福丸水產 鉄板燒 日本料理 (已結業)

放工有人約食飯，朋友就話荃灣等， 荃灣出名多嘢食，好期待。朋友就介紹食日本嘢， 日本嘢一定好安全， 朋友就話間嘢係新開，我就話其實開咗一段時間，不過一直都未試過。今次同朋友嚟，我哋主要食海鮮，我哋就選擇咗燒海鮮。燒蠔，燒花甲王，燒厚原隻帶子同燒飽魚。 三樣都各有特色，先講隻蠔，職員介紹日本空運到港， 蠔身都幾厚肉，最重要，最重要 ，最重要，係仲有一陣陣嘅海水味，鹹中帶甜，入口又夠口感。 至於花甲王，我自己覺得都係清酒煮，比較好食，因為食落仲有少少沙，令到口感差咗。 燒鮑魚都幾新鮮，睇住佢嚟杜，仲會動下，可惜自己遇唔到時間，如果燒到啱啱熟，應該更好食。燒原隻帶子，性價比十足，成隻都食得。下次再來，係時候試下啲日本空運到港嘅刺身， 不過就要搵多啲人，如果唔係唔夠抵。

因食生日飯，所以預早book台，到達後我們安排到一個橫裝舒服房間內，意外驚喜，不過房內就不可以睇住服務員燒海鮮了！當然必叫燒海鮮：鮑魚： 嫩口加了少少胡椒，新鮮而不帶腥味花甲：大大隻加入少少清酒，不乾身帶點酒的味道。元貝：老公不停話燒得好正，重點是不乾身，不帶腥味。蠔是最遜色的一款，可能我比較喜歡生蠔同焗蠔，燒蠔的味道同質感是怪怪的。另外加左蟹膏，老公唔鐘意食，竟然都話好好食，大家可以一試。蝦天婦羅🍤小朋友最喜歡！質素不錯，配個素烏冬，一流！軟殼蟹卷同寺司都是平衡的菜式，不過老公覺得貴左少少。

當其中一個好朋友係住屯門，而自己住喺長沙灣嘅時候，要約出嚟食飯其實都唔容易，特別係我哋兩個最近工作都好忙碌。但為咗出嚟見吓面，好啦，一人行一半，一於去荃灣西鐵站嗰邊食好西今次餐廳係朋友揀嘅，佢一早訂好咗位，同餐廳嗰邊講budget around $1500，叫師傅揸主意，最緊要食材新鮮又好食，全靠我朋友，我先知道原來香港都可以有咁好質素嘅Kaiseki(懷石料理)我朋友話，你呢度食懷石料理嘅話，最低收費其實＄800都可以，不過既然同姊妹食，當然要食好少少啦一去到餐廳，覺得門面好用心佈置，入面座位亦十分舒適，一坐低服務員就好貼心咁為你奉上熱茶，因為我哋一早揀咗食懷石料理，服務員亦會先問下你有咩唔鍾意食，或者食物敏感，非常貼心其實除咗懷石料理，walk in嘅話，都有好多唔同種類嘅食物，二人餐$688，水產、燒烤食物、酒水等等，選擇都有好多同服務員交流左一陣之後，好快就有得食野食了，首先係前菜，服務員好貼心咁逐樣食物介紹俾你知，又會建議食嘅先後次序，服務用心亦有禮首先食嘅係酒煮海螺，雖然呢個係熟食，但依然食到海水同埋螺嘅鮮甜，第一樣嘢食已經好有驚喜，跟住食嘅就係右上角嘅海綿蛋，佢入面係有蝦

近年多了不少主攻浜燒的食店, 今次我就來到位於荃灣的福丸水產食晚飯. 先來一個牛油果軟殼蟹卷. 軟殼蟹唔會太乾身, 與牛油果幾夾, 中和油膩感覺. 福丸浜燒盛盒 , 當中包括蠔, 蜆, 帆立貝和鮑魚. 店員會幫客人燒海鮮. 先食蜆和帆立貝. 帆立貝幾大隻, 幾鮮味. 再來鮑魚和蠔. 鮑魚夠彈牙, 完全不覺得乾和硬身. 銀鱈魚西京. 我自己鍾意食銀鱈魚. 色澤雪白, 魚肉夠嫩滑, 非常好味. 壽喜燒. 當個鍋滾起後, 可以放入牛肉和蛋. 牛肉夠嫩滑. 而個湯甜甜地特別好飲. 還有大量的蔬菜和金菇, 可以中和之前所食的海鮮和肉. 最後就是甜品, 點了福來丸. 賣相夠精緻. 椰子，抹茶和黃糖三款口味蕨餅，山葵，紅豆和雲呢拿三款口味雪糕和柏餅。這個甜品, 可以一口氣試個款式, 啱晒三心兩意的我. 山葵味的雪糕我係算次食, 感覺幾特別. 而蕨餅甜度適中. 食埋這個甜品, 真係完美又豐富的一餐.

