稻八日式火鍋炸物放題 (已結業)

天氣凍緊係要打邊爐 前排想食壽喜燒 問下朋友有無介紹 一黎到就已經見到坐左好多人 無諗過平日都咁爆 好彩有訂位姐 要食就食好d既心態 叫左任食M9和牛餐 除左邊爐外 仲有炸物放題可以簡 有哂教學教你點樣炸 炸物就食得多 但好小可以自己炸 選擇都幾多 前菜中華沙律 芝麻八爪魚 螺肉都有 需要自助拿取 一開頭每款肉都會黎一份 而手切肉係唔可以免費追加 一枱淨係得一份 切得無咁薄較有口感 牛味都幾濃另外M9和牛切得夠哂薄 薄得黎又唔會散 打邊爐一流 食完一碟又一碟 完全食唔停下 仲有好多款唔同既肉 豬 牛 雞 羊都有 但都係M9和牛最好食 貴野係唔同點 海鮮因爲唔係好鐘意食 份量雖然岩岩好 一人一舊 但都食唔哂 另外仲可以向職員點 墨魚滑及花膠 連花膠都係無限追加 因為平日都幾多人食既關係 人手唔係幾夠 丸類及 蔬菜都好似打完風咁 比人拎哂 晏點 人流小左 就即刻見到職員補上新既材料 服務態度都好好 另外除左雪糕櫃既雪糕 每人仲有一杯貴價雪糕 有開心果 雲呢拿 士多啤梨同抹茶 好似都係每個牌子最好食 最受歡迎既味道 店家果然好貼心 識食

火鍋吃得多，但吃到如此優質和牛日式火鍋卻不多，因為窮隱如我本身非小資階級，平常經過超市看看和牛專櫃的價錢，就知道高攀不起。經朋友介紹下才發現這裏竟然可以三百頭的價錢「任吃」M9和牛！貧僧又如何不動色心呢？！老老實實，只吃第一round的食物，已飽了八九成！M9和牛拼盤有四個部位，各有千秋，當然以油花最盛的牛小排同肩胛肉最令人神魂顛倒，入口油脂爆發，甘香繞繞不散！再吃海鮮拼盤，牛與海鮮的鮮香混進湯中，這時是飲湯的好時機！！再來是刺身，是任點任吃的刺身！可惜已半飽，只是小試牛刀，每款小吃一兩件。基本上每樣都好新鮮，三文魚劍魚尤其肥美。無想過火鍋店的刺身亦如此高質， 驚喜！再來是DIY 炸物，生平第一次，幾好玩亦有滿足感。 完全不需要廚藝， 放下去炸一陣，拿上來， 我發覺自製炸物，水準好過出去畀錢人炸畀你食，而且是任食！重有！ 滄海遺珠之作，「 日式咖哩牛肉飯」， 非常有牛肉味，又霖又甘香。這個質素的咖哩，去第二度散叫真係夠膽收你一嚿水！好了， 從未試過任食只吃一round就夠皮收工，太多野食了！但還是以雪糕作結， 豆腐味雪糕坊間買少見少， 這裏竟然有得食而且味道夠濃又不太甜，一定要留肚食

已經係第5次以上黎幫襯喇！食物質素真係有保證！特別點名一讚牛柳粒！次次同老公黎食都話要encore 5,6次！因為牛味十足，又好有咬口，即係不會太老，太靱！（當然都要自己控製滾幾耐啦😂）第二點名讚！今次同朋友試左個舊d嘅set，點知牛嘅唔同部位都有得食！雖則侍應/店長係好有耐性講解，但我地都係唔識。只係食得出味道，口感係有分別！重點係，好有牛味！第三讚！唔好牛嘅朋友都唔需要失望～佢仲有好多海鮮，菜類任君選擇！今次呢個餐都包埋刺食，雖則唔係切得大大塊，但三文魚刺身都係好甜嫁！今次個湯底都係好surprise我地！同朋友嗌左個冬陰公，真係好足冬陰公料，唔係得d味精！所以keep住食咩都有陣冬陰公味！加埋嗌既海鮮，真係甜甜酸酸辣辣！諗番都肚餓🤭🤤從不令我失望我稻八，must eat again!

