福丸水產 鉄板燒 日本料理 (已結業)

去完公司總部開會，開完都七點了，便坐車去附近荃灣吃晚餐，反正出了花紅，就吃好一點吧！餐廳好大，卡位舒適，裝潢是日本風！店員很有禮貌！豐富的圖文menu！先點一些小食前菜。白飯魚干細細條的小白飯魚，烘成一片片薄薄的，好脆的魚干，純對是佐酒小食！明太子燒本身猶疑了一會才點，因為怕空口吃會好鹹，幸好，原來這款只是微鹹和微辛，不是很重口味，反而燒完之後很甘香，口感細緻！朋友點了巨峰乳酸。有小食當然要點酒，我點了梅干highball，梅干帶點鹹味，酸酸的，酒味不濃！福丸浜燒盛盒見到這個set好吸引，有鮑魚、大蜆、帆立貝和蠔！店員會幫手燒和加上清酒調味，我們等吃就是了！全部水產都好新鮮，鮑魚還在動！口感好彈牙！大蜆肉質飽滿！帆立貝好大粒，好鮮甜！燒蠔好juicy！牛油果軟殻蟹卷軟滑的牛油果，加上香脆的炸軟殻蟹，還有一點沙律醬，飯粒不會散，很豐富！特上盛合盛合有7件壽司1卷物，分別是拖羅、油甘魚、海膽、金目鯛、深海池魚、活赤貝和吞拿魚蓉小卷。各種魚都得新鮮，海膽非常鮮甜，拖羅好肥美，入口溶化！整體食物都很不錯！會推薦給朋友！

這是我十分喜歡的餐廳，食物質量很好，環境亦很舒服，所以我已經來過好幾遍。這次我一連數日到荃灣工作，所以特地約同事一同品嚐這裡的晚餐。顧及年輕同事的錢包，我們只點了壽喜燒、和牛炒飯及一份手卷。論份量，這是足夠2個人分享的。我覺得這個壽喜燒，非常抵食。有大量蔬菜的壽喜燒，味道主要來自壽喜燒汁，味道不錯，但沒有太多驚喜。和牛炒飯很乾身，味道亦很好。最後的手卷口感層次很豐富，是值得再一品嚐的美食。飲品方面分別是梅子梳打及熱烏龍茶。這晚飯幾乎是完美的，可惜我的烏龍茶未徹底翻熱，喝著怪怪的...

曾經係日本食過好好食既水產浜燒，　香港都有一兩間幾好食，知道荃灣又開左間新既！　即刻帶肥仔去食！　佢實在太喜歡食日本菜了。入去裝潢都幾日本風，有好多卡位，二至四人既私人空間都大，右邊仲有師傅既場握SUSHI同埋SASHIMI，仲見到好多新鮮的海產。黃金蟹膏甲羅燒$88推介！好新鮮的蟹蓋加鵪春蛋，再慢火用銀針蟹膏及蛋液攪勻，燒十分鐘！海膽松葉蟹膏甲羅燒$88都係推介！今次仲加埋海膽，食過番尋味! 肥仔真係好喜歡食鮑魚$68活生生既新鮮鮑魚即燒，睇住佢個樣好似好慘咁,係咁神經反射係到郁,食落勁新鮮！一隻兩個食，試一試_______海膽帆立貝牛油燒 $88海膽帆立貝好新鮮，牛油味好香。成程都有人燒有人剪開，我地睇緊就可以蟹膏帆立貝牛油燒$68蟹膏加埋帆立貝好有特色，配上牛油再燒啲鮮味出哂黎，記得飲埋啲汁！之後再散左D SUSHI三文魚 $38兩件好厚切的三文魚，肥而不膩😍油甘魚$48兩件肥美的油甘魚😍，真心抵食！帆立貝$68帆立貝幾好大粒同有鮮味，好抵食火灸左口魚邊$68推介！入口即熔的左口魚！鰻魚 $76鰻魚都算厚切，但可以再長D大條Ｄ,醬汁幾多，飯細細夠，一口食晒。刺身盛 $268帆立貝

荃灣開左一幢新大廈百悦坊，大部分都為食市。係樓下收到宣傳單張。睇到意間福丸日本料理，就去食啦。餐廳環境好大，設有卡位，座位舒服。首先叫左枝豆送麒麟啤，啤一啤！再叫左蟹籽沙律作前菜估不到意首都有A4和牛刺身，價錢$368不算平，但肉味濃，肉質嫩滑。配上洋蔥蒜片一齊食，別有一番風味。A5和牛厚燒，用上粉紅喜馬拉岩鹽。咸味剛好，和牛肉味濃多汁。鮪祭汁吞拿魚面頰，味道帶甜味，但能保留魚肉嫩滑不錯。天氣凍還點有壽喜窩，份量大。

