稻香訓練酒樓 (已結業)

呢間教院有茶市及晚市, 免茶芥加一, 見到套餐星期一至五仲有半價優惠四人餐 ($1280), 半價都係六百幾蚊, 四人食都OK啦 豐足燉靚湯 - 即係杏汁豬肺湯, 湯料見到有豬肺, 鷄腳同豬肉, 材料都幾豐富, 啖湯奶白色, 飲起上黎都幾香杏仁味, 唯味道有D咸!清蒸大閘蟹 - 每人一隻, 唔會期望會好大隻, 膏都有少許, 過下口癮吧了!清蒸龍躉仔 - 蒸得算唔錯, D肉唔會嚡口, 四個人食都足夠有餘!鮮沙薑霸王鷄 - 沙薑味唔算太出, 淋上醬油味道都可以, 鷄肉唔肥, 撕走鷄皮食健康D!濃湯野菌泡菜苗 - 菜苗其實係白菜仔, 加上野菌及湯濕濕地, 味道普通啦!惹味糯米飯 - 糯米飯口感唔會太糊口, 加入臘腸碎, 花生及蔥花, 要求唔太高都可以嘅!精美甜品 - 椰汁千層糕, 反而呢樣幾好食喎, 煙韌口感配上香濃椰汁, 又唔太甜, 好味!侍應唔多足夠, 反應一般, 條魚係最後先上枱, 仲要多番催促, 味道總評黎講一般, 回頭率偏低.............................

早幾日前朝早去火炭飲左個早茶，個名一樣叫稻香，不過就有d唔同，開茶叫左水仙，茶香之外重有d花味，好飲..點左幾個點心，燒賣咬落多汁，豬肉唔肥重食到啖啖蝦肉，唔錯！刺蝟造型既芋頭包，包仔幾軟熟，外型係得意既，紅色既蝦腸賣相同味道相當不錯，腸粉入口軟棉棉，裡面好多蝦，元貝餃就有d失色，賣相ok, 不過裡面無元貝既.. 除左呢樣整體都ok，不錯啊！

第一次食呢間稻香已係2年前了，當時在openrice 無意中發現的，當時只得2x。第一次食完，已訂埋第二次抬。母親節中午茶，特別節日，大部份都訂呢間。這餐廳係會員制，比$就可入會。晚飯飲茶免茶免加一，大時大節餐牌D價$和平時吾一樣。只剩低D大路野。要推薦下午飲茶，D野熱辣辣，吾會得個暖字。晚飯就難搞D，大時大節，D野好快賣晒，迫吃套餐。但好處容易訂枱，免茶免加一。午餐價錢大約$80/人晚餐價錢大約$120/人(冇貴海鮮)總括: 合格，中上程度。

返火炭同舊同事食午飯 ，一班人柴娃娃梗係飲茶啦。 去稻香就係不二之選。 裏面坐得舒服 ，枱同枱之間唔會放到逼夾夾， 久別回來， 水準依然叫咗個午市粉飯配小食 $108我哋揀咗香茜皮蛋肉鬆泡飯 +淮香豆腐個泡飯份量十足， 我略嫌香茜唔多夠，但都不錯。 淮香豆腐，外面香脆灑上淮鹽，裡面豆腐很嫩同好香豆味 。仲有一個比較特別嘅係滋味三小點$68, 揀咗叉燒，青瓜 ，蔥油支竹。 叉燒入味又唔硬。支竹切絲灑上葱油，心機之作。叫咗11個點心， 同埋上面三款嘢食， 個個食到飽飽 ，一人都係$70， 因為免收茶芥同加一呀

我地係星期六十一個人幫朋友慶祝生日一齊去既，book左位所以六點到就可以入座我地叫左8個餸梅菜蒸菜心（48蚊）：唔錯 唔算油，梅菜都唔算少蔬菜煲：有幾個魷魚圈，粉絲仲有娃娃菜，幾鮮菠蘿咕嚕肉（95蚊）： 本身諗住叫冰鎮咕嚕肉 係openrice見到既推介，但餐牌無搵到，叫左一個差唔多既，菠蘿咕嚕肉，95蚊份量很少，優點係有新鮮菠蘿，菠蘿同咕嚕肉係分開既，酸酸甜甜班南：其實岩岩送黎時都唔知係咩，一問原來班南，但係汁同班南係又係分開既，炸野我無試，同埋11個人都唔夠分，但fd話ok龍蝦芝士伊麵：很大碗 估計價錢唔平，但是龍蝦肉無咩wor，伊麵撈芝士點都好食架，無咩驚喜牛仔骨：鐵板牛仔骨唔錯，牛仔骨很腍，應該係五分熟，很夠味，尼個係我果晚最滿意既一個餸水煮魚：ok 辣度ok 無咩特別，但辣味全部都係辣油，辣椒最多 咁大一碗其實一半都係辣椒⋯⋯下面有芽菜 魚片唔算多炸豆腐：好似臭豆腐 但其實唔臭，用椒鹽同胡椒調味，岩岩送來熱辣辣咁食好香人均138，11個人8個餸擺明唔夠咁多女仔食啦，好彩有蛋糕同埋日本大草莓，餐廳唯一好處係提供碟同叉比我地，但總體覺得味道一般般，但價錢偏高，性價比不高，下次聚會