補祝白色情人節，想食好食嘅日本菜！朋友介紹話呢度食物好食環境優美，估唔到真係咁好食！地點喺西鐵站附近全層，位置都比較多！下次一班人食飯可以來呢度！未食之前先嘆過冰啤酒，辛苦左一日可以飲一杯冰凍嘅啤酒真係特別爽！第一道菜係前菜，佢嘅擺盤非常之精緻，見到隻好細嘅蟹，忍唔住幫佢哋影咗輯寫真。前菜有菠菜、黑豆、蝦、蟹、蛋糕！事實上呢個蛋糕係魚肉同雞蛋造成，口感有少少似蛋糕，非常濃烈嘅蛋香！值得睇多蝦非常之彈牙，原來就係店舖入面水族箱嘅蝦新鮮蝦！而呢隻咁世嘅蟹，竟然有好多膏！我最期待嘅刺身終於到啦！包括深海池魚、螢光魷魚、拖羅、粒貝同埋池魚！我很喜愛佢嘅深海池魚，非常鮮甜，佢將深海池魚薄切，爽口彈牙，食得出非常之新鮮！師傅仲俾咗個醋我地配合，效果好fresh！我認為拖羅係刺身之王，每次食到充滿油脂嘅拖羅都覺得非常滿足，師傅將呢塊咁靚嘅拖羅厚切，放入口真係覺得口腔懷孕！第一次食螢光魷魚，佢同其他魷魚相比，味道更加鮮甜！粒貝超級爽口！毛蟹茄子！師傅真係好識配搭，毛蟹嘅味道鮮甜，茄子本來就冇乜味，將海鮮嘅鮮甜味煮成汁汁，將精華索左落個茄子度，超級好食！師傅好細心將蟹肉拆開，而且將毛蟹嘅蟹膏融入蟹肉中，

日本料理@荃灣門口有隻船，整到好有日本 feel！因為我哋飲 sake，所以侍應俾咗啲 sake 杯我哋揀呢大盤杯都好靚！最後揀咗呢隻「富士山」咁樣嘅杯Sake 嘅米味好香，易入口300ml 都夠我哋飲足成餐，哈哈前菜整得小巧精緻最左嘅左口魚魚肝啫喱個面有啲似水墨畫唔止樣子清雅，味道都係較清淡爽彈，要食先跟住就係最右嘅伊達卷，係一種厚身帶點甜味嘅捲蛋係日本過年會食嘅嘢嚟～蛋漿加咗海膽同蝦，果然真係好「伊達」（即係好豪華）廚師推介嘅 Menu 有唔少選擇啲魚仲可以揀浜燒、刺身或者兩食我哋就點咗鱸魚刺身同剝皮魚一樣都係點酸汁食，幾有新鮮感刺身拼盤有金目鯛、深海池魚同拖羅深海池魚非常新鮮爽甜！拖羅刺身油脂豐胰脂肪紋理好似雪花咁！活鰻魚白燒嘅賣相好靚朋友話啲花瓣好似水波聽佢講完都覺得詩情畫意咗，哈哈白燒係唔落佐料就咁燒完全食到新鮮鰻魚原汁原味嘅鮮味！一定要點！油甘魚魚腩汁煮嘅調味唔錯魚腩嘅肉質結實，一啲腥味都無天婦羅好特別，係花竹蝦同冰菜天婦羅！花竹蝦好大隻好長，仲有膏添冰菜天婦羅都好食鮑魚 $68 一隻，新鮮到仲識郁侍應幫我哋燒好，唔駛驚唔識燒，哈哈兩隻都好厚肉侍應會剪好哂俾我哋食黃金蟹膏甲