抱住且看看的態度去試😌，無諗到荃灣都有咁有feel 的浜燒食堂，一入到去已經有驚喜😍。由裝潢幾個大魚缸喺正大門口，壽司吧料理台新鮮食材排疊，座位餐具都比人一種好舒服的和食堂的感覺🇯🇵。 一坐低店員就即刻做介紹，為搵食兵團推介左燒龍蝦🙆🏻‍♀️，本來以為會好貴，但完全係意料之外因爲咁大隻龍蝦都係$298😍😍！而且燒過龍蝦味特別香濃，加上特別用了龍蝦膏醬做配汁，爽口彈牙的龍蝦肉完全無得輸👍👍👍！果然值得推介！ 第2樣要講的是隊長B一見到就心心眼的拖羅腩刺身😻😻😻😻！呢度最好既地方係$98一大件，唔使同人分，一邊自私食一邊覺得好奢侈😝⋯連切都唔切一大舊放入口，果種溶在口中的滿足感真係難以言喻🤪⋯淨係知一個字：正！ 跟住就係燒明太子，之前覺得呢樣得個咸字無特別，但呢度整得特別好😋，唔會太咸但燒香味香濃。牛油果軟蟹卷餡料算多，而且軟蟹好脆，值得一讚🤗！ 到左重點浜燒時間，先來兩隻甲羅燒🦀，一隻黃金一隻海膽，黃金蔥香味好突出，特別能夠吊出蟹膏鮮味😽，海膽就真係食海膽咁，雖然搶左蟹膏陣味，但依然咁吸引🤤～ 浜燒拼盤都幾豐富，全部好新鮮😎，燒既時候仲識郁住，睇住佢熟個過程都幾治癒🤣～

水產浜燒餐廳近年係香港開始多，估唔到近近地荃灣都有間. 百悅坊我都係第一次黎黎到餐廳幾大，裝潢日式，包箱坐得都好舒適. menu 選擇都幾多，一班人決定先share 一個二人餐再散叫幾樣. 二人餐包前菜，主食甜品共8道前菜3款都幾惹味，從左至右分別係醬醃蒜，芥末八爪魚，炒銀魚乾. 之後每人有一大碗胡麻豆腐salad。salad dressing 較偏好酸甜黑醋dressing set 包油甘魚，帶子，牡丹蝦，鮟鱇魚肝及一款時令魚各兩份. 其中比較喜歡油甘魚，油脂豐富甘香，肉質爽口紮實. 帶子都幾厚肉鮮甜. 鮟鱇魚肝絕對係另一個驚喜，入口軟滑，滋味與法國鵝肝亦不遜色，卻無任何腥味，伴上少許柚子香末帶淡淡柚子清香更去除肥膩的感覺. 平目，真鯛，時令壽司各二好少食呢幾款魚，都幾鮮甜天婦羅各一盤包2隻海老（炸蝦）同時令野菜3款. 碟子好有特色，連埋手挽幾靚. 炸衣都幾薄，但唔知係咪影耐左，食落無想像中咁脆. 天氣最近太凍，分辨唔到係吹凍左定佢煮定 orz 下次都係快快影張食左先set 仲包左安格斯牛肉烏東兩碗，吸取左天婦羅教訓今次影左張就好快食😆所以影得麻麻. 牛肉大大片肉質軟腍牛肉味都幾香濃

朋友推介之下就去到荃灣《荃灣福丸水產》開咗冇幾耐嘅特色日式居酒屋。上到去，餐廳佔全層，門面七彩繽紛嘅顏色同埋標誌好吸引，入面嘅裝修格局就如置身在日本一樣，佈置成好強烈嘅日式感覺，枱椅都以木為主，而且環境好大，坐得好舒服。餐牌方面，有多款不同款式嘅食物同埋圖片引人入目，每一款食物都圖文並茂。壽司方面叫咗一份特上盛合壽司同埋三文魚壽司🍣。特上盛合有七件唔同款式嘅壽司，當中包括我最鍾意嘅海膽同埋拖羅壽司。海膽呈現橙黃色，鮮味無比，根本唔需要點Wasabi同埋豉油都一樣好食。三文魚壽司條紋非常平均，半肥瘦的，食落去新鮮彈牙。呢度出名爐端燒，每一台都有一個爐燒爐放在枱上，我哋就點了松葉蟹膏甲羅燒同埋牛油燒帆立貝。店員非常體貼幫我地燒埋。松葉蟹膏甲羅燒賣相非常吸引，入面有好多蟹膏同埋蟹肉，加埋鶴春蛋、蟹籽同埋蔥粒撈埋一齊食，啖啖新鮮嘅蟹味道，非常惹味。鐵板燒龍蝦賣相精美，蝦頭好大隻，入面全部都係蝦膏，而且龍蝦肉配以新鮮嘅龍蝦汁一齊煮，爽口而彈牙的口感，好快就食晒。之後再叫咗清酒煮蜆、福丸炒野菜同埋鹿兒島赤雞翼，同樣地都非常新鮮好味。最後叫咗杯熱柚子蜜潤一潤喉嚨。最後兩個人都只係＄1300有找，每人

