉汁正。薯條即炸。因為帶子好食再叫一份帶子（4粒）放埋一齊。不過小店冇人清潔餐具，用即棄膠杯膠叉膠刀紙碟。。呢方面比較唔環保。另外因為佢地開放式廚房。。 油煙好濃加上遇到佢整冷氣。。所以食完出黎由頭到腳都一陣油煙咪。午餐價錢我覺得都算貴，不過老闆好有心煮嘅同埋都好食所以都ok.

係屋企hea足全日唔想落街，但又想食steak喎，唯有叫歸家中既另一半幫手外賣啦！之前都係呢間食過幾次外賣steak，知道佢地製作時間需要20分鐘，我預岩時間打電話去order左份烤安格斯肉眼扒配雜菜及薯條 ($139)，另一半去到就岩岩好啦可能另一半遲左去到餐廳，店員將份外賣加熱先交俾我另一半，怕唔夠熱味道會無咁好，真係好貼心🥰外賣交到我手上都仲熱，味道方面：steak都不錯，大大塊又肉味重，但唔算好厚身；雜菜用調味料炒過，所以都好惹味；而薯條俾外賣盒焗住既情況下竟然都仲香脆，食唔停口以食物既質素及價錢，呢間會係我食平steak既不二之選😆

豬肋骨太生、有血....同咗店員講，但完全無補救措施，由得你🤮羊架超級無敵肥...無肉食牛係好食嘅， 算係今餐最好嘅肉類生蠔中規中矩，不算特別。龍蝦沙律好食，但都無下次了.

有朋友同我講呢度嘅龍蝦沙律好好食所以一心過嚟試吓。可惜佢嘅龍蝦沙律係好似冇得散叫嘅只係有二人餐入邊先有得食，所以焗住叫嗰個餐。個餐入邊除咗龍蝦沙律仲有生蠔牛扒同埋羊架，加精選嘅甜品。龍蝦沙律的確幾好食，至於生蠔味道一般，我自己就唔食羊嘅但係牛扒都好食。至於甜品就係一球朱古力味嘅雪糕咋。不過整體來講人均消費$200又有龍蝦又有生蠔又有牛扒，過下口癮平平哋都幾抵呀。

最後分享一間留意了很久的獨特小店，它叫 神農氏，既是食店也售賣著多項食材，經網友推介新年期間一次上教會後，來了午餐。  午餐+$20沙律質素一般，跳過也不可惜，但+$20龍蝦湯卻是驚人地鮮甜、熱熨又美味，推介一家要試！ 這裡的肉類質素很不錯，雖然這天懶洋洋沒帶相機，只用手機拍的羊架意粉及牛柳意粉 ($65) 的肉品均有令人眼前一亮之感，吃下去更是美味，突然好想來一杯紅酒！ 作為配菜的意粉也不算失色，當然小孩會更喜歡 Carbonara $68，那香濃滋味的確很惹人食慾。其實店內還有 Crepe，下次經過再試更多吧～

伊比利黑毛豬扒套餐$182+$18=$200前菜：煙三文魚鮮果沙律😋，有蘋果粒、梨粒，新鮮，好味餐湯：龍蝦湯😋，濃郁，真材實料主菜：伊比利黑毛豬扒配什菜及薯條😋，豬扒肉質挺好，有嚼口，點醬食更佳；也喜歡什菜，薯條又粗又好味飲品：青檸檸檬梳打😋(特惠價單點+$15)，自家調配的，好味，但甜了少許甜品：朱古力忌廉泡芙溫馨提示😉，食品新鮮製作，固需時，若客人多，看大家order甚麼，可能需時更久

晚上經過見到波士頓龍蝦沙律特價$89(還需加一)，故入內光顧，但烚熟的龍蝦肉真不是我杯茶，若不是有醋、梨和蘋果粒相伴，肯定不會將龍蝦肉吃晒另叫了一客全熟而好味的澳洲和牛意粉，雖全熟(個人口味)，但肉都是嫰的，$145連加一，$159可吃到和牛，實在很抵👍🏼有這價錢相宜的多國菜食店真好👏🏼！下次會試其他食品，如海鮮、扒類和蠔等晚上，這食店的女職員態度友善和有禮店舖簡約舒適，座位不多，全部凳是沒有靠背的。5:30pm後為晚餐，收取加一服務費

35蚊一個辣味豬柳漢堡，只係貴過摩斯漢堡店幾蚊，已經係我人生暫時食過最好食，完勝好多過百蚊一個嘅X國XX豬 / 牛漢堡。講緊嘅，就係元朗呢間專賣食材而兼做堂食嘅小店。環境絕對係坐得唔舒服，連一張靠背椅都放唔落，但食物絕對係平加高質。個漢堡唔只足料兼大份，塊豬柳仲好JUICY而又唔會過咸。如果唔係為咗寫食評，我係絕對可以日日去食足一個星期都唔厭。上次去仲點咗一份羊架意粉，都係50幾蚊到，冇漢堡咁正，但都屬於抵食。羊架煎香，咬落嫩口得黎有彈牙感，加少少羶味，完全就係食羊肉嘅目標黎。成碟意粉份量唔多，但食野梗係貴精不貴多架嘛。等野食期間見到凍櫃入面有啲切咗件嘅朱古力蛋糕，要咗兩件，口感稍為乾啲，最後再點多杯百香果疏打，呢個就大路野啦，只係想嗌杯餐飲送下野食啫。最後要提一提，間野堂食位唔多，又經常有人包場，所以去食之前最好撥個輪去問問先啦~

