祥興麵家 (已結業)

買了碗及第粥 & 合益泰的腸粉做午餐。及第粥沒有因通貨膨脹而唔足料，依舊好足料...有豬潤、豬心、豬肉丸(手打)、豬肚同粉腸。樣樣料都好新鮮；豬心爽口無異味；粉腸好粉唔會苦澀；反而豬潤就失色少許，帶點苦。粥底夠綿無味精。

我一向都係粥精。無論春夏秋冬都係咁鍾意食粥，夏天熱死辣辣都會一個禮拜至少幫襯一次食粥。但係一向都好怕食到味精粥，“精”住個口成晚好辛苦！但係呢間舖d粥真係好得！又綿、食得出冇加師傅！抵讚！我地星期日兩個人晏晝5點半到，冇乜人，可能未係食飯時間… 我地叫左︰1. 生滾田雞粥1碗 – 粥底綿，但田雞得1隻，令到個粥淡左d，食到田雞啖粥就會好甜，但齋食粥就淡左些少… 下次試下問佢加多隻田雞幾多錢… 不過都係賣 $21，算係好ok！2. 淨雲吞1碗 – 皮簿餡靚，size適中，正！3. 通菜 - $10 都算幾大碟，bf 話d腐乳好味。4. 蟹皇粥1煲 – 又係粥底綿、蟹雖然唔算大(煲仔飯size)，但勁新鮮！有好多膏！攪勻之後d粥好鮮甜。$26 咁既價錢同質素，95分！食完都唔覺口渴，非常好！我飯堂list又多一間，多謝openrice各方好友報料！

今天下午一心到祥興麵家想一試其雲吞麵，一時忘了祥興麵家的正確地址，在鴨寮街附近找了好一段時間，　找來了一定＂祥興粥麵＂，怎料錯了，餐牌上沒有粥，只一般茶餐廳的食品，又不好意思走人，就在無奈之下吃了一碗很鹼水味很重的雲吞麵就快快離去。之後找了一會，　終於在鴨寮街的盡頭找到了正牌的＂祥興麵家＂。見其門面很有老牌感覺，便知今次沒有找錯了。和男朋友點了魚皮, 雲吞麵及田雞粥。魚皮很一般，雲吞麵當然比＂祥興粥麵＂的好很多，沒有鹼水味，湯底都不錯，不過本人仍比較喜歡吃劉森記的。反而田雞粥就很出色，很新鮮的田雞加上很綿的粥，田雞的甜味溶到粥裡。正！大家去找好吃的田雞粥，　記住唔好好似我咁找錯店。今天真的很傻。。。

前陣子考試，已有2 weeks 無寫食評，現在要一一補回呢！及第粥好足料，有豬潤、豬心、豬肉丸(手打)、豬肚同粉腸。樣樣料都好新鮮；粥底夠綿無味精。估唔到佢ge炸醬面都超得。雖然略帶鹼水，但面身爽口彈牙，我覺得可以接受。炸醬都好香，唔辣，有很多肉絲，仲有兩條菜伴著，good~

小弟在鴨記的回憶,不外乎那些二手"公仔書",電玩影音之檔口,說到吃.就不曾在此留下任何足跡.當中在北河街同桂林街中間的一段,有間叫做祥興的麵店,每次來鴨記,路過也沒有停下腳步.日前看Dragonfire之食評,得知這個雲吞,有令人感動之功力,就抽個日子來試.老式麵店之格,以粥品為主,而且亦有煲仔飯供應.都未算是單一口味.有一味生滾田雞粥,與其叫生滾,不如索性叫生剝田雞粥,才夠嘩眾取寵.因為田雞是即叫即殺,活生生的田雞,就放在門外的膠箱內,等候喪鐘來臨的一刻.聽到都大叫殘忍,實在為罪過,眼不見為乾淨,死後能夠成為美食來饗客,泉下有知也感安慰.其粥底夠綿密,田雞肉味鮮.由其田雞腿位,肉質更爽.有說田雞很多虫,但在高溫粥底滾幾滾之下,什麼虫也殺死,根本不用擔心.鯇魚皮份量多,每塊拖過水後的魚皮,魚鱗依舊分明.質感爽脆,食味夠新鮮.撈薑荵吃是必然之配搭,可惜其魚皮的豉油,調教得有點過咸.略略搶去魚皮本身的鮮味.腸粉是即拉貨色,滑溜晶瑩有米香,吃落又幾煙齦,內裏的叉燒,又幾夠味.這店的雲吞是鮮蝦雲吞,份量不是細蓉的細,匙羹連韭黃放底,雲吞在底不見天.賣相正宗.先試其湯,好像沒有下鹽,淡如開水.再

呢次食評會比以往的長一點點，請各位耐心睇完整篇文章，多謝~今日放工，突然間決定去前幾日放棄冇去o既粥店，去食之前曾經食過o既田雞粥。這個食店位置幾隱蔽，因為佢係位置鴨記(鴨寮街)旁邊o既地舖。呢間麵家有幾十年歷史，不過因為位置問題而好多人都唔知道呢間店o既存在。入店o既時候，店內客人唔算多，搵到位後就立即點o左兩樣生劏田雞粥同鮮鯇魚皮。前者在上次因為帶病食唔到原味，後者一直都係小弟其中一樣至愛食品。先o黎o既係鮮魚皮，呢度同外邊o既店有少少唔同，因為用o黎點o既豉油會分開上，避免o左"魚皮浸豉油"o既情況出現。呢次o既味道同上次一樣都差唔多，唯一要彈o既係"老闆娘唔該開細少少個雪櫃，魚皮上面有o的霜啊~" 囧"我好快就食哂o的魚皮，大約等多幾分鐘後田雞粥就到喇。先聞一下，唔....有微微o既米酒香味，有米酒o既原因係用佢o黎辟走田雞o既腥味。呢次粥底少少綿，粥有米香之餘亦帶一o的o的田雞肉o既甜味。先食田雞腿，嘩!好鮮甜!肉類幾有咬勁，果然係新鮮田雞用粥生滾出o黎先有o既味道。一碗田雞粥用上一整隻田雞，味道自然清帶濃而味亦鮮。自我十幾年前o係塔門食過o既鮮帶子粥有咁o既鮮味之外，呢次係