日式料理向來得到港人歡心， 而近年興起的浜燒食法更是讓人津津樂道， 生猛海鮮放在爐上即撈即燒， 將海產貝類那份獨有的鮮味完全地呈現了出來。 最近筆者就和友人來到荃灣一間新近開業的日式水產專門店， 再次回味那份色香味俱全的享受。小店位於荃灣百悅坊之內，一出電梯已見到大大幅日系壁畫裝飾， 天花亦掛上了一幅幅的日式掛布，滿有東洋味道， 單是門面的裝潢設計已顯出了店家的心思。店內以木系裝修為主調， 一旁放滿清酒的陳列櫃，一個個養滿鮮活海鮮的魚缸和壽司吧台， 一列列設計成包廂的舒適座位，全都很有日本味道， 加上地方大樓底高空間感強，抽風亦做得很好， 完全沒有半點油煙味道，讓客人能在濃厚的日本色彩下， 寧静舒服的品嚐日式鮮味。這裡的食材大部份由日本直送到港，海産生猛的在魚缸內游來游去， 保證新鮮；除了水產供應外，其他的食物種類也有很多，壽司刺身、 炸物鍋物也有供應，有些更是外邊比少見的， 就如今次我們的頭盤白子壽司， 一般只會在較高檔地道的日本料理才會見得到， 驚喜的在這店也可以吃到，當然先點來一客試下。 白子其實即是鱈魚的精子，聽落有點核突，頗考膽量， 但其實味道和口感都頗不錯，入口如豆腐般軟滑

最近浜燒店越開越多，連荃灣也進駐了一間！住在附近的朋友發現，二話不說就來了吃！先點了個前菜：芥末八爪魚份量不少，芥末的辣度也調得剛剛好。甲羅燒：滿滿的蟹膏加入蟹子、蔥花、蟹肉及一隻鵪春蛋，伴勻再燒熱，味道非常濃郁，蟹子添上了爽脆口感。刺身拼盤水準不錯，屬新鮮貨色。燒什菌金菇香口，水份仍然保留住。主角浜燒海鮮，等得比較耐，點了過個拼盤，包括鮑魚、帶子、蜆、生蠔。帶子極鮮甜和彈牙，非常好吃！鮑魚上桌時仍在抖動，很生猛。生蝦個頭大，隻隻飽滿，不錯！

荃灣區，原以為無乜地方可特別啲慶祝生日，因為朋友喜歡日本餐，上網主力搜荃灣區日本餐，就搵到呢度咯... 一開𨋢門，就覺得已到咗日本，入面成條海鮮街咁，側邊嘅卡座都好靚... 需然已訂位，但由於已坐到9成滿，我哋無得揀近魚缸日式卡座，店員安排我哋入房坐，靜靜地都好，啱我哋聚舊傾計～刺身併盤樣樣新鮮，海膽、大赤背、蝦刺身尤其突出～汁煮龍蝦，原隻上檯，非常吸引，味道仲好鮮甜...天婦羅雜錦好美味～薄燒A4和牛，啱晒我朋友，佢勁鍾意香蒜～燒蟹蓋，用料豐富，蟹膏、飛魚子、蟹肉、蛋混和一齊，燒起嚟香噴噴～汁煮吞拿魚面頰，第一次咁樣食法，食落質地有啲似牛肉～😆生蠔粒粒鮮甜～燒明太子，我至愛～送酒一流嘅雞泡魚干，超香口，又夠淋～

（福丸特製沙律）沙律嚟講都幾抵食，因為竟然有咁多魚生响裡面，我食到嘅有左口魚，三文魚同一啲貝類．加上三文魚子嘅魚油，真係令人好好胃口！（辣海鮮卷）包住魚生嘅飯卷，但係最特別就係個汁！辣辣哋咁，又係另人非常開胃（福丸濱燒盛合）有手掌咁大嘅蠔， 飽魚，帆立貝同埋刀貝。唔使擔心唔知燒幾耐，因為全程都有店員代勞，佢哋仲會幫你加埋清酒同海鮮汁幫你調味。燒出嚟啱啱好，係僅僅熟，果種鮮味真係唔講得笑。亦證明呢度啲海鮮係好新鮮！　（努力烹調中）　（手掌咁大隻既帶子）（和牛炒飯）充滿牛油香嘅炒飯，飯炒得幾乾身，飯粒分明，牛粒可能因為已經逼出咗油份，所以有好濃牛肉味同脆口．（熱柚子蜜）天氣開始凍，叫咗柚子蜜潤下喉細妹就叫左杯白桃梳打，兩杯都幾好飲～

