稻八日式火鍋炸物放題 (已結業)

Last week for a dinner date with my girlfriend, we picked up this restaurant for its high score and good reputation in OpenRice. Probably it's because of weekday 6:30 pm, not yet the peak hour, so we could easily get a seat. This is all-you-can-eat style restaurant. Usually,  this kind is not a good place for a dinner date as the space is usually crowded but not for this one, which shown in the picture - each table having sufficient space. 上星期放工同女朋友食飯，係openrice見到呢間餐廳評分頗高，加上可能是因為平日(6:30pm)，唔需要等位，

新年就到梗係要同朋友，聚餐回顧下一年大事，今次選擇了位於荃灣嘅稻八日式火鍋店。我們選擇了新春期間推出的M9和牛餐（$318+10%）湯底選擇了壽喜燒甜豉油湯，因為朋友們都不能吃辣，但如果能吃辣的朋友仔去可選擇地獄火岩湯，我見鄰近枱都吃得十分滋味，應該是個不錯的選擇。除了套餐內的食物，在餐桌以外設有自助區提供丸類、蔬菜、涼拌前菜和炸物給客人。當然少不了今餐放題的焦點，澳洲m9和牛，雖然切得非常薄,但牛肉鮮味依然十足，齒頰留香肥瘦適中，大約烹調十秒已經可以進食。除此之外依然有澳洲m6和牛拼盤，當中已經包括幾個不同部位，包括牛舌，三角藍等，亦十分值得大快朵頤一番。當然！還有一班侍應值得讚許，因為我們用餐是繁忙時段，見到食物的添加速度、落單後食物到枱的速度，可見員工之間的緊密合作。

玩味十足：好玩的稻八火鍋炸物放題喜歡這兒的放題，除了因爲位置之間有充足空間，不會被附近的食客影響，更因為好玩的自助炸物😄是的，你可以自選串物，沾炸醬，麵包糠，再油炸至自己心儀的焦香，個人非常推薦大家一試💕火鍋今次選了清新的蕃茄湯底，這兒的煲是淺底的，不怕找不到燙好的食物，非常貼心。海鮮餐有超大的帶子，貴妃蚌，蝦，小魷魚，蟹棒等等，還有任點的雞肉，牛肉和豬肉，胃口少的已經飽了😂海鮮都新鮮美味，而且非常肥美😋特別想提它有多種丸丸可自助任取，我想應該有十種或以上，芝心丸絕對是必試次選。甜品自助部分有多種雪米磁，士多啤梨是最好吃的，另外還有朱古力和紅豆綠茶，更有較少見的雪糕三文治，選擇困難的話不妨與朋友分來吃，便可以嘗盡所有味道😝下次再來，定要加錢選任點刺身，因看到旁邊的食客都是點了一碟又一碟的😛

今晚約左個fd去出食晚飯，因為之前都有朋友推薦過呢到，所以我地最後揀就簡左呢一間餐廳。朋友帶路，好快行到過去，而且呢間餐廳都幾近個地鐵站，加上人流多，所以都好容易搵到，好方便。行到入去之後，座位幾寬敞，都坐得舒服，而且餐廳唔算太過迫。然後落單，菜單上面款式都好多元化...我地又咩都想試下...因為望落都好吸引，所以搞到最後差D叫到食唔曬，哈哈。廣島吉列炸蠔：炸皮唔會好厚，金黃鬆脆！食落好惹味。燒雞翼：汁香肉味濃，外皮酥脆香口，雞肉鮮甜嫩滑，喜歡。厚切牛舌：呢個係堅厚，肉質豐口感極佳！好味！會再推薦其他朋友黎呢到的。