朋友推薦哩間既和牛，所以今晚突登黎試🎉叫左哩個M9和牛套餐，除左唔同和牛部位仲有海鮮盛合😍最貼心既係每個唔同部位都有標簽係上面，平時要加單都唔知點同店員講，稻八既貼心就令我地免卻哩個煩惱啦👍🏻個人最鍾意一定係M9和牛牛小排牛味極濃，油脂分佈平均，淥十秒就岩岩好❤除左牛之外當然有其他肉類滿足食肉獸🤓美國自然豚肉片、日本北海道雞片同羊肉個人最鍾意係豚肉片～配上我地自選既湯底北海道3.7牛乳牛骨湯鮮味出哂黎😍套餐包埋既海鮮盛合一啲都唔孤寒～最鍾意象拔蚌同帆立貝，好爽好鮮甜呀！刺身方面都有好多款選擇，不過我地得兩個人驚食唔哂，所以淨係揀左部份黎試，係厚切三文魚呀！甜蝦又大又鮮甜，北寄貝同象拔蚌都好新鮮，放題黎講真係好高質👍🏻最值得一提既係佢個天婦羅區，俾客人diy天婦羅，我自己就未試過啦，貼心既指示step by step 教你點整，選擇又多，日式甜薯同秋葵真係冇得輸💦仲有多款味粉選擇！海苔同味椒配落甜薯度非常惹味！環境方面比一般放題店寬敞開揚，唔會同隔離枱太近，店員都非常細心時不時加湯同執枱，下次要同多啲朋友黎試多啲選擇先得😬

話曬今日係白色情人節當然要食好西啦, 碌一碌網上食評，見呢間「稻八日式火鍋炸物放題」評價不俗，決定係OPENRICE 訂位先，因為怕放工人多無位。升降機門一打開,好似置身於日本神社內，大堂內有大量檜馬，屋頂仲有一些絲櫻花做裝飾，仲有掛滿祈願木板的牆壁!湯底有八款可以選擇，分別有：番茄湯，味噌芝麻豆乳湯，豬骨濃湯，鰹魚昆布湯，牛乳牛骨湯，壽喜燒甜醬油湯，地獄火岩湯，同埋沙嗲湯!而我哋揀左沙嗲湯底，超香花生同埋椰奶味!我地叫左個海鮮拼盤餐 (每位HKD248) 會有一盤海鮮拼盤, 羊，豬，雞，三款也可無限追加, 120分鐘放題仲有OPEN BAR 既食材都可以任拎!海鮮拼盤方面真係如圖所見有蝦，蟹棒，八爪魚串，青口，蠔，螺同扇貝等, 全部都好新鮮，好鐘意帶子、扇貝真係貨真價實大大隻而且係沒有蘸任何醬汁的情況下，入口非常鮮甜!好難忘呀，感覺上好回本!肉類提供了豬、羊、雞三款，羊肉有點羶味，雞好滑而豬就一般~OPEN BAR個邊有丸類菜類沙律仲有飯/公仔面提供,重點係有燒賣同餃子，而飲品方面有SOFT DRINK 之外仲有紅棗杞子茶好貼心呀~有得食仲有得玩，場內一大賣點就係自助天婦羅區，自行選

今日白色情人節另一半成日都想同我打邊爐咁就今日提議同佢打邊爐哄下佢開心啦～物以罕為貴嘛咁都話哂係慶祝節日嘛所以就決定揀食呢個M9和牛餐食盡佢啦湯底我地就揀左北海道3.7牛乳牛骨湯由頭食到落尾我地都覺得個湯底揀得好好我都無乜點過係醬汁區拎既醬汁呀已經好夠味拎野飲既時候店員已經好有效率咁set好張枱真係好豐富呀有哂menu上列出多款既牛（黑色器皿）、豬（紫色同綠色碟）、羊（桃紅色碟）、同雞（橙色碟）呢碟M6和牛更加列出哂唔同部位方便加單直接同店員講我中意既部位呢間既牛真係好出色任食店黎講質素真係超哂班非常有牛味好新鮮！！越食越多既時候個湯底煮d菜都有牛味帶到入去套餐包既仲有海鮮盛合好多款式同埋都好新鮮我最中意食蟹棒同蟹棒隔離連殼上既帶子非常鮮甜套餐仲可以比我地揀選刺身真係豐富到無朋友令我覺得非常抵三文魚一啲都唔孤寒！！切得好厚好新鮮甜甜蝦都比我想像中大隻得多！！！味道好鮮甜蝦味好濃而且口感豐富只係個殼同蝦腳有dd仲黏住但我一手就可以將佢地清除哈哈問題不大～天婦羅區係我最中意既區我第一次自己diy天婦羅好開心好好玩牆上有哂指示新手都唔怕我覺得最好味係日式甜薯我食左好多舊炸完仲有好多款粉灑落去

