秋香 (黃金海岸商場) (已結業)

叫左4個餐全部都好好食兩個丼飯都好足料，食到底仲有刺身串燒set都好惹味，有肉之如又有秋葵同菠蘿不過就要加個珍珠米飯($15)先夠飽，個人覺得唔太抵，因為本餐個串燒set都偏貴壽喜燒牛肉烏冬分開上唔會浸到淋曬，可以跟個人喜好控制面既軟硬黎開黃金海岸可以黎試

算係遠道而來 想試下黃金海岸出名的餐廳結果網上搵到依間好評果然無失望！😍平日下午非繁忙時間入黎人流不多當然要試下Signature 煲仔飯滑蛋蒲燒鰻魚煲仔飯不得不提滑蛋超好味有種入口即溶的感覺飯底是用珍珠米煮很喜歡飯粒口感 好煙韌😆仲有微微飯焦而且份量都頗大 岩哂2-3個人share鹽燒厚切上等豚肉串牛舌芯串串燒都吾差 吾會覺得好油膩肉質ok, Juicy, 不會覺得好乾在炎炎夏日嘆番杯柚子青檸梳打清甜的感覺 爽！😍

住新界既朋友成日都話秋香好好食，今次去到屯門當然要try try😝. 我地揀左黃金海岸分店,附近環境好好仲可以坐outdoor. 食物都幾好質,唔怪得知朋友對佢咁高評語啦.串燒種類唔算好多,都係D大路野.免治雞肉棒好出色,外皮仲燒到好脆!其他串燒不過不失咁.成餐飯我最鍾意佢既煲仔飯,鰻魚烤得好soft,又入味.最緊要佢超多飯焦!另外仲叫左個地雞釜飯, 一樣咁正..♦ 免治雞肉棒 ˚$45♦ 鰻魚煲仔飯 ˚ $178♦ 脆炸墨魚咀 ˚ $78

叫普通午市套餐烏冬都要等40分鐘都未到遲過我哋入嚟嘅其他人都已經送到曬食緊野！過分！明明個場都唔係坐滿人，都唔洗等咁耐掛？烏冬呢啲熱一熱淥一淥啫，有另一枱客仲慘，等左一個鐘都未到，開聲鬧人話個職員次次催單都話出緊嚟，出左成個鐘都未出到。

秘制蒜辣牛粒煲仔飯 ($178)首先賣相非常之吸引好惹味嘅醬汁牛柳粒配左大量洋蔥絲香菇絲份量多到一個人根本食唔晒值得試吓...另外叫咗個一人前串燒盛 ($146)有齊秋葵 大啡菇 菠蘿 豬肉 牛肉 雞中翼非常豐富但就味道普通除咗秋葵比較入味之外其他串燒嘅味道都淡左啲期望下次去幫襯有進步啦

之前試過康景花園分店，感覺唔錯。今次嚟到黃金海岸，想坐户外，再次選擇咗秋香 @toautumn88 店員介紹辣汁蕃茄煮大蜆，威士忌燒蠔。辣汁蕃茄煮大蜆-雖然食得出蜆並唔係好新鮮。不過湯汁夠濃，夠辣搭救。威士忌燒蠔- 將蠔燒熱個殻 成半熟蠔先上枱，職員再噴上10年威士忌，儀式咁重🪄但食落去冇酒香，蠔亦無新鮮嘅感覺，唔推薦呢個菜式🥲白鱔煲仔飯- 作為店家的招牌菜，本來期望高。鱔唔夠香口脆身，味道亦較淡。不過欣賞事先將魚骨盡量挑走，客人進食較方便🥢小食🧆雞泡魚乾-比起其他日式餐廳燒得較軟熟，同埋係熱辣辣🔥可以配搭梅酒🥃或者啤酒🍻羊架同燒牛舌-火喉掌握得好，唔會燒到黑晒，味道可口😋餐廳裝修氛圍不錯，可能因為坐户外，更加寧靜，可以慢慢小酌🥂店內服務態度和藹🕴🏻NICE

友人話去黃金海岸食煲仔飯，心想山長水又遠去食中菜？看到店內的裝修，有點像芭堤亞，但菜牌卻是日式料理。去到，當然要叫白鱔煲仔飯，有人可能覺得略貴，但全煲有四分一條白鱔，啖啖充滿油脂的鱔肉，有新鮮鱔那種回甘，確是叫人回味 😋另外，又order 了和牛煲仔飯，內有辣椒絲，辛辣味加和牛，沖淡了那份油膩的感覺。而最驚就是每款煲仔飯亦襯有日本蛋，與飯溝埋一起，蛋汁都足夠撈飯。當然除了煲仔飯，這裡仲有不同的定食，而今次因為太飽，所以只是多叫了串燒一人前，雖然我地都是Share 來吃，但百多蚊既餐，有5串串燒，有湯有前菜，其實都係不錯的選擇。

