竹八日本料理 (已結業)

果日亂打亂撞去左呢間餐廳, 在同一座大廈有好幾間日本餐廳, 不過竹八俾我覺得有d清簡, 好舒服, 入到去果然無錯, 佈置簡單清潔, waiter會拎住一塊是日精選既食物版一一好耐心咁解釋既客人知, 我都覺得好專業, 果晚點左食物版上時令既刺身, 土佐豆腐, 燒魚, 稻庭烏冬, 還有店員介紹既清酒, 食物相當滿意, 刺身好新鮮, 豆腐好滑, 烏冬好味, 清酒配合得很好

之前雜誌睇到話竹八有鵝肝釀雞翼,所以就決定同男友一齊去試下,兼且慶祝我地一齊左5個月^^ 未上去之前,我以為會好多人,所以預先打去book位,但係上到去之後又唔多見有人窩.... (我地book左7點) 今晚我地點左4樣野,包括吞拿魚腩卷,鵝肝釀雞翼,雜錦天婦羅同豆腐牛肉窩,雖然叫左4樣,但係超飽哩~~~ 哈哈,男友仲買左Godiva d Chocolate dipped Strawberry 比我食... 簡直係最好既甜品~!!!! 前菜(送的) -- 好味吞拿魚腩卷-- 好好味鵝肝釀雞翼-- 冇甚麼特別驚喜,d鵝肝太熟,不是太好食雜錦天婦羅-- 有魚啦,3隻蝦,2條豆同3-4件疏菜豆腐牛肉窩-- 好味,但其中有1-2件牛肉比較chewy我同男友都覺得呢到比較貴,唔係好抵食,同埋個menu唔夠多選擇, 試一次就夠lu~~~~

13-2-08 (三)Ｔ叫了二重飯，選三文魚親子飯和鳗魚飯，魚生新鮮，飯的質量也好，沙律新鲜，蒸蛋夠滑。另一銀鱈魚定食，銀鱈魚煎得皮脆香口，厚厚的一塊，份量合理，湯就一般。飯後的雪糕，試了一款杏仁咖啡雪糕，有粒粒香脆的杏仁，可惜咖啡味不夠濃。服務很好，難得是整間食店每位服務員都細心有禮。午膳提前結賬有八折比較抵食。

朋友介紹下情人節就去左竹八食飯. 當晚點左5樣:1) 麵豉焗蠔- 味度不錯2) 文化牛舌燒- 整晚最好食既一道菜, 未算得上好似個waitress 介紹咁"化", 但味道好好.3) 什錦魚生- Toro (中段?), 三文魚, 赤身, 帶子牡丹蝦等各兩片. 魚生算新鮮.. 但本身質數麻麻. 同一般大型壽司賣既魚生無大分別. 4) 什錦壽司- 手藝一般. 壽司飯捏得過份"實" 做唔到入口散開. 如果係一般日本料理餐廳黎講算合格. 但用咁既價錢.. 有點兒"名過其實".5) 牛肉橋麥麵- 和超市買回來煮的分別不大整體味道合格.. 但作為一間中高檔既日本料理餐廳. 壽司同魚生質素就差強人意. 整晚最值得推介只有文化牛舌燒.

看openrice食評的評價很高，今天去試試，要了一個二人套餐，食物真是太一般，全無驚喜。不過，服務的態度很好，值得一讚。因有很多好的日本料理可選擇，所以下次不會再去。

good taste, good service, order a dairy sashimi good!, sushi is OK, a clam miso soup is so

睇落好似口碑幾好咁,於是尋日去開銅鑼灣就去試下去呢度食lunch,個餐牌上都有唔少選擇,侍應招呼唔錯,睇左一輪餐牌,,好多個餐我都想食@@,卒之叫左個壽司天婦羅餐,壽司有五件,幾新鮮,仲有碟天婦羅同埋碗碎吞拿魚飯,味道幾好,心諗真係幾抵食,價錢唔貴款式都多,最後食埋個豆腐味雪糕,下次想試埋其他果D,以後又多一處食晏地方勒!

今日和友人在這兒吃lunch我叫了二重飯前菜係沙律，冇乜特別仲有個蒸旦，味道不錯，可以撈飯喎三文魚親子飯，新鮮，魚子好食呀吞拿魚碎味道都好不錯仲有湯同甜品係芝麻雪糕整個set都係一百蚊左右，都扺呀呢度唔係咁多人，但係唔明點解呀下次想再來=)

經同事推薦下,和朋友們去了銅鑼灣呢間日本餐食晚飯,侍應介紹了幾款魚生和熟食比我地,價錢都唔貴,牡丹蝦,拖羅,池魚同日本海膽都好新鮮,又試左剝皮魚,食落去都幾鮮甜,跟住係熟食,牛舌文化燒,個牛舌味道唔錯,好軟熟,燒蠔都好好味,好香口,個醬汁真係好正,仲有叫左個關東煮,清清地都ok,最後食埋個蟹糕煲仔飯,有侍應幫我地分埋,跟住食甜品,個法式燉蛋超正好滑,食完滿足哂,呢度D野食質素幾好,侍應有禮貌同親切,值得推介,我地下次都會再去~^^

這裡地方不大, 只有十多張枱及長長的sushi bar. 侍應對十多款的daily special 都有詳細的介紹. 可是有時服務就過份熱情, 經常在我和朋友傾計時插咀去介紹食物. 同埋這裡的待應口頭禪是\"唔好意思\". 開口埋口都係, 食物上桌都要講一次, 好假好煩.這裡的魚生非常新鮮, 頗有水準. Daily special 都有六款魚類選擇, 大部份都好特別, 在其他一般日本料理較少見.前菜送了牛肉沙律(我冇食)針魚: 肉質好爽, 口感唔錯.石恒魚: 魚油豐富, 魚味夠.平貝: 沒有一般貝類的鮮味, 但口感頗特別, 有點似食硬少少既大菜糕.鵝肝釀雞翼: 把雞翼起骨釀入鵝肝中, 配搭幾特別, 但味道似乎唔係好夾.燒茄子: 茄子好\"淋\"好鮮味, 唔錯.稻亭烏東: 烏東彈牙煙韌, 冇得彈!天婦羅: 炸得好脆, 炸粉唔厚, 又係讚!