同朋友聚一聚 其中一位朋友提議去佢最近最鍾意既「稻八日式火鍋炸物放題」。環境充滿日本風味 頗有情調的原來朋友已經到齊 仲揀左$248 節日限定海鮮餐 一坐低已經可以食 揀左豬骨湯湯底，有芝麻而且夠濃味！節日限定海鮮餐 有三款肉類提供 豬，雞同羊 由於係火鍋薄切 所以好快就熟因為係放題 所以可以再追加火鍋配料同其他食材 可以自行係出面夾有丸 菜 豆腐 烏冬 等等 絕對不會令你失望重點當然係呢盤重量級海鮮數量同款式真的是很驚人包括有 蝦、青口、蚌、帶子、扇貝八爪魚、生蠔、螺、蟹棒仲有好小見到既 生北寄貝 包羅萬有！要食哂成盤 真係要花點時間最新奇得意既係 自製天婦羅 真係第一次見首先揀好你想要既食物 多款食物已預先吉定一串串 非常方便揀好之後 就可以係天婦羅脆漿到碌一碌 然後再碌上麵包糠再放入油到炸 旁邊有timer 職員有善有禮貌有需要佢地就即刻過黎幫手非常有成功感

又同肥仔打邊爐的時間，又想食海鮮，荃灣近我們放工，所以去左呢到。湯底: 蕃茄鍋海鮮拼盤套餐$248豬肉、羊肉、雞肉任添！！注意！呢個餐冇牛拼盤有廣島蠔，大蝦，蟶子，花甲，帆立貝，青口等等，全部都新鮮送上。食完都唔夠喉仲可以自己拎其他配菜及火鍋配料，有各款丸，新鮮蔬菜等等，保證你食到飽飽。重點黎了！係自己動手的天婦羅，可以自己整岀脆脆的天婦羅，仲有不同的調味粉如咖哩、七味、海苔，超級野味！你以為已經完？仲有雪糕三文治同多款雪米滋，最後仲有每人一杯哈根大師雪糕食，大滿足。飲品以罐裝汽水為主，其他收費有

今日係朋友生日想請佢食日式嘅shabu shabu上網揀咗呢間好評十足嘅稻八 星期四嘅夜晚去到人唔太多 但係客人都陸續入座好快就全場爆滿好在座位都非常多一入去門口有大量日式嘅許願牌 好似去到日本神社咁好有特色首先有本地手切牛肉 肉質軟淋 牛味濃沃 同和牛係另外一種食法期間限定嘅火炙和牛壽司 有專人喺你面前烹調 肥美 入口即溶嘅和牛片經過火槍嘅洗禮之後 極度好食日本黑毛和牛拼盤 有a4黑毛和牛三種唔同嘅部位 包括a4黑毛和牛肩肉，a4黑毛和牛三角腩同a4黑毛和牛肉眼上蓋 餐廳一啲都唔吝嗇 塊塊都大過我手板 而且油花分佈極靚 任叫唔嬲餐廳嘅任食雪糕用上坊間少見嘅意大利雪糕球 香滑而且味道多選擇另外仲可以點一人一杯嘅hargandize雪糕 非常有誠意