話晒都係私房菜，以為會有啲貴，原來係噤抵！！呢個英國28日熟成牛真係好正，估唔到咁軟，廚師唔會問你幾成熟，因為佢會將煮得最完美嘅送上枱，大推大推！！薯條都好正啊，又粗又夠爽，好好味！仲有呢個龍蝦湯，就算好大碗，味道好濃郁，超及滿足！連埋呢個三文魚沙律都只係二百幾蚊，真係一般西餐價錢，酒店級水準希望遲啲出咗名之後，唔會好難book枱啦入嚟元朗真係要試吓必食！

近期office來了新同事，佢帶我來小店食西冷午餐~~~$59有得食扒加熱飲感覺幾抵~~~意粉感覺少咗D，塊扒幾好食，而且好juicy，不過我就唔鍾意食呢款配菜，所以俾晒個同事食~~~加$2可以拎日式罐裝飲品，好好飲~~~呢度的午餐幾抵，晚餐都有唔少人幫襯~~~個人認為呢間小店食物質素不錯，唯一缺點係要等，同事因為之前有幫襯過，所以先用whatsapp落單，去到等一陣就可以食~~~

去完下白泥睇日落，個人攰到散，搭車去返元朗揾食，本來就諗住去一早講果間食嘅，可惜我同朋友都係九龍人，唔識路，只知間嘢喺地鐵附近，就照住路牌行，行行下就比間紅色嘅店吸引住望望出面餐牌，實在吸引又唔貴，入面都幾多人下，就決定入去一試，就係比衣個👇🏻餐牌吸引不過我地最終叫左2人晚餐👇🏻有龍蝦沙律、4隻生蠔、同牛扒/羊扒、甜品同飲料。首先來嘅係生蠔，新鮮鮮甜淡淡海水味，得2隻係唔夠!食完生蠔，沙律就到時間剛剛好，沙律上有原隻拆肉龍蝦，沙律則有清甜蘋果同梨，感覺清新等左陣main course 來喇，由於我同朋友都唔食羊就轉晒5安士牛扒，其實唔可以叫牛扒，應該叫牛立方，賣相震憾，不過稍為有「哨」口，要咬多幾下，其他配菜好好食而飲品有3款梳打選擇：百香果、青檸同巨峰提子甜品芝士蛋糕同朱古力波波都好食🤤今次緣份嘅安排食到價錢相宜又好食嘅美食上載埋其他menu 以供參考忘了提衣間點有好多食材可以買：蟹膏喇，醬油蟹喇、明太子醬（只寫自己喜歡的🤗）大家住附近可以睇睇

中午經過第到餐牌已經好吸引，可惜已經食完lunch, 所以晚上再黎。我地點咗羊架蒜香天使麵套餐&單點安格斯肉眼扒 （套餐比單點相差$6x）我們在等候時，陣陣香味已經從開放式廚房傳出來，2位廚師密密手煮，我們在外面已經流晒口水龍蝦湯鮮甜濃郁，沒有坊間的帶苦和帶酸，可惜太細碗餐牌上寫大蝦沙律，但來的卻是煙三文魚沙律。份量不多，白色的起初以為是薯仔，但原來是香甜蘋果，配上少許沙律汁，很開胃。羊架煎得恰到好處，肉質嫩滑， 有羊味天使麵加了大量蒜頭和香草炒，好香蒜味好大塊扒，仲有好多薯條……牛扒大約5成熟，入面還是粉紅色的， 鮮嫩多汁， 富牛味又有質感，薯條炸得很脆很干身，已加了少許調味，唔點茄汁都OK！連配菜中的翠玉瓜都充滿香草味，有驚喜！芝士蛋糕只有一隻手指的分量，但味道唔錯，奶味較重，軟一點，唔膩。外面只有一位店員負責店面，還要沖飲品、遞食材給廚師、收錢等，很忙。當我要求杯茶添加熱水時，她很貼心地另外再加點凍水，怕我太熱飲唔到，值得一讚總結，食物美味，服務態度良好，如果能減少使用即用即棄的餐具就更好，現在感覺有點像吃外賣餐。

行經幾次都見入面坐到好滿今日終於去試下。點知原來樣樣野都好食，仲係即時整。開放式廚房你會見到廚師整野食。無論係海鮮，扒定係Pasta都正喎！即係睇相先。由頭盤到甜品都係above average !一人餐有齊蠔，沙律，扒，甜品同野飲。200蚊有找真係勁值！讚下肉眼扒真係好好食，完全一分錢 一分貨。配料嘅蔬菜多汁。仲有做外賣食材👍🏻全部餐牌有嘅都有得賣。仲有入口韓國醬油蟹同甜品。一定會再食同試下買海鮮回家整！

新開食材店+餐廳，中文名好型「神農氏」，不過神農氏唔係教人耕田既咩，anyway，都係食喇!$90有5款蠔，雖然係大路coffin bay,irish個類，不過都係抵食既以餐廳黎講，意粉類$70左右，大蝦意粉係aglio olio煮法，好食，羊架意粉就係creamy做法，羊架都唔錯，榴槤大福可能因為馬來西亞出品，大福啲質地始終唔係日本個皮，不過餡就一流!我見佢食材賣得都幾平，自煮可以試下!食咁多嘢2個人加埋都係$540，出面真係食唔到!