位於荃灣嘅稻八日式火鍋，個人真心覺得佢哋嘅水準唔錯呢度地方唔算好大，但係光猛、乾淨、企理，亦唔會覺得好迫夾，坐得幾舒服。佢地嘅放題價錢由佰幾蚊至三百零蚊不等，當然提供嘅食物會有唔同。呢度嘅特色之一，自助天婦羅放題，自己可以喺雪櫃揀自己鍾意嘅食物，加上炸漿同埋麵包糠，放入炸爐，炸起之後更可按自己喜好加上調味粉，無論味道同製作過程都係自己一手包辦，炸起熱辣辣，食起嚟特別滋味，有得玩又有得食都幾開心另外火鍋配料仲有幾十款包括蔬菜、菇菌類、丸類、響鈴同豆卜等任攞任食，另外仲有一啲日式前菜，例如螺肉、八爪魚、中華沙律，仲有飲品同雪糕，咁嘅價錢其實都真係幾抵食M9和牛餐318我哋今次揀咗個$318嘅M9和牛餐放題，價錢唔算太貴而且牛肉嘅質素相當唔錯。當中最好食梗係M9和牛牛小排啦，長條型，腍身，口感軟熟，和牛味突出，其他肥牛真係完全冇得比和牛盛盒𥚃面有牛舌、牛腩肉、牛下腹腩、牛肩胛肉同埋金錢𦟌，全部薄切，每款各有幾片，輕灼幾秒就食得，口感各有不同，但都好好食，好處係細細塊，食晒唔會太滯。另外仲有安格斯牛小排、豰飼牛，豚肉、雞肉、羊肉。海鮮盛盒同刺身，選擇多到食唔晒，食量大嘅朋友一定啱。

跟好友相約在荃灣海德街利達中心的稻八日式炸物晚飯。餐廳位於荃灣千色匯附近，位置算是非常就腳。一般放題餐廳會比較擠迫，但這間餐廳座位寬敞，坐得舒適!我們點$248的海鮮套餐，這個餐沒有牛和刺身的，所以想吃牛及刺身的朋友要點另一個餐。食物未來之前，可以出去自己夾菜、瓜、丸等等，飲品也是任飲的。海鮮拼盤很豐富，有蠔、象拔蚌、北寄貝、蝦等等。我最喜歡大大隻的北寄貝，好爽口呢!我們沒有加錢食牛和刺身，所以只點了豬片及羊肉片，薄薄一片，很美味! 而且不會很肥!自助夾的區也有很多食物選擇啊! 豬肉羊肉都很香，令人吃得很滿足。總括來說，這間餐廳環境舒服、食物選擇多且大眾化，位置也方便，很適合在荃灣千色店購物後，跟好友吃一頓豐富放題火鍋呢!

如果要揀一間荃灣日式火鍋店，我地首選稻八，位於德海街，7點半前埋單有8折，所以記得訂位。佢地分幾款套餐，同大部份呢類型火鍋放題一樣，有牛嘅套餐價錢係168蚊起，仲有高級D嘅安格斯牛小排/澳洲M6和牛/日本黑毛和牛，我地點左呢個每位318蚊嘅M9和牛套餐，牛肉控真係唔好錯過，價錢好合理，食得多真係乜都抵番哂，加上早場有折湯底好多款，我地揀左唔洗加錢嘅壽喜燒，唔會好鹹，甜甜地；加過兩次湯，都唔會愈來愈濃味，質素唔錯呢個套餐除左可以食到M9和牛牛小排，仲可以食到幾種牛肉：M6和牛盛盒、安格斯牛小排、殼飼牛、進口牛肉，款式夠哂多。M6和牛就唔洗講，店員直接上左兩盤俾我地，口感極腍，而且有牛香，值得試另外我覺得揀澳洲M6果個餐都已經好正，因為呢個盛盒都係任食，一盒有多種口感嘅牛，包括和牛舌、牛下腹肉、和牛胸肉、金錢展同牛肩胛肉，擺放整齊。呢盤肉一樣好高質，牛胸肉入口即溶；牛舌爽口；牛肩肉紋路平均，有嚼勁。金錢展肉味濃郁，追加左兩轉都好快上菜，而且質素無變，好正仲有手切牛，雖然偏瘦D，但肉香十足；另外進口牛純粹試下，都唔差嘅，當然喺和牛面前，自然被比下去啦。豚肉片香，唔會好肥；雞肉大件唔鞋口。牛柳

是日同朋友們相聚，呢間火鍋加放題係朋友仔介紹，主要食多款種類牛肉、海鮮拼盤、刺生等……原本聽起來並不吸引，因為相似類型餐廳多的是，但用餐後發現牛既款式真的比其他餐廳選擇多，而且價格合理，我們只用了三百多元便能夠吃到五款不同種類的牛、海鮮、花膠、刺身等……首先，到達的是M9和牛、M6和牛盒（包括金錢展、 牛肩胛肉、牛舌、牛下腹腩和牛胸口肉）、穀飼牛、牛小排、美國牛，共五款。M9和牛不得不試，我們重複數次點叫並且每次叫2份至4份，而M6和牛盒能夠一次過品嚐五個牛的不同位置。其次，豚肉片、雞肉片和海鮮拼盤。雞肉片和豚肉片都相當嫩滑，薄身的豚肉片不用等太耐便能夠吃，而海鮮拼盤有多款貝殼類、海蝦、鮮魷魚和蟹柳，除了以上海鮮外，還是花膠、鮮蝦滑、鮮墨魚滑可以向員工落單。然後，桌上有刺身紙提供給客人自行落單，款式也頗多，例如八爪魚、北寄貝、象拔蚌、油甘魚、帶子等……除了必食和牛和火鍋配料和刺身外，飲品和雪糕都是自取任食，性價比很高！