新年約左班朋友食飯，今次就決定試吓朋友之前都話唔錯嘅稻八，呢間係日式放題加火鍋，有幾個唔同價位嘅套餐俾我哋選擇，我哋今次就決定試下$318嘅套餐。今次我地就試下壽喜燒湯底，我哋一開始就叫咗M9牛肉同埋M6嘅牛盒，M6一盒裏面會有好多款牛唔同嘅部位，可以一次比你試曬咁多款，牛肉嘅部分我地主攻M9嘅牛肉，牛肉好好味，油脂分布好平均，每次加單我地都會加2分以上。一開始仲會黎個海鮮拼盤，種類都幾多有成七到八款，海鮮嘅部分都好新鮮 。海鍋仲豬肉片丶羊肉丶花膠丶鮮虾滑等仲有好多其他款，自助區仲有其他火鍋配料，一般黎講都十分唔錯。除左火鍋仲自助區，自助區仲分幾個部分，小食區丶炸物區丶飲料區丶甜品區。小食嘅部份主要係沙律同埋一啲日式小食為主，有中華沙律丶芝麻八爪魚丶蒜味螺肉丶蟹柳等。飲料佢嘅種類都算幾多。炸物區嘅選擇都好多，但係因為時間關係我哋就冇試到。甜品區就有一個雪糕櫃同埋幾款甜品。整體來講用餐都好滿意，都冇漏單嘅情況，服務員都幾友善。

今晚同朋友去咗稻八食打邊爐放題, 真心正佢有2間分店,分別係荃灣同大埔, 荃灣呢間地方好大,座位寬敞舒適, 係吹水嘅好地方。 坐底就可以揀鍋底先, 佢有8款味道, 如果要2款鍋底就要另外加錢, 咁我地揀咗沙嗲同番茄湯底🍅, 2個湯底都好夠濃, shabu shabu好滋味。 打邊爐調味料都好重要呢, 呢到嘅調料都算齊全,唔錯唔錯~揀咗套餐後會先嚟一輪食物, 即係你所揀嘅套餐入面包嘅野全部嚟一碟先, 個份量都幾多下, 如果有唔想食嘅記得同店員講唔好出,免得浪費 呢個海鮮盤賣相好靚, 啲海鮮都唔錯, 大大隻咁。 牛肉方面會有唔同嘅部位, 令我有驚喜嘅係居然有牛白肉呢啲特別部位, 食落好爽口,但煮嘅時候記得唔好煮咁耐10零秒就食得架啦 如果唔係就會過韌。 啲牛都好有牛味, 油花又均勻, 質素真係唔錯, 好適合食肉獸嚟 除咗套餐食物,仲有好多配料,蔬菜咁, 梗有一款啱你食。 而且擺得好整齊, 望落乾淨企理。 最後就要講本餐廳最特別嘅野:自助天婦羅炸物! 首先有個食物櫃擺咗好多不同嘅串串。揀咗想食嘅就可以去製作區,牆上已經有曬指示點樣上炸醬米糠同炸, 都唔識嘅可以搵店員幫忙 炸完後可以去調味料

與朋友在荃灣行完街後，順便食晚飯，有D想食日式火鍋放題，但友人是不吃牛的，竟然俾我搵到嚟間鋪有個豬牛羊海鮮餐lift門一打開,好似置身於日本神社內，大堂內有大量檜馬，屋頂仲有一些絲櫻花做裝飾，第一感覺已經超正湯底有八款可以選擇，分別有：番茄湯，味噌芝麻豆乳湯，豬骨濃湯，鰹魚昆布湯，牛乳牛骨湯，壽喜燒甜醬油湯，地獄火岩湯，同埋沙嗲湯有d都幾有特色，而我哋揀左豬骨湯底，豬骨味勁濃，拍得住拉麵店湯底海鮮拼盤有好多款海鮮，例如：蝦，蟹棒，八爪魚串，青口，蠔......而我覺得最犀利嘅係原隻帆立貝，同原隻北寄貝，從來沒有係香港見過原隻北寄貝，而原隻帆立貝亦超大隻，個殼大到我手掌咁上羊，中豬，下雞，三款也可任追加外面仲有其他配料同沙律任攞，款式眾多，林林種種仲有日式咖哩一定能夠填飽我個肚，咖哩內有少量牛肉以解我餐內無牛的不足最有趣的是可以自己的炸物自己炸，有埋教學，一步一步，你都可以成為炸物師傅啤酒清酒梅酒，只要加$30就可任飲！汽水款式亦相當多，保證有一款咁飲另外加$20仲可以有刺身任食，不過我哋見，食物種類已很多所以無加最後埋單前還可以一人揀一個Haagen-dazs/ Dreyer’s雪糕