朋友提議去一試究竟。恰巧有朋友係會員，於是浩浩蕩蕩咁出發前往酒樓集合。由於自己身處偏遠地區，只好驅車登古原。本身諗住嗰度一定有位泊車，點知結果就係喺門口等左半個鐘幾經辛苦終於坐低！張枱夠大，唔會好迫。肚餓啦，諗住就叫個招牌燒鵝，話晒都一場黎到千山萬水！結果當然係即場拆招牌，賣晒！失望！好！改行食叉燒！除咗個盆特別d之外我真係唔知有咩長處，又唔係特別好食好，主菜我無話可說。。。味道無咩得唔好仲有期待已久嘅冰鎮咕嚕肉！屋企真係唔會整。我地一班朋友不約而同都擔心一樣野，就係究竟啲冰係用咩水整嘅。食完覺得，嘩，咁就$90？順帶一提，鮮菠蘿咕嚕肉要$95！仲有就係加單等咗成個鐘嘅軟殼蟹d豬爽肉實在太肥啦，可以落少d油囉入會有野送？我寧願揾入咗會嘅朋友下次？考慮下先啦！當然，最後係唔夠飽，只好開車揚長而去，食糖水

每次來這裡都要排長龍，這天是平日來到，特地避開了PEAK HOUR也等了15分鐘才能入座。自己覺得食物的確是不錯的，也有些GIMMICK個人十分欣賞這個椒鹽脆豆腐，炸粉夠薄，均勻地沾滿調味料能做到外脆內軟之餘，豆腐保持香滑，而且不會很油膩，也沒有熱氣的感覺，吸引人一粒又一粒地送進口裡貪得意點了這個玫瑰造型的南瓜包，以為徒有其表，誰知道味道也不錯呢！十分香甜但不膩這是媽媽喜歡的千絲蘿蔔酥，我自己本來不太喜歡這款點心的，因為以往吃過的都有種太油的感覺，很反胃，所以每次我都只會咬一口就算了。但結果這裡的蘿蔔酥很對我胃口，不會有太油的感覺，而且裡面的蘿蔔很清甜，最後讓我吃完一整個又貪得意叫了這個「自家花生朱古力」，不推薦，感覺很普通。

稻香訓練酒樓的長腳蟹最值得推薦：稻香訓練酒樓的長腳蟹最值得推薦！蟹腳拿來清蒸原汁原味，蟹身切件油炸保持鮮嫩滋味，而且收費非常合理約$160一斤免加工費，各位食家值得一試！

第一次去，已經令人失望，唔會有下次。 最後悔係做埋會員，比咗$300,雖然回贈$250, 但係根本唔會再去囉。 員工態度簡直好到『無朋友』，個個黑臉神上身，尤其是那位濃妝女部長，眼見原因係人手不足引起。 地方那麼大，竟然只得數名部長，難怪個個做『黑臉神』。訂枱嗰陣話要分時段，ok無問題(頭輪18:00 / 尾輪20:15), 訂尾輪。 到達時間21:00, 最後要20:40才能入座。 滿心歡喜去食，失望而歸 - 食物質素「勁差」。 --燒鵝 - 味道尚可接受，但多肥膏。 --冰鎮咕嚕肉勁差，怎能用冰壓底， 上枱後淋謝謝，肉霉，完全無脆皮感。 --菠蘿咕嚕肉，講明係新鮮菠蘿， 簡直。。。。不值一提。 --冰燒三層肉 - 嚡熠熠，只有一層嚡肉。 --淮山螺頭湯 - 完全係浸湯，浸到骨都化 埋，全無鮮甜味，味精湯都不如，差！！ --小炒皇 - 得過咸字，蝦乾淋。 --蒸魚 - 係全餐最正常嘅一味餸。點解食評猛話好？！ 上菜慢。。。。 錢洗咗唔緊要，最慘係唔好食仲要係食唔飽嘅一餐