適逢感染數字回落，今日陽光普照，天清氣朗，就搭車去黃金海岸行個圈，順便食餐好既！見好多食評都推介白鱔煲仔飯，而且每日限量，所以一早就決定點呢款啦！呢個絕對係我暫時食過最好食既白鱔！鱔皮焦香脆口。部份肉質彈牙，部分就軟腍，一D腥味都冇。煲仔飯同平時食開既中式落豉油唔同，呢款飯底本身已經有調味，亦食到飯焦，可謂各有千秋。串燒就中規中矩。秋葵、冬菇、雞翼同菠蘿都幾好食，反而波棒豬同牛粒較硬同韌。另外，午市套餐可以用HK$25優惠價加購特飲一杯。一場黎到，見D飲品名都幾吸引，一於叫番兩杯黎飲下！飲品係橙紅漸變色，望落去好靚，好似黎明咁，上面放左一片橙。飲落去係雜果賓治既味道，酸酸甜甜，清新開胃！呢杯就味道甘甜，飲落去有蘋果蓉，清新可口！

🍽 秋香 (黃金海岸商場) 📍地址: 屯門青山公路1號黃金海岸商場地下32號舖💰只供參考💰人均$100-$200😋Chill住食日式晚餐 有indoor同outdoor揀 我地揀左outdoor氣氛好d又有風吹下 黎到食串燒又有煲仔飯 fushion 野🤣叫左兩個煲仔飯 都係唔常見 廟街搵唔到的 鰻魚煲仔飯 一大條 個煲仔飯有飯蕉出色白鱔煲仔飯 意料之外地好食 最出色係個芝空波波同薯仔 炸物勁好食 個芝空波係可以拉絲仲要出煙 好正🤧煲仔飯無落到鼓油好似淡左少少 搞到有少少失色🤏 野食份量唔多 好味指數: 4/5性價比: 3.5/5 （平點會更好）環境: 3.5/5

好耐無食 秋香To Autumn去開黃金海岸商場就試下佢新分店嘅午餐果頭有唔少餐廳選擇很多好有渡假feel但黃店應該得呢間今次無叫佢嘅招牌煲仔飯就揀咗壽喜燒牛肉鍋同埋一人串燒set再加一串心舌芯食物質素及價錢都屬中上輕輕鬆鬆食住chill為自己營造美好的一日#黃店#日式串燒#屯門#黃金海岸#秋香#裙姐屯門推介#裙姐的生活良消

黎明來到🍹 和自家製桂花雪梨蜜🍐黎明來到是由不同果汁溝埋的味道 酸酸甜甜 而且漸變顏色讓人看着很舒服☺️ 自家製桂花雪梨蜜🍐冬天喝着很滋潤 而且不會過甜 非常好喝😽牛肉壽喜燒配烏冬牛肉份量很多 而且不會鞋 配以大量蔬菜🥬 菇類、腐皮和生雞蛋 🥚 還有滿滿的蔥花 真的很好吃！ 烏冬用上讚岐烏冬非常彈牙 隨餐附送醃茄子🍆 和麵豉湯 🍲 非常有誠意！白鱔煲仔飯 這真的非常驚艷！白鱔非常厚身、嫩滑 用上珍珠米 還有一顆生的雞蛋🥚 這個配搭根本怎樣都好吃！隨餐附送麵豉湯和醃蘿蔔😽還額外點了一個串燒拼盤🍢裏面有雞翼、牛肉粒、豬腩肉、香菇、秋葵、菠蘿🍍 全都是即叫即燒 配以少許孜然粉 食材新鮮 好吃！總括而言 食物質素無懈可擊 價錢合理 餐廳環境寬敞、寧靜💕 店員服務殷勤 不厭其煩地為我們加水 😽😽 也提供足夠時間讓我們這些有選擇困難症的食客慢慢挑選食物 他們也隨時準備好跟客人閑聊🤣🤣 讓客人有家的感覺🧸 老闆 要等我考到車牌呀！！