以往想食刺身，浜燒都係出尖沙咀或銅鑼灣最近荃灣都開左間，係openrice仲見到好多食評，於是放假就同男朋友去食啦😋😋刺身有好多選擇我地揀左龍蝦，赤貝，活北寄貝，牡丹蝦，響螺龍蝦：味道比較淡，冇乜特別赤貝：好新鮮，值得一試活北寄貝：平時食北寄貝都係熟GE，呢個真係第一次食，好鮮甜，有驚喜呀牡丹蝦：肥美響螺：鮮甜爽口，我最愛❤️食完刺身就梗係食浜燒啦揀左呢個黃金蟹膏甲羅燒仲有魷魚筒同埋元貝，不過唔記得影相😅黃金蟹膏甲羅燒：蟹膏味道都幾濃，不過份量略嫌細左少少元貝好鮮甜魷魚筒就不過不失啦最後仲有order左d熱食，冇乜特別總括黎講...d刺身好高質，值得一試而浜燒的總類唔多，價錢都係偏貴侍應服務態度良好，值得一讚👍🏻👍🏻

中學同學即將結婚，婚前相約同佢食返餐飯，慶祝一下。雖然食過燒海鮮無幾耐，但既然佢鍾意，就拾命陪君子，揀咗荃灣的居酒屋，因為佢真係超鍾意食海鮮。 唔講唔知，原來响街市入邊，開咗間咁地道而且咁大嘅居酒屋，地方寬敞，而且座位好多。 首先黎左個餐前小食，有醃蒜頭、魚仔乾和蛋捲，這蛋捲好特別，甜中帶咸，雖為咸點，但入口感覺又同平時食開嘅甜品咁。 點咗個八點盛盒，有8種刺身，分別係油金魚、金目鯛、左口邊魚、活赤貝、八爪魚、深海池魚、海膽、拖羅、牡丹蝦，顏色配搭好鮮艷，件件都新鮮又肥美。 尤其海膽，入口鮮美無比，拖羅入口即溶。八爪魚點上其自家製酸汁，切成一絲絲，入口有點爽韌，過足口癮。 大然後黎咗個福丸浜燒盛盒，海鮮一大盤咁上，扇貝成隻手掌咁大，仲有大馬刀貝、生蠔、鮑魚，多點有一個甲羅燒。新鮮的海產從來都不需要很多花巧的功夫去調味，所以店員係我地面前燒嘅時候，只係簡單加上左一啲清酒，用酒香去帶出海鮮的甜味。扇貝肉後又鮮甜，生蠔新鮮，馬刀貝爽口，鮑魚肉厚又彈牙，。燒白鱔燒得皮脆肉嫩，甲羅燒係朋友至愛，蟹蓋上面有滿滿的蟹膏，入面有鵪鶉蛋同埋蟹子，所以燒好之後撈埋一齊食，係邪惡至極的美味。如果再配上一塊

今日兩個女人仔去食浜燒，當然唔會大魚大肉啦，所以我哋揀咗份福丸浜燒盛合，清清地全海鮮😊 所有嘅海鮮都好鮮甜。鮑魚放上枱嘅時候，佢仲郁緊㗎，證明佢真係新鮮上枱😙我哋仲另外叫多左份松葉蟹膏甲羅燒，蟹膏燒得好香噴噴，質感creamy ，味道亦有帶甘甜，總算不錯☺️店內嘅服務員態度亦好好，抵讚👍🏻

逛完荃新天地，表姐說想食日本料理，我就帶她來我想食很久的福丸水產開餐。餐廳好寬敞，卡位超寬闊。點了以下：六點合盛的刺身壽司好新鮮。帆立貝清甜，海膽燒甜鮮，三文魚和吞拿魚都不錯。鮪祭﹣﹣汁煮吞拿魚面頰吞拿魚面頰超嫩滑！軟腍腍的。燒物類點了以下：松葉蟹膏甲羅燒：入口清甜味鮮！黃金蟹膏甲羅燒：入口甘香，蟹膏味超濃烈誘人！什錦天婦羅：最愛食天婦羅大蝦，蝦肉鮮甜，但外層的脆皮鬆香脆口。美人蠔：味道充滿海水的微微咸鮮，鮮味十足。福丸特製沙律：口感多重、多層次。有三文魚的鮮味，三文魚籽的咸香，海葡萄的粒粒卜卜清脆。飲品點了：麒麟生啤和熱柚子蜜。