對稻香印象都係火鍋特價時段，菜式與一般酒樓無異，服務個人應為差，朋友今晚帶我到火炭稻苗學員院，令我對稻香有了改觀，這家學院菜式與味道同外面稻香酒家完成不一樣，最不一的是只招待會員！呢味簡直咕嚕肉中之霸咕嚕肉外層香脆非常，內層香軟細嫩且酸汁恰當甜度適中，回味無窮醒胃有益前菜，陳醋有消脂作用，飯後食仲可以解肥膩生磨杏汁豬肺湯單看材料份量十足，湯水當然濃郁，陣陣杏香入口非常滋潤，養顏之餘不失補肺功效紅菜頭燴紅酒牛尾牛尾肉質軟腍吸收紅菜頭同洋蔥精華入口更惹味，配飯一流竹笙紅燒豆腐，用布包豆腐比較軟滑，竹笙吸收汁精華美味可口！4人用餐連加一都係$530 ，可以食到有別不同菜餚非常滿意

今日去見客，客人請我去這裡食晏，因為區內最descent就係呢一間酒樓，但係因為係攞會所牌經營，客人入咗會做會員才可以帶我來食，不過這兒比較嘈吵，我們兩人叫了：1. 蝦餃可以逐粒叫，味道唔錯。2. 棉花雞，味道都好，只是魚肚的質素稍嫌冇美心集團嗰啲咁靚，但係呢個價錢絕對可以接受。3. 叉燒腸粉，味道可以。客人說每位未折大約＄65左右。

聽聞火炭稻香幾好吃，所以就試試看🤔試過假期中午十二時後要等到2:00才有位，便放棄，今日適逢中秋節假期，估計多人出外旅遊，應該有位便去試試，果然比平時少人。服務人員態度親切禮貌，食品質素果然幾好，值得推薦😋

第一次到火炭酒樓自己買塊地起（我估）講返野食先叫左燒鵝200$半隻都大隻都幾好食但唔多肉通菜係成晚最好食既餸我食得最多蔥炒蟹我都係食佢隻手好多肉不過好似食素咁咕老肉好食但太少最後蒸魚腩好dry 但係熟服務員太少起碼100幾十人得3-4人幫手太慢如果肚餓可能有暈既危機

Stella已經兩年沒有到稻香吃晚飯，因為接受不到選擇A、B、C吃晚飯。因為家人的朋友有會員證，今年生日在稻香訓練酒樓吃晚飯，這款$90冰鎮咕嚕肉做得真好，脆漿皮很薄、香酥，冰鎮上枱沒有油膩感覺，我已經很久沒吃過有水準的咕嚕肉了！我選擇$368晚市組合：貴妃雞半隻、蒸蠔、濃湯浸菜苗。先吃貴妃雞，沒有太多肥膏，不錯！六隻大蠔，蠔肉爽、用香蒜蒸，出奇地好吃！濃湯浸菜苗，菇香芥菜苗嫩，好吃！$138芝士焗海蝦球伊麵，海蝦爽，芝士伊麵我沒吃，不置評。很敗筆的$78竹笙紅燒豆腐，只有三片竹笙紅燒豆腐，我不喜歡帶微酸的豆腐，傑撻撻的獻汁如漿糊，無下次。$88美極蔥爆牛柳粒配香酥腰果很可口免茶費和免加一五位承惠$762很抵食

稻香酒樓，集團經營，分店遍佈全港，一蚊雞更加令它聲名大噪，但位於火炭既呢間，全名「稻香訓練學校」，原來好多人都唔知它既存在，就算知有間咁既學校，都唔知原來可以飲茶食飯。它係火炭工業區果邊，好易認，因為外牆鋪上一大塊綠草皮，離遠望住走過去就唔會行錯路。呢間稻香學校酒樓，佔整幢物業地下果層，其餘係博物館、展覽廳，因為太夜到，已關門，下次早d去𥄫𥄫。講完一輪，究竟食物水準如何？🙄🙄1. 燒鴨 鴨質唔錯，肉地唔會淋，外皮燒到卜卜脆，啖啖肉之餘仲好juicy，加埋它既秘製醬汁，鹹鹹地之餘，好似落左冰糖甜甜地，好複雜但好味，同鴨鴨好配，令唔多好鴨肉既我都食多兩件😜。2. 脆皮炸子雞 每逢飲宴、食圍菜必有既項目，食到麻目哂，唔覺得會有驚喜。呢度都算做得幾好，可能因為即落order即煮既關係，上枱仲熱氣騰騰，好新鮮！雞肉當然嫩滑，而且係入味架，唔係淨係外皮有味而雞肉淡茂茂果隻，但始終唔係新鮮雞，不過相信除左屋企自家整，否則都好難會咁重本用新鮮雞，所以雞味都係有雪藏味，經過廚師既巧手弄一弄，即時好味咗，明白的。3. 蜜汁叉燒 呢個蜜汁味，有驚喜，通常瘦叉燒會硬骨骨，見圖都feel到它無肥膏，但係軟淋