每一次路經，都見到佢哋將成攞蟹及田雞放响門口做selling point。去親鴨記除咗買電池及儀器之外，就算要食嘢都只會去合益泰督腸粉及新香園食蛋牛治。今日想有D新意，就入去試吓碗田雞粥...雖然好想好想叫埋蟹粥，但實在太多，驚食唔晒。浪費食物，絕對係罪過...粥底頗綿，食落好淡口，感覺好"清"，食唔到師傅嘅存在，仲有榨菜粒吊味，水準算不錯；田雞即劏即食，算幾新鮮，不過肉不夠結實。始終時至今日，要揾到走地田雞，談何容易...食粥梗要搭埋一碟腸粉先夠喉。是日叫嘅蝦米腸，夠足料，滑就當然不及旁邊嘅合益泰，但都還可以...下次來個雙併田雞蟹粥，甜上加甜...

外賣了一碗及第粥& 豬潤腸粉。好好多豬什呀，o岩晒我！有豬心、豬肚、豬潤、粉腸同肉丸。豬心好正好新鮮，又唔會韌到咬唔到。豬潤有拿過所以好爽。粥底好綿，沒有味精。豬潤腸粉:腸粉唔掂，好硬唔夠滑又厚皮，上面仲灑了木魚粉，好格格不入呢，又中又日，味道怪怪！笑臉係俾個粥ge~

之前同老婆過左澳門但搵唔番佢至愛既水蟹粥，失望而回之後只好黎依度食番補番數。的確唔錯，雖然係用膏蟹而非水蟹煮既，但勝在新鮮即叫即劏，而且隻蟹又多蟹膏，而生滾落粥底後美味非常。當然還是懷念用水蟹啦，始終木水蟹煮既粥會再鮮味好多。總之老婆大人食得津津有味啦。粥底好綿，但同其他食評家相反，我又唔多覺有師傅喎。何況個蟹粥只收$25，算係超值了。總之，第日老婆大人又想食蟹粥的話，未必再要山長水遠去澳門了，落黎深水步止止咳都OK。

1月26日16:00又到鴨記，掃完貨便到這裡吃碗魚腩粥粥。粥底：綿而薄，有點點薑絲、芫茜和沖菜。魚腩：份量足，可惜不夠肥美，還有少許泥味和較實。整體合格，但美中不足的是師傅太重手了。客人不少，要魚腩粥的較多，吃麵的較少。地方算整潔。題外話：亞姐下單時，問要不要加隻或腸粉，我拒絕了。但吃完粥後，卻馬上到合益泰來碟腸粉，原因是既然付出一樣代價，為何不選質量好一點的?

今日中午黎開餐叫左蟹皇粥同腸粉蟹皇粥真係用左一隻蟹去煲估計係奄仔蟹雖然肉唔多但膏都有唔少所以個粥底都幾清甜而且好在係用煲仔上所以好保溫味道可以可惜腸粉唔滑而且麻醬又稀又少叫左佢加多D仍然無乜地方簡陋而且已經見唔到門口D籮仔服務尚算唔錯

今朝剪完頭髮,工前,11點左右同男友行過黎食粥,環境同衛生程度吾好有期望.我地叫左窩蟹粥$25,炸魚皮$10,奄列餐$18(火煺奄列,牛油方包+凍檸茶)蟹粥---確實吾錯,粥底夠綿,鮮甜,蟹肉夠實,真系生劏!炸魚皮---千褀吾好叫,一d都吾脆,同阿姐講佢話系新鮮交黎.火煺奄列,牛油方包---不過不失啦!凍檸茶--合格.$53,推介佢d粥.下次會試埋煲仔.

祥興這間舖頭是我數日前建議Openrice 加上網站, 或許大家行鴨寮街看電話或電子零件時, 可能都會留意這間有兩個竹蘿在門口的舖頭.祥興在鴨記已經很多年, 看門前的雜誌介紹, 已經有三十多年歷史. 佢地門前的兩隻蘿, 一個是放田雞, 一個是放蟹. 皆因他們的鎮店之寶是是- 生劏田雞粥及蟹王煲仔粥.我多數都會幫襯生劏田雞粥, 每碗粥都有一隻田雞作材料, 伙記會立刻在蘿內揀一隻新鮮田雞, 即劏即煮, 五分鐘左右, 就有一碗新鮮田雞粥.田雞由於非常新鮮, 所以非常鮮甜, 而且肉質非常彈口.一隻田雞其實可以食的肉很有限, 我最喜愛兩條田雞腿, 真是天下美味.今日另外我亦叫了一客白灼魚皮, 魚皮是鯇魚皮, 只能短短白灼數秒, 加以蔥薑絲拌食, 另外亦有碟醬油佐膳.伙記講白灼魚皮很講究時間控制, 太久就會硬. 我第一次食這味魚皮是在國內, 鮮美之處印象十分深刻. 因為難整關係, 所以一般舖頭都沒有供應, 在香港我只在靠得住食過一次, 不過要成35 元, 在祥興同樣做得爽脆, 都係20 元. 一粥一小食, 都只是40 元. 能以這價錢食到這種鮮味, 實在物超所值.伙記亦相當好客, 皆因很多街坊幫襯