上次老公生日帶左佢去食日本野, 今次輪到我啦, 佢帶我黎荃灣食好野一出lift, 就見到大大個搶眼佈景板, 因為3月, 連餐廳內都用左櫻花黎佈置, 有心思餐廳內佈置都係日風, 掛滿小燈籠 &櫻花座位係大卡位, 兩個人坐得好舒服入黎時仲見到好大個魚虹, 每款海產都好生猛原來係帶我黎食浜燒枱面都放左個浜燒既爐具同埋好多調味料食物種類好多, 我地諗好除左想食浜燒外, 都想食刺身, 天婦羅等 先黎個前菜三點, 綠豆味豆腐, 彈牙墨魚粒, 魚乾,墊住魚仔既原來係白飯魚干, 非常香脆刺身拼盤, 包括立魚, 深海池魚, 金目鯛, 墨魚, 八爪魚, 牡丹蝦, 拖羅, 每款都係厚切, 賣相滿分新鮮度十足, 刺身油脂甘香, 特別鍾意金目鯛 &拖羅,金目鯛係比較矜貴的魚,色澤鮮紅, 一眼就認得出, 口感鮮甜爽脆拖羅色澤粉嫩, 佈滿油花, 入口即溶, 一試難忘我地食完個刺身後, 無食到牡丹蝦蝦頭, 侍應話可以叫師傅炸左佢, 令我地非常驚喜炸後非常香脆可口, 瞬間變成另一道佐酒小食, 不過食時要小心刮到咀汁煮油甘魚腩, 賣相美觀, 配時令春菜&日本大根蘿蔔魚腩入曬味, 煮後油脂更豐富溢出, 魚肉嫩滑唔鞋口, 而

之前有朋友介紹呢間喺荃灣嘅日本餐廳，一直都好想試！我地全家都鍾意食日本嘢，但平時衹會貪近，去食x氣壽司。但佢哋嘅質素實在唔掂，埋單三個人都要五六百蚊！ 今次我哋去到福丸一行5人食咗好多唔同類型同埋平時食唔到嘅嘢都係千多D！啲魚生好新鮮， 試咗一個蕃薯豬，一客銀雪魚， 一客壽喜燒 ，雞泡魚乾，牛油果軟殼蟹卷， 最最最正係海膽壽司，正到要再encore,仲有經理介紹嘅黃金蟹蓋，原本我哋想一人叫一客，點知經理叫我哋叫小啲，因為可以試下其他嘢食，同埋驚我哋食唔曬！佢地D員工好nice,最後仲送雪糕比我地食！大滿足！ 坐嘅地方好舒服，唔會好近隔離枱，同埋佢哋可以包房㗎，仲有如果你坐近窗邊，個view幾靚㗎! 我下次決定唔帶個仔去,如果係咁食法，食窮我呀！

好朋友係外國番嚟，當然要帶佢食好嘢啦之前聽人講，呢間係荃灣嘅日本浜燒性價比好高叫我有機會可以嚟食！咁啱朋友仔番香港，就一於帶佢哋嚟豪一豪啦餐廳位處係百悅坊11樓，由荃灣地鐵站行過嚟都有少少腳程！不過為咗食好嘢，冇計啦環境寬敞，一上到嚟已經勁有日本居酒屋感覺而佢地主要都係卡位為主，所以坐得幾舒服！先叫咗個小食唐楊雞軟骨$58！雞軟骨炸得好鬆脆，加埋少少檸檬汁落去，食落比較清香，送酒食一流之後係鰻魚壽司$38，好欣賞佢會係鰻魚面層再燒脆少少先上枱！除咗食落會微微帶暖外，亦都令到鰻魚變得外脆內軟好食！嚟到福丸水產，當然要叫佢地嘅皇牌甲羅燒同帆立貝啦睇相都知道佢地新鮮！如果驚自己燒得唔好，可以學我咁！請店員幫手燒我先請店員幫我燒甲羅燒$88，佢會先將鵪鶉蛋倒喺蟹蓋上面，之後再瘋狂攪攪攪！直到佢開始收水同乾身，咁就食得啦食落蟹膏味濃郁，每一啖都係蟹嘅精華，朋友都大讚好食之後就到大大隻嘅帆立貝$88啦，連埋牛油一齊燒，食落更滋味朋友話想食和牛，既然都話豪一次，就豪盡啲嘛！哈哈呢塊A4和牛$428 入口甘香鬆化，而且牛味濃郁🐮上碟時仲特登係下面開個火，等佢可以keep住熱🔥味道唔錯兩個咁耐無見，真係