朋友離港在即，所以相約三五知己食飯fall well 。其中一位朋友就推薦咗稻八嘅日式打邊爐 。有人出主意食飯就最好不過， 返慳咗搵餐廳食飯嘅功夫。今晚就去咗荃灣嘅分店 ，一入到去感覺十分光猛寬敞。我當然第一時間去自助吧睇下有咩食啦。疏菜選擇種類十分多，有唐生菜，西生菜，金菇，雞髀菇，各適其適。最得意嘅就係可以自製天婦羅。有好多配料選擇，例如蕃薯仔， 甜蝦，燒賣數之不盡。我咁大個人都係第一次自己整天婦羅食，感覺好親鮮。平時主要係揀唔同級數嘅牛肉由$168起跳，再，落就$208,$258,$368。但係今日我哋今日我地就選咗海鮮餐$248，如圖所示海鮮種類亦十分多，不得不提扇貝足足有成隻手掌咁大，比較少見嘅有赤貝。 除此之外仲有帆立貝，生蠔，海蝦諸如此類，大滿足。另外仲有好多配料提供例如貢丸，海膽丸，響鈴等等。仲有個日式咖哩飯添，一定食到你撐曬肚。湯底方面我哋就揀咗豬骨湯，入面有好多煮到好林嘅豬肉，索滿曬湯底食落肉質鬆軟件。另外豬肉雞肉可以任食。總括嚟講258蚊有咁多嘢食又有咁多嘢玩，性價比幾好。PS:酒精飲品價錢相宜，廿蚊大大杯生啤。梅酒清酒都係六十蚊一壼炸。

今日同朋友去荃灣行街，行到肚餓就去open rice睇下附近有咩好食啦，見呢間放題唔錯就去試下啦。一上到去見到好多牌掛左係度好特別。入去個時已經覺得啲座位既設計好特別，唔似得平時咁一行行。坐底之後我地揀左要海鮮餐同昆布湯底。基本有雞羊豬係任食既，羊豬都比較薄身好快就食得，最好食係雞，非常鮮嫩。海鮮方面，全部都新鮮，啲象拔蚌同帶子都好大舊，象拔蚌、螺同八爪魚都比較爽口彈牙。其他都係比較軟身易入口。作為前菜既螺肉同埋中華沙律係絕對不能忽視，好食過好多放題，令你食慾都大啲。有其他自助食物例如菜、丸類、午餐肉等等。最特別係有得自己炸天婦羅，有哂指示比你睇點整，真係又好玩又好食。炸出黎最新鮮熱辣，外脆內軟。隔離放左唔同既食物都可以攞去整，仲有唔同既調味粉，實有一款岩你口味。最後仲有雪糕食，嗌左朱古力同開心果味，好似仲有綠茶、芒果、曲奇等既味比你揀。飲品任飲，種類都算多，大眾化。

今日要試既係M9和牛餐, 聽講遲D 香港難見到M9牛而家要食多D先講醬料, 醬料係日式為主, 所以唔會見到沙爹醬等既野.間店既主要特色就係可以自己去炸野食, 好玩之外, 又有特色, 令客人容易記得此店,香港食咁耐好似得呢間有得自己炸野食.炸物都係格離, 基本上我覺得炸麻吉燒最好食, 本身已經香, 我地炸仲可以落唔同既調味粉,相當好食.講返牛先, 一陣食其他都飽,根本食唔到牛, 呢隻M9牛, 分別同其他牛都幾大, 明顯食得出,主要分別係, 其他牛整熟左之後未必食到好重味, 可能大家都會點醬食,但係M9牛係可以唔點任何野食, 都重肉味 有小小甜. 肉感當然都係軟身為主.M6反而分好晒位俾客人睇, 知道邊位打咩位. 但我覺得M9比較好食, 對比明顯,M6肉味無咁濃. 但口感一樣正. 牛白肉放入湯到10秒左右要食, 太耐會硬, 基本上呢個餐咩部位都有齊, 可以滿足唔同客,但係份量都算多, 所以可能試完都飽.牛粒反而係幾高質, 因為一食感覺口感好易咬同比較軟, 軟得黎又唔會難咬開佢,口感好好, 有D似日本和牛比較有小小入口即溶既感覺. 一定要試.湯底反而覺得有D淡.. 因為食過好多店, 比較之下