筆者家人上星期曾到訪這間「稻八日式火鍋炸物放題」，評價不俗。於是筆者便把今天下班後的飯局放在這間餐廳進行。一步出電梯口，筆者便被映入眼簾的事物驚艷了：一幅掛滿祈願木板的牆壁，還有頭頂上的櫻花佈置。沒想過在放題火鍋店會在如斯的情調玩意。因為抵達時間很早，火鍋店內客人並不多。正好讓筆者盡情參觀，大部份火鍋材料都是自取，另外還有沙律前菜、醬油區、甜點和飲品，當然不少得店內的賣點之一的自助天婦羅區。利用等候湯底滾起的時間，先到外面拿取各種漬物，不要令嘴巴無所事事。湯底選了平時少見的豆乳湯，湯底頗清甜，味噌味道較出，豆乳味不太明顯。肉類提供了豬、羊、雞三款，一開始店員會各項先上一盤，之後可自行追加。肉類整體尚算正常，只是羊肉會略帶羶味，像筆者不習慣那股羊羶味的人，就唯有淺嚐兩件作罷了。火鍋食材都相當多選擇，丸類菜類比例平均，亦算新鮮。店員亦會不停補充食材。當店員捧著這海鮮拼盤上來時，筆者和友人當下覺得這一餐相當超值了。（在此先帶一個頭盔：筆者對海產物種認識不多，如上圖有錯，歡迎各位指教。）海鮮拼盤內容豐富，共有10種海產，目測都頗新鮮。食材被置在冰盤中，不用怕放在枱上良久會變壞。帶子、扇貝的大小

今日約咗朋友喺荃灣度食飯，其實一直都想試呢一間火鍋店，咁啱同朋友講起，佢又話佢未食過，咁二話不說就大家一致認同去呢一間食啦，一早訂咗枱，所以上到去都唔需要等候👍🏻，入到去環境非常舒適及闊落，服務員非常有禮貌，今次我哋叫咗個稻八海鮮餐，湯底方面叫咗味增芝麻豆乳湯，味道剛剛好不會太鹹，肉類方面有豬肉，羊肉及雞肉，豬肉肉味濃郁，而羊肉及雞肉就不過不失，海鮮方面有蝦、蜆、帶子、青口及蠔等等......，以上海鮮全部都非常新鮮及爽口👍🏻，飲品、雪糕及甜品都有好多選擇，最特別嘅係佢有一個位俾你自己炸天婦羅🍤，連我朋友唔識煮嘢食嘅都炸得非常好食😂，其他配菜方面亦有好多選擇，整體來講值得一試

天氣keep住凍，成日都想打邊爐。今次同朋友去荃灣稻八，揀咗個海鮮餐火鍋放題每位$248加一服務費。揀完食邊個套餐，就揀湯底，我哋揀咗昆布湯底，肉類是任食的，視乎你揀邊一個套餐，基本上豬肉、羊肉、雞肉都是任食的。樓底好高，地方寬敞，沒有焗住油煙味。昆布湯底好快嚟到，我哋諗住食海鮮餐，所以揀個清啲嘅湯底，突出到海鮮的鮮甜味。海鮮拼盤隨即送上，見到咁大隻扇貝真係好有驚喜！仲有海蝦、赤貝、蜆、蠔、青口、魷魚等等。飲品櫃裏面有各式汽水果汁，仲有日本茶可以自助沖泡。自取食物包括有蔬菜類、丸類，還有日式小食、沙律等。甜品相對少一點，有雪糕糯米糍，和少量一口糕點，呢啲好快就畀人攞曬，要食就要快手。未打邊爐前先食啲日式小食，有我最喜歡的中華沙律和蒜味螺肉。 中華沙律沒有浸到出曬水，新鮮爽口，是我最喜歡的。蒜味螺肉，味道剛好不會太鹹，蒜蓉味夠香。先來任食的肉類，有兩碟雞肉，兩碟豬肉，和一碟羊肉。羊肉味道很鮮，食落夠嫩滑，沒有點豉油都覺得好好味！豬肉都超新鮮，食落好香豬肉味，通常肉類新鮮，就會食得特別鮮甜！不用調味料，有湯底浸過，都覺得好有味道。雞肉非常嫩滑，全部都是雞柳。雖然肉類任食，但品質控制得很好，