聖誕節嚟到黃金海岸，氣氛好好🥰喺秋香留左電話，周圍行下影下相好快就有位。一行四人唔算好餓，於是叫左二人餐，另外再散叫，份量剛剛好。刺身夠新鮮，鮮味十足。炸雞配嘅醬有微微辣味，夠惹味串燒肉同蔬菜比例一半半，食件菠蘿解下膩天氣凍飲返杯桂花蜜可以暖下身之前食過另一間分店，最難忘都係白鱔煲仔飯，飯焦正！個餐就大致係咁多喇。仲有呢碟好啱口味嘅雜菜，同埋炒烏冬。餐廳氣氛，食物質素同服務都好好，值得再嚟。而且仲可以消費亦可換免費泊車

Boxing Day下昼去咗黃金海岸，12點左右唔洗排隊，但食食吓開始多人。餐廳細細哋，但坐得好舒服，唔會覺得迫，仲可以揀坐室外。侍應有同我哋推介唔同嘅食物，態度殷勤。滑蛋蒲燒鰻魚煲仔飯 $178鰻魚好好味，但略嫌個飯淡咗少少，建議飯同鰻魚一齊食。有少量飯焦，不錯。雞蛋稱唔上係滑蛋，但味道好香一人前串燒盛 $118有秋葵、大啡菇、菠蘿、波棒豬、牛粒同雞中翼。有炭燒味，菠蘿、波棒豬同雞中翼都好好味，但牛有少少韌。仲可以加$15配日本珍珠飯，適合不同飯量人士需求雞皮餃子 $72超級好味！咬落去勁多汁，又熱辣辣，正。仲配備沙律醬同鯖魚汁，點唔點都好味薔薇檸檬紅茶 $25 （配餐）玫瑰同檸檬味平衡得啱啱好，飲完仲可以添熱水飲多杯

之前秋香未開分店既時候，已經聽朋友介紹過呢間鋪😋，主要係食 fusion 菜。聽聞煲仔飯就一定唔可以錯過👍🏻👍🏻，但係真係未試過係酒樓/大排檔以外既地方食煲仔飯🤣🤣今次三個人食就叫左個晚餐二人前同散叫左啲小食🥰🥰秋香晚餐二人前前菜 - 日式漬物拼盤漬物係醃蘿蔔、醃黃蘿蔔同蒜頭，兩隻蘿蔔都比較普通，因為平時食韓國菜都一定有得食，酸酸地都幾岩做個開胃菜👍🏻。但係最有驚喜既就係個蒜頭😲！第一眼望落去好明顯係一粒粒既生蒜頭黎🤢，平時唔食蒜頭既我一見到就已經好抗拒，但係朋友試完話完全冇蒜頭味🤔所以我又膽粗粗走去試下先😤一食入口，好爽脆，的確係一啲蒜頭味都冇，只係食到醃料既味道，成個味道好得意🤣。刺身三點盛 - 牡丹蝦，鮮帶子，三文魚籽醬油漬一睇就知啲刺身好新鮮😍😍。帶子勁大粒又非常之鮮甜，一啖放入口勁滿足☺️☺️，得兩粒真係唔夠喉🥲🥲。牡丹蝦好大隻勁新鮮，連個蝦頭都好多膏可以食埋😋。而三文魚籽就粒粒都好脆口好juicy🥰🥰。炸物（四選二） - 唐揚雞件配自家橋村汁，日式吉列牡蠣雞件同牡蠣都各有四件，唐揚雞件炸得好好食，炸皮完全唔厚，又唔會炸到乾身曬👍🏻👍🏻，咬入去啲雞肉仲好嫩滑😍，雖然係炸雞，但係完

🔸 壽喜燒生牛肉千葛絲配珍珠飯 $128🔸 一人前串燒盛 $118🍒點評時間入到去店員好細心走黎向我地介紹菜式係lunch time時間都有呢個服務非常貼心👍🏻最後經店員介紹後就叫左呢兩個餐壽喜燒餐食落先發覺係勁大份量🤣因為入面有千葛絲仲有碗珍珠飯千葛絲類似芋絲咁 不過口感就煙韌qq地幾得意🤤比起粉絲更容易夾 冇咁易斷👍🏻牛肉好有肉味 絕對唔係平時快餐店火鍋質素串燒盛有牛柳粒、燒菠蘿、大啡菇、雞翼、豬肉串同秋葵相反串燒盛嘅份量比較少 只有配味噌湯同牛蒡白飯/冷麵 要額外再加$38我地覺得唔算太抵所以都冇加多份飯好味指數😋：⭐️⭐️⭐️⭐️抵食指數😛：⭐️⭐️⭐️ 服務指數⚜️：⭐️⭐️⭐️⭐️⭐️環境指數🧽：⭐️⭐️⭐️⭐️