24-8-07 (五) 午餐雜錦魚生飯定食配沙律、前菜、蒸蛋、湯烏冬。魚生很新鮮，蒸蛋材料不少和很滑，湯烏冬則覺得烏冬煮得過軟。二重飯定食(選了三文魚親子飯和汁燒牛肉飯)。這個定食也有沙律等等，所以份量不少，材料也很新鮮。飯後還有雪糕或茶，試了紅豆和綠茶雪糕，不錯。這裏雖然地方不大，但都舒適，重要的是服務細心，令人舒服。(例如訂位致電時，巳感受到對客人的有禮和熱誠，進食時想將熱騰騰的烏冬移近，侍應看見立即過來幫忙……)客人很多，最好預訂。如果可以12:45分前結賬，不但容易有位，還有八折優惠呢。P.S.價錢是八折計

前日同3個朋友係銅鑼灣搵野食, 諗住上壽x 廣啦.點知去到冇位不凸止仲俾果個侍應白鴿眼.嬲嬲地就睇下呢幢大廈有冇其他日本野食...係樓下睇到2樓呢間日本野就上去撞下睇下有冇位....好在有位如果冇都唔知有咁好既野食.一入去環境比較溫馨既裝修都OK啦..餐廳冷氣比較涷我地一坐低就已經有侍應問我地須唔須要披肩感覺好好...後來有侍應介紹今日有咩新鮮魚生....我就點左同聖子刺身秋刀魚, 原來秋刀魚可以生食嫁@.@估唔到生食既秋刀魚可以咁好味,個魚味好重好香...真係好味到唔知點形容haha~~聖子重味道好新鮮爽爽地,仲有食左海膽壽司好正呀.....後尾我又問返果個侍應有咩熟野好食, 佢就介紹左我地食牛舌文化燒,鵝肝雞翼, 嘩~~~個牛舌簡直好味到唔識點講我個朋友佢唔食牛舌,但佢都話好好味..牛舌個樣好似一塊牛扒咁既...面頭有d漿同埋d好脆既麵包糠食落去果時好似溶晒咁又好淋喎, 好好味呀. 跟住就食鵝肝雞翼...隻雞翼入面果d鵝肝岩岩好,又搶唔晒隻雞翼味, 配合得晒晒好...呢到仲有d其實其他日本餐都有既野,但都好好味...下次我一定會再黎嫁

心血來潮想試新日本餐廳，打開Openrice就search下銅鑼灣有4個哈哈笑的料理店。只看了兩間，就揀了竹八的食評細看。看了前兩食評更沒猶疑地打去訂位。接聽小姐很有禮，除詢問坐位喜好外，又解釋坐吧檯可以不用只點壽司。未到餐廳都感到服務質素OK。8時到達，吧檯有6位客人, 其他坐位只有三數檯客。女待應安排我們坐在另一對couple旁。聽到他們點了Sake，我地亦請女待應介紹了一瓶。$240 300ml好似貴了點，但偶爾一次亦無妨。肚子開始打鼓，眼前又有各種新鮮的海產, 餐牌也不想細看就點了兩件蛋壽司’充饑’。Do師父和朱仔師父開始詢問我們的起好，便悉心地介紹新鮮又合我們口味的魚類作壽司。先來了鱸魚, 深海池魚，Do師父就做了他介紹的秋刀魚，姐夫一向怕腥，都有點擔心秋刀魚作壽司會很腥。一條秋刀魚開4件壽司, Do師父配上少許薑蔥及酸汁，食落不會腥，魚肉有點滑同有口感, 姐夫都話好呢! 心思思想食眼前的大聖子，但又怕唔新鮮，便直接問Do師父。Do師父一點沒介意我們的唐突，更證明聖子仲好生猛(Do師父話即刻篤下未知囉!)。Do師父的親切招待，令我們放心地品嘗他介紹的各種魚壽司- 劍魚腩, 金

到銅鑼灣辦完點私事，响街周圍行就聽熱瓜。近近哋諗住去壽司廣，去到一如預料爆晒棚；再落樓下姊妹店天扶良，結果都係一樣，冇晒符。惟有再搭電梯落嚟呢度撞吓彩數。哈，卒之有得坐嘞....照舊坐sushi bar，雜錦壽司set實冇走雞...先來茶碗蒸。蛋頗滑，水準唔錯...壽司都係嗰D大路款式。料頗新鮮，特別係帶子及hamachi；飯揑得似模似樣，鬆而不過軟，wasabi份量亦剛好...雖則唔係由日本師傅主理，但睇得出功夫唔差...埋尾嚟碗烏冬，質地頗煙韌，不俗唯一要彈係上菜時唔記得俾沙律，要我食晒壽司後再提D waitress佢哋先醒水，美中不足...百一蚊，响CSB食日式壽司set lunch，算係咁la...

食物真係幾好,個2人餐，2個人食，食完之後好飽，我捻細食3個人都ok，鵝肝牛扒的鵝肝很大片，啲魚生好新鮮，連個前菜"焗蠔"都非常好味，好想食多幾隻，價錢需然唔係平但以食物質數及份量我覺得合理...店舖细 细..值得再幫親