同一班同事食團年飯，去食放題！我哋揀咗298+1套餐，刺身海鮮任食！除咗可以打邊爐，仲有刺身，仲有一個好特別嘅自助炸物先講火鍋，我哋揀咗冬陰公同蕃茄湯底，兩個都好好食！ 蕃茄湯底比較清淡，但係冬陰公湯非常出色！嘢食方面其實都好多選擇，肉同埋海鮮就要同職員講，蔬菜、丸類就係自助形式刺身種類雖然唔算多，但係品質都幾好，而且嗌幾多有幾多～至於嗰個自助炸物我好鍾意！有一個雪櫃嘅嘢食俾你揀，然後就自己沾炸漿、麵包糠，自己攞去炸，好食！

又食打邊爐啦，到冬天唔知食咩時候，最好既選擇就係打邊爐😎今次食豪少少，享受呢次日本黑毛和牛放題宴☺️食食食牛宴餐廳一次過提供曬套裝包含既牛肉。首先和牛出場，有3個部分可以食，由瘦到肥，肉質不同，口感都有唔同層次。牛味十分濃郁，個一刻覺得今次係味蕾既昇華。除左和牛之外，仲會提供其他產地既牛肉。雖然味道上唔及得上和牛，但係比起之前去其他食牛既打邊爐，質素值得欣賞。當然除左牛肉，仲有豬肉同雞肉可以選擇，不過都係食牛抵食啲😂呢個套餐仲有附送和牛壽司和刺身😍和牛脂肪含量啱啱好，見到一條條脂肪花紋好靚，就可以預知到味道會有幾好味。服務員係燒之前會好貼心問下你，牛要幾成熟，會係你面前燒，即刻覺得成件事完美左😆和牛刺身更加係意外之喜，之前自己對牛刺身都有少少猶豫，驚會好重口味，當我見到一片片擺得靚靚既刺身，一於一試，試完絕不後悔✌️唔會話食到牛嘅酥味，因為入口即溶，實在太完美了😂如果再食多幾片會更好😂牛當然係重點啦，但係都要食下其他嘢。海鮮都係打邊爐必備，都有7樣可以食，呢款海鮮拼盤都係事先提供，唔需額外叫。出面仲有會其他菜式可以選擇，但係自己淨係食牛同海鮮已經好飽😂下次再戰

今日同朋友去完荃灣行山 之後就梗係要拆返餐勁㗎啦 盡情攝取大量卡路里 哈哈於是就揀咗去到位於千色廣場附近嘅呢間稻八 之前已經食過大埔分店 所以對荃灣分店都非常有信心 我哋揀咗$368嘅套餐食 可以任食a4黑毛和牛之餘 仲可以食低一級嘅m4澳洲和牛 A4黑毛和牛有三種唔同嘅部分可以食 個人最喜愛就係a4黑毛和牛三角腩 油花分佈極多 入口即溶而m4澳洲和牛 牛味覺較濃 同埋比較瘦 相對比較健康最特別係有每人一份嘅和牛刺身 油花分佈好靚 顏色紅潤 感覺新鮮 點埋酸汁一齊食 完全唔似食緊生肉除此之外 呢個價錢仲可以點埋刺身 有三文魚 帶子 油甘魚 甜蝦等等 全部都夠曬新鮮 鮮甜肥美仲有仲有 炸物放題 基本上係香港獨有 diy有得玩有得食 正

荃灣有好多好嘢食，有時候唔知想食咩又想食得豐富啲，都會揀一間任食！呢間牛肉打邊爐幾唔錯！咁多款牛肉覺得好食的有a4黑毛和牛肩肉，牛味香比較有嚼勁唔會油膩，另外牛眼肉上蓋都好唔錯，較爽身油脂方佈岩岩好，牛腩肉就稍嫌肥左少少。同場都有好多牛的位置選擇，唔似出面酒樓一條條的雪藏牛！除咗牛肉主打外，仲有海鮮魚生同好多其他材料打邊爐，唔怕淨係食肉食到好悶，魚生三文魚比較好其他都差少少唔夠新鮮，打邊爐的青口同螺仔夠新鮮唔會無味硬崩崩，係食材種類同品質來講，呢間任食可以一試！