約左中學同學食飯 咁廢事出咁遠啦 見荃灣都開左間食新嘅日本野食磯燒水產 又唔駛專登出市區等餐懞 就book左依間福丸水產啦～去到之後店員安排左我地坐房😳 不過係同人share嘅 我覺得可能坐出面啲卡位仲好feel d😂一坐底店員就幫我地落野飲 好有日本居酒屋feel啊👍先嚟一個福丸特製和牛他他沙律 足料之餘仲有咁岩我好想食嘅他他 啲食材都好新鮮 讚👍跟住就入正題食磯燒啦！唔知係咪坐左房所以冇爐 冇得睇住佢係面前燒 不過職員都好好 燒之前特登拎入嚟畀我地影相先😆個人覺得最好食就係黃金蟹膏甲羅燒其實調味唔重 我諗真係因爲新鮮所以先咁好食 讚👍最後仲有和牛壽喜燒 份量就唔多啦 不過一人試少少就剛剛好牛肉未至於入口即融 但都好香牛油味 性價比算唔錯啦

年近歲晚，約了閏密提早吃團年飯，為了避免中菜訂位困難，而且閨密也覺得破除傳統，吃日本菜團年也無妨，於就上網搜尋並選定福丸水產。餐廳位於荃灣荃新天地附近，由於新開張只幾個月，室內裝修簇新明亮。店面面積頗大，設有很多厢座，私隐度甚高。門口位置設有一列魚缸和海鮮陳列櫃，供人客選擇游水海鮮和飛機運到的日本魚類和海鮮。由於我們很肚餓，就先下單吃蒲燒鰻魚。鰻魚被輕輕掃上鰻魚燒汁，甘香肥美，轉瞬間已被我們吃光。之後當然要食刺身和浜燒喇！刺身盛合包括有牡丹蝦、赤貝、海膽、深海池魚、左口魚、油甘魚、拖羅……等。魚生非常新鮮，厚切大大件，真正可以享受到滿口魚香。牡丹蝦，赤貝都亦非常鮮甜，侍應服務非常殷勤，不斷添茶換碟，吃罷牡丹蝦肉後，還建議可將蝦頭拿回厨房油炸，令我們二度享受牡丹蝦頭的甘腴。浜燒盛合有帆立貝、鮑魚、蛤和生蠔。全程都不用我們動手，侍應會放海鮮在枱邊烤爐上，適量加上清酒或海鮮汁調味，先燒帆立貝，再燒蛤、鮑魚，最後才燒生蠔。巨型帆立貝，侍應很細心地先燒好薄薄的帆立貝裙邊給我們品嚐，再加上海鮮汁慢慢燒好帆立貝肉， 之後再切成小塊上碟，一隻帆立貝居然可以切出八件，認真夠份量。其實食完刺身和浜燒已經飽

一月之星5人生日飯，今次去食日本菜，近年香港興起浜燒店，浜燒，即撈即燒，保證新鮮，自己動手燒海鮮，好似幾好玩，大家都好有興趣，友人提議去福丸水產，一至贊成呀。 店子十分寬敞，踏進門口有大魚缸、刺身凍櫃，擺放各類海鮮，像個漁市場，木櫃上陳列了多款日本酒，內堂佈置了和風布簾、日本掛畫、燈籠及擺飾，裝潢甚有和風之感，闊絡的卡位，感覺舒適同時有私人空間，暖色的燈光，感覺好warm。 我們5人本身是坐卡位，但因一些安排下，店員問能不能調到另一個位置，為免大家難做便應承了。 被調到的位置，是一間大房子，裝潢感覺清雅，木櫃及梳化有家的感覺。 這個位子也是舒適，但不好的是不能擺爐，冇得自己燒海鮮，要店員燒好才送過來，冇得玩呀，只好安慰自己人地燒會好手勢點XD。 MENU。 三款小食，魚干、大蒜味噌漬及魚湯啫喱，是廚師答謝我們調位送的小食，thank~賣相十分精緻。魚干、大蒜味噌漬味道不俗。 魚湯啫喱，外表好似玄餅，水滴狀，晶瑩剔透，口感滑溜，有少許鮮味，味道不俗呀。 蟹籽沙律，$38，味道清新。 龍蝦，時價，$298，霸氣十足的賣相，龍蝦肉，口感彈牙，味道鮮甜，幾好味呀